Burgerman (欽州街) (已結業)

唔知大家有冇聽過，呢間外送漢堡店都起深水埗幾耐，以前有做開遊客/外國人生意，有疫情之後就多返啲本地客，雖然佢哋可以堂食但位置唔多，最好外賣返屋企慢慢嘆😚✌🏼佢哋鋪頭真係勁良心！之前已經食過好多次，今次就買咗薯條，只係$35 就大大份，完全唔孤寒！其實淨係食佢哋薯條都好滿足❤️ 但要留意最好外賣返屋企果陣開少少個蓋，否則五分鐘左右就好快淋，但如果通風嘅話就算一個鐘都仲脆！所以好睇你點拎🤣另外我都食過佢哋嘅漢堡，一樣超級正，個人最鍾意大啡菇漢堡同埋漁夫之堡🍔🍔🍔總結：❤️❤️❤️❤️❤️（滿分）

之前一直想食都冇機會食到，點知前段時間見到轉讓告示，馬上來食下，非常juicy嘅肉餅 用料夠足！麵包勁香！食完都覺得未夠喉！可惜要轉讓，希望係轉讓前可以再食多幾次啦！

平時食開大角嘴分店，感覺雖然價錢偏貴不過高質，試過不下10次，每次都非常滿足，經過深水埗見到有分店，諗住大家係Burgerman，餐牌又一樣，心諗應該差唔多質素，點知就中哂伏，點左最鐘意嘅至尊漢堡，望到個包個樣好淋已經心知不妙，平時係好香脆的，呢個就似麥當勞啲魚柳包咁又淋又偏，雖然入面啲料望落去一樣，但味道就完全吾得，首先煙肉吾脆，牛肉又吾juicy ，連啲薯條仲要吾好食。呢個價錢，真心吾會再試，希望可以積極改善，令質素保持一致。

放假就想食junk junk 地既food↖(^ω^)↗本身想去深水埗另一間burger 不過點幾去到竟然話3點先開😵最後就意外搵到Burgerman叫左兩個漢堡漁夫之堡🐟丹麥藍芝士漢堡🍔加$20可以轉餐有薯格/有皮薯條🍟/沙律🥗及汽水 漢堡唔算好大個不過麵包🥯烘到好香口👍🏻薯格份量都多薯條更加係海量😳咁加$20真係值得加兩個漢堡都好食藍芝士就岩重口味人士🤤題外話：可以堂食既位置不多 大概可以坐4個人不過店舖好貼心 係台面放了紙巾、酒精及手套👍🏻 ..#唯有食是最治癒的 .

 Burgerman好似曾經被評為十大漢堡，之前有見過youtuber推薦佢既burger，今次見黎開附近，就買個外賣翻去食。Burger即叫即製，大概有十款唔同既burger，當中仲有和牛burger、鵝肝burger揀🤩今次我就揀左個出面少見既藍 1⃣️丹麥藍芝士漢堡（$80）手打安格斯牛肉配上藍芝士同埋炒過既紅洋蔥、蕃茄、生菜，成個配搭都好新鮮🤩藍芝士味道好突出，係我認知既臭臭地既味道，未必個個食得慣😂絕對係一種味覺既衝擊。但係我自己就好鍾意，好特別！同一般既芝士唔同，藍芝士好濃味，配埋牛肉漢堡同其他配料，成個搭配超正～另外包係烘得幾脆身既，面頭仲有啲黑白芝麻，食落更加香😋  2⃣️炸薯格（升級套餐+$20） 升級套餐可以有埋薯條/薯格再加上汽水。薯格係出乎我意料之外既好食！即使係外賣，都仲係好脆。另外薯格上面有啲鹽調味，就咁食都已經好正🤤  好

每次想食漢堡，我會諗起呢間，因為佢哋係即叫即整和塊牛肉一定係手打的。我見經openrice訂購外賣自取有9折優惠，15分鐘後就可以攞了👏🏻👏🏻*丹麥藍芝士漢堡套餐 (HK$85.5，已9折)．丹麥藍芝士漢堡，香脆有皮薯條，忌廉一罐丹麥藍芝士漢堡．好大一個漢堡呀！．包體厚身，烤得脆口，甜甜哋的．喜歡鹹香味十足嘅半溶丹麥藍芝士．炒熟咗嘅甜紫洋蔥碎片．塊牛扒厚切，肉質不錯．牛扒下面有2片鮮甜多汁嘅番茄和爽脆生菜*香脆有皮薯條．厚切多薯肉，連皮炸嘅口感豐富啲㗎！．份量好多，仲配有2包番茄醬總結．飲埋罐冰凍忌廉真係好飽，好滿足，perfect池😋

星期六去左深水埗就試吓呢一間食burger嘅舖頭啦 可能因為太早(12:15)所以都冇人排隊啦 叫左嗰和牛burger 薯格 大概等咗吾洗十分鐘啦 老闆娘態度非常好嫁😌👍👍 由於冇得堂食所以就去咗公園食啦 不過點知咬咗第一啖 嗰burger好乾 冇肉汁 同埋好overcook 個包入邊有生菜同好少汁 不過個包係有驚喜嘅 因為仲好脆~~ 薯格都係正正常常 不過一啲鹽都冇 好淡真係要靠自己落勁多茄汁先得啦總括而言個burger真係唔係好掂啦 咁嘅價錢黎講我會話佢係中下水平啦 4/10

今日去咗接朋友收工，發覺原來佢公司樓下有呢一間漢堡包店好似都幾吸引，於是就同佢一齊食埋野先至再一齊行街啦！叫咗呢一度嘅招牌芝士漢堡，呢一度嘅芝士漢堡真係好好食，芝士味道非常之香濃，而且呢一度嘅牛肉亦都係好多汁，食得到好香濃嘅牛肉味道！

[ BURGERMNA BURGER 水牛城雞肉漢堡 ]巨份量的漢堡需等30分鐘，但我知道表姐愛漢堡，當然要一試！包括芝士，洋蔥和蘑菇，豐富的配料以蘑菇最為特岀，蘑菇大隻且十分Juicy！個人十分推介和喜歡！水牛城雞肉，表姐的較嫩身，我的有點過熟少硬身結實， 調味可以更濃一點， 但啖啖肉，也感到滿足。旁邊薯條依然美味，表姐有點不適，個人獨享也不感油膩。炸法與另此餐廳不一樣，很推介。SHOP: Burgerman 深水埗欽州街65-71號地下 大角咀埃華街95-97號地下

其實好食嘅hamburger係堅好食。好食嘅hamburger都係貴。呢間也是，但係好食👍，啲汁流出嚟嘅，份量又唔少，如果有milkshake就最好。同時，如果有得堂食更好，咁可以新鮮食。不過我今日買咗之後拎返屋企都唔錯👍。

平時放工經開深水埗欽州街呢間Burgerman，一直心思思想試下，今日心血來潮好想食個burger，就試下佢啦。 呢度嘅食物全部即叫即整，保證新鮮，但係就要比少少時間等。 呢度有好多款漢堡🍔，加$20 可以有皮薯條／田園沙律🥗及罐裝飲品。 今次揀咗個丹麥藍芝士漢堡，Blue cheese味道好獨特🧀，味道強烈又刺激，唔係個個可以接受，不過我自己就好鍾意呢個味道。呢度係用100%全天然美國安格斯牛肉及澳洲和牛，用原塊牛扒切出嚟製成漢堡扒，肉味香濃，又厚又juicy，個包又烘過，非常香脆。 有皮薯條又香又脆，加上七味粉，滋味無窮！ 外賣仲有埋手套，相當貼心。

朋友介紹深水埗近黃金商場有間手工漢堡包店Burgerman好好味，今次就去試下，我地6點去到，老闆話仲係下午茶時段，我地買兩個餐就有8隻雞翼送，好抵食。咁我地就叫左丹麥藍芝士漢堡同候斯頓漢堡，兩個都跟餐，餐有薯條，薯格同沙律可以選，我地就揀左薯條同薯格。首先講下丹麥藍芝士漢堡包，脆脆的漢堡包皮，上面灑滿黑白芝麻，好香脆，漢堡肉質好多肉汁，藍芝士咸咸地好好味，配上洋蔥及蕃茄，味道非常夾。候斯頓漢堡，除左漢堡肉外仲夾著一塊大煙肉，煙肉好脆好大塊，夾住一齊食，口感一流。另外薯條好粗，外脆內軟，薯格就好大塊，略嫌硬左少少。送的雞翼有8隻，好大隻，附送了辣醬及酸甜醬，兩種口味👍🏻

間中都會試試不同的漢堡包，喜歡不同店舖做漢堡都各有特色。在深水埗黃金商場對面，就有一間做漢堡的小店，買完東西就過去試試。這裏主要做外賣，有少量座位。食物除了漢堡，還有意粉和其他小食選擇，都是即叫即制的，所以要耐心等候。點了侯斯頓漢堡$75,加$20配套餐。漢堡的配料有美國安格斯牛肉漢堡、BBQ汁、煙肉和炸洋蔥絲。被它的BBQ汁吸引，因為平常吃漢堡大多數是芝士做配料，轉轉口味，卻一試愛上。BBQ汁的確很香濃，很惹味，鹹甜味道得宜，但又不會搶去牛肉漢堡的味道。厚厚的牛肉漢堡，以新鮮安格斯牛肉製成，口感鬆軟，肉汁多，熟度剛好不覺韌，牛肉味香，質素很不錯呢！麵包也烘得外脆内軟，外層的黑白芝麻增加香口感覺，夾著牛肉漢堡和惹味的BBQ汁，非常好吃！加上有炸洋蔥絲、煙肉，還有一片大蕃茄和洋蔥，令口感層次豐富，牛肉漢堡的軟滑多汁、蔬菜的爽甜，醬汁的香濃，都有齊了。套餐選配了薯格，炸得很香脆，灑上了椒鹽和香草，味道夠濃，也多一份清香；要盡快吃薯格，因為炸物放涼了會變軟，影響口感。吃完再來一罐汽水，這是吃西式快餐必需品，不論什麼味道的汽水，喝完打個嗝兒，最是滿足。見到這裡外賣做個不停，吃過就知道原因。堅持

今日出去深水埗黃金行下，睇下有咩平靚正既野！見特賣城勁多人，即刻轉去食下野醫下個肚先，見對面馬路有幾間餐廳，行過去睇下有咩正野食，見到Burgerman店，之前上網睇過人食完都話性價比超高。見到最多人叫都係佢既招牌至尊漢堡，有雙層美國安格斯牛肉，芝士，洋蔥，蘑菇，煎蛋同煙肉，聽到都覺得夠晒豐富，佢炒到洋蔥勁香口，成個漢堡我入口勁多肉汁juicy又香濃，加埋半溶芝士真係好滋味，成個漢堡勁足料，食完即刻飽曬，晚餐都唔洗食🤣🤣🤣

有一段時間冇嚟過依間開咗好耐嘅Burger👀今日咁啱經過就嚟重拾舊味多咗意粉又轉左少少漢堡嘅配搭，不過經典人氣嘅都仲喺到！至尊漢堡 （$98）簡單來講，就係選擇困難症必揀嘅乜都有之選😂有煎蛋、煙肉、兩大嚿肉扒、車打芝士、洋蔥、蕃茄同生菜。成件事好似冇咁邪惡😂肉扒超厚身 一直滋滋聲咁漏晒汁😍肉汁極多 煎得啱啱好！外脆內嫩 牛脂味香 配上芝士再加少少鹽已經好正✨決定一個burger好唔好食嘅一個關鍵嘅就係麵包！唔知佢哋係自家製定out source, 麵包面層粒粒芝麻之餘亦有用牛油煎香😋脆中得軟，完全滿足到包控！肉汁流晒出嚟之餘，隻煎蛋仲係流心架！！！流心蛋黃汁配煙肉同麵包，同benedict egg 有異曲同工之妙😂🥰+$20轉套餐仲有薯條！不過女仔來講，一個至尊漢堡已經夠晒😋😋男仔可能加埋餐就啱啱好 大滿足