BYOB Coffee Roaster (已結業)

諗住舒舒服服坐外面做下自己嘢，coffee shop就係比人一個慢活休息好地方，但呢間cafe都唔係咁樣既，我唔係齋座的叫咗個全日早餐同一杯咖啡都唔係食平嘢啦！中途叫個女侍應比杯水我完全扮聽唔到冇理我，只後我想再坐耐少少就再入去叫多杯咖啡同水先比到我，服務已經係零但可唔可以唔好扮熟呢！食煙人士我見意大家千萬不要去，唔好以為佢有戶外坐位好好，我準備走前食一支點知走嚟同我講唔食得，ok我都尊重人的，但我仲有大半支未食完不過我都整息咗執緊野走，個女侍應再出嚟同我講唔食得就好明示趕我走，我都唔明冇指示唔食得就嚟同我講公司規定唔食得咁既服務態度

BYOB All Day Breakfast $108好多配料，有牛油果🥑，煙三文魚柳，炒滑蛋，紫薯仔，茄汁豆，炸魚餅，熱狗腸，廚師腸，沙律菜！仲有scon 配藍莓醬！夠晒豐富！夠飽！大蝦寬條麵 $85蝦油忌廉汁夠晒掛麵，每一啖麵條都充滿香濃蝦油香味，幾好食。仲有四隻煎香蝦🦐🍝 寬條麵質感偏硬身粉厚。個人口味比較鐘意軟彈口感，如果質感多少少彈性一定會更加分！ 宇治小山園鮮奶抹茶（凍）$40抹茶粉落得足夠，望落吸引但整體沖得口味比較淡

屯門一間輕鐵站隔離既𝗰𝗵𝗶𝗹𝗹 𝗰𝗵𝗶𝗹𝗹小店坐𝗼𝘂𝘁𝗱𝗼𝗼𝗿可以一路飲啡一路望住輕鐵駛過好正..🍅蕃茄蟹肉寬條麵 $𝟵𝟱成個蟹子小山丘喺度每條寬條麵都掛到蟹肉蟹子食到最後一啖都仲有絕不馬虎既意粉.🦐大蝦寬條麵 $𝟴𝟱忌廉汁係用蝦油整出黎真係勁好食唔似出邊啲忌廉係就咁忌廉！呢個汁除咗creamy之外仲有蝦既鮮味好有層次.🍿焦糖脆脆鮮奶咖啡 $𝟰𝟮打卡之選咖啡上面鋪滿honeycomb toffee可以食幾粒honeycomb先再搞匀佢令焦糖啲溶喺咖啡裡面..🍵宇治小山園鮮奶抹茶 $𝟯𝟳冇咩特別正正常常

星期六同papa 食飽先開始湊仔。 偶然都會想食下西餐pasta， 於是直入呢一間開咗年幾都未幫襯過嘅西餐廳。 裝修方面已經覺得自己好似去咗尖沙咀，成本效益算係有特色的modern風格裝修， 服務員態度幾好好，親切帶我哋坐位放低，餐牌講解all day breakfast 份量比較多，真係中午餐set唔適宜當早餐食。份量充足（ 仲聽到其他食客同隔離嗰間比較，話覺得係兩倍份量）。香腸都係有質素嘅good quality 牛油果新鮮大半個炸物新鮮炸起，香脆茄汁豆多汁多豆truffle pasta廚師黑松露醬好豪，落到足夠有多(papa勁開心咁樣→）， 推介畀黑松露fans。因為什菇無肉，我就覺得略嫌 黑松露醬油膩，但係份量充足飽肚整體感覺good 順帶一提呢間餐廳主打咖啡,很可惜我哋兩個唔飲咖啡。如果你係咖啡愛好者更要試試

上一次黎食全日早餐，味道中規中矩，未係好驚艷到我。第二次幫襯食意粉🍝，水準明顯高好多，店員服務親切，店舖有自然光射入黎，感覺好舒服。————————————♥————————————- - - - - - - - - - - - - - - - - - - - - - - - - - - - - - - - ♥️ 大蝦寛條麵🦐 $85成碟好香蝦味，大蝦有4隻，肉質爽口，忌廉汁好Creamy，味道同價錢成正比。♥️ 火灸芝士肉醬意粉🍝 $75熱辣辣上到枱芝士味撲鼻🧀超級香，每一啖都食到芝士，酸咸度剛剛好。♥️ 朱古力咖啡（凍）$40♥️ 焦糖脆脆鮮奶咖啡（凍）$46對於好怕飲咖啡苦澀味既我，依杯簡直係恩物，焦糖中和咖啡苦澀味，Nice!- - - - - - - - - - - - - - - - - - - - - - - - - - - - - - - - ————————————♥————————————

呢度嘅Pasta真係唔錯，款款都咁好食，醬汁調較得好好，唔會太稀又唔會杰撻撻，份量都好足。好喜歡焦糖脆脆鮮奶咖啡，等焦糖溶入咖啡度先飲，好香好好味😋✦ 大蝦寛條麵用上蝦油忌廉汁，成碟寛條麵充滿蝦嘅香味，大蝦爽甜✦ 黑松露雜菌意粉一上枱滿滿黑松露香氣，喜歡黑松露的不要錯過✦ 卡邦尼意粉卡邦尼都喺好多餐廳試過，有啲太多汁，有啲就杰撻撻食幾啖就覺得好膩，呢度算整得唔錯，醬汁好平衡。侍應姐姐好細心，見到我有小朋友就提醒我有生蛋黃問我需唔需要走蛋黃，值得一讚👍🏼不過卡邦尼冇蛋黃就唔係卡邦尼啦😁✦ 北海道帆立貝明太子意粉成碟都係明太子醬汁，微微辣味，重點係嗰兩粒微微煎香嘅刺身級帆立貝，煎到半熟中心仲好嫩滑，滿足！

這間位於珀御的，我不只一次來光顧。首先就是早上九時營業，這點非常重要，因為很多Cafe也在12時才開門。其次就是覺得食物質素不錯，水準比較穩定，價錢也中規中矩，店員的服務非常親切，店內的光線充足，座位也很舒適。戶外用餐區還有好幾張餐桌，若秋冬天有和暖的陽光下，可以選擇在戶外，感覺更輕鬆自在。在屯門區比較優質可算是這兒吧！不過，我多數都係早餐時間來的，除了正常的all day breakfast ，鮮果pancakes ，亦有其他選擇，例如炒蛋配脆豬、可選擇法蘭克福腸，火腿，配有通粉、烏冬等。除了可以和朋友們來，若果帶長輩來試也是不錯的。

位於建生柏御嘅BYOB開咗咁耐都未的食過有日忽然好想去食，就去咗試佢地嘅早餐店員都好有禮貌好Nice，有個男性，同兩位女性本身係想食ADB，但落單時店員問我一個FULL定Mini先留意到有兩款，因為我本身好鍾意食牛油果，係想食FULL嘅，但睇完包括咩就覺得自己會食唔哂😂就試咗MINI雖然話係MINI但都好足料個黑松露炒蛋係我最鍾意個種蛋嘅狀態成份都好好食，唯獨是個焗豆係涼咗嘅有少少扣分之後嘆埋杯Mocha飲到佢嘅朱古力味同時又唔會蓋走咗啲咖啡味，個平衡幾好，有時飲啲Mocha一係得朱古力味，一係得咖啡味，呢個剛剛好兩邊都有，你會首先試到朱古力味，然後啲咖啡味就會出我去個陣大慨11點零，之後都開始慢慢多人了。🔔提提大家，佢地度玻璃門開咗之後唔識自己閂返埋，所以大家出入記得拉返埋度門呀🔔可惜嘅係佢地收6點好早上次想同朋友去食晚餐，唔知佢地收6點以為滅蟲定清潔所以收早原來係6點就閂門🥲🥲

經過見到唔駛排隊，就即刻入去試下佢地既早餐餐牌：唔算多款式，但allday breakfast 就已經啱哂我地！Mini Allday松露炒蛋，又香又滑，蝦多士亦好脆蕃茄湯法蘭克福腸通粉湯底好杰，偏咸，炒蛋好滑扒芝士火腿三文治新鮮即整，2塊火腿夾埋芝士，好好味Latte一定要加錢飲咖啡，香濃又滑

BYOB Coffee Roaster算係紮根屯門嘅咖啡店，喺呢度有兩間分店，今日去咗珀御嘅分店食午餐。我前菜嗌咗一份挪威煙三文魚沙律，煙三文魚好新鮮，唔太鹹，同啲沙律好夾。主菜係北海道帆立貝明太子意粉，主角帆立貝係可食用級刺身，所以廚師只係煎熟表面，裏面肉質鮮甜。明太子用上辛味明太子，份量非常滿足，加埋忌廉好好食。玫瑰花鮮奶咖啡嘅玫瑰味好突出，奶味同咖啡味都得到平衡，好好飲。玫瑰花鮮奶咖啡 $38挪威煙三文魚沙律 $80北海道帆立貝明太子意粉 $100

平時一向去開紅橋BYOB，發現佢哋良德街新舖（都新咗一年😅）有all-day breakfast，即刻要去試吓！有驚喜🤩！佢哋食物一向高質，今次仲以variety吸引食客。除咗好多坊間all-day都會有嘅炒蛋（用黑松露炒）、三文魚（厚厚嘅兩大塊）、茄汁豆、sausages（兩大條，其中一條係辣肉腸！）、菇、菜、牛油果（半大隻！熟度啱啱好，又切到厚厚，正！😋），仲未講完！仲有其他all-day好少有嘅蝦多士！（見圖，脆卜卜，一啲都唔油，好好食🤤）同埋scone! 酒店英式high tea食scone一定要搽clotted cream，呢份$108嘅all-day竟然一樣唔缺少！呢啲細節就可以睇到老細真係好用心，想用最合理嘅價錢帶俾食客最好嘅dining experience！我另外加咗壺大吉嶺玫瑰茶，配合超大嘅all-day啱啱好幫我消滯，玫瑰嘅香亦好治癒。佢哋嘅咖啡都好出名，拉花勁靚，誠意推薦！

隔左差唔多半年再食呢一間Cafe見到佢有早餐Menu，而且添置左全日早餐朋友叫咗個All Day Breakfast成個餐真係超級豐富，而且非常有驚喜，有一啲唔常見嘅配料，例如scone,炸蝦多士，紫薯粒等真心覺得兩個人分女仔都夠不過朋友比較大食一個人就清晒🤣香腸一條辣一條唔辣，唔食辣嘅朋友就自己留意番啦自問唔算大食就咁叫咗個意粉我覺得味道唔錯但係食得多就會開始覺得膩，同埋會覺得好寡，佢有黎至明太子嘅辣，溝埋忌廉同埋木魚碎，另外仲有一啲三色椒粒。分量我覺得正常微酸算食到好飽。另外叫咗杯吉百利甜酒咖啡呢個真心推介，超濃朱古力酒味，朱古力同埋咖啡味都好突出，甜甜地唔錯！ 上面仲有一層奶泡，打卡都靚。記得一定要飲凍嘅。另外有朋友叫咗個陪茶芝士蛋糕，攞咗一啖試，呢個唔多推介冇乜茶味，質感偏實，唔講以為普通芝士蛋糕。

已經幫襯過小店N咁多次通常返完教會想搵間有outdoor seating嘅餐廳比👶🏻醫肚雖然正值盛夏但戶外座有太陽傘感覺不致太辛苦⛱是日都好多一家大細等位大家都主力想坐室內嘆冷氣如果大家有我哋咁耐熱又怕多人坐出面其實更自在😂😂😂.雖然係常客我哋通常食嘅嘢都差不多同佢千年如一日嘅menu一樣今次心血來潮試大蝦闊條麵🍤大蝦如bbq般香氣撲鼻垂涎欲滴！來杯凍long black解暑夫君繼續食佢覺得好正宗美味嘅carbonara🍝BYOB真係從來無令人失望！

可能少黎屯門，呢間細細地既cafe都算幾有驚喜！因為係個商場地面鋪位，所以可以揀室外同室内，但室内都有充足日光，幾靚🤩叫左北海道帆立貝明太子意粉，有明太子忌廉汁同勁大粒煎北海道刺身帆立貝，裏面有少少生，煮得岩岩好又好滿足！醬汁粉量都算岩岩好，亦唔會好鹹。宇治小山園鮮奶抹茶好滑，抹茶有甘甜，有些微甜味調到個鮮味出黎湯力京都宇治小山園影落去好靚！tonic本身有甜味，配埋抹茶成件事好refreshing

Weekend去咗cafe到輕鬆一下，價錢唔係平，不過都幾推薦各位屯門牛去試下😚••✅大蝦寬條麵🦐 $85份量同味道都對得住個價錢。蝦油忌廉汁好creamy，啲蝦嘅調味好好味，肉質爽彈。大家嚟嘅都可以叫呢個啊😋••✅焦糖鮮奶咖啡(熱)☕️ $38我對咖啡唔太講究，不過好鍾意飲，所以今次嚟呢間cafe都好期待。呢杯咖啡無令我失望🤩 焦糖味同咖啡果香味都好出，而且一啲苦澀味都無👍🏻👍🏻期待下次再去，試佢其他意粉！