影片
港鐵銅鑼灣站 F1 出口, 步行約2分鐘
繼續閱讀
電話號碼
23451990
營業時間
今日營業
08:00 - 21:00
星期一至五
08:00 - 21:00
星期六至日
11:00 - 21:00
公眾假期
11:00 - 21:00
以上資料只供參考, 請與餐廳確認詳情
相關文章
當初知道香港開咗間朱古力博物館，覺得好吸引，佢仲係一站式，除有展區外，亦有商品販賣區，出售香港製造的朱古力。至於食物、飲品，除可外賣，亦能堂食。食、買、觀賞樣樣齊，可謂一應俱全。今次咁啱喺灣仔食飯，就過嚟睇下。到達舖頭附近，就見到人龍，講真有啲令人卻步。呢條人龍係排烘焙產品，如果只想買朱古力產品或飲杯嘢，就毋須排隊，可直接入店內揀選同俾錢。店員話，由於星期六、日有好多人排隊買麵包、千層撻，所以就算惠顧朱古力產品/飲品，亦唔可以「偷雞」順手搭單買餅，所以，如果要試烘焙食物，咁冇辦法，排隊啦~70%黑朱古力千層蛋撻：人人都衝住呢個$10撻而嚟；排到我時，剛好新鮮出爐；千層酥皮勁脆，咬開即時逐層散落，食落口同揸上手亦唔覺好油膩，只有少量油光反射；蛋撻饀較少，底部有少少黑朱古力，只係味道唔突出；蛋漿的蛋味唔算濃，勝在饀料少甜，加上酥皮酥而不「漏」，食曬成件撻仍然感覺輕盈，唔易滯；呢個撻只賣$10，性價比極高（我唔特別鐘情蛋撻），加埋可拎上1樓堂食，該區提供即棄竹餐具，能夠坐低慢慢歎，仲邊有得彈？可可茶：$28；店員提醒要等一陣、浸耐啲先飲，但就冇提要等幾耐；貪快飲一啖，覺得好似飲緊有色的水，雖然聞落有少少可可味，但味覺上就完全係淡而無味；不過，等耐啲、焗耐啲，可可味真係出好多，顏色亦深咗；作為茶飲，只能講佢係普普通通，唔特別吸引，配合撻同麵包，應該有少少解膩效果椰子包：唔記得呢款包的名；店員推介係新鮮出爐，仲猛讚好好食，加上佢焗起時大大個，只$20，最後買咗嚟試；麵包鬆軟，質感同一般麵包舖的麵包差唔多，但味道唔突出，麵粉香一般；唔試亦冇損失呢度喺香港算幾iconic，值得到此一𨘋同支持。 70%黑朱古力千層蛋撻值得排隊，始終只係$10/個，而且攤凍曬，佢的酥皮仍然脆到不得了。店內提供朱古力產品試食，咖啡黑朱古力同100%黑朱古力仲好好食添。堂食區係自助服務，流轉快，搵位易，坐得幾舒服。2樓展區所展出的資訊唔係好豐富，原本設有的朱古力品嚐區，聽店員講亦冇service。
繼續閱讀
試試銅鑼灣人氣⭐️70%朱古力千層酥皮蛋撻$10 👍🏻外層口感好似薯片咁 勁脆👌🏻最底會有少少朱古力 甜度啱啱好 唔會太甜.仲有其他口味 例如開心果 玫瑰荔枝味$15再試試⭐️70%朱古力玫瑰荔枝千層蛋撻👌🏻表面勁多果醬 味道係勁重玫瑰荔枝糖漿香味👌🏻呢款相對甜好多 未必個個鍾意最有驚喜會係⭐️可可巴斯克芝士千層蛋撻$15👍🏻真係好似食緊巴斯克蛋糕咁 唔係好甜👍🏻而且芝士味都幾明顯🥰估唔到蛋糕同埋蛋撻融合 都咁夾.#hkfunfoodrecord窮遊香港#hkfunfoodrecord_銅鑼灣.#CACAOLAB (銅鑼灣)地址：銅鑼灣白沙道20號地舖.#hkfoodie #foodiehk #hkfoodblogger #hkblogger #hkfoodies #hongkongfood #食評 #天后美食 #天后必食 #銅鑼灣美食 #銅鑼灣必食 #天后 #銅鑼灣 #灣仔美食 #灣仔必食 #日本餐廳 #蛋撻 #烘焙店 #千層酥皮蛋撻
繼續閱讀
銅鑼灣高質朱古力專門店🍫😈之前都聽講過銅鑼灣有$10抵食蛋撻但又唔算太多人講就冇諗住特登去試聽朋友食完feedback幾好就去食下location好易搵 bakehouse行上少少就到 出奇地唔多人 排幾個人就到主要係賣朱古力 但都幾多麵包pastry 另外仲有雪糕🍨一場嚟到就試埋第隻味買咗70%黑朱古力千層撻（$10）同巴斯克撻（$15）行出門即食 個撻仲暖笠笠撻皮好脆 個底一啲都唔會油膩 中間朱古力同蛋醬好夾又唔會太甜巴斯克相對就普通少少裏面係偏實淨嘅芝士 食落都比較滯整體嚟講個朱古力撻超值得encore又好食又唔太漏又抵
繼續閱讀
本身對千層蛋撻無乜特別大興趣🥧可能因為無食過一間真係好好食嘅🤣直至有一次機緣巧合下試左𝐂𝐀𝐂𝐀𝐎𝐋𝐀𝐁嘅𝟕𝟎%黑朱古力千層蛋撻😋發現原來真係有一間可以做到個皮酥脆得嚟🥹蛋漿又唔太甜🥚撻嘅底部仲有𝟕𝟎%嘅黑朱古力中和油膩感🍫總之好好食🥹🫶🏻$𝟏𝟎嚟講𝐂𝐏值好高 仲要唔洗排隊🫡如果你係鍾意食千層蛋撻 我個人好推薦大家去試😆❣️❣️❣️嚟緊我會繼續分享不同國家嘅旅遊攻略✈️如果想睇更多關於旅遊同美食分享🌍👅就記住要𝐟𝐨𝐥𝐥𝐨𝐰我啦♥️👉🏻 @hei.lets.feast
繼續閱讀
噤岩晏就經開銅鑼灣, 有少少餓, 就諗起食個撻都好哦! 醒起自己未試呢間, 而且好似仲平dd黎到排隊人龍又唔算長, 發現原來係70%黑朱古力撻黎既, 我對Dark Chocolate 都好有興趣食落比我想像中甜d, 不過都好味好脆, 如果再熱d 仲好
繼續閱讀