Cafe 330

營業中

休息中

昨天我去了威爾斯醫院Cafe330 ，買了一個午餐，一個牛角包，坐下來後，不斷聽到主任喝罵員工，店舖氣氛極差，牛角包硬過石頭，午餐個飯凍嘅，同主任講，佢話我唔係即時食，所以凍左，我話退錢，佢話唔可以。我乜都冇念就走左。請大家不要去這間店舖

係下午茶時段我會成日嚟, 因為幾鍾意食呢到嘅蛋糕。佢哋嘅蛋糕食落唔會過甜過漏，食落味道好好，而且口感都好鬆軟。佢每日都會有唔同嘅蛋糕揀，而我每次都會試唔同嘅款式。實際上價錢都只係$20左右，佢哋又係社會企業，好值得被支持黑芝麻豆腐芝士蛋糕 食到好天然嘅黑芝麻味道，加上佢用料係豆腐加芝士，食落唔會覺得好heavy，同比較輕盈健康雲石芝士蛋糕 低糖版嘅雲石芝士蛋糕，味道好之餘有唔會覺得漏，蛋糕口感幾鬆軟。檸檬慕絲蛋糕好鍾意表面嗰層檸檬慕絲，酸酸甜甜咁，令人忍唔住一啖又一啖咁食。藍莓鬆餅

返工返到咁辛苦 梗係要食好嘢慰勞自己呢間社企每個星期某一日都一定會有呢個燒春雞 而且有員工優惠 圍起都係大約40幾蚊就可以食多半隻燒春雞 下面仲有意粉墊底 性價比極高!!!起初會以為寫棋嘅食物質素麻麻點知燒春雞完全冇令人失望 肉質鮮嫩，而且份量十足. 醬汁採用較甜嘅蕃茄汁, 10分開胃 夏天食都唔會覺得油膩. 比較可惜的一點係佢配菜較少 如果有多啲蔬菜例如紅蘿蔔翠玉瓜會更好. 而且佢有自助醬料區 如果覺得唔夠味嘅朋友可以選擇喺隔離自己加芝士粉胡椒粉或者Tabasco.地理 9/10裝修6.5/10味道 9/10服務 9/10

今日去威爾斯醫院覆診，交了藥單後發現要等二百多個籌號，於是上openrice看看附近有什麼吃的，因為肚子餓了。發現住院主樓裡有間cafe，便去試試。午餐有三個選項，我選了燒春雞配番茄意粉。店員很好，主動給我手套，方便進食。這裡只准醫院職員堂吃，我唯有出外面的高枱站著進食。這個燒春雞值得報告一下。因為太餓的緣故，也因為雞脾真的很嫩滑很美味，我吃完了雞脾才記得留影😅 這午餐的份量都挺多，燒春雞有半隻，下面的意粉也很多，有四五顆小番茄。燒春雞的翼位都嫩，但雞胸就有點韌了，有點難咬。不過都容易撕開，我把雞胸肉撕成一小塊一小塊，然後掉了手套，再用叉連意粉吃。意粉不會太稔👍配帶點甜的茄醬，不錯。

今日去左威院檢查，臨急臨忙都未食早餐，行到去新樓２樓見呢個cafe就入去睇下有冇野啱食，見到雪櫃有啲冷麵既東西，好似幾好食咁，就揀左呢款蕎麥冷麵沙律黎食下先，再買一支雜莓果汁，一於係咁話！當等姑娘抽血既時候，我就打開個沙律食，沙律入面有蕎麥冷麵，青瓜絲，青紅黃甜椒和蕃茄仔，加上千島醬撈埋一起，蕎麥冷麵軟硬適中，加埋咁多新鮮蔬菜，個味道好清新，好好食，雖然冇肉响入面，但都唔會覺得寡，仲不停口咁食添，真係好鬼好食！雜莓果汁酸酸甜甜好醒胃，又健康，成個早餐感覺真係好健康，下次有機會再買過先！

再次到威爾斯醫院內的Café 330買午餐帶走，330的煙三文魚有機螺絲粉沙律很不錯，賣相十分吸引，配上千島醬，還有不少蔬菜，互相配搭感覺很清新、很健康，在夏天吃冷通粉，本來以為不會太飽，但吃畢後卻覺得很飽。煙三文魚的煙燻的味道尚算可以，不會太濃，三文魚切得不會太厚或太薄，味道很好，從檸檬搾出少量檸檬汁，帶有少許酸味，味道更好。沙律則有普通的生菜，還有切粒的紅菜頭，小蕃茄等等，很清新，還有半隻切片雞蛋，十分飽肚。

在威爾斯親王醫院內的café 330，環境寧靜，標榜有機食物，正好配合醫院追求健康的宗旨。午飯時間，在這裏點了是日餐牌，café 330每天都會有不同的三款菜式，這次點了有機磨菇黑松露雞肉意粉，外賣帶回公司吃，盛載意粉的盤子很堅硬，環保一些還可以循環再用。回到食物的正題，有機磨菇黑松露雞肉意粉，醬汁以白汁為主，可惜黑松露的味道並不夠香濃，但雞肉粒尚算嫩滑，磨菇味道普通，圓筒形紅蘿蔔相當清甜，還有另外一些栗米，意粉則不算太過軟，這份意粉尚算可以。

尋日(4-8-2017 Fri)晏晝o係醫院,等八姨o黎接我去食下午茶,今次我帶佢o黎呢間,見到下午茶餐由$22.00起,我同佢都一樣,揀o左是日鬆餅餐, 是日鬆餅唔包抹茶味,而有紅菜頭同藍莓兩種揀,我o地同樣揀o左藍莓同飲熱檸水,買完等佢o地整好自己攞,但佢o地竟然主動拎o黎,可能佢o地睇到我手上o既傷口啦.佢o地擺低後,我見冇糖, 佢o地就話o係收銀o度,我就自己拎;八姨話冇攪攪棒,我又問,職員就指另一邊話o係白色盒o度.哈,始終唔係幾慣自己攞呢啲o野.打開杯熱檸水,影好相,飲啖熱檸水,水好熱,真係好熱,但唔會令檸檬變澀.而藍莓鬆餅呢? 藍莓份量適中,成個味道甜o左少少,只係少少,而口感都幾細滑.味道:4.8分服務:好好,佢o地問我o地,介唔介意藍莓鬆餅要室溫食而唔係熱食?我話唔介意.不過….應該係冇紅菜頭鬆餅,應該係經理o既矯正返話係朱古力味.抵食係2.7分上次食評:https://www.openrice.com/zh/hongkong/review/%E5%94%94%E5%A4%9A%E5%80%BC-e2681987

威爾斯親王醫院祭五臟廟實在也不少，泛亞美食（宿舍和職員餐廳）外，還有其士和華創聯營太平洋咖啡店 Pacific Coffee 和330餐廳。香茅豬排骨肉鬆軟，不是鬆肉粉處理。一塊由蝦膠刴製造成彈性不乏蝦餅。伴有大盤的檬米粉，配上自家配好醋汁。四分之一個火龍果⋯這份午餐算是健康再配一杯即磨咖啡，有足夠能量繼續下午事情了。330這機構主要幫助新生精神康復人士從投社會工作，他們工作態度也認真，大家去過任何一間餐廳也會感受到他們的熱情款待⋯⋯

前日(18-11-2016 Fri)又到期去醫院維修,自己一個人唔知去邊o度食好,齋,沙田邊o度有齋食?都莫過於新城市廣場,但出去前,睇睇呢間有冇o野o岩我食?眼見有沙律,三文治,芝士蛋糕,鬆餅等,好似冇飯同意粉,都係走吧.但被我發現原來係有飯同意粉,呢日係忌廉翠玉瓜雜菌有機意粉同豆卜豆腐肉片飯,我揀o左前者,$39.00,加杯熱檸水,要加$9.00.俾完錢,收銀隨手即俾盒意粉我,熱檸水都好快有,餐具同砂糖要自己拎,齊晒就開餐.盒意粉摸上手係熱,但打開影完相食,又唔係咁熱,只係暖,成個意粉o既顏色好清,忌廉汁唔多,只有食意粉o既時候至感覺到佢o既滑,口感唔太腍;而翠 玉瓜同雜菌都係o岩o岩好,唔腍唔硬,OK o既.份量就唔多o架,不過我呢日冇乜點郁,所以到食晚飯都未肚餓.味道: 2.8分而杯熱檸水呢?加o左成包糖都係澀.味道: 0.5分環境:有啲迫,不過冇辦法,間舖係咁細,但冷氣都開得幾大.總括:$48.00食咁少o野其實唔係好值,雖然話係社企要支持,但都要整得好食至做得住.

在某個星期六早上11點半左右，經過威記，當時見天色不對準備要落雨，就走了入威記新大樓避雨。知道這裡有間cafe, 但從未去看過……就想去看看的心態突然湧現。Cafe 330 位於威記新大樓一樓，扶手電梯一上就見到。um........這裡有很多款凍的西式三文治或件裝蛋糕賣，而如果想食飯或麵的選擇就不多。睇完個Lunch餐牌，今日得一款選擇，而且感覺有點貴，這些價錢不包野飲的，要飲野最少要再加$9睇完餐牌本來想轉身離開，點知一望外面正落住瀑布般的大雨, 噉就唯有試試這裡的Lunch才離開。這裡的佈置簡約，令人感到好舒服！再加上了一些心靈的句語，好有意思！我就叫了今日的午餐---日式叉燒湯拉麵um.......可能這裡的設備不太完善，我感覺碗麵不太熱，有很多配料都好爽口，感覺似放好食材最後把熱湯倒入去似的。味道感覺一般~我見周圍很多人都是叫西式三文治或蛋糕加多飲杯咖啡比較多。嗯！當我食飽飽離開時，也雨過天晴了！

一早要去醫院一趟 趕時間冇食早餐。後來見到有間小cafe有早餐賣 就入去簡單食點東西。煙火腿湯螺絲粉 熱咖啡。其實是極之普通的食物 但它的湯底幾清淡 冇味精 岩曬我呢d怕濃味的人。配料有青豆蘿蔔仔同粟米粒。即磨咖啡不錯 至少唔係只有苦味。值得一提 是吞拿魚包 好軟熟 仲有點微暖 吞拿魚一點都唔乾 真是好好食。

近日對心太軟有點興趣聽友人說這裡有個凍餅和心太軟一樣是流心的不同於心太軟那種外脆內軟這個凍餅有奶凍的外層 內面流心的朱古力奶醬還有少許酒味 反而來得驚喜另外值得一試的是迷你多士雖然一般在家也很容易做得到但難得下午茶消閒一下 $6也不算太貴始終330是社企 也不會太介意價錢這個多士味道就是pizza 的味道如果新鮮出爐 熱騰騰吃應該會更佳

探病，看醫生，尤其是輪專科門診，好多時都會搞足你大半天，肚餓要食飯，不敢走太遠是否真的只有由快餐店集團經營的 Canteen 呢?在大部份的的公立醫院內，Canteen 的確是你唯一的選擇，但前些年有新大樓落成的威爾斯親王醫院，就有一個比 Canteen 更好的選擇。而且這醫院 Cafe，不是苦悶的星巴克，而是由社企經營，主打健康飲食的《Cafe 330》。地點位於新大樓的收費處及藥房那兒，地方細細，其用途的確是一間 Coffee Shop。但早、午及下午茶三個時段，除了提供麵包、沙律、蛋糕、三文治之外，也有豐富的套餐選擇，而且，他們也是 Green Monday 的支持者，餐牌上，是有素食選擇的。可是，單以午餐為例，的確只是在 Monday 才有素食選擇，這一點的確是需要改進。除星期一外的午餐沒有素，不緊要，茹素的大家，若是時間 flexible 一點的話，tea set 的食物就非常之合你心意。我兩次來訪，一次是食早餐，一次是食午餐，可是我沒有星期一的醫生 Appointment，沒有機會品嚐他們的 Green Monday 素食。我的早餐，是一個很香港式的湯意粉，材料有兩條香腸，

今日返來醫院吊藥， 一踏入門口聞到既唔係一般醫院既消毒劑味， 而係陣陣既咖啡香，明明間cafe 係一樓， 居然地下大堂都。。。 因為未有床位， 所以忍唔住落返來飲杯 caremal, 佢比起一般外面啲無咁甜， 淡淡的咖啡香同caremal 既平衡剛好， 唔會有是旦一邊搶味。 一間醫院因你而生色不少。