Cafe Charm's (已結業)

完全不知所謂，漏單都唔認。得2個侍應，非常差的服務。一般的餐廳，中伏了。已經好舊，又唔裝修。。不會再來了。野食貴，一般的水準，黃埔大把野食不用來這家。black list。

我個人好中意呢到既環境 坐得好舒服 同服務態度好好=] 今次依然叫左我的最愛 卡邦尼意大利粉!($76) 賣相好吸引 好香蛋黃味 意大利粉既軟硬度適中！煙肉都唔少！最緊要係唔會太淡太鹹！like =]另外仲叫左黑松露野菌意大利粉($92)個味調得幾好 好香黑松露味 野菌種類都幾多=]食完主菜~~~呢到既甜品絕對係信心保証！每次都一定會叫！今次靚靚姐姐推介我地試左新推出既百爵茶味千層蛋糕=] ($48)好驚喜！好彩我地黎得早 由於新推出 每日新鮮整 所以係限量發售><我食甜品最驚係太甜 甜到漏！但呢個百爵茶味幾特別 係街好少見到 而咀唔會太甜又唔會太重茶味搞到好似唔似甜品咁=]真係好多層 而且都好滑=]必推介！食完甜品我通常會嗌番杯咖啡=]($33)勁得意! 哈哈 可以主動試下同佢講想拉咩=]唔會額外加錢嫁xd 咖啡都幾香濃幾滑！唔錯！

好打耳好打耳呀朱古力上面啲拉花係好可愛既公仔黎架本身係深水埗店面較細紅磡開左分店更闊落更舒服更寫意仲有落地玻璃有陽光更舒服好搞笑咁仲有新年既裝飾有SOFA位坐得幾舒服黑松露炒蛋牛角包($78)黑松露一上黎超香炒蛋又夠滑牛角包淋左少少配埋香脆薯條一齊食焦糖香蕉窩夫($82)最期待既甜品整果陣已經成店都勁香窩夫係偏鬆軟款香蕉上焦糖好脆不過一切就同蕉say goodbye左同脆餅食落已經淋左有movenpick雪糕好滿足Rose Chocolate同Hazelnut Chocolate(各$42)朱古力味夠但唔算太濃Hazelnut味夠突出拉花真係超可愛約埋三五知己係度嘆個甜品再嘆杯野飲一路傾一路食夠梳乎店名: Cafe Charm’s地址: 紅磡黃埔新天地3期百寶坊地下G27號舖KJFOODLIFE飲食玩樂地圖

紅磡好少有呢類cafe，cafe地方寬敞，座位舒適😍👍裝修給人休閒的cafe平日下午茶時間少人d，估唔到佢杯抺茶latte好好飲，好濃有少少回甘味👍😍👍😍意粉、薯條、漢堡包都不錯甜品都幾好食，窩夫鬆脆充滿蛋香味，仲配埋我最鍾意嘅抺茶雪糕，正👍👍

去開黃埔 就食埋夜晚先！見到咁多，一於試下啦！野食都要等幾耐環境就一般般 空氣有少少焗叫左一個班尼迪蛋加大香菇 和牛漢堡 同埋 紫薯窩夫班尼迪蛋有隻係實心😰另一隻都ok流心 大香菇略微小 菇味都唔夠濃 4分 / 10分和牛burger 肉就幾有味 但唔夠Juice薯條中上 不過少少唔夠熱反而洋蔥做得幾ok6分/ 10分紫薯窩夫就還不錯6分 / 10分賣相okay 味道一般 紫薯還可雪糕Fail 上面塊紫薯薯片疏風了應該冇下次CP值低

曾經在西九龍中心的Cafe Charm's吃過很好味的紫薯窩夫，日前在紅磡的Cafe Charm's，看見個Menu差唔多，估計是同一老闆吧。不過紅磡這邊空間較大，坐得較為舒服。再吃半份的紫薯窩夫配豆腐雪糕，這裏的窩夫做得一樣的賣相誘人，而且弄得較深水埗的還要脆身，配合紫薯蓉來吃，正斗。而且，窩夫也很配合那清爽又不太甜的豆腐雪糕也。飲品方面，叫了杯有熊仔圖案的焙茶Latte，不但可愛，焙茶味也比想像中突出，總的來說是完美的一餐下午茶也。

因為之前試過好似唔錯。所以夜晚去咗依間餐廳食。好彩早食唔使等。叫咗個鵝肝和牛漢堡包。鵝肝好肥美。啲油必晒出嚟呀。正。個和牛就麻麻哋。碎濕濕。有啲硬肉粒。整體可以。跟住見到menu有煙肉芝士薯條。無諗其他嘢就叫咗。叫完先記得個burger set都有薯條。覺得瘋狂薯條。Anyway。依個煙肉芝士薯條真係好正。熱辣辣啲芝士溶溶吓咁。不過如果再多啲芝士更佳。另外叫咗個野菌意大利飯。味道唔算太濃。個飯都軟硬適中。ok嘅。但佢無配黑松露所以食落無咁香口。整體都是不錯的。但略嫌貴。環境都ok。

在黃埔區逛公司..腳筋已有些疲倦只想找個地方歇腳，飲杯咖啡，抖一抖先上Openrice尋找黃埔區可有值得試試的cafe？結果找到Cafe Charm's來…😦但沒想到越行越遠，原來都離開黃埔中心點頗遠！看餐牌後…只想點咖啡試試這裏也有很多窩夫甜品很吸引但一頓豐富的午餐仍然飽得吃不下… 最終order咗一杯Latte及凍榛子鮮奶咖啡(少甜少冰)，抱著一試的心態，沒有什麼期望！由於另一半的腸胃是非常…極度敏感的如果唔靚嘅咖啡，喝一口…胃部便立即受不了😖快過打針😅😂如他腸胃受不了的東西，吃下不夠兩三分鐘迅即胃部不適😵😢即使再有任何其他美食也都謝絕了🙅😣要知食物質素是否ok或新鮮與否？讓他試一口，喝一口，便能知一二先來杯凍的，另一半急不及待搶著試味啜了幾口都不放😲😒心想都應該ok pass啦可以放心飲試一口果然有驚喜入口如絲滑的口感少甜適中，非常合口味 平日絕少占染凍飲的另一半也被吸引了…及後送上熱飲，另一半又趕著試味，很滿意的樣子神態… 😋繼續品嚐，已知道答案了！整體來說兩杯飲品都頗為滿意，有驚喜！雖然走得很遠來為一試咖啡口味，都總算找啱個地方歇歇腳，嘆番杯咖啡，休息了有力再起行👫埋單後才發

這次是久違了的食評。介紹的是一間寧靜的cafe，下午茶時段只有我獨自一人在cafe進餐，乾淨寧靜的環境絕對適合愛書之人。但對於一間食肆而言，最重要的還是食物質素。在附近工作完，霎時興起想吃意粉，在openrice見這裡好評如潮，便到此一解饞意這次選擇了明太子煙肉忌廉意粉，明太子令口感像是多了一種選擇，可惜麵質卻掌握得不夠，煮的時間長了些，但讓我感有趣的是我吃到少許芥末的味道，兩者之間又出奇地沒有違和感！飲品方面很普通，沒有留下太大的印像。所以食物質素整體上就是不過不失。另外，也許是因為下午茶，份量確是不足以解饞呀！這𥚃除了正餐，也有不少甜品飲品可選擇，愛書之人可在此優雅地度過下午時光。雖然選擇多，但性價比相對偏低，因此選擇時可能要作出取捨。若然人在附近，又愛安靜的環境，我相信也可一試，不過對於食物則不要抱很大期望。

行街經過想坐低飲杯野。坐低咗先發現此乃黃埔區高踞榜首的食肆。由於不是正餐時間，兼且這是cafe，決定只叫野飲食件cake。枱面上卷蛋的廣告甚是吸引⋯點知⋯看看實物和後面的menu!!! 實物厚度足足少了一半!!! 好過份，而且味道只屬一般，無期望之下都覺得好失望話明係cafe, 如果野飲唔得都真係執得。幸好兩杯野飲攞番d 分數。Mint chocolate 薄荷同朱古力味算balanced，拉花幾得意～Hojicha Latte 茶味夠，茶控應該會like，係略嫌甜。專登過來就免了，經過一試尚可考慮。

自從黃埔戲院重開後，我確實多了機會在紅磡跟黃埔之間遊走。此處其實有不少有水準的餐廳，只是地點始終不屬市中心，較少人會專程到來。 Café Charm’s 在深水埗西九龍中心也有分店，不過黃埔店就開揚闊落得多了，陽光照進餐廳使人心情也好點。不過我建議要盡量坐入面的座位，近門口的位置冷氣不太夠。看了餐牌，我跟男友也不是太肚餓，所以就沒有要意粉及飯了。 黑松露炒蛋牛角包配薯條 $78牛角包 + 粗薯條 + 沙律，滿滿一碟，還是需要大胃口才能吃得完。 炒蛋多到差不到滿瀉，食落奶味十足，而且廚房加黑松露時絕對沒有手軟，我隔了一個身位也聞到男友手中的炒蛋傳來強勁黑松露香氣。 一早說了粗薯條比幼薯條好吃100,000倍! 外層黃金香脆之餘，薯條中心依然軟綿綿，不會因為火候過度而太乾。 北海道綠茶雪糕紅豆窩夫 $68紅豆每粒都有半截手指尾般大，看著挺覺得吸引，不過我略嫌糖水煮得過甜了，配合本身都是甜的綠茶雪糕 + 糖漿就有點吃不消，還好窩夫香脆而且蛋味十足，如果紅豆可以減甜及省去糖漿就更好了~! 藍莓乳酪沙冰 $43消暑又健康之選! 大大一杯乳酪沙冰，飲落食到藍莓外皮，所以相信是用新鮮藍莓即場打，少甜

Cafe charm係一間我會encore 再encore既餐廳今次係為紫薯窩夫而黎架！食甜品之前都要食d咸野先我地點左個下午茶餐-薯皮加雞翼薯皮上有芝士同蘑菇架，好惹味雞翼都炸得香脆另外點左份黑松露炒蛋牛角包濃濃既黑松露味 好香好味道炒蛋份量都多 牛角包又夠脆旁邊重有薯條添 推介推介！野飲當然要我最愛的焙茶太愛呢杯焙茶味道濃 唔會假重有可愛到爆燈既拉花公仔添！到左今日既主角-紫薯窩夫啦！除左窩夫面有紫薯蓉之外，窩夫入面都有架！窩夫外脆內軟唔洗講外面球雪糕係豆腐味架😋又靚又好食既甜品😋果然係迷人的cafe ❤

Lunch time嚟紅磡搵嘢食，openrice見到呢間排名第一，就去咗試吓可能位置比較偏僻，繁忙時間都唔係好多人。環境都幾舒適～大蝦煙三文魚忌廉汁香草意粉，$88忌廉汁夠杰身，但又唔會太膩～但意粉就麻麻地，佢比較幼身，無乜彈性。。大蝦都一般，如果煎香佢會好啲。煙三文魚我expect係一片片嗰啲，呢隻好乾。。份量適中～野菌多士Lunch set有得揀餐湯、沙律、小食，我就揀咗呢個～野菌上面嘅汁好香濃，多士亦都好脆熱朱古力，+$5雖然拉花熊仔好得意，但朱古力味有啲淡，同埋太甜。好細杯，好快飲完～計埋加一，$108，性價比唔高。不過員工服務態度幾好對意粉有啲失望，不過下次都可以試吓啲甜品～

黃埔站開左，就同友人出發去搵食，附近多左好多餐廳，人流都多左好多。 友人預早訂左位，順利入座，點左好多野食，畢竟4個人都可以點多 d , 試多 d 野食。 但係上菜既速度真係可以用「慢活」黎形容，等左20分鐘，竟然係意粉黎先，4杯野飲都未黎 明太子意粉不過不失，個汁好 rich, 好食，但個份量好細。 小食燒菇冇驚喜，但個汁有待改進；和牛漢堡包還好，薯條係用大條薯條個款；烤薯皮都係不過不失。 最後點左個紫薯窩夫，落左好多糖係面，太甜了，但窩夫鬆化，都唔錯的，中間的豆腐雪糕略嫌甜左 d。 整體黎講，食物不錯，但一定要預時間等佢上菜，今個午餐食左大概2個半鐘

Very disappointed as it was extremely hard to find, took me 30mins walk from Hung Hom train station.Then when i got there it was closed...its advertised to be open at 9am on Saturday mornings. I got there at 10am an hour later than advertised but nothing not even a single person inside.Was very disappointed, a shame to not be able to try the food out.