Cafe de Tiffany (已結業)

上星期路過發現呢間聯和墟隱世西餐廳，價錢又幾抵，所以9月4日老婆生日就帶佢嚟試（今日好似係餐廳最後一天營業，見到門口貼住結業通知），麵包和餐湯非常之好（係我食過附近幾間西餐廳最好嘅一間）麵包應該係自製，味道好好好特別，忌廉湯好有蘑菇味，食得出自己用攪拌機攪蘑菇，羅宋湯又有牛腩！三文魚沙律有沙律醋！我叫咗牛扒、羊扒，份量絕不吝嗇，非常之大塊，味道仲好好！扒下面有薯條，有牛油粟米，份量同樣係非常之多！仲叫咗個雪糕阿華田！食物質素和味道非常棒、份量大、價錢又唔貴，真心好抵！

Cafe de Tiffany 嘅雙人套餐有埋嘢飲兩個人都係300蚊唔使，性價比咁高嘅西餐邊度搵！😍1️⃣紐西蘭肉眼扒⭐️⭐️⭐️⭐️肉眼扒又厚又大份，一個大食嘅成年男性食完都會覺得夠晒飽！五成熟不多不少剛剛好五成，準確嘅火候有效鎖住肉汁，又可以保持肉質，唔會煮到太韌。調味方面亦都一流，適量嘅鹽更加吊到牛肉嘅香味，又唔會太鹹影響牛味，又可以維持健康飲食😋2️⃣冰島比目魚大虎蝦⭐️⭐️⭐️⭐️雖然蝦嘅份量唔多，不過呢個價錢出街食仲可以有海鮮真係唔話得！魚肉又滑又嫩，蝦都好鮮味又有咬口，唔會好似部份餐廳咁啲蝦唔新鮮導致肉質霉霉地。以上兩份餐如果單獨嗌加埋都過$300，所以話個雙人餐真係好抵食～住北區嘅朋友更加唔可以錯過😋

都唔知乜鬼野餐廳黎既，叫乜無乜，魚子鮮蝦蟹王意粉又腥又難食，雜扒無左塊牛扒又唔一早出聲話客知，到落單嗰刻先講。一係就靜靜雞。自動轉左。塊扒。當個客唔知咁。差到爆

帶點美式古典風情o既扒房，霓虹燈散漫住溫暖o既黃色，映襯舊式梳化同埋木造傢俱，氣氛醉人。烘至微燶o既麵包，火候剛好，少少脆身，仍保留麵包口感，不至於太乾身一咬即斷。紅白二湯任君選擇，我揀o左紅湯，味濃，帶有微重胡椒o既氣息。碌過openrice，確認肉眼扒係店舖名物，人人皆叫，當然要試番下。紐西蘭肉眼扒(二人餐$268 未加一) 非常大塊，並無因為面積大就compromise 厚度，呢個就係正式扒房同普通餐廳o既分別。親自將醬汁淋在鐵板上，作為ribeye steak，佢食起o黎肉質鬆軟juicy，配上medium rare，口感更佳。冰島比目魚大虎蝦同樣值得推介，虎蝦大隻肉地，比目魚經過油炸，魚皮非常脆口，裡面o既魚肉依然嫩滑，並且無細骨、一d 都唔腥，本身比較少食熟魚o既我都覺得很美味。飲品可以揀紅豆冰、黑牛、雪糕柯華田等等，一昧經典o既港式情懷。最後當然唔少得舊式扒房必配o既雪糕，餐廳用上o既係雪米糍，風味依然。

入到去，坐係水吧對出卡位，望到個廚房污糟不堪，已經驚驚地，果然！一堆懶既廚師唔會煮得出啲咩好食既野出黎，叫左個2人餐首先係個湯，冇味既，好似一碗忌廉水咁，之後到個雜扒，火腿.煙肉.腸仔都係炸既，煎都唔煎下，豬牛雞3塊扒都係又乾又鞋又係冇味既，連個蒜茸汁都係冇味既，另一個比目魚大虾，魚同虾直頭係落粉炸既，之後放上塊鐵板度，到底為咩？虾冇味唔使講喇，個比目魚係完全冇味，係連小小鹽都唔落，就咁落粉就炸，真係完全唔知食緊咩？個廚師到底有幾求其？先可以整到啲野咁垃圾？個廚師味覺係咪有問題？唔會試下啲野夠唔夠味既？咩都冇味既，求求其其嗱嗱聲咁出哂啲餐， 個餐都未出嚟啲廚師已經趕往出梳化坐玩電話，廚師既質素真係差得可憐，環境衛生差，食物差，仲衰過大家樂！冇下次！

正所謂職場如戰場，遇著公司多麻煩政治野，留低繼續做又唔係，走又唔知咩環境，都咪話唔頭痕。真係好感恩我就有班好同事，共同進退不突止，仲friend 過夾band。剛剛遇著某同事生日，一於夾錢請佢食番餐好野慰勞下人！望住呢間餐廳既牛牛光管design，唔使審都知出名食牛扒，非常期待呀～除左一人份既鐵板餐之外，佢仲提供二人餐，價錢更化算。跟餐已附餐湯麵包，我地仲加$28 叫埋份煙三文魚沙律，有住一大片魚，淋上黑醋汁，成啖擺入口最正。火焰七打牛柳舊肉超厚身，激起人食慾。第一次聽七打呢個名字，大概係某d 矜貴部位了吧！佢食落脂肪唔多，但肉質依然嫩滑唔un，算係上品～已附上薯菜，仲可另外再加飯or 意粉，大食同事都俾個like！我都試左同事既火焰燒豬肋骨，都唔錯呀，甜甜既醬汁絕對係精華所在。另外我地仲叫左個脆炸雞翼share 食，呢個幾surprised，佢其實係我地後加的，本身已經差唔多食完飽左八成，但都仲覺得好好食，因為佢真係幾惹味，酥炸香口，先$38～餐廳提供唔少特色飲品，好似棉花糖朱古力同夢幻啫喱利賓納等等，不過都咁岩缺貨中，唯有有機會再試。

餐廳環境 : 全間餐廳以深木色調為主調， 每張枱上面也有一盞昏黃色的燈， 但是光度足夠不會太 暗沉， 有些雪花裝飾， 牆身是深木色木條砌成， 整間餐廳感覺是北歐設計， 像芬蘭的小木屋 ，還看見餐牌有一般餐廳很少有的芬蘭啤酒售。食物質素： 選了一份二人套餐， 我們選了厚切牛脷扒，和冰島比目魚大虎蝦， 兩份都配薯菜黑椒汁， 兩份扒餐份量很足很大份。 牛脷扒餐有五塊厚切牛脷， 牛舌味濃郁，肉質軟熟沒有筋， 配合黑椒汁非常惹味， 如喜歡吃牛舌的朋友一定不能錯過。另一份扒餐是冰島比目魚大虎蝦， 大虎蝦肉質彈牙，比目魚超大份 ，整整一個鐵板長度， 比目魚和大虎蝦都有炸過， 但是不會太厚粉，只是薄薄一層，吃上去有小小酥脆， 然後比目魚肉質嫩滑亦有魚油香配合得天衣無縫。 另外二人套餐還包括每人一客餐湯和蒜蓉方包，飲品，雪糕。 我們叫了一客羅宋湯和忌廉湯， 羅宋湯酸辣味足夠正常水準， 反而忌廉湯有驚喜，因為本人很喜歡吃黑松露， 這裏的忌廉湯是有黑松露味道的，湯入面磨菇亦很多， 略嫌不夠熱， 但是味道誠意十足。服務態度： 服務態度很好，上餐速度亦很快，本身在openrice睇到有牛脷餐，但是去到餐牌沒有，

厚切紐西蘭牛肉眼冰島比目魚扒及大虎蝦龍蝦汁海鮮燴意粉意式茄茸焗牛脷飯聯和墟依間西餐，地方雖然唔起眼，但都幾多人食，$268二人餐包湯、餐包、兩鐵板主食，飲品及雪糕，主食份量也大，其實都幾抵食，不過個湯唔夠熱，啲薯菜有啲濃，龍蝦汁海鮮燴意粉個龍蝦汁唔出，黑糖餐包黑糖味唔出，但夠熱同軟熟，雪糕上網睇以為係雪糕杯或雪糕球，但原來係雪米滋，這個有D失望，不過雪米滋都好味，但原來餐廳只收現金… 但網上係寫收支付寶、OpenRice pay果D…好彩剛好有cash….#西餐#粉嶺#聯和墟#性價比#扒#鐵板#据扒#肉

究竟粉嶺聯和墟除左小食之外 有咩西餐廳😆？其中一間就係佢啦😜最出名就係佢嘅鐵板燒晚餐🤩好似巨大化左咁樣🤤超多份量超夠😻今日同mami叫左二人鐵板燒晚餐總共都係$268 🥹晚市黎講真係幾抵食🤞🏻咁入面就包左餐湯🥣可以揀忌廉湯同埋羅宋湯🤤然後餐包🍞餐飲同埋甜品🍧餐飲如果轉凍飲就加$33️⃣特飲就加$88️⃣甜品就係雲呢拿雪糕🍨食飽曬真係好滿足🤤🥴🥩歐陸式雜扒鐵板燒尼間餐廳嘅鐵板真係幾特別🤩下面全部都係薯菜墊底🤗有薯條🍟粟米🌽同洋蔥🧅d薯條係有扭紋個隻🤪超脆超熱辣辣🥵然後雜扒就包雞🍗牛🥩豬🍖全部都勁大塊🤩建議食量比較大或者個日比較肚餓嘅朋友仔先好揀佢啊🥳🥳✨好味·到指數：3/5🤍🤍🤍🥩紐西蘭肉眼扒鐵板燒肉眼扒一塊好似等於三塊平時買嘅豬扒咁大 🤭真係見到都好有食慾😋咁小編就揀左五成熟😜覺得啱啱好😝唔會好硬同難切😉最後建議大家可以試試佢有火焰效果嘅餐🔥比較特別😚✨好味·到指數：3/5🤍🤍🤍

好耐都冇去過粉嶺聯和墟了，個到係粉嶺黎講算係美食集中地，見咁耐冇去，所以就去睇下有咩新嘅餐廳！今次發現左係聯發街有間西餐廳，睇落唔錯，咁就一於試一試佢睇佢餐牌都算幾多野食，見到佢d扒餐睇名都覺得吸引！今次我叫左個紐西蘭肉眼扒（7成熟）配薯菜，仲跟餐湯野飲！本身以為塊扒會好細，點知一上枱，嘩🤤🤤🤤勁大塊，都有厚度！佢用薯條墊底，令牛扒唔會因為鐵板熱力，而變到全熟，依個位值得一提，因為食過好多間都唔會咁做，搞到成日5成變7成，7成變10成咁，所以抵讚！鐵板夠晒熱，淋上黑椒汁個時發出「吱吱喳喳」聲，聽到都食指大動🤤🤤🤤睇到相，係咪隔住個mon都聞到個香味呢😍牛肉火喉岩岩好7成！牛肉入口鬆軟又帶又咬口，肉味十足，加埋個黑椒汁，簡值一絕！薯條又係我最愛嘅波浪紋薯條，食落薯味十足又香口🤤🤤真係飽到上心口，最後跟餐原來有雪米糍，食完咸野再食返甜野中和下，正呀整體黎講，食物質素良好，價錢中規中矩，佢會係我返兜之選😀#粉嶺美食 #香港美食 #西餐 #親民 #cafe ##hkfood #肉眼

📍Cafe de Tiffany - 粉嶺聯和墟都出名多好野食😋早兩日行過俾我哋發掘左一間cp值幾高嘅鐵板餐😆二人鐵板餐$268包兩個鐵板餐🥩湯🍵包🥐同野飲🍹真係幾抵食！鐵板二人晚餐 $268羅宋湯／蘑菇湯 配 黑糖麵包本身見到黑糖麵包嘅時候🥐望落仲以為佢會好硬🤔點知拎上手就知道佢好鬆軟🤤而且食落去真係有黑糖嘅味道😍要俾個讚先得👍🏻羅宋湯同一般西餐廳飲到嘅有少少分別😋辣味同蕃茄味會搶喉啲啲🌶刺激口味反而男朋友超級鐘意🤣佢仲話搭埋個黑糖麵包一齊食特別正🤗蘑菇湯就見到蘑菇碎落足料！啖啖都係濃濃嘅蘑菇味🍄creamy嘅湯配上麵包又係冇得輸嘅☺️紐西蘭肉眼扒配薯菜🐃鐵板餐每一份都係熱辣辣咁上枱😋店員仲會好細心咁問使唔使幫手淋汁上去🤤啲黑椒汁淋上去熱辣辣嘅鐵板嘅滋滋聲真係好治癒😌但最吸睛嘅係超乎想像大塊嘅肉眼扒👀大大塊而且牛肉質好 啖啖肉汁Juicy😋cp值真係好高！ 另外薯菜係懷舊式嘅粗身闊薯條🍟唔會因為鐵板而整到乾晒😌加上薯條控嘅我熱愛粗薯條🤤點埋黑椒汁食超正！火焰燒豬肋骨配薯菜🔥本身諗住睇火焰效果係咩一回事🔥但老闆話太受歡迎所以火焰用嘅冧酒用晒😱實在太可惜啦😔不過亦顯示火焰鐵板真係好受歡迎

呢間餐廳經過幾次喇，今晚終於喺度食晚餐，都幾鍾意呢度d裝修，感覺似古舊嘅船艙，木板牆、昏黃嘅燈光、仲有d零件裝飾咁，幾好feel。 呢度似西餐廳多d，雖然有All day breakfast，但比Cafe多左d重份量食物選擇，扒餐、鐵板餐都有，啱晒食肉獸。 比起牛扒，我更鍾意食羊架，見到menu晚餐有鐵板羊架，仲係有三枝骨咁多，唔洗再諗，不二之選。晚餐仲有黑糖餐包、紅\白湯、餐飲、甜品，其實真係好大份，驚食唔晒都係同朋友share，朋友有呢個打底，叫多份烤雞凱撒沙律就啱啱好兩個人夠食喇。 精選鐵板晚餐 紐西蘭羊架 $168🧈黑糖餐包細細個，配埋有輕輕預熱過嘅牛油份外可口。🥩羊架好大件，勁肥美，無羊羶味。廚師都幾好，將薯條、洋蔥墊底，咁就唔驚羊架喺鐵板上會因加熱而變得過熟。而且最後薯條、洋蔥等會索滿羊脂，食落就更濃味。☕餐飲揀左凍朱古力，呢杯極好味，朱古力味好濃郁，似係飲緊朱古力雪糕咁濃味香滑。甜品係獨立包裝嘅雪米滋，夠晒衞生。 🥗烤雞凱撒沙律 $48呢個沙律真係好抵食，大大碟，雞扒份量都唔少，如果細食女士揀呢個，足以做豐富嘅晚餐。 兩個人食到鐵板餐、凱撒沙律，都只係大約$200，抵食。

是日收工到粉嶺，晚膳時間遇上大雨，咁啱見到呢間餐廳。 由於被門面吸引，所以決定試一試。大雨令到衣褲有啲濕，所以想揀返冷氣無咁大嘅位置。本身店員想帶我哋入指定位置，但見我哋有猶豫，都表示其他位置坐都無所謂。態度方面值得一讚。是次點左雜扒餐，龍蝦汁海鮮意粉同一個煙三文魚凱撒沙律。雖然正值晚巿，但食晚好快送上。首先係跟餐嘅餐包餐湯。餐湯正常，而餐包就有驚喜。包身質感軟熟，上枱前有翻熱過，輕易溶化牛油。食過沙律後到主菜。先上嘅係雜扒餐。雜扒餐份量好大，估計唔止一人份量。雞扒煎得香脆，豬扒牛扒亦唔覺韌或者嚡身。相比雜扒，意粉味道相對淡（但都可能因為食完扒類已經好飽 😂），不過依食到蝦肉有鮮味，露筍煮得啱啱好，翠綠之餘又脆口。最後送上每人一粒雪糕球，今餐真係好滿足。

終於都開返有晚市，可以出街食飯啊！知道聯和墟好多嘢食，專登想搵一間西餐廳，見到好似好有格調同好有性格嘅餐廳，所以就入去試一試先。餐包熱辣辣加埋牛油食，好邪惡但係好好味。羅宋湯，味道正常帶有少少辣味，符合要求熱辣辣！羊架外表煎得很香, 但還可以吃到內裡的肉汁, 食到羊既鮮味, 如果唔習慣吃羊的人會感到少少羶, 但如果配合蒜蓉汁就會冇咁羶啦，羊既脂肪分佈平均都唔會韌, 羊架下便好多薯條，夠晒脆卜卜。整體都好滿意。香煎鵝肝，肥美而柔軟質感，入口溶化。好滿足！炸雞翼，雞翼都炸得透香，一咬肉汁迫爆，真係幾好食。但係如果食得多覺得好熱氣😂肉醬炸薯條😋熱辣辣嘅芝士汁同肉醬鋪滿喺薯條上邊，每條薯條拎起都會充滿着芝士嘅拉絲，肉醬都好不吝嗇，好好味。食薯條點可以唔飲可樂，冰底可樂一流！

紐西蘭肉眼扒 配薯菜 冰島比目魚配大虎蝦.一上到枱就咋咋聲，跟餐嘅汁係客人自己淋，可以好好控制汁量～牛扒上枱時係5成熟，加埋鐵板啱啱好7成，配埋蒜容汁超級香，肉眼扒肉味強，有時都怕佢好靭，今次呢個餐唔會，肉質超好，咬2-3下啲牛味出晒嚟，輕鬆咬爛之後吞，下次會再揀～.比目魚係半煎炸，上枱時面頭有薄薄炸衣，本身無調味，所以好靠個汁，而我哋揀嘅燒汁就唔係太夾個魚，可能要試下其他汁，簡單配個沙律醬已經好正😹係魚有少少骨，食嘅時候要小心.鐵板餐係餐廳最signature 嘅菜式，每個入到去啲人都會揀鐵板餐，價錢大約100一個餐左右，已經有湯，餐包，飲品同雪糕，超級抵食！餐廳有另一個set 2人餐，純粹2個食，而個餐加埋過$268就抵，記得要計計數先叫～.餐湯.門口.打卡位.因為個燈好黃，影相都好黃～但呢個位就係好靚