Cafe Eos (已結業)

睇左d食評...一心很大期望去試吓拉...因為我個好朋友仔不再做"無腳雀仔" 喎...梗係想請佢食好野拉...點知餐湯淡到得人驚...落大量pepper都攪唔拈...很奇怪...當時我地唔識投訴...直到聽到旁邊d客人出聲...仲發現原來係有其他soup...先發覺佢無問我地law...個主菜就叫做好過無得食拉...最後餐茶仲攪笑...黎左杯無茶味既奶茶...今次梗係醒la...同佢換左杯唔會差得去邊既檸茶...唉!!!最唔好既地方係趕客law...門口有3位客人等緊...有張4人枱座左2個人...人地已經食完...d waitress 走埋去叫人走喎...係咪咁做生意嫁...個客人只係講左一句"我都食完la"...不過我諗都無下次...

這次跟家人一早來到天后吃breakfast。我對這家小小的西餐廳印象很好，這次也沒令我們失望。==========================================有多款選擇~~~ omlette、waffle、scone、toast、pancakes...價錢不高，二十多至三十多而已。==========================================breakfast set (圖)- 不用管menu，garlic toast、ham、sausage、mushroom 可自由搭配。tomato cheese toast (garlic bread) - 選用意大利蕃茄，特別鮮甜。english scone - 有raisin 的。看起來可能覺得乾乾的，但其實一點也不。freshly baked，所以暖暖的。==========================================for more pics n' details，pls visit my blog:http://hk.myblog.yahoo.com/mei_ciel/arti

同朋友食飯，search到呢間又見comment唔錯……地點易搵，行完銅鑼灣再過番黎都好快到。裝修好有歐洲小餐廳的感覺，好簡單又好屋企。service都唔錯，會介紹下d菜同埋set。叫左鴨胸salad同蕃茄pasta兩個set，份量ok，味道亦都唔錯。甜品由於太飽只係叫左個apple crumble，熱辣辣，甜中又帶點酸又有點脆，加埋個雪糕感覺不錯。average來說都試得過

難得星期一唔駛返工就約家姐食lunch，12:30pm都冇乜人，因為附近有好多更平嘅選擇…叫咗兩個set lunch，因為家姐趕住走所以冇加dessert（set可加指定dessert, e.g. cheese cake, tiramisu, apple crumble, etc.），見隔離檯食apple crumble w/ ice-cream好大碟好好味…下次啦我數過，呢間小店只可以坐18位。家姐都話：唔憂做！海鮮湯我覺得好有海鮮味（都有些少海鮮），都幾好味啦，但家姐話好腥左：鴨胸天使麵- 好味，又多菇同埋eggplant、主角鴨胸當然都好香，但比較油（因為炒過）右：肉醬闊麵- 呢個ok，估唔到佢用菠菜麵，但呢個份量就比較少（我大食，普通人會飽）飯後，慢慢穿過維園行去銅鑼灣係唔錯嘅選擇縱使只得一個人

日前與初戀舊愛在天后,路過此小店,又會勾起一些昔日舞曲.Maybemaybe it's the clothes we wear The tasteless bracelets and the dye in our hair Maybe it's our kookiness Or maybemaybe it's our nowhere towns Our nothing places and our cellophane sounds Maybe it1s our looseness 同初戀舊愛斷斷續續,由未拍拖,到熱戀中,再到分手之後.天后的Cafe Eos,去過不下十次,午飯下午茶晚餐,差不多吃齊.價錢相宜,幾十塊已有個set dinner,簡直係月尾拍拖日子之苦海明燈.最緊要係,環境很有歐陸的雅緻氣息,有如置身Milano,夢在浪漫街道.當然,食物水準也不差.每一次去,都係吃些Pasta,Risotto等菜式.他們的磨菇湯,做得不錯.磨菇湯的濃香,質感剛好不過杰,本地西餐廳少有.外面大多,一係一窩忌廉溝重水,一係罐頭湯算數.多味意粉.飯,最深刻係這個海鮮闊條麵.有蜆有魷魚有魚肉,用

超鐘意呢到既potato skin!!!!做得十分香口, 食兩碟都唔膩=papple crumble係又一推介, 唔太甜未上已經聞到香味, 冬天食仲正另有有個飯都好好味, 唔記得咩名好似係西班牙焗飯? 有好多唔同既菇係入面焗得好香, 每一啖都係享受唯一係太少桌子, 好多時都無位

今個星期為左mimosa過左黎天后,本來想試poppy,但行過見到呢間EOS 都幾對眼,就近近地試呢間。呢間cafe其實幾靚,但地方的確好細,檯椅真係好迫,唔算係一個好hea地點;幸好我早少少到仍可以坐到一張四人檯,至可以舒服地吃個自閉飯。waitress小姐比左幾張餐牌我睇,除左tea set仲有pasta同飯,今次揀左蕃茄蜆肉意粉+凍咖啡。waitress小姐拎左碗湯同蒜蓉包比我,我至知原來呢個係餐=p南瓜湯: 飲到南瓜茸,味道幾好,好滑但唔夠熱!蒜蓉包: 蒜蓉味唔太濃,食完唔會好大陣味,不過幾油同帶un,呢樣唔多得,勝在夠大塊。凍咖啡: 味道一般,唔算好飲,普通。蕃茄蜆肉意粉: 造型好得,成碟出晒煙地上檯!意粉彈牙,口感好正! 蜆肉好多,而且唔腥,可能加左白酒煮,因為我見廚師小姐行出黎拎左支白酒入去廚房開,加埋蕃茄蓉同鮮茄,真係好味!!好過上次delifrance好多......食食下發覺陣味好特別,原來係加左九層塔仲有香葉,唔怪得味道好特別!好味!!另外,可能係開放式廚房關係,油煙味都幾利害,如果呢方面可以改善一下會更好。

a very cozy restaurant位唔多, 有d 迫, 老闆娘好nice, 甜品好好食可以就咁叫個tea 拎本書過一個傭懶既下午apply crumble 係必食

最鍾意佢地的Pastry with Strawberry, 好好味，因為呢間做得最好(比其他Cafe Eos 好)，Custard & Pastry都做得出色，一定要試。另Apple Crumble with Ice Cream, 2nd choice, 我個friend 話係英國食到的甜品，難得Cafe Eos 做得到一樣咁正，另一推介。

今日個同學生日請佢\去呢度食，第一次去入到去覺得幾迫下，數埋得十零個位度，叫左兩個set lunch @$65 plus 10%，我個fd要左什菌牛肉天使麵，我要左香草龍利柳，買相不錯，味道亦不錯；煎香的龍利柳下原來是熱騰騰的薯蓉，食落不是太大份但食完卻飽得很，餐\跟餐\包、湯同埋野飲，餐\包係garlic牛油烤法包，不太軟不太硬幾好。有幾會都會再去試下其他款式。裝修不錯但真係太細啦間鋪。

平安夜(24號)下午打電話去Book位.好彩仲有位咋!我book8:00p.m . 我準時8:00就到.本身有一對情侶坐2人檯的.但因為我地3個人.老闆(我唸佢係掛!!)就好好人咁請2位換一換張檯比我地! (我認為的那位)老闆好nice 呀!~^^~ 好親切可能今日係平安夜,夜晚又吹住冷冷的風~一推門入Cafe Eos既時間有一種好warm既感覺~ 我打電話唻book位時~小姐已經跟我講明,今日只有聖誕大餐.冇其實order,仲講埋價錢比我知~ 我地3個人total叫左3個set. a)南瓜鴨胸闊條麵$112b)白汁海鮮波菜闊條麵$122 c)鵝肝醬汁野菌西冷扒$178其實a,b,c 3 set都好好味~我地3個人share唻食~真係夠.set仲包括有餐湯. 個湯好好味,有蕃茄,不過唔係蘿宋湯! 及餐飲及甜品. 其實去到餐飲已經好飽~係飽到死呀!不過見到甜品好吸引. 有3樣選擇架,不過我地唔係好聽到其他,我地3個都點左朱古力cake. 嘩! 真係好好味呀~好味到.....食唔漏囉~..仲知係好味道啦~而且上菜好快!因為去左cafe eos so 過左一個好warm既平安夜!

一入去就覺得好warm~ 感覺好好~ 食物ok, 杯咖啡都幾香~ 雖然座位幾窄, 但都ok~

I've try the iced coffee and banana walnut cake today, the cake is very good and nice, very delicious, but i think the coffee can be better.

差不多每星期都到Cafe Eos享受一頓下午茶。在這悠閒的空間，一邊聽著店內的音樂，一邊品嚐至愛的Apple Crumble，真是無比愜意﹗

我也試過apple crumble, 我覺得幾好.