Cafe Grouchos

營業中

休息中

今日行山行開春坎角個邊，回程返返赤柱睇日同埋食晚餐，揀左呢間係海濱大街既小食店，有露天座位，可以帶埋寵物一齊吹海風欣賞晚霞映照🥰食物種類都幾多，主打特色漢堡同熱狗，但仲有意粉、串燒、炸物等等，非常多元化，價錢係赤柱來說絕對唔貴，性價比幾高既餐廳雞肉串燒 $58一份有五條，配埋沙嗲醬，沙嗲串即叫即製，不時都傳來陣陣肉香🤤雞肉燒得唔錯，唔乾仲幾彈牙，醬味道好惹味濃郁，一開始有點微辣香口，但愈食愈過癮，食到有炒香花生碎👍🏻最後決定用匙羹加哂落串燒上美人魚之吻 $58食哂串燒就到熱狗上場，魚手指幾脆口，唔會覺得好油膩，上面放上大量parmesan cheese，而入面醬唔會過多，麵包幾鬆軟，整體不錯😃

難得放假專程入赤柱透透氣，一心都諗住實係去海邊揾野食，都行左轉先簡，其實覺得依間有feel 得黎又抵食。例牌叫個burger 再飲杯啤酒。個burger 都唔係行貨，6,70蚊算係咁嫁，仲可以望住海景食野。*備註：依間野有好多其他菜式😂

星期日想去赤柱chill下，想對住個海又唔想出沙灘，可以到cafe grouchos . 呢到可以望住個海食住高質西餐。上網訂位食物仲有折扣，我地點朋芝士熱狗、三種醬汁配薯條、凍鮮奶綠茶、凍朱古力。熱狗即製，芝士味濃，香腸也是芝心，麵包香脆，overall十分可口。薯條有茄汁、芝士和cream 3種醬汁，多重口味。鮮奶綠茶有cream做topping, 不算太甜，味道不錯。對住海景食tea, 每人也只是$100左右，性價比高！值得再去！

赤柱嘅餐廳選擇唔算多，我哋行經海邊見到依間餐廳有burger同熱狗食，而且係petfriendly就決定一試。我哋叫咗兩款熱狗，三色薯條同兩杯凍飲，味道都算唔錯，可能大熱天運動完，食乜都好味啲😌價錢就唔係話特別平，不過以赤柱嚟講算係合理。一邊食，一邊飲住杯嘢，同朋友傾下計，吹下海風，都係係宜家香港咁嘅情形下嘅一種小確幸 😎

平日放假，打算到赤柱遊遊，第一站來到這間海邊人氣小店。由於當天下著雨，海邊小店差不多沒有人，這間餐廳也只得我們這台枱客。由於是下著雨，我們挑了比較入的位置，點了兩個人氣之選，包括：菠蘿漢堡包及芝士狂熱；另外點了一杯Iced Mocha。Burger 及Hotdog的份量比想像中少 ，由於價錢不算平，所以也預算分量應該會大點。菠蘿是罐頭菠蘿，不是鮮菠蘿，漢堡牛肉比較乾身，也比較鹹了點。 Hotdog也是不過不失，就是分量少了點。Iced Mocha 跟照片所示有點出入，而且看上去有種鄉土的感覺，味道不算特別好，不值上這個價錢。如果沒有下雨，在海邊吃著這些食物確是寫意；但因為一路下著雨，雨水間中亦落到食物，又看不清海邊境色，完全大煞風景。值得一提的是不店員們會一邊幫忙開更多帳篷擋雨，而且店內播的歌很不錯，都是Mirror的歌曲。

今日見放假，一個人到寧靜既赤柱行下Hea下，行到肚餓就係附近搵下野食，行到去赤柱海濱那邊，見到香港很少見到既小店，因為可以對住個無敵大海景食住野嘆下，咁就行過去睇下有乜野食啦，沿途都有幾間小店，見這間Grouchos店員很親切，咁就坐低試下啦，見餐牌都多選擇，主打漢堡、熱狗和意粉，經店員推介下試了黑松露蘑菇忌廉意粉，另外叫了杯薑檸梳打，望住個無敵海景等野食黎係寫意既，無幾耐野食到了，沒想到意粉味道非常夠味，濃濃既醬汁和黑松露GAS味，意粉口感都非常好！因為我自己本身好鐘意薑味，即刻試杯野飲，薑味夠濃，岩我口味，好飲！坐得舒服又有海景睇，下次放假都會帶屋企人同女朋友入黎試下，如果有養狗既朋友，仲可以帶埋d寶貝一齊Chill一齊Hea下，真係諗起都寫意呀！

近日天氣咁好，都係比較適合出放假遊下車河，去下遠D地方Outdoor食飯- 黎赤柱去海邊放鬆一下，吹下海風，幾舒服見到呢間野食物選擇種類多，飲下啤酒，如果有狗仔🐶🐕一齊黎係不錯選擇，今次決定食下熱狗同Burger下午茶，享受一下因為兩個人又唔係太肚餓，但都想試下唔同口味，所以點左幾款一開心share 開揚，對住海景，人都開心D！黑松露磨菇牛肉漢堡，肉汁爆滿味，漢堡扒So Yummy！黑松露醬非常多！芝士狂熱熱狗，聽個名都知多芝士，所以芝士控一定唔會失望。環境：🌟🌟🌟🌟🌟味道：🌟🌟🌟服務：🌟🌟🌟（滿分5粒🌟）

今日同男朋友放假見冇乜嘢做又好耐冇去過赤柱就入去行吓，行咗一陣發現三點三係時候食下午茶😋😋行到去海濱小食亭嗰邊，見到有幾間舖頭，間間都路過望吓先，點知發覺有一間啲漢堡包好似特別Yummy咁，原來佢哋係專門食漢堡包同熱狗㗎🍔🌭即刻肥妹鬼上身拉咗男朋友入去試吓。我哋嗌左三樣嘢食，蘑菇紐西蘭牛肉堡、黑松露蘑菇意粉、同埋因為偷聽到隔離枱話佢啲薯條好好食🤣所以就叫多咗個芝士薯條食😈烤蘑菇紐西蘭牛肉漢堡餐廳係即叫即整，等咗大概10分鐘終於嚟到喇！個麵包烘到脆卜卜滲出淡淡嘅牛油香味，牛肉漢堡扒好厚超級juicy，好足料完全冇Hea你，一啖咬落去真係好滿足🤤估唔到赤柱海邊臥虎藏龍✨嗰種滋味係會令你掛住佢想入赤柱食多次🤪黑松露蘑菇意粉一放喺枱已經聞到嗰浸濃烈又醉人嘅黑松露味🤣🤣男朋友笑我食煤氣意粉，意粉軟硬適中，上面仲有滿滿嘅芝士碎，箇中滋味難以形容，黑松露萬歲🎉🎉🎉芝士薯條呢度嘅薯條係超級有誠意嘅粗薯條，唔知點解佢D薯仔味特別香濃，根據我食薯條多年嘅經驗絕對唔係一般嘅貨色，鍾意食薯條嘅人會明白我講咩，叫得芝士薯條梗係有芝士啦！佢啲芝士係要用洶湧去形容嗰個澎湃嘅程度，真係食每一啖都有芝士黐住啲薯條，卡路

放假唔知去邊好，見咁耐無去赤柱就入去郊遊遊啦，行行下見肚餓就望下openricec有咩好食啦，見到有間食burger唔錯就試下啦，點知有驚喜喎！🤩🍔首先叫咗菠蘿牛肉漢堡，原來菠蘿同牛肉漢堡又幾夾喎，塊菠蘿煎過酸酸甜甜夾埋塊漢堡好juicy，因為個包太大個，個侍應仲好細心問我哋洗唔洗切👍🏻另外叫左佢哋個招牌三色薯條🍟分別有肉醬、芝士同酸忌廉，薯條唔係老麥幼身嗰啲而係粗身嗰隻好多薯仔肉😋三款醬中芝士係最正最邪惡❤️😈最後嘆番杯青檸梳打同草莓梳打🍹望住個無敵大海景hea下又一日啦😌價錢方面係赤柱叫做好合理啦

Located in the Stanley Waterfront Mart, the row of little restaurants with outdoor seating. Has a fairly comprehensive menu with Hong Kong regulars such as fish and chips, noodles plus spaghetti, large burgers and hot dogs. Service is friendly and fast; take care to sit on chairs that belong to the restaurant that is serving you or they will ask you to get up. Also serve beers (which you have to pick up from inside) but it’s okay.Great waterfront place, I had German dark beer🍺 nice outdoor seati

放假唔想自己煮🥡，就上openrice睇下有咩好野食，見到哩間訂位有85折，book左4位，但我塞車遲左20分鐘先到，店員都好好人俾位我地，但冇提供bb凳，服務就不過不失啦叫左黑松露吉列豬排漢堡🍔🍔價錢ok，味道可以，這個漢堡既豬排炸得好香脆又juicy，同黑松露好夾，配有新鮮洋蔥、蕃茄，芝士，同鬆軟麵包一齊食，大滿足，很惹味。睇食評話一定要試三色薯條🍟🍟，餐牌上寫是用比利時薯仔做既，好似幾特別，芝士味濃，肉醬開胃，酸忌廉消滯，份量剛剛好，用粗薯條勝在有薯味，底下的薯條可以點茄汁食又多一個食法都好味。培根芝士熱狗，話用冇msg既芝士腸做，面頭芝士香濃又可拉絲，叫俾小朋友食佢地最開心意粉點左蒜片欖油意粉，係彈牙既，有d辣，但可以接受，小朋友就唔太啱 但佢哋好鍾意食個蕃茄意粉🍝🍝，酸酸甜甜，好快食晒餐具係用獨立包裝既木叉，尚算衛生

香港真係好少有露天既食店，我最喜歡坐在戶外享受大自然吹來既風食野推介一間位於赤柱海濱的漢堡店Grouchos特別推介Jack on mushroom烤菇牛肉漢堡價錢相宜，味道對辦，這個漢堡當然不少得牛肉，當中用了new zealand天然牛肉，牛肉很Juicy，另外也有烤得焦香的蘑菇，新鮮洋蔥、蕃茄，芝士，放進鬆軟麵包內，裡面還加了秘制漢堡汁，所以吃起來很惹味。此外不能錯過的是薯條，餐牌寫是用比利時傳統薯仔 ，我們嗌左三色薯條，芝士味濃，份量亦足夠，粗薯條雖然不算太脆，但勝在有薯味，即使不點茄汁也很好味。另一主打菠蘿漢堡。裡面的餡料豐富，有全熟的newzealand牛，還有烤菠蘿，烤bacon,洋蔥和燒烤汁,醬汁做得很好。飲品點左有機蜂蜜啤酒甜甜地既啤酒甜品點左香蕉waffle,但份量略為細左d整體上來講 唔錯！唔錯！

赤柱閒遊，晨咁早對住無敵大海景食早餐真係冇得輸🌈係門口睇下餐牌先，有個著住制服既妹妹招呼我地，幾純真的中途有搞錯order但係都好快改返同say sorry 野食方面 ：Burger 個包好鬆軟好新鮮，牛肉我要求全熟，但係都唔會乾，比起係重慶大慶食過既更好食啤酒漿炸洋蔥圈大大圈，勁正必飲既係Lime soda青檸梳打係用新鮮青檸榨汁加梳打，純天然之前係其他餐廳無飲過咁好味，問經理佢話有時得閒既話😅d冰係用青檸汁去做，所以青檸味好突出好清新😇

環境方面：座位向海，沒有冷氣，座位係膠枱膠椅，餐廳座位唔多，有點殘舊，似路邊茶座。服務方面：普通，沒特別。食物方面：叫左兩款飲品分別一枝啤酒$68及果汁味啤酒$58、一個法式小狗熱狗包$58及烤蘑菇紐西蘭牛肉漢堡包$88，飲品無問題啤酒一枝，熱狗包係豬肉腸加左d青瓜汁及芥辣醬，味道普通，不算得上好食，芥辣醬太多，而漢堡包塊肉似有點被「拿」過，麥記個包仲好食，結論價錢偏貴，還要加一，價錢與質素不成正比，不推介。

早上1030 到赤柱，不是太多店舖開門，所以選擇了Grouchos。面對著大海，太陽傘下進食，十分赤柱風味。食物點了 fish finger、辣腸熱狗和芝士熱狗。fish finger 剛炸起，十分香口亦沒有炸燶。辣腸熱狗用上貴價辣腸，但加有蘑菇有點奇怪，但味道不錯。芝士熱狗就比較普通，腸的味道亦沒什麼特別，芝士亦不夠多。飲品點了柚子梳打和凍咖啡。咖啡味道非常香濃，原來是illy 咖啡豆。整體一般，但以赤柱平均消費來說就算抵食。