Cafe Idea (已結業)

一直未去過有貓既CAFE，愛貓既我今次一定要試下！一入去已經有隻喵喵等緊我，HELLO！講反野食先，叫左2個餐試左個前菜先 － 泰式辣汁蝦第一個感覺就係。。。好辣呀！不過好正！食完隻蝦，又有D青瓜解反D辣，好貼心既做法！周打魚忌廉湯以為係D頹湯，點知有驚喜喎，冇諗個湯可以咁"傑"，好濃郁既忌廉湯！好好飲！菠菜汁忌廉雞湯蟹棒燴飯第一個比我既感覺係，好熱呀！果然係即叫即整！點解我地會叫呢個燴飯呢？其實係俾佢個餐牌既"菠菜汁"吸引左，其實E＋出親去食都係"肉肉肉"，好少可可以食到菜，而呢個就係好重菠菜汁味，加埋忌廉雞湯，令到你唔會覺得係食緊齋咁，個蟹棒好鮮甜！10OZ 厚切西冷扒拿破崙意粉黑椒汁冇改錯名，真係好厚呀！切又唔會好辛苦，因為熟度岩岩好，呢個西冷煎得好好，唔會有紅淋淋咁，鎖哂D肉汁係塊扒度，食落又唔會好乾，仲有翠肉瓜同粟米做伴，好健康！野飲當然要叫呢度好出名既特飲啦！污糟貓（黑朱古力奶）KAKA～好得意呀，真係有D唔捨得飲！隻杯耳原來係貓尾黎架！挪威森林貓（抹茶＋純牛奶＋忌廉）抹茶同奶個比例做得好好，唔會覺得剩係飲緊抹茶或者飲緊奶，值得推介！

成日上樓上cafe，上到好似咩無新意 係思前想後下，無意發現咗呢一間貓cafe，就貪得意試下 cafe環境都幾闊落，可以容納到好多人 睇完餐牌、叫埋嘢食之後，我哋就入咗去一間貓房我估佢其實係party room，不過冇人嘅時候呢，貓貓就會係呢度玩 啲貓貓唔怕人，畀你任摸仲好鍾意畀人幫佢梳毛添熱朱古力 朱古力當然熱辣辣先夠香夠濃，而且呢度嘅cream好可愛，一層一層，仲好似有好多個尖塔由於我叫既係晚市套餐所以會有三款前菜可供選擇，我就揀咗salami芝士拿破崙煙肉汁蒜香腸燴蝴蝶粉芝士有很多，將佢撈勻之後，每一啖都可以有芝士拉絲而且蝴蝶粉軟硬度適中，唔淋，唔會影響蝴蝶嘅形狀，睇落仲好靚仔香腸都畀得好多，醬汁惹味，整體黎講唔錯仲有好多仔可愛貓貓添，佢地一D都唔怕人，會走出黎企係你格離

之前睇食評，見到有幾個話係伏，而且又話有人會食煙，但我打過去又禁煙，即係點呀！有d擔心。同埋打去問係唔係禁煙時，感覺對方職員態度麻麻，但現場接觸左佢地之後，我又覺得可能係誤會，佢地態度都唔錯呀～～另外去到之後，個場冇煙味，都唔見有人係度吸煙，所以Ｄ食評真係唔知信唔信得過～只係親身經歷先為知真實呀！！一入門口感覺唔錯，座位唔迫＋環境氣氛幾舒服。我地有朋友BOOK左枱，幸好早左去到，可以選位置～我打開餐牌發現有好多選擇～而且飲品D名好有趣~當然除左睇個名之外，仲要睇下有咩成份啦～我睇中左杯藍色飲品，但又怕係伏黎，所以戰戰兢兢心大心細。。。之後我地問起職員有咩飲品推介～職員都建議我果杯藍色受歡迎～我心諗真係值得推薦嗎？好啦，我就試下啦～又真係幾好飲呀～至於朋友果2杯.....1杯還可以，但選最簡單果位朋友。。。我覺得難飲。。。（透明色）三文魚沙律幾好食呀～唔算差。尼個薯角小食，又香又脆又熱又好吃～值得推介～尼個墨汁意粉超差冇墨汁味仲要Ｄ汁好稀。。。口感超差，唔好食。。。希望有待改善尼個超好食～唔記得咩蝴蝶粉了～食極都覺得好食～（當然個殼係裝飾品）整體唔錯～可以聚一聚，幾舒服的，野飲食物質素都

呢間貓cafe有五隻英短，老闆娘話五隻貓貓都係一家既，所以特別似樣～Menu入面就有五隻貓貓既介紹呢度可以包場開party有貓貓幫規，大家記得遵守番呢度啲規則呀～呢度食物好多比一般cafe多好多呢～意粉，risotto，焗飯，pizza，沙律，小食，甜品⋯⋯仲有好多種類既飲品其中有啲特飲仲係用貓貓黎命名添，好特別架我就試咗個喜瑪拉雅貓，其實即係蜜瓜牛奶，仲帶有少少薄荷嘅香味食物方面，叫咗個Parma ham pizza同埋煙三文魚碎risotto食物份量不少，pizza有好多芝士，但又唔會搶左Parma ham既味同樣地，個risotto都有好多三文魚，而且好香忌廉味呢度啲貓貓都唔怕生而且cafe都provide左啲玩具比我地同貓貓玩～如果同貓貓玩到悶，都可以玩下呢度嘅board games，過一個悠閒既下午最欣賞嘅就係呢一度睇得出好愛護啲貓貓，有一個大休息室俾啲貓貓休息，唔會強逼佢哋出嚟招呼客人，絕對係一間有良心嘅貓cafe而且比起其他cafe，呢度食物質素幾好，價錢又好平（可以40幾蚊坐成個下就），所以第時想再同貓貓玩既話，都會再揀呢間cafe呢～

今次行完旺角就黎到一間猫cafe食lunch，呢到d猫好好好好活潑呀～唔似我以前去過既其他猫cafe，d猫好似食曬安眠藥咁郁都唔郁老闆娘睇得出係個愛猫之人，同d猫既感情超好，佢仲特登整左間大房做d猫猫既休息室原來呢間cafe既猫都係一個家族黎，由老闆娘自細養大，難怪佢地咁親密仲左同猫猫玩之外仲叫左個甜品，係老闆娘親自推薦既岩漿吐司，份量好大，賣相一流切開中間之後入邊d漿就爆曬出黎，差d噴到自己當然除左賣相呢個甜品既味道都係一流的

香港有好多以貓為主題嘅cafe, 通常野食都麻麻，但今次呢間cafe idea就真係要比個like. Lunch set都好多選擇，我地叫左個黑松露帶子意大利飯，牛油蜆肉炒意粉同岩漿吐司。黑松露意大利飲好夠creamy,意大利飯唔會太𣺉，幾有咬口，帶子都幾多粒，冇雪味，不過落左d翠玉瓜就有小小唔夾。牛油蜆肉炒意粉就差小小，太乾身。而吐司果然冇令我失望，我地揀左流沙奶黃配竹炭包，一切落去都係奶黃！配個吐司一齊食好正，雖然食到尾會好膩但真係好好食另外跟餐有野飲嘅，我地就叫左一杯水蜜桃沙冰同櫻花玉露。兩杯都比較甜，麻麻。

星期五既下午，自制一個休息時間，relax 下， enjoy my happy Friday! 獨自黎到旺角既貓貓cafe.放空一小時講到afternoon tea就一定係甜品啦，而呢個岩漿吐司淨係個賣相已經極之吸引，將大大塊牛乳麵包放係木紋板上，再用棉花糖做點綴，係麵包上有大大個貓咪肉球，隔離仲有大大球雲呢拿雪糕，上面仲唧滿晒忌廉，仲有個貓咪嘜頭係上面，淨係個賣相已經值回票價。而我選既岩漿係港式奶茶「岩漿」，一切開塊麵包，就有傑傑地既「奶茶岩漿」流晒出黎。味道方面亦都十分唔錯，麵包十分鬆軟，「岩漿」奶茶味夠濃，配埋杯荔枝玉露，十分推薦。講到貓咪café，當然唔少得主角：可愛既貓咪們。貓咪仲非常親近人，各位貓奴千奇唔好錯過！

Happy Friday 黎到 Café idea好多貓café 都會係有個貓字，但呢間café就咁睇個名完全唔知係同貓係有關ge其實原先係book左另一間貓café 點知睇睇下發現唔少評語提到氣味好大 所以就轉左去呢間6點幾去到~ 大慨見到7點15分就full 曬~所以最好就book定位先~入到去~ 環境都好靚 有大大隻貓咪樣ge牆壁, 燈箱至於氣味, 係完全冇ge~~ 可以放心冇記錯貓咪有5隻  不過記得摸貓咪時要注意唔好摸肚, 腳, 仲有尾巴貓咪可能會唔like喔~點左一個10安士牛扒意粉食哇 上台時好驚訝 大大份塊牛扒好大 但賣點並唔單止係大份仲好好食 雖然冇得指定幾成熟但絕對係我想要ge肉質柔軟 切開見到粉紅色食完一口又一口 估唔到黎樓上café 都食到咁高質ge牛扒十分滿意 !其實淨係食塊扒都好夠飽仲配有意粉 個意粉還可以如果多D汁會更好 講完野食, 到講野飲~同其他café 一樣野飲方面好多選擇 有熱有凍而全部ge飲品名都以貓咪命名 幾有心思唔單止D名特別 飲品ge賣相都好靚 味道都唔錯好似我叫左呢杯野飲咁好吸引眼球似一個藍藍的海洋~亦有淡淡ge荔枝香氣食飽飽 黎樓上ca

今日和朋友行旺角shopping， 行到累，肚又餓，真係好想搵個地方坐下，食下野！但又唔想去開平時去果D！ 今日畀我搵到個好地方， 一間唔錯嘅貓cafe， 原本上去心態只想坐下休息下， 但室內環境的確不錯， 燈光柔和，加上有很多喵星人的海報， 整間店舖彌漫著舒服， 輕鬆的感覺！ 加上員工很有禮， 細心推介一些合適我們口味嘅招牌菜！ 這時貓店長也在四周 巡邏， 真係巧得意， 也殺我不少菲林！我和朋友一起叫左一個二人餐，食物黎到啦，真的給我唔少驚喜， 先講一下忌廉湯，味道很濃郁， 還有陣陣的香草味，真的嫌他給我太少！ 跟住再嚟一個海鮮意粉， 意粉上面還加有黑松露, 味道醬汁 一樣也很濃郁， 意粉嘅軟硬度適中，只可以說可和一間大牌子連鎖店比美！而小食，我們叫左一個柚子雞翼，醬汁也一樣多和味道濃郁，皮脆肉嫩！ 還有飲品， 飲品名也以喵星人命名，很有趣，我叫左杯(禮服貓)，紫色的，很濃紫薯味， 再加上外觀很精美，正！ 最後是甜品， 岩漿吐司 ，這個必試，因為實在太靚啦加上把吐司切開時，D 熱辣辣嘅醬汁流出來， 真是很像岩漿的樣子！總括嚟講， 這一家貓cafe， 畀我唔少驚喜， 特別係食物方面，

話說小胖女係一個貓痴,今日佢就帶左小弟去左旺角呢間cafe idea既貓貓cafe,小弟都係抱住去食飯既心態上去,其實之前都有一兩次上過去類似既cafe,但發覺環境都唔係太好,一黎人多過貓,d貓會周圍走黎走去,好多貓貓經常被多個客人圍玩,二黎個場會好多貓毛飛黎飛去,對有鼻敏感既小弟黎講係惡夢,但今次黎到呢間貓貓cafe,感覺比想像中好,地方非常乾淨,而餐廳甚少會見到有貓貓周圍走,呢點係非常好,始終食野地方,掉d貓毛落去都唔好.好啦,廢話小講,小弟即刻係叫野食先,叫左兩個set dinner,一個西冷牛扒同三文魚牛肝菌意大利飯,兩個set都有前菜配送,意大利飯做得好好,唔會傑達達,西冷牛份量十足,賣相亦都非常吸引係食到咁上下,呢到既店長祥仔終於訓醒黎招呼我地,由於佢非常熱情地跳左上我地張枱都玩,老闆娘就上前阻止,其間仲傾左陣,小胖女仲成功傾到老闆娘送左d小禮物比佢,非常好人最後食埋個港式奶茶爆漿吐司同飲埋小弟紫薯latte,加上一路同貓貓玩,就過左一個好開心既晚上啦

今晚天氣好熱，同男朋友行到旺角，周圍物色下有咩地方可以坐下Hea下，可以舒舒服服傾下計食晚餐，突然比人一個好可愛既招牌吸引住(Cafe Idea)係一間貓Cafe，身為貓控既我地就決定上去試下！上到去第一眼就睇到好可愛既貓仔招牌，我地入座時間大約7:30pm，已經有好多一班朋友，情侶係到食緊飯，我地安排坐4人卡位，地方好舒適乾淨舒服，周圍都有好多貓仔既相片做裝飾，仲有幾隻貓仔訓醒覺岀左黎行下，好可愛好乖！我地叫左一個套餐，黑松露帶子白汁意粉，跟餐湯，餐飲！另外多叫左一個呢到既招牌菜，岩漿吐司同柚子雞翼！所有野食都即叫即整，新鮮熱辣好快就上左餐湯，濃濃既香草味道，口感好濃郁意粉一上枱已經好香黑松露味，入口軟硬適中，醬汁很濃，好快已經比我地清哂碟！柚子雞翼好清新，甜甜既柚子醬包住成隻雞翼，食到停唔到口！而呢到既飲品也很特別，每款都用唔同貓品種改既。我地叫左一杯流浪貓沙冰(百香果，奇異果，乳酸)禮服貓(紫薯，牛奶，忌廉)，2杯都好好味，新鮮用生果打成，好清新！最後重頭戲就係岩漿吐司，竹炭面包裡面包住濃濃奶黃醬，一切開就會流心，不可不試！呢間貓cafe不論食物，飲品，環境，衛生都好評價！下次一

朋友鍾意貓，上網見到旺角呢間貓咪Cafe幾好，於是帶左佢黎食第一次黎貓咪Cafe, 都擔心會有衛生問題，呢間比想像中好，冇臭味又夠冷氣，地方乾爽，坐位夠闊，貓咪集中係一窗口果邊聽店員講貓咪係一家人黎，所以似樣，好搞笑😂呢隻阿妹較怕人，所以躲係櫃裡面🤣揀左個2人餐加個奶茶竹灰爆漿吐司香草焗豬仔脾蝴蝶粉沙律：豬仔脾焗得夠淋，有成4、5隻，蝴蝶粉沙律正正常常小龍蝦意大利燴飯：除左好多龍蝦肉，仲有蜆肉、蘑菇，好足料，食落有口感，又夠味Oreo朱古力呢個奶茶竹灰吐司幾有驚喜，一切落去爆哂奶茶漿，好治癒，味道又唔錯

今次同朋友黎貓貓cafe呢間cafe交通方便 係正兆萬格黎上到去見環境幾好幾寬敞但貓貓就咁岩訓緊晏教個餐牌好有心機仲有晒貓貓既人物關係圖好得意老闆娘仲教我地分別小小同祥仔😺😸真係好得意😻😻😻😻我地叫左個set有德國咸豬手豬手既皮好脆好香薯條既醬汁仲有好多唔同味蜜糖芥末好正食食下貓咪就醒左啦😻😻😻之後同我地有d小互動好得意我叫左杯朱古力沙冰唔會太甜幾好朋友叫左杯熱朱古力有貓抓圖案好得意最後必食推介係個雪糕吐司磚👍👍👍面包外脆內軟問返老闆娘原來係日本牛乳面包唔怪得食落去已經feel到好唔同真心好食過平時果間食吐司磚既餐廳仲有蛋糕做甜品焦糖燉蛋好食最後老闆娘見我好鍾意佢地d貓仲送左個貓貓襟章俾我真係好好人❤期待再去多次!!

小貓小狗我都很喜愛的呢但一般貓狗cafe的食物價錢通常都比較貴，所以沒有經常到貓狗cafe。不過聽說位於旺角百寶利中心五樓的貓cafe，除了貓貓很可愛外，食物價錢也十分相宜呢！室內挺寬闊的週末下午正播放旅遊節目。下午三點到的時候貓貓都睡了，不過即使想與貓貓玩耍，也不可以打擾睡眠中的貓貓呀！後來醒了的貓貓要吃零食，超cutecute的下午茶也有午餐呢。貓貓系列特飲下午茶時段只是$50！可選竹炭麵包或牛乳麵包，我則選了竹炭麵包。岩漿也有多款口味可選，例如港式奶茶、抹茶醬等等，而我則選了流沙奶黃奶黃流出來時還很温熱，與麵包很配三重口味分別是煙三文魚、巴瑪火腿、Salami多款board game，與朋友渡過悠閒溫馨的時光有多款貓貓精品可買呢，愛貓人士注意！

女人對小動物同甜品係亳無抵抗力架，於是就有猫cafe 嘅出現啦，對於我呢d男人黎講，猫cafe意義就在於佢可以令女仔朋友玩得開心，咁當然，野食質素都好重要啦。今次呢間cafe就滿足到以上條件啦，一黎間鋪有5隻又真係幾得意嘅猫，入到去就見到d猫走黎走去同有幾隻係到訓覺，可以滿足到女人對小動物嘅追求。呢個時候你就可以食哂d野食佢啦😏呢間cafe野食質素認真唔錯，係我食過嘅樓上cafe之中都係中上之選。咁今次我食嘅就係二人套餐啦，一黎就係cafe必備暑條，不過佢有配備特製隻醬汁，唔係一般得茄汁咁簡單。上菜時間可以同老闆娘或者staff講，我地肚餓所以好快佢就上埋主菜啦。由於本人為專業食肉獸，所以其中一道菜係豬手，豬手表皮脆，肉質偏幹，但食落唔會太油，水準唔錯。而第二道菜係黑松露雞肉意大利飯，呢道菜就啱我地胃口啦，本身豬手小小幹，所以意大利飯嘅醬汁就可以互補不足啦，黑松露味十分之香而雞肉同飯火候亦都剛剛好，唔會偏濕或幹。同時間我地每人叫左杯野飲，有西伯利亞猫、污糟猫，杯杯都好好飲。食完主菜就係女士最鐘意嘅甜品啦，今次叫左特色吐司，味道呢，就係我呢個平時少食甜品嘅人都食到佢幹幹淨淨，推介大家食呢