火車頭越南餐室 (朗豪坊)

營業中

休息中

今日天氣好熱，即刻入朗豪坊涼冷氣兼shopping，見平台有間好有特色嘅越南餐廳，燈飾加裝修望落似一架舊式火車，店員又殷切，會介紹下menu，見餐廳人氣高，食客多，我地就一於試試。大蝦柚子沙律（⭐️⭐️⭐️⭐️⭐️）好滿意的一個沙律，食材新鮮乾淨，柚子好清新，加埋柚子醬令生菜吸滿柚子味，生菜好新鮮爽口，大蝦不錯，凍食就更加彈牙，值得一試！沙爹雞肉串（3條）（⭐️⭐️⭐️⭐️⭐️）非常滿意嘅小食，對得住價錢。沙爹醬，有濃郁花生、椰香味，雞肉大塊燒得好滑，配合青瓜解膩一流！原個菠蘿炒飯（⭐️⭐️⭐️⭐️⭐️）每次食東南亞菜都必嗌菠蘿炒飯，炒飯份量幾多，大大個菠蘿兜裝住，炒飯堆滿就瀉，而大蝦的確係大蝦，擺面頭有說服力。大蝦爽口剝埋殼食得方便，味道可稍微再入味一點，炒飯有濃香嘅薑黃粉，配合腰果、菠蘿等等嘅配料令味道口感更豐富，更加開胃。香茅豬扒（⭐️⭐️⭐️⭐️💢）豬扒一塊切開幾件，厚度適中，醃得好入味，個人覺得偏鹹，配合撈檬相信能中和鹹味，近骨位帶點點肥有油香，其餘部分偏瘦，肉質冧。~~~~~~~火車頭越南餐室(朗豪坊) 旺角亞皆老街8號朗豪坊4樓12號舖👍出色味道👍地點方便👍服務周到

去了旺角朗豪坊去八掛下chiikawa 拉麵店，點知超多人，就落去平台搵嘢食。 見有間越南餐廳坐得舒舒服服，又唔晒等位就入去。叫咗火車頭最有名嘅火車頭河粉，入面有火車頭所有主要材料喺裏面，肉丸、蘿蔔、牛雜都比較清甜爽口。味道比較清淡，適合大魚大肉幾日後，用來調整一下身體的食物。 越南河內出名鮮蕃茄牛腩麵，蕃茄味道濃郁，湯底好清甜。牛腩整到好腍易入口。整碗麵都係比較清，麵的口感似食雲吞粉麵個麵底感覺，麥味較重。我最喜歡食呢個大蝦柚子沙律，佢將一嚿嚿柚子撕開到一粒粒。每啖入口，都食到非常多柚子, 夾埋蝦肉混柚子，食落好清新開胃。粉紅玫瑰雜莓綠茶，奇異果味超濃、帶點玫瑰花的香味，再加埋綠茶做底。超膩還可以增加維他命C, 健康之選。

晚餐時間2位入座，入座時有其他吉枱，竟然打開摺檯叫人坐食物叫了火車頭，味道冇乜味，仲要有d骨頭放入去，我第一次見到火車頭入面有牛骨，香茅豬扒冇香茅味，只有蔥味，牛油雞翼只係雞皮有蒜味，雞翼入面又係冇味，青木瓜沙律份量少之餘，又係冇味，我以為我係食緊青瓜絲晚餐一共四百幾，連最大路，基本嘅食物都搞成咁，我以後都唔會幫襯。

雞絲湯河落咗好多洋蔥，所以個湯底好甜，呢種自然既甜味非常之好飲。雞絲都好新鮮，有種自然既味道。啲河粉煮得岩岩好，唔會係斷哂既，而且都有香香嘅米味。串燒係雞肉串燒，個汁係沙爹汁，香椰得嚟無辣味，而且個串燒燒得一啲都唔燶。

晚餐時間七點，朗豪坊很多餐廳門外都排了人龍想快快手搵間餐廳坐低食個quick dinner路過呢間餐廳發現冇人龍嗱嗱聲請店員安排座位坐低，見到枱上有張餐巾印有金庸的名字，並印上「天下美味越南粉，越南粉之最火車頭」講到越南粉之最，那便單點碗火車頭和一杯雞蛋咖啡，埋單都要190+啊！先講講火車頭嘅料，有牛丸、牛柏葉、牛筋、生熟牛肉、牛腩、牛尾、少許洋蔥，連埋河粉一大碗，份量足夠一人享用，但個人覺得牛尾、牛筋、牛柏葉等食材均淡而無味，需要點一些士拉差醬或辣醬等醬料增添味道，越南河的牛湯香甜味亦不見驚喜，個人覺得「阿麗」的火車頭更合我心意。至於杯雞蛋咖啡，不是很多地方有提供，能叫杯飲下，回想一下越南的雞蛋咖啡，還好。

喺扶手電梯下面嘅越南餐廳望落裝修好靚 火車頭做主題見到有個二人晚餐 $288 包咗三個小食、兩個主食同埋兩杯嘢飲主食叫咗碗豬頸肉湯河&香茅豬扒撈檬湯河極之難食！🤢湯底完全係茶餐廳粉面嘅湯底🥴🥴完全冇任何越南風味仲衰過屋企樓下啲港式越南餐廳味道主要靠後加嘅青檸、辣椒同埋一塊香葉🙄豬頸肉偏厚 但係冇咩燒過烤過嘅味道另外一個香茅豬扒撈檬就正正常常啦撈檬冇可能難食嘅始終都係靠個汁豬扒偏厚實有香茅味小食叫咗米紙卷、青木瓜沙律、蒸粉餅味道OK啦 不過都係未達到越南餐廳應有嘅水準同埋米子卷配咗個港式甜醬俾我哋勁奇怪 總結大家千祈唔好過嚟‼️

🔶🔷🔶全個朗豪坊 最好味嘅餐廳🔷🔶🔷。唔知大家有無一個諗法，就係朗豪坊呢個旺角地標大型商場，入面係無咩邊間餐廳係好食，而我差唔多每次要係朗豪坊食嘢，都會去呢間越南菜，因為佢係呢度黎講係最好味。最近佢新出咗個二人海鮮餐，只需要$428就食曬海鮮，甚至乎係一人一隻龍蝦。牛油果軟殼蟹米紙卷軟殼蟹好大隻，又無炸到好乾，米紙卷入面塞爆蔬菜同牛油果，好豐富嘅組合。椰湯浸波士頓龍蝦呢道菜係一人一客，即係一人一隻龍蝦，淨係飲呢個湯都抵返，龍蝦入邊好多膏，仲有香草蒜蓉包跟食。馬拉盞炒通菜、香茅胡椒大蜆炒粉絲炒粉絲煮得好惹味，有唔少大蜆，食到呢度飽到差d食唔曬。📍火車頭越南餐室 (旺角)旺角亞皆老街8號朗豪坊4樓12號舖

今日在旺角區覓食~選了一家越南餐廳！「香茅牛肉蝦片」現炸蝦片酥脆，鋪上香茅醃製的薄切牛肉，酸甜蘿蔔絲解膩，冷熱搭配很開胃。「火車頭招牌」湯頭清甜不油膩，牛丸彈牙、牛肚軟嫩，河粉爽滑，加點青檸九層塔更提鮮。 「椒鹽軟殼蟹」炸得透而不油，蟹殼酥脆可整隻嚼，椒鹽鹹香帶微辣，旁邊配的酸甜蘸醬很解膩。「越式蒸粉包拼扎肉」米皮透薄Q彈，裹著木耳肉餡清爽不膩；扎肉切片煎過，外脆內彈有嚼勁。 分量紮實。整體調味平衡，不過分油膩，該清爽的清爽（粉包）、該濃味的濃味（椒鹽蟹），適合想吃地道越南味的時候來。

小時吃過的法式牛油雞翼，難以尋回，唯有四處尋覓記憶中的味道。不能說在此的風味跟回憶裡的同味，起碼它的味道勾起我當初迷上法式牛油雞翼的原因 - 就是蒜味油味濃而不庸俗，調味不過份，吃過後也不會有不良的“獲利回吐”。另外下單了蒸粉包配切片札肉，有殿粉之餘又不會太飽，剛好吸收了雞翼的油膩感。更獎勵自己送上美碌恐龍，作為鹹甜對沖的中和劑。整餐晚飯很是完滿。

火車頭越南餐室位於旺角朗豪坊，逛街後順道來吃飯，真的非常方便。 樓底高，卡位坐得舒適，還有戶外座位。✨ 鮮椰青原個鮮椰青，椰子水清甜，解熱生津，非常解渴。✨ 蒜香牛油雞中翼越式美食，雞翼表面金黃，口感酥脆。滿滿牛油香氣和炸蒜，惹味的一道小食。✨ 小食拼盤豐富的小食拼盤，可一次過嚐到數款不同的越式小食越南炸春捲：用越南米紙卷着碎豬肉、紅蘿蔔、沙葛、木耳和米粉。 口感不膩。沙爹雞肉串：沙爹雞肉味道濃郁，不乾不柴。蒸粉包：粉皮裹着豐富餡料，含碎豬肉、紅蘿蔔、沙葛等，外加炸蒜蓉、炸乾葱和葱粒。扎肉：彈牙。青木瓜乾牛肉沙律：爽口清新。✨ 咖哩牛腩湯河牛腩軟爛入味，富濃郁的咖喱香。咖哩着重香氣濃厚，口味温和帶微辣。河粉吸飽濃厚咖喱湯，十分滋味！

午市二人餐 $288包x3款小食蒸粉包有好大粒發泡膠喺頂都冇發現就上菜好彩我慣性望吓先食啫額外加$28先可以叫牛柳粒紅飯今日好想食 但單點冇得叫問過侍應，佢都話跟餐先有點知上到嚟係油浸嘅 因為係鐵板上 成個水氹咁我要用餐巾朔咁啲 先知識到落口啲飯份量勁少 最底嗰1cm飯仲油浸住，完全冇食到所謂牛柳好靭 仲要有粒勁硬同大嘅骨碎 好在冇勁大力咬落去咋牛柳點解會有骨碎呢？完全唔值加錢 生牛肉湯河 (已經嬲到唔想影相）啲牛肉嚡到喊 唔知咩部位嚟 有筋膜嘅位😞跟餐嘢飲好多都唔包龍眼冰 越南咖啡都要額外加$18杯咖啡煉奶少到完全唔甜我要叫佢俾多少少先似平時越南咖啡嗰個比例使唔使咁慳？服務態度算ok嘅最後加加埋埋又+1 食咗成$388完全唔值呢個價！同等價錢真係食過好好嘅越南嘢絕對唔係挑骨頭嘅人(今次好彩我有挑，如果唔係咬崩牙都似）點解每一樣細節都有嘢甩漏當下投訴都廢事，實在太多問題 樣樣都投訴，搞到我好似西客咁我自己選擇唔會再嚟算喇 冇下次

珍多冰好飲，軟殼蟹好吃。我都推薦食春卷，加埋牛油雞翼仲好食。人餐好抵$288就可以有三個小食，兩個主食，同埋加少少錢就有飲品（有啲唔使錢），如果再加多$38仲有埋甜品。環境好舒服，亦有一種香港嘅感覺。值得推介

📍🇭🇰突然好想食越南嘢🇻🇳店員又熱情邀請我入去就決定立即試試佢！🤣🍃 環境 廚房同收銀處用好可愛嘅火車外觀設計🚃完全切合返佢哋嘅餐廳名💓隔離有落地玻璃採集自然光☀️加上用奶茶色雲石枱設計，好有高級感！枱面上面仲有醬汁，牙籤等等…好方便，唔需要再問店員拎😋 🇻🇳 食物點左一份Lunch set包含一個主菜，一份小食及一杯飲品✌🏼1.胡椒大蜆炒粉絲 ($108) 🔥 胡椒味同香茅味非常之濃🙈基本上食唔到其他味道粉絲比較粗身，呢種粉絲一般都會黐埋一齊，口感比較煙靭但略嫌醬汁唔夠濃，粉絲吸唔到佢嘅味🥹配料仲有扎肉，雞蛋，芫荽🌿更有越式風味蜆肉幾新鮮，不過有幾隻有啲沙🫣 2.蒜香牛油雞中翼 2 件🧈唔太食得出蒜味同牛油嘅香味🫣感覺係一個Juicy有肉汁，不過味道普通嘅炸雞翼👄 飲品 凍羅漢果蜜 🥃羅漢果味好濃，好解渴，值得推薦💓💁🏻‍♀️ 服務店員服務態度好好，有禮貌，仲好細心！見到食蜆有殼，主動拎隻細碟比我放殼💕唔該晒🥰✨推薦分數 : 6.5 / 10

早前約了朋友在朗豪坊晚飯, 行經這間越式餐廳已覺吸引, 這次在附近購物後就在這裡吃晚餐.牛油果素菜米紙卷 $68米紙口感煙韌, 牛油果🥑及沙律菜🌿新鮮好味, 配上特製醬汁很惹味越式蒸粉包拼扎肉各4件 $83擺盤非常精美, 美食以高身木盤盛著.粉皮薄透, 餡料豐富, 有蝦米, 木耳, 蘿蔔絲等, 口感豐富爽口, 味道清新, 令人回味無窮.札肉味道香濃, 口感彈牙.蒜蓉炒雜菜 $88雜菜新鮮, 種類豐富, 有椰菜🥬、西蘭花🥦,、三色椒🫑、洋蔥🧅, 全都清爽味美街頭碎米飯 $98香茅豬扒味道清香, 豬扒口感軟滑, 煎蛋蛋黃香滑, 還有青瓜, 醃蘿蔔絲等配菜這餐廳食物質素高, 款式選擇多, 而且招呼周到, 值得再來, 下次要試其他菜式.  另外還有一些越南小吃售賣.

係香港中心地帶-旺角，想舒舒服服食一餐，又唔想太貴有咩選擇？今次選了旺角朗豪坊的越南餐廳，星期日既下午茶時間入座，選了二人套餐$278（加一服務費）環境：😍裝修非常美觀啊，周圍都有小燈泡，氣氛滿滿🛋️座位都係梳化位，枱與枱之間都好闊落🌿🌼佢因為有落地大玻璃啦，所以有一種俾人喺室外嘅感覺，但又享受住室內冷氣🍃🌬️嘅舒服🤩🤩小食：越式蒸粉包呢個蒸粉包就好似我哋嘅腸粉皮加鮮竹卷既餡🤣未試過可以試吓😏試過就唔使再試小食：蒜香牛油中雞翼佢竟然係炸雞翼，好一般🙂‍↔️小食：酸辣去骨鳳爪酸酸辣辣都幾辣，但係夏天食非常開胃👍🏻主食：金不換牛肉炒河金不換原來同牛肉同炒河係好夾㗎，而且有種好fresh嘅感覺都係夏天不二之選🌻主食：越南焦糖紅燒肉飯比越南兩個字呃咗同普通紅燒肉冇咩分別仲有啲太肥。🫢飲品：龍眼冰（+$12）🧊店家採用碎冰球而非一般冰粒，以保持冰涼亦令甜度適中飲品：越南咖啡（凍）（+$12）整個餐點嘅驚喜所在啊！越南咖啡有種炭香味非常好飲！😋👅好味指數 : 7/10 (當中有3至4分都係嗰杯越南咖啡㗎） ‘-‘-‘-‘-‘-‘-‘-‘-‘-‘-‘-‘-‘-‘-‘火車頭越南餐室📍地址 :旺角亞皆老街8號