Cafe Paradise (已結業)

係OpenRice book 左19/3晚上六點九，職員前一日打俾我confirm booking,好清楚交代只會留位留10分鐘，驚自己同朋友改唔到，我臨時臨急叫佢哋改7點3，完全無炸型，態度非常好👍🏻！！！由於幫朋友慶祝生日，我麻煩佢哋幫我係甜品度加塊生日牌，職員好有心，同我講佢哋無生日牌，但好樂意幫我係碟度寫生日快樂。唔係第一次食cafe paradise, 幾次都覺得好味，特別係黑松露天使麵！ 當日嗌左黑松露天使麵，德國咸豬手兩個餐，食物保持一貫水準， 好入味！ 最後嗌左blueberry cheese cake , 職員將擺蛋糕嘅碟畫得好靚，仲準備埋臘燭， 仲好熱情同我朋友講生日快樂🎂，真係好感動！ 所以，呢間係好有心嘅舖頭， 好欣賞佢哋嘅服務同食物。 知道佢哋會搬去太子，一定會再去支持👍🏻👍🏻👍🏻👍🏻👍🏻👍🏻👍🏻

服務比以前係好左,餐湯,餐包都係.........可惜主菜完全唔掂.星期一既lunch時間, 見好耐都冇黎食,咪黎幫襯下, 餐廳內有一半係吉台, 四個人食, 唔洗等位都係第一次, 所有台都已經擺好晒餐巾同餐具, 服務方面比起以前好左好多, 職員好主動比餐牌,斟水,職員過黎點餐,點餐期間職員都好熱心解答所有食客問題, 例如邊d特飲要加10蚊,是日餐湯係乜, (舊時真係提都唔會提)點餐後,餐湯好快就送到,忌廉湯味道夠濃, 溫度夠熱, 份量足夠,幾好飲呀餐包亦都少有地, 未飲完個湯就送到, 而且今次牛油終於識溶,唔係凍冰冰雪櫃拎出黎,朋友話食物質素差左, 我都唔係好信, 直到主角「西冷牛扒配薯菜」出場,呢間西餐一向都唔會問你,塊扒要幾多成熟,,,幾熟全由佢地話事, 但係今日呢塊,會唔會熟過龍呢, 同行友人果塊都係咁上下啦, 薯條亦都係炸到燶晒.............$83呢個份量, 雖然唔洗加一, 但係我都覺得塊扒細份左d喎...........牛扒非常之薄,同快餐店既早餐級牛扒不遑多讓,牛味就冇啦,可以話冇乜味,配埋個黑椒汁,一個字,好咸!薯條上到台都好熱,但由賣相,色澤睇黎,我覺得似係

前一日食完，即刻介紹比朋友食餐生日飯先！本身book位係要啤啤枱，可惜多人比唔到我地～今次係紅湯個扒今次叫左7成，但明顯琴日五成好食好多！同埋唔知係咪人多，今次無比茄汁我...蟹肉蟹棒南瓜汁燴意大利飯$133呢個味道好特別，好食朱古力特飲，有埋雪糕同埋店員好細心，book位時幫我諗好叫心太軟寫字同埋今次甜品有焦糖布丁，好過方形蛋糕..但都唔算好好食仲送埋即影即有比我地寫字，服務滿分啊！遠D都抵食！

呢間cafe位置離地鐡站都幾遠下，但上網介紹唔錯就試下la!Set. 餐都算中位價，最緊要好食！個湯唔錯，但每日唔同的！沙律好開胃，有黑醋係入面帆立貝墨魚汁燴意大利粉$78呢個好好食，我係未食過一間墨魚汁嘅麵係咁正如果呢到set餐唔岩食唔緊要，係可以加錢轉餐牌主菜，好細心Set餐肉眼扒無晒，轉左西冷五成熟呢個扒配茄汁食一流！平時我食唔到五成，因為好多血，但呢個唔多血仲好淋心太軟甜品可以加錢轉，好食！配雪糕一流！跟餐甜品唔好食，係成個餐嘅污點，如果唔轉心太軟，呢個甜品埋尾無滿足感！門囗有兩隻啤啤，呢張枱係唯一一張咁特別！想坐記得要book😂

聖誕節到，好多人話最重要嘅除咗主耶穌，就係聖誕禮物同聖誕大餐啦所謂民以食為天，的確一個有氣氛嘅聖誕大餐可以令聖誕節生色不少，不過今次都真係機緣巧合，竟然我哋兩個都唔記得左BOOK位，臨急抱佛腳即日先搵餐廳食呢間打去本來都話無位，爭D準備食另一間架啦，點知諗住唔知係未有人甩底，竟然打返比我地聽話有位呀咁我地就當然急急趕過黎食啦一坐低就發覺餐廳好有心思，安排咗好多增添聖誕氣氛嘅小佈置仲有兩份聖誕小禮物入面有一頂聖誕帽，同埋聖誕指環，仲有個聖誕匙扣我哋戴上左，真係好有聖誕氣氛，不過現場人都比較含蓄，都有好多人無戴我哋好快就擇咗兩個主菜：1. 黑松露野菌釀原隻春雞2. 280克美國安格斯西冷牛扒拼帆立貝配燒汁我哋將兩個合咗體SHARE嚟食黑松露野菌釀原隻春雞，味道幾香濃，雞肉都幾嫩滑280克美國安格斯西冷牛扒拼帆立貝配燒汁牛肉肉質軟硬適中，而且牛味唔錯，夠肉汁個甜品都好CUTE，圓碌碌嘅雪人同鹿仔，好可愛又溫韾最後祝各位OPENRICE讀者聖誕快樂，新年進步!

 是日公眾假期休息，唔想去商場同人逼，長沙灣一帶地鋪餐廳會係好選擇。(加上平時坐車經常經過，想試好耐。)環境算OK, 唔太逼，牆上貼滿客人影嘅即影即有相片，幾特別。湯: 薯仔煙肉忌廉湯。味道OK, 如果有薯仔粒增加一下口感會更好。主菜: Penne Arrabiata, 味道都OK, 醬汁味道不錯，仲有少少微辣，幾開胃，但份量非常少。主菜: 南瓜蟹肉 ！Risotto, 個 Risotto 充滿蟹肉味，蟹肉份量都OK, 但份量都係偏少。甜品: Chocolate Mousse Cake, 味道唔會太甜, 但都係嗰句，份量非常非常少。飲品: 熱檸茶。夠熱，非常OK...

我探完家人在長沙灣後，周圍晚上看有邊度有好食正野，去了"Cafe Paradise"食晚餐，見入面是西餐廳，又有較快的音樂,坐得幾舒服。先上餐湯，田園沙津夠清新。大紅蝦黑松露天使麵，鮮蝦意粉 一來已散發出特別濃的蝦籽味，切開蝦見到好多鮮色蝦籽，好細心拆出蝦肉食，蝦肉食落真是蝦籽味十足，黑松露佈滿意粉，再有香菇，夾起時見到意粉好滑溜同食時口感相同。食完飯仲有甜品上，又可叫餐飲， 在呢個舒適的環境坐了很久才起身走出餐廳，下次要再來食其他餐款。

我朋友在長沙灣居住，講有間餐廳幾有西餐味道便去了"Cafe Paradise"食晚餐，食完飯都想做做運動會在附近散步去南昌西鐵站坐車。叫了晚餐，有餐湯和田園雜菜沙津，蔬菜同車里茄，食了喉嚨清澈不少，再有少少酸的醬汁。石班魚柳配牛油檬檸汁，一近嚐有一陣石班香味飄來，石班魚夠肥夠厚肉，最愛食魚沒有細骨，肉夠鮮味實在幾好，切開魚食時有食西餐的浪漫氣氛，再配脆肉瓜片、蕃茄...同時擁有蔬菜可食。見到有不同的甜品，最後叫了甜品和野飲，食到飽飽。

同老婆去完香工，諗起上次响附近有間高質素既cafe，心諗呢區仲有咩野好食呢？行行下，老婆又唔想食茶記，又唔想太逼人，結果行到"天堂"，唔多人就試下啦。。。結果，伏就係咁開始啦。。。環境裝修其實不錯的，有鏡面牆，係座位比較逼夾，我地買左野黎講，比較狼狽。。。最後叫了 龍利柳薯菜，豬柳意粉，熱咖啡及特飲，特飲真係唔記得咩名😥先講套餐，包湯包及飲品，湯是預計到的粟米忌廉湯，當然無驚喜，也沒失望，只是非常普通的湯而已，聊勝於無啦食物點左龍利柳薯菜，$83薯菜還可以，但魚柳肉好鞋好死，不知翻炸了幾次，黎到都唔係太熱豬柳意粉，$78肉是鞋的，尚有豬味，但皮沒有燒的香味，稍嫌失望，意粉比想像中好，不算太淋，不像茶記再講飲品熱咖啡，跟餐要加$10😑😑😑完全唔掂的熱咖啡，飲得出係水同啡的味道，係分得開既，黎到已經無啡油，跟啡的奶是凍，仲要跟餐加$10，簡直不知所謂是日特飲我老婆飲，話算係不錯的一杯飲品

平時行過都見有好多人黎食晚飯，所以今次我都預早幾日打左電話去book定位，避免等位。Cafe Paradise有2間店鋪，今次近近地約左長沙灣。今日我就約左7:15 p.m.就男朋友放工過來，門面以黑白為主。餐牌款式多樣，都費時諗左一陣想食d咩。如果唔想煩都可以楝時日set dinner ，有湯、沙律、主菜(7選1)、是日甜品及飲品一杯。因為我地2個都唔係好肚餓，所以楝左煙三文魚黑松露海蝦天使麵，而且加錢轉左做餐。另外叫多2個小食辣辣芝麻雞翼及香煎墨魚餅。跟餐會有一小碟前菜沙律及一碗雜菜湯跟配，沙律菜配以黑醋入口清新醒胃，雜菜湯菜味十足只稍微酸左少少。香煎墨魚餅入口有粒粒墨魚粒，墨魚味十足，香口彈牙，略為份量少左d，唔夠喉。辣辣芝麻雞翼係唔辣架，但係炸到好熱辣辣，雞翼好脆口，醃料十分入味，香脆可口。檸檬茶份量都幾大杯，茶味不過不失，ok。最期待既煙三文魚黑松露海蝦天使麵終於登場，陣陣黑松露飄過，賣相相當吸引。入口淡淡黑松露味，配以剝好殼既海蝦同煙三文魚更加口感豐富及鮮味，2個人食份量剛剛恰當，唔會太漏。食到飽飽地，只記得埋單走人。忘記左跟餐有甜品，所以無食到及無影到個時日甜品，失策！

行經長沙灣發現一間餐廳外面有好多色彩繽紛的旋轉木馬及摩天輪模型，原來是一間西餐廳 ，一於入去試下 。 入到門口就發現門口放了一對熊啤啤， 小朋友見到後十分興奮。 店員位位很有禮貌亦很詳細內心介紹餐牌上嘅食物。餐廳亦有提供十分精緻的兒童餐具。Set dinner包有一杯飲品一份甜品，仲有頭盤及餐湯非常豐富。 碟碟都大大份百幾蚊呢個價錢非常超值。我叫了個蟹肉蟹棒南瓜汁燴意大利飯set dinner頭盤有沙律及餐湯 - 沙律原來是黑醋沙律，酸酸的很開胃。蟹肉蟹棒南瓜汁燴意大利飯 - 意大利飯口感剛好不會太硬皇帝蟹棒配上忌廉汁很鮮味 加上一粒粒蟹籽脆卜卜口感很特別。餐飲我加15蚊轉了一杯荔枝乳酪梳打，味道不錯。買單時候店員送上一張印花卡，原來餐廳正在做優惠每一百蚊送一個印花，滿15個印後會送一個旋轉木馬。

之前喺太子試過呢間cafe paradise知道原來佢哋喺長沙灣開咗分店。 今日路經長沙灣決定試下，餐廳地點非常方便就在地鐵站出口附近， 雖然餐廳門口不大 但行經餐廳已被門口陳列的摩天輪裝飾吸引住。 我哋都係門口欣賞咗一輪先至入餐廳。入到餐廳門口就見到有兩隻可愛嘅啤啤熊， 感覺好似入咗去童話故事咁。 餐廳侍應好有禮貌亦都好詳細介紹餐廳的菜單， 值得一讚。我哋叫咗個set dinner及一個帆立貝墨魚汁燴意大利麵， 飲品就叫咗青蘋果梳打。Set包嘢飲，甜品又有頭盤沙律及餐湯， 主菜我叫了烤美國豬鞍配蜜糖燒汁及一杯青蘋果梳打。頭盤餐湯係磨菇忌廉湯及黑醋沙律， 兩碟都大大份。烤美國豬鞍配蜜糖燒汁 - 豬鞍未上到枱已聞到好香， 外層煎到有少少脆口，但係肉質保持到鮮嫩，一啲都唔鞋口，肉汁好豐富。 而且份量都唔少大大塊，好味!! 兩款醬汁各有特色。個人比較喜歡燒烤汁。青蘋果梳打- 穩陣之選帆立貝墨魚汁燴意大利麵 - 墨魚汁食到有茄汁的鮮味， 意粉不會太淋口感剛好，份量亦都好夠，我一個人都食唔曬。餐廳現在正在進行推廣， 食滿100蚊有一個印仔儲滿15個可以換領一個 旋轉木馬。 一家人嚟食飯話唔定已經

今日下午一個人唔知食咩好,想食下意粉於是黎到呢間有大量好評既餐廳。其實已經係第2次黎。第1次好耐之前,啱啱新開張,果時食左個All day breakfast,不是什麼驚喜之作。直到今次第2次光顧,我話俾自己聽唔會再俾機會自己錯第3次!!!點左個煙肉茄汁長通粉。+$15 要左杯Hazelnut Latte。值得一讚水吧哥哥食緊飯都要沖野飲一d都無黑面。反而樓面女仔應該係新人。咖啡唔問客人凍定熱。落單又落錯。我點煙肉茄汁長通粉,黎左個蜆肉意粉。其實當時連埋我得2枱客人者。咁都唔記得自己落咩單?到我點既長通粉黎到。另一侍應再講左聲唔好意思。第一啖食落去,我即刻醒曬。本身有d感冒到無咩味覺。但呢碟長通粉深深地刺激左我既味蕾!!!咸!!!咸!!係好咸!!!我本身係重味覺既人,但連我病緊都覺得咸,我都唔知點解呢度d野食咁多好評???

豬手好脆皮，不過都好肥，而且都幾容易散晒但都好食的，之後仲有個薯條同焗元貝，薯條好食，不過靈魂始終係個醬。元貝有啲乾。仲有杯沙冰，好透心凉，整體氣氛幾好。店面唔大，好簡單，幾岩坐係度傾計。

係公司附近搵食，無意間見到間cafe價錢抵餐牌又吸引就入左去了。雖然環境唔大，但店員服務令人有種親切感。佢有set dinner, 亦都可以揀餐牌上面既主菜加錢轉套餐，就會有餐湯沙律同埋甜品，認真抵食！湯就比較簡單，但濃濃吞拿魚味道都好飲，而沙律係新鮮不過沙律醋就比較酸左少少。我就叫左個黑松露雜菌意大利飯，飯口感偏硬身，個汁味道岩岩好充滿黑松露同菇既味道，朋友就話好夠‘鑊氣’，但確實不錯。叫左肉眼扒，好大塊好實惠平價都可以食到好野，牛扒唔Un,啖啖肉，有水準仲叫左杯薄荷朱古力飲，好好味真係好滿足咩煩惱都唔記得哂~ 總結真係平價抵食之選，食物質素好，又relax。