Cafe Whale

營業中

休息中

太安樓是西灣河的美食重鎮，好食之徒必定知道，但極少到西灣河的我就幾乎不曾到過太安樓吃東西。不過最近因事要到西灣河的我，就難得地在太安樓的 Cafe Whale 吃了一頓滿意的晚餐。其實這間 Whale Burger在眾多太安樓的食店中都算是其中一間口碑最好的，這晚我初次幫襯，就在店中售賣的多款漢堡包中揀了「珍寶安格斯牛肉漢堡」（$86），另外再加多份健康「雜菜沙律」（$15）做晚餐，至於飲品「罐裝梳打水」則是免費的，不用加錢購買。先說「雜菜沙律」，份量頗多，也夠新鮮，不過盛載沙律的不鏽鋼碟子就太輕身，一不小心就會把它打翻，讓碟上的沙律菜 跌在桌上，而這一晚，我就做了一個完美的示範。主角「珍寶安格斯牛肉漢堡」果然甚好，大大個的漢堡包，不走脆身一路，用的是牛油軟包，夾著的除了大塊厚身的珍寶安格斯漢堡扒外，還有半融的芝士和爽脆的沙律菜，口感挺豐富的，重中之重的漢堡扒，肉汁澎湃，更有秘製的開胃醬汁加持，比連鎖快餐店的漢堡包好多了，份量十足的漢堡包，確是真材實料，在網上得到不少好評，殊非倖致。除了多款吸引的漢堡包外，聽說這小店的兩款「湯鳥冬」也非常之好，而這晚鄰桌的兩位男士也對他們所點的「美國黑

呢間Burger店連食個魚柳包都要刁鑽過人，呢塊魚柳其實你馬友，仲要做一夜干，入面仲有金華火腿吊一吊味，直頭係將魚柳包嘅層次升晒呢。由於係新鮮馬友再做一夜干，所以食落去D魚柳嘅質感同平時D雪藏魚柳真係有好大嘅分別，咬開件魚柳仲Feel到有魚油滲出黎，鍾意食魚嘅朋友一定要試呢個一夜干馬友Burger。呢度用香水樽唧花雕夠架勢，唧咗花雕之後會加強一夜干馬友嗰種鹹鮮嘅味道，香水樽唧吓唧吓都幾過癮。跟餐送飲品，紙包裝或罐裝都可以任揀。

老老實實，呢一間餐廳真係名副其實嘅一間fusion菜餐廳，今晚叫咗個西式嘅雜菜沙律再加個日式嘅烏冬但係入面嘅餸係中式嘅龍躉魚片，再加個少少台式少少日式嘅話梅蕃茄仔小食。雜菜沙律除咗沙律菜之外仲有車厘茄青瓜片仲有好細食嘅紅色小蘿蔔，可以揀芝麻醬或者柚子醋，新鮮美味。呢碗就係龍躉魚片魚湯烏冬，龍躉魚片好厚身，好有骨膠原feel，我自己就覺得個魚湯仲正過個龍躉片，因為個湯底係用新鮮魚煲咗好耐。忍唔住都要影一影塊龍躉片有幾厚。呢個就係話梅浸蕃茄仔。佢呢度啲鯨魚碟仔好靚。

呢度嘅burger計埋季節限定嘅支竹羊漢堡一共有九款，真係花多眼亂，最後決定食返最classic嘅珍寶安格斯牛肉漢堡。佢呢度嘅burger係連一啲基本嘅罐裝飲品或者紙包飲品嘅，呢個新寶安格斯牛肉漢堡92蚊連埋嘢飲其實又唔算貴喎。佢見安格斯牛肉好juicy好多肉汁，都幾厚身，所以咬落去嘅時候感覺特別好。另外試咗個名稱好勁嘅局忌廉松葉蟹肉甲羅燒配多士，其實即係焗蟹蓋或者炸蟹蓋嘅變種，上面拮住嗰支係醋，唧落去撈勻嚟食味道唔錯，不過都幾飽下。

初嚐龍躉片魚湯烏冬，睇落去平平無奇，不過呢碗烏冬真係堅揪。呢碗龍躉片魚湯烏冬入面都有幾多龍躉片，可能一開頭我諗住只係得一兩片啦，所以真係有驚喜。佢啲龍躉片都幾鮮味，襯返個魚湯都真係幾夾。佢嘅龍躉片係厚切嘅，而且都真係幾厚吓，厚到我覺得應該叫龍躉件而唔係龍躉片咁簡單。另外我想讚吓佢個魚湯，同平時飲到嘅好唔同，呢個湯鮮味好多，一邊飲一邊feel到成口都充滿住骨膠原，仲有少少漿口嘅感覺，呢啲應該就係用新鮮魚自己煲嘅魚湯，而唔係超市紙盒裝嗰啲。

正呀，未到冬天就已經可以食得返呢個枝竹羊漢堡，真係有驚喜。舊年食過一次，念念不忘，可惜係季節限定食品，所以之前夏天嚟嘅時候都食唔到，估唔到今日趁公眾假期過嚟食吓嘢，竟然出返呢個包，真係Lucky Day。呢個羊肉burger依然好食，除咗唔係好蘇嘅羊肉漢堡扒之外，最正就係佢嘅炸枝竹，枝竹同枝竹之間仲夾住咗釀墨魚滑，入口有一種脆卜卜同埋彈牙嘅口感其實真係好正。另外老闆仲加入腐乳醬，就係好似之前其他食評所講嘅腐乳枝竹羊腩煲嘅burger版，大家又可以嚟食呢個咁有特色嘅漢堡包料。

真係冇諗過炸魚薯條嘅魚竟然可以用白鱔嚟做。佢個鱔會用兩支竹籤拮住之後先至放落去炸，我估佢咁樣做就係為咗舊炸白鱔可以夠挺身唔會攣埋一舊，炸粉好薄唔會一咬落去淨係咬到啲粉，白鱔好新鮮，唔會因為用嚟炸所以就搵啲冇咁新鮮嘅魚，我會用「爆汁彈牙」呢個四個字嚟形容呢個炸白鱔。見呢度有番薯條所以又叫咗一份，份量比想像中多。最後仲叫咗個花雕鮑魚，個鮑魚都幾入味，一份兩隻鮑魚切開四件，隻鮑魚唔會係蚊型size，價錢都合理。

這一家位於太安樓的小店，其炸魚薯條真的很精彩，魚類選擇款式多，而且均是街市魚檔常見品種，很是有趣，如有馬友、黃立倉、花尾躉、白鱔、沙鑽，與及我今天選擇的炸懵仔魚。用新鮮魚去做炸魚好像是有點浪費，不過一啖咬下感覺就是有很大分別，已炸懵仔為例，其豐富的魚油是一般雪藏炸魚柳做不到的。另外我還點了一個炸蟹蓋，蟹蓋內讓有蟹膏和蟹肉，據餐牌說這是松葉蟹的蟹肉，配上多士一起吃就是和味。店來天花板掛了兩條巨型鯨魚，很有氣氛。

今日幫襯Cafe Whale見到老闆喺度玩扭蛋機，於是就口多多問佢有乜野好食，佢叫我幫佢做吓白老鼠試吓呢個新菜式，就係松葉蟹肉蟹味噌配吐司，$108，老闆仲話為咗呢個新菜式專登買咗呢個重金屬蟹形碟。等咗10分鐘左右就有得食，賣相好有霸氣，個蟹蓋都幾大件，呢個菜式其實就係將D松葉蟹肉同埋D蟹糕釀入個蟹蓋入面然後攞去炸，原來蟹味噌就即係蟹糕，不過無求證到係唔係松葉蟹蟹糕。味道唔錯，而且好多蟹肉同蟹糕。上面插住嗰支係食大閘蟹用嗰D浙醋。至於份吐司其實就係用返佢地Burger個麵包砌薄片再烘乾身成為多士，搽D蟹肉蟹糕上去食，都幾正。

用新鮮龍躉做Burger都米話唔癲，一啖咬落去嗰種魚嘅香味仲有嗰雒新鮮魚嘅魚油味都真係急凍雪藏魚無可能比得上嘅口感。呢度嘅龍躉Burger入面係有兩件龍躉魚柳，感覺上都算厚，而且魚柳面層嘅炸粉亦都做得夠晒薄，所以食嘅時候魚柳嘅觸碰感特別好。另外值得一提係佢嗰Pat淺綠色嘅醬，除咗有沙律醬嘅味道之外仲有一陣好青蔥嘅味道，連個醬都自家秘製，真心佩服，有時出去食野就係好appreciate呢一種對於烹調嘅誠意。仲叫咗份大薯條，$30，其實Burger本身就可加$15要一份細薯條，不過呢度嘅薯條係即叫即炸嘅，所以就直接叫份大嘅黎食，熱辣辣兼唔算多油，確實係掂。Burger本身就包埋飲品，我揀了Soda Water。

呢間西灣河小餐廳嘅老闆成日都鍾意搞搞新意思，今日去到又有新菜式，就係呢一款花尾躉魚片魚湯烏冬，佢啲花尾等魚片都幾大件。鍾意幫襯呢一間餐廳主要嘅原因就係佢哋嘅食材真係真材實料，你睇相入面嗰舊花尾等魚片就知道。其實佢呢一個新口味就係原本好受歡迎嘅鮮魚湯烏冬嘅變奏，魚湯同埋花尾等魚片都好正。配呢個蕃茄仔小食，都幾開胃。呢個烏冬連一個飲品，除咗平時一般嘅汽水之外，仲可以揀梳打水、tonic water同埋呢一款ginger ale。

已經有好多人叫我一定要試呢一間西灣河小店嘅魚湯烏冬，今日終於試到。見到佢白雪雪嘅魚湯已經知佢有料到，而且因為都仲係熱辣辣，所以聞到D魚嘅香味，我梗係先飲個湯啦，一入口覺得佢幾滑，應該係好次嗰D400次咖啡咁打咗泡。魚湯烏冬有兩款，一款有花膠魚肚，另一款就係普通版，我叫咗普通版，入面有魚蛋魚片同菜，當然有烏冬啦。個魚湯真係好鮮味好好飲，我成碗飲晒。另外叫咗兩個小食，一個係吉列炸蠔，另一個係冰鎮花鵰鮑魚，兩款都好食。吉列炸蠔都幾鬆脆，旁邊D沙律菜都幾新鮮。花鵰鮑魚都整得幾入味，清甜清爽，係夏天唔錯嘅小食。

花雕雞油馬友一夜干炸魚薯條，後面嗰支好似香水嘅就係花雕酒，自己唧。無諗過馬友都可以做炸魚薯條，炸粉一啲都唔厚，唔會食到成口炸粉，魚肉入面好實淨，新鮮就係咁正，啲肉質係唔同啲，一咬落去就知道，呃唔到人嘅。薯條食得出係新鮮即叫即炸嘅。拌碟嘅沙律菜質素都好高，係靚野黎嘅，同埋份量都算幾大份。最後想讚一讚佢個汁，即係白色有個綠色圈嗰碟，白色部份係沙律醬，似係自家製嘅，綠色圈係蔥油汁，又係自家獨家出品，好正。

白鱔食得多，蒜蓉豆豉蒸或者盤龍鱔都係常見嘅，不過今日試嘅白鱔Burger真係第一次，整體味道幾好。佢個白鱔係炸嘅，不過個炸粉好薄，所以咬落去嘅時候係啖啖白鱔肉而唔會成口都係炸粉。個Burger入面件炸鱔比想像之中厚身，所以食嘅時候特別開心，仲有就係一啖咬開件白鱔，佢D魚油都真係幾多，入口真係有好Juicy的感覺。值得一提係佢個蒜蓉豆豉汁做得唔錯，個豆豉味剛剛好，始終有D人係唔鍾意食豆豉嘅，反而個蒜蓉味無乜。最後，以$128連汽水呢個價位喺太安樓黎講真係算高，不過我食完之後真心覺得物有所值，始終唔係好多地方食到呢D唔係千年急凍魚柳嘅魚柳包。

今日黎咗據D Youtubers話係全個太安樓最猛(係光猛)嘅食肆，門口好多燈膽，所以真係好光。叫咗D Youtubers推介(有好幾個)推介嘅黑牛吐司，又真係幾四正兼且味道唔錯。黑牛個「黑」字應該就係代表黑色嘅竹炭吐司，而佢入面D牛肉偏瘦，好啱我胃口，而且相對比較有𡁻口，但係唔係有筋嗰種，所以如果鍾意好似安格斯甚至係和牛嗰種比例鬆軟嘅牛嘅朋友就未必啱食呢個黑牛吐司。之後我仲叫咗個炸蕃薯條，主要因為薯條好多地方都有得食，所以就叫D平時少食嘅野，即叫即炸，熱辣辣。