Cafe Whale

營業中

休息中

🍔漢堡 💮小店 🚹1-4人 🐻‍❄️#新奇控 💛——————🐻🐻‍❄️俾非常特別嘅漢堡🍔slogan吸引左，決定試吓到底「拎得上手嘅羊腩煲！」係隱世美食、定世紀奇伏🤣🍔脆脆枝竹羊漢堡$108🍔漢堡包有羊肉味騷味、但唔算重，咬開羊肉仲有肉汁湧出嚟🤤；食落似真.羊腩煲嘅味道，但就無咁濃味👍🏽，因為唔係落純腐乳醬，而係落咗腐乳蛋黃醬；中間夾咗脆枝竹，令成個漢堡咬落軟中帶脆😋🐻‍❄️：初初真係抱住試伏嘅心態，無諗過幾好食😝🍔手打騸牯牛漢堡$112騸牯牛係指年紀好細就被閹割嘅牛仔，因為無咗衝動，所以脂肪會比較多～配料類近其他漢堡店嘅芝士牛肉漢堡，係穩陣之作👍🏽🐻：漢堡肉食落唔會覺得特別肥🐂整體都符合高價漢堡嘅水準👍🏽🫃份量🤰適合小鳥胃，如果想食多啲可能就要加薯條、小食可惜當日龍躉賣晒，唔係會想試吓魚～因為當日店舖都忙，所以💁‍♂️服務💁🏽‍♀️就麻麻啦，有位店員比較豪爽🙈同埋基本上要自己服務自己，例如自己行出收銀落order同俾埋錢～結論：脆脆枝竹羊漢堡值得一試👍🏽店舖仲有其他新奇漢堡E.g.龍躉漢堡、軟殼蟹漢堡等，有機會會再嚟試😆

【東區】【Cafe Whale】嚟到太安樓，梗係乜都想食吓。而家東海棠都係地膽，問吓佢食乜好，佢就推咗呢間出嚟。見佢個名中文意思係鯨魚咖啡店，咁肯定唔會係食鯨魚架啦，我深明「鯨魚唔係魚」嘅大原則，但可能又真係食魚架喎，我點知啫。去到就知原來佢係賣漢堡包嘅，而且種類都唔少，以小店嚟講，全日供應嘅漢堡包都有八種，都幾好。不過既然有人介紹，就梗係順便問埋意見，唔使自己諗吖嘛。點知東海棠一開口就講啲 hidden menu 嘅嘢，好彩有問佢先有得食。講緊嘅呢款就係 $128 嘅「竹炭黑牛吐司」，本身竹炭漢堡就 menu 都有，但係呢款好似用咗啲靚牛，同埋啲肉超級多，食肉獸一定中意。個包係包一罐嘢飲，揀咗「有得解菊花茶」，我畀東海棠飲，我之前飲過覺得都 okay 嘅。食漢堡包點可以冇薯條，加 $25 加配「薯條」，係新鮮即炸嘅連皮粗薯條嚟，熱辣辣幾好食。埋單 $140，食到咁多肉係唔貴，仲要幾好食喎。不過佢哋都慘，做得都辛苦，聽講香港仔分店亦都已結業，希望呢度生意可以好啲啦。。。（地址：西灣河筲箕灣道57-87號太安樓第三街A61 A&B號舖）#1amfoodie #hkig #foodie #

呢個就係傳說中嘅小牛柳吐司，賣相好睇味道又好，份量都有D勁，一個人食都真係幾飽。佢用嘅小牛柳都幾有咬口，脂肪含量比較低，無咁肥真係好事，但係牛味又幾濃。小牛柳煎到仲有少少pink，我自己覺得生多少少似乎會更理想。吐司烘得夠乾身，選用竹炭吐司另到成件事更靚仔，當然竹出吐司同小牛柳嘅味都夾。吐司入面只有少少醬，咁就唔會整濕晒件吐司，我覺得D醬係足夠嘅。我另外仲叫咗一份龍鳳薯條，其實即係普通薯條mix蕃薯條，一次過滿足晒兩個願望，真係飽到上心口。

呢一間coffee shop的老闆真係好犀利，成日都有新出品，今次係個冷盤：花雕醉鮑魚，$68有2隻鮑魚，d鮑魚嘅size目測都有大約6至7cm，而且都幾厚身，佢d花雕酒香得黎又唔好太濃，仲有2粒杞子，一隻一粒掛。其實佢d鮑魚都整得幾林，唔知係唔係用慢煮嘅方法去烹調呢？早知咁林就唔洗叫waiter哥哥幫我將隻鮑魚切開一半啦。佢用黎浸鮑魚個汁其實都幾好味，除咗花雕酒之後帶少少鹹少少甜，其實都幾balance，$68兩隻都算抵食。

西灣河太安樓果然係一個臥虎藏龍嘅地方，估唔到呢間漢堡包店入面竟然有一個咁出色嘅鮮魚湯烏冬，奶白色嘅魚湯一飲就知道真係用新鮮魚自己慢慢煲慢慢淆，入口仲有少少膠狀，滿口都係骨膠原嘅感覺真係冇乜地方做得到，出餐嘅時候佢個湯仲專登打泡所以口感會更加細滑。烏冬有彈性唔係平價貨，花膠係花膠桶而唔係花膠件，入面件魚肚都幾大件，再加埋娃娃菜，另外跟一碟兩粒話梅漬車厘茄，酸酸甜甜味道唔錯，送雪櫃飲品一件，有汽水有紙包檸檬茶或者紙包茶仲有蒸餾水任揀，以$98黎講真係算係物超所值。

媒體介紹，所以嚟試下，門口排曬隊，叫咗個特別啲嘅龍利柳漢堡包，龍利柳好新鮮，放落漢堡包度感覺好特別，面包口感好特別，面包餐廳精心挑選，搽咗啲牛油，口感好特別，龍利柳漢堡包有驚喜😋😋😋

本地薑大廚用本地魚（仲要係新鮮魚）去做咁有特色嘅本地Fish and Chips無理由唔支持嘅。佢呢度嘅本地魚有馬友、䱽魚、黃花魚同懵仔魚，我今日就揀咗懵仔魚，$98連罐梳打水仲唔洗加一算係物超所值。佢個懵仔魚係做成魚柳咁樣，一啖咬落去feel到d魚油又香又多，新鮮魚就係新鮮魚，係唔同d嘅。另外佢呢個醬汁又係勁，白色睇落去就係沙律醬他他醬嗰啲啦，不過旁邊綠色嗰啲原來係蔥油黎嘅，認真有心思。薯仔條同沙律菜都新鮮好味，值得推介。

呢一餐其實已經係好耐之前食，不過依家先至記得出post。今次係返兜嘅，因為上次食完之後對佢啲炸魚念念不忘，主要係呢度嘅炸魚種類都多，而且係平時街市見到嗰啲魚，所以覺得好特別，而且味道真心有水準。今日個炸魚就揀咗懵仔魚，佢係切到一世舊一世舊咁樣，個樣有啲似麥樂雞，不過用魚做嘅版本，懵仔魚嘅魚油好濃郁，一啖咬落去就會feel到成口都係魚嘅香味，感覺好正。另外即刻讚嘅係佢嗰啲半碟沙律，用嘅沙律菜好新鮮。之後再加咗一份炸番薯條，大滿足。

回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️☺️消費指數: 💰💰(TTL $128，人均消費$128)環境質素: ☘️☘️☘️超級鍾意食牛，見到任何有牛既野食，都會盡力唔好錯過😍太安樓不嬲都多野食選擇，經過見到呢間餐廳有唔同特色既三文治同burger，決定一定要入嚟試下佢先😝。美國黑牛吐司 ($128)以吐司來講，價錢係略嫌有少少貴，但佢既牛肉同味道，可以對得住個價錢😉吐司裏面有250g頂級既美國牛小柳&封門柳粒，每粒都大約有四五成熟左右，食起嚟唔止有牛味，仲好Juicy。而竹炭厚吐司裏面有餐廳秘製BBQ汁，食起嚟甜甜酸酸，好醒胃。吐司每邊面都有烘底，所以食起嚟都幾脆口，外脆內軟🤤值得再encore !!!同類餐廳 #cocofood_cafe同區餐廳 #cocofood_西灣河如果你鍾意我既分享，按右上角🔔，就可以睇到我所有既update

與友人光顧此Cafe，為的就是吃他的漢堡包，我們不約而同地點了魚柳包，不過一個選的是黑松露沙巴龍躉漢堡，至於我則選了一夜干馬友漢堡，實行來過魚柳包大比拼。先講黑松露沙巴龍躉漢堡，魚柳明顯跟其他地方吃到的不同，主要來自魚柳的鮮味，餐牌上標示此魚柳是魚市場直送似乎是真有其事，而黑松露醬配此魚柳亦不錯。至於這個一夜干馬友漢堡簡直是驚為天人，竟然可以將中式西式配合得如此好，佩服廚師的創意，馬友魚柳內有金華火腿的香味，很有吃鹹魚的感覺。另外還有這個很靚的香水瓶，內裏其實是花雕酒，侍應表示用作加強一夜干鹹鮮的感覺。我們還點了兩個小食，這個是腐乳薯條，除了點腐乳醬之外，上面還有一粒乾的腐乳，味道不錯且很有特色。另一個小食是烤魷魚乾，至幼條後於咬的時候更輕鬆，這個也不錯。

黎太安樓唔一定要掃街！去漢堡店都唔一定要食burger!呢間以burger 做招牌嘅小店魚湯十分出色❤️❤️❤️ 作為魚湯愛好者係要清到一滴不留！淨係見佢d 泡泡咁綿密就知佢出色啦🥹勁 濃！係用好多魚仔煮埋一齊先可以有呢個效果！一d 味精都無，感覺係食左好多營養落肚！佢配嘅野只係魚蛋同娃娃菜，但娃娃菜正正就是魚湯嘅好朋友呀😍 魚蛋又十分彈牙！正👍🏻隨餐會送個汽水同蕃茄仔，唔好睇少呢個蕃茄仔，佢比一般出面食到嘅我expect 嘅味道特別！唔係平時嘅好酸/好重醋味 , 真係要品嚐下！我都忍唔住問左店員係點整😆 最後想講，做街坊生意嘅，佢地真係好kids friendly , 有個櫃放小朋友餐具同顏色筆，店主亦對小朋友好熱情🫶🏻 有人情味 又好食 嘅小店，請香港人好好珍惜👍🏻

終於終於黎太安樓了，黑松露酱沙漢堡、和手打騸牯牛漢堡，店長話魚肉是用活魚新鮮炸，真係唔同口感，外脆裏嫩，最閉黑松露汁少左d，再多d就更好；牛肉堡牛肉味好濃，麵包有牛油香味，套餐搭配汽水，薯條要加錢另加，貴，可能係因爲食材都用新鮮材料挂。

是日午餐簡簡單單西灣河間太安樓Cafe Whale騸牯牛漢堡加炸蕃薯條perfect match。我成日覺得Burger店要比試就首選件漢堡扒，而漢堡扒唔係就咁一舊肉餅咁簡單，如果認真起上嚟去邊唔會分唔同嘅牛肉唔同嘅部位肌肉嘅combination，呢一間夠玩嘢用騸牯牛都幾癲呀，騸牯牛肉就係牛味重但係就唔好好肥好多油，呢個騸牯牛漢堡完美做到晒。食落肉汁豐富，感覺新鮮。蕃薯條應該係即叫即炸，又唔會好多油，出面食薯條食得多轉吓口味食蕃薯條都唔錯。呢度Burger送汽水，百幾蚊物有所值。

晚上19:45左右嚟到，門口要排隊大約10個人。以前未有YouTuber介紹之前，冇見過有人排隊，好多時候都只係得1-2枱，而家真係紅咗。等咗15-20分鐘就有位。有枱係自己入座，自己去收銀處落單，自己拎餐具。1. 雞油馬友配薯條$128：炸魚薯條嚟講，唔算好食。好食嘅炸魚個皮會脆（用脆漿），塊魚會好滑有魚味；佢呢個馬友係吉列硬皮，有魚味但唔係話好突出好加分，食落少少鞋口但可以接受。舊魚就咁食會有少少腥味，噴咗花雕個腥味會冇咗，會好食番少少，但唔稱得上係好食。佢俾兩隻叉你，係因為佢個吉列皮好硬，用刀一切舊魚就會散晒，而佢塊魚皮有時又會切唔斷，所以好難好完整咁食佢塊魚。跟咗個綠色白色嘅醬，冇乜味少少草青味，點魚或者薯條都唔夾，唔知想點。沙律同薯條就正常發揮。2. 手打騸牯牛堡$112：等咗好耐先上，即刻整，個包面仲脆，點知一啖咬落去就出事。。。點解係羊味嘅？係一陣羊騷味。我同老公都好疑惑，騸牯牛我哋打邊爐成日買啦，幾時會有騷味騷到好似食羊咁？而且羊同牛味都唔同，都分到㗎？由於出菜嗰陣同時出咗兩個包，我哋就懷疑係咪搞錯咗，老公去問完，佢哋話可能同一個扒爐煎，所以沾咗啲羊味。佢可以重新整一個

食物質素高，下次會再光顧試試漢堡包！店主端出注滿蘋果木的煙霧，一打開蓋…驚喜十足！炸魚超新鮮嫩滑，配角薯仔一樣出色！外脆內軟，薯味十足，每條薯條都吸收了煙燻味，非常有驚喜！到另一主角魚湯烏冬…魚湯湯底非常濃郁！只有魚的鮮甜味一點腥味都沒有！所有配菜都非常夾！對於缺乏湯水的年輕人們…完全可以填補那一塊！本以為分量不夠，但喝完整碗湯…已經超級滿足！最後令我驚喜的是本想亂點咖啡來提神…誰不知飲品一樣高質！店主精選咖啡豆喝得出的層次..絕不馬虎！店家亦貼心在冰咖啡裡冰是咖啡冰…真是愛死這間店….提議店主可以在菜單加上魚湯湯飯亦可加上甜點來襯托這麼出色的咖啡吧？雖然舖頭位置不好找…要到店舖社交平台教學才方便找到！為了這麼高質的食物絕對值得！不過在夏天的天氣下還是點外賣好了…因為空調實在不夠