Cafe Whale

營業中

休息中

前排睇完YT 介紹太安樓推介，就想試吓個魚湯烏冬同埋fish and chips間餐廳不愧叫Cafe whale，入邊嘅裝修同裝飾有大量鯨魚，連隻碟都係有鯨魚公仔叫咗花尾躉魚湯烏冬，余均益蛋黃醬三黃雞漢堡同埋蘋果煙燻黃立䱽ge fish and chips魚湯嘅味好濃郁，好好味黃立䱽一上碟嗰陣，已經聞到好重嘅煙熏味，食落去都仲係好Juicy余均益嘅辣椒醬再配合三黃雞好match值得一試

咁大個女真係第一次食用白鱔嚟做嘅炸魚薯條，佢個炸粉漿好薄，所以一啖咬落去嘅時候唔會食到成口粉，而相對地入面嘅白鱔肉味道就更加出，食嘅時候有一種魚油喺口腔入面爆發嘅感覺，始終白鱔係真係比較多魚油嘅。佢個口感非常好，脆得來白鱔嘅肉又非常有彈性，另外佢嗰個特別為炸白鱔條配嘅蒜乾豆豉醬亦都係非常出色，豆豉味唔會太搶，所以食嘅時候又食到豆豉味又食到白鱔嘅鮮味。仲有要讚一讚佢啲薯條同埋沙律伴菜都非常新鮮，薯條應該係新鮮炸嘅，沙律菜亦都係好fresh好有水份。

午餐想吃漢堡包，在googlemap找了找附近的食店，找到這家以鯨魚為主題的cafe，再看看餐牌，有我喜歡吃的蕃薯條呢。前一天，午飯時間經過太安樓，順道找找這店，見到店內的空間比想像中的大、舒服，坐滿一半人，不用等位，於是第二日的午飯時間就決定去嘗試一下。進去後，自己選位置，自助拿餐牌，到收銀處點完要吃的，付錢後回到坐位，食物預備好後，會有店員送到你枱上。cafe內主要以粉藍色鯨魚做裝飾，挺可愛。點了安格斯珍實牛肉漢堡$94，加$15選了蕃薯條、無糖可樂。飲品、餐具是自助的。蕃薯條先上，新鮮炸，熱熱的，外脆內軟。等了約10分鐘，漢堡到，賣相很不錯。包面上印有鯨魚和whale cafe，牛肉厚身，溶化的芝士。咬進口，很juicy！牛肉像7、8成熟，軟身好咬。菜是沙律菜，足料。吃完蕃薯條，吃完一半漢堡，開始覺得飽。這cafe很chill，有音樂、輕鬆悠閒，吃得舒服。除了牛肉漢堡，有雞、有魚、有軟殼蟹，還有鮮魚烏冬。是一間可以吃完再去吃的食店。

呢個余均益辣椒醬雞扒漢堡真係幾好食，首先係件雞扒新鮮Juicy多汁，炸得好香但係又唔會油淋淋，塊雞扒好巨型，仲大過個漢堡包。余均益辣椒醬聽就聽得多，不過食就真係第一次，都食到佢個辣椒香味，不過又唔係好辣，對於唔食得太辣嘅我黎講真係唔錯。封門柳竹炭吐司又好睇又好食，啲封門柳好濃牛肉味，中間仲紅紅地證明個生熟度控制得唔錯，啱啱好無出血水係正嘅。睇落去好少野其實食落都幾飽，加$8就有埋野飲都幾抵，性價比高。

今天來到呢一間太安樓名物食Burger，佢有好多款Burger，最後揀咗Classic的和牛Burger，啖啖和牛，超多肉汁，一咬落去D和牛牛油滲晒出黎，大滿足。和牛都幾鮮味，就連Burger入面D菜都好新鮮，可以平衡返和牛嘅油膩。食Burger又點可以無薯條呢？呢度有好多特色薯條，例如麻辣、黑松露、地寶魚、腐乳，不過我就揀咗比較邪惡嘅火炙明太子，原來明太子嘅味同薯條都幾夾，真正做到又邪惡又肥爆但好好吃。呢度嘅飲品除咗一般嘅汽水同紙包飲品之外，竟然有呢D迷你罐Ginger Ale，飲落無咁罪惡內疚。

Ordered 手打騸牯牛漢堡, 火炙明太子薯條, 花尾龍躉片魚湯烏冬- 魚湯真係非常新鮮，質地creamy 濃厚，龍躉片都好滑，住家嘅味道！- 騸牯牛漢堡都十分Juicy，雖然牛味唔重，但係有好豐富嘅牛肉汁！- 全套餐加個特色薯條，試咗最新推出嘅明太子味，超配襯，但下次都會試埋其他味環境都屬於係自助，睇得出都照顧有小朋友嘅家庭，有唔少嘅兒童餐具，非常貼心！我哋係第一組客人，等大概15分鐘食物到齊，師傅果然係落足心機，下次一定會再encore 試埋個炸魚😻

食炸魚薯條飲半價生啤係正嘅，尤其是呢度食炸魚薯條D炸魚仲要非常特別，唔係用一般魚柳黎做，而係用街市魚檔入面常見嘅魚黎做，當中可以揀選嘅魚就有沙巴龍躉、白鱔、慒仔魚、黃立倉、沙鑽同埋馬友，如果鍾意食魚嘅朋友真係唔可以錯過。我今日就揀咗沙巴龍躉，一份有兩件，Size都要比想像之中大塊，喺沙巴龍躉外層嘅炸脆漿只係薄薄一浸，食嘅時候唔會食到成口都係炸粉，龍躉魚肉起晒D骨出黎，不過侍應姐姐都溫馨提示雖然基本上無骨，但係食嘅時候都自己要小心D，始終係用新鮮魚整嘅。佢呢度D薯條都好正，似乎係新鮮即叫即炸嘅，等候時間大約20分鐘，係值得嘅。

西灣河太安樓高手雲集，今次就試了一家很有特色的Cafe，賣的卻是炸魚薯條和漢堡包。煙燻蘋果木黃䲞倉有創意兼好睇好食。上枱時有一透明膠罩蓋著黃䲞倉，煙霧瀰漫的就是蘋果木的煙，揭開膠罩，蘋果木的香氣撲鼻。黃䲞倉只上了薄薄的一層炸粉，精心製作。黃䲞倉仍帶著魚的鮮味，果然是非一般的炸魚，百多元一份實在物有所值。另一款點了的魚是一夜干馬友，因做了熟成的一夜干，故味道更香濃，馬友內藏小量金華火腿，提升了一夜干的效果，配以綠色的香蔥醬，有著吃中菜蒸魚的感覺。

🤩除咗大家都鍾意食嘅典型牛肉漢堡之外 佢主打魚漢堡 同時間都有賣唔同魚類造成嘅 fish & chips 🍟 所以叫做Cafe whale 🐳 但係小編自己最鍾意佢創新嘅概念 佢會將中式嘅菜式整成西式漢堡，唔少係期間限定㖭啊❣️小編自己因為好鍾意試新嘢 所以好少返同一間餐廳食 但最近真係不斷回頭返呢間 同時間小編嘅同事都不約而同咁係咁去呢間漢堡店食 大家加加埋埋已經試咗好幾款 （不過下面小編就淨係寫自己試過嘅啦）睇嚟就算佢主打創意漢堡 都仍然符合大眾口味👅1️⃣花雕馬友一夜干漢堡 $128有得睇又有得玩，佢會俾支好似香水嘅嘢俾你將花雕酒噴落個漢堡到，咁你就可以隨自己心意調節酒精濃度😌 用了係黃金雞油，風乾馬友，金華火腿，悅和五年陳花雕酒同牛油軟包2️⃣脆脆枝竹羊漢堡 $128係攞得上手嘅羊腩煲啊😽最近天氣開始轉涼食呢個都幾暖胃🎉 小編最鍾意嘅係自家制脆脆枝竹，唔係平時嗰種軟腍腍嘅枝竹，所以唔會濕粒粒整冧個包🙂‍↔️另外佢採用手打紐西蘭天然羊肉漢堡，同埋腐乳蛋黃醬🍔目前係小編最愛3️⃣豆豉蒜蓉白鱔漢堡 $128味道特別，白鱔肉身夠爽，出面炸得啱啱好，美中不足係呢個配搭某程度上冇其他漢堡咁夾4️⃣芥末蛋黃醬吉

呢間burger店真係犀利，成日有新款burger出，計之前嘅脆脆支竹羊漢堡同埋白鱔漢堡之後，今次就係魚+羊嘅漢堡包，個名都正，叫做「魚羊」味可可漢堡，其實就係玩食字玩個「新鮮」嘅「鮮」字。羊佢係用紐西蘭羊肉漢堡扒，至於魚就係用佢哋嘅招牌龍躉魚柳，$133其實都真係幾抵食，因為塊羊肉漢堡扒同埋個龍躉魚柳都幾大件，成個包非常厚身，食嘅時候真係要稍為禁扁少少先至勉強可以一啖咬晒成個，味道唔錯，件羊都幾juicy，食落去就有一種好豐富嘅感覺。餐飲加錢轉凍嘅americano，畀埋咖啡冰真係好有誠意。

$75食到一碗真魚湯烏冬真係有驚喜。佢個魚湯真係天花板級數，真係要用新鮮魚煲先至煲得出呢個鮮味，同紙盒裝魚湯或者係工場交貨嗰D完全無得比。呢碗野入面D配料其實都幾簡單，就係魚蛋、魚片、魚片頭再加娃娃菜，不過就係好味。仲跟一小份小食，可以揀麻辣魚扣或者話梅漬番茄仔，我原本係想揀麻辣魚扣嘅，不過店員話無晒，只有話梅漬番茄仔，試咗，其實個番茄仔嘅味道都唔錯，清清地凍凍地，都幾fresh。佢個烏冬送飲品，我就加咗錢要杯ice americano，呢間小店就然用咖啡波波冰，真係非常有誠意。

好少嚟呢區，專登等到佢12點開門嚟試下 龍躉魚湯烏冬非常伏。明明重點係魚湯，但竟然一聞已經好大浸腥味，飲落非常腥🫠🫠🫠點解可以咁….非常失望！蕃茄漬都唔係太好食完全唔食呢個價！和牛竹炭漢堡竹炭包皮脆，亦唔會被汁整到淋晒！和牛juicy 多汁！日式芝麻醬加沙律菜好夾！ 大推👍🏻👍🏻+$15 有套餐的薯條，薯條就正常發揮服務就擺明冇乜服務㗎啦，全部都係自助，都理解嘅。結論係，漢堡正，魚湯千祈唔好試。

終於有機會食得到呢度嘅麻辣魚扣，真係Lucky day。話說呢度嘅魚湯烏冬係非常之出名，因為佢嘅魚湯係真材實料用新鮮魚自己熬返幾個鐘頭，所以特別鮮味，之前嚟過幾次食佢嘅魚湯烏冬，配嘅小食都係話梅蕃茄仔，雖然話梅蕃茄仔味道都唔錯，不過佢最Original跟餐嘅係麻辣魚扣，但係一直都冇機會試，點知今日嚟到，係魚湯烏冬嘅時候竟然有麻辣魚扣，咁我梗係揀麻辣魚腐試一試佢真味道啦。魚扣嘅口感其實有啲似豬耳仔，好爽口，雖然話係麻辣，但係其實唔係好辣，配魚湯烏冬真係一流。

呢間Burger店連食個魚柳包都要刁鑽過人，呢塊魚柳其實你馬友，仲要做一夜干，入面仲有金華火腿吊一吊味，直頭係將魚柳包嘅層次升晒呢。由於係新鮮馬友再做一夜干，所以食落去D魚柳嘅質感同平時D雪藏魚柳真係有好大嘅分別，咬開件魚柳仲Feel到有魚油滲出黎，鍾意食魚嘅朋友一定要試呢個一夜干馬友Burger。呢度用香水樽唧花雕夠架勢，唧咗花雕之後會加強一夜干馬友嗰種鹹鮮嘅味道，香水樽唧吓唧吓都幾過癮。跟餐送飲品，紙包裝或罐裝都可以任揀。

老老實實，呢一間餐廳真係名副其實嘅一間fusion菜餐廳，今晚叫咗個西式嘅雜菜沙律再加個日式嘅烏冬但係入面嘅餸係中式嘅龍躉魚片，再加個少少台式少少日式嘅話梅蕃茄仔小食。雜菜沙律除咗沙律菜之外仲有車厘茄青瓜片仲有好細食嘅紅色小蘿蔔，可以揀芝麻醬或者柚子醋，新鮮美味。呢碗就係龍躉魚片魚湯烏冬，龍躉魚片好厚身，好有骨膠原feel，我自己就覺得個魚湯仲正過個龍躉片，因為個湯底係用新鮮魚煲咗好耐。忍唔住都要影一影塊龍躉片有幾厚。呢個就係話梅浸蕃茄仔。佢呢度啲鯨魚碟仔好靚。