Caffe Kenon & Bistro (已結業)

哩日喺附近行街，本來想去果間餐廳又距離幾遠下，行到攰攰地又餓餓地，所以就求其喺附近搵左哩間醫左肚先！煙三文魚蕃茄汁意大利麵… 茄汁味道香濃豐層次感，意粉煮得剛好有少少al dente,煙三文魚就細塊左少少，但份量足！ 芝士海鮮焗飯… 其實本身係想要焗豬排飯，但個侍應落錯單黎到又發現哩個有咁多芝士好似幾好食咁，冇謂再等所以就照食啦… d芝士密密鋪滿成個面！ 多到連d海鮮都爭d睇唔到😂😂 份量拍得住意蠔屋嫁… 海鮮有青口、大蝦、魚件、魷魚 雖然味道冇乜特別 但我個焦點已經去左d芝士度喇😆拉拉拉芝士😝芝士野菌焗軟包…咁岩遇到下午茶餐時間有得食😁芝士量同樣好多！啖啖都係咁拉絲❤ 法包焗得香脆，加埋juicy野菌真係好正嫁！榛子鮮奶咖啡… 榛子同咖啡味道平衡，但甜味有d over... 但個拉花真係整得唔錯，飲到落底都仍然keep住個心心形😍

Lunch未試過呢間見無咩人有位就同同事試下. 服務還不錯, 叫親店員都會有反應. 呢個係抵讚.六個人, 叫左三個豬扒焗飯. 一個三文魚沙律, 一個意大利飯及一個意粉. 先來飲品. 咖啡無咩味, 好似飲緊奶=.=橙汁淡而無味.以為飲忌廉餐湯一定無衰. 點知黎到居然係暖, 唔夠熱, 無咩料好一般. 相比起某d茶餐廳可能比佢重多幾粒粟米.食品: 先黎個意大利飯, 賣相同味道算不錯. 份量就剛剛好for一個女仔, 男的就驚唔夠飽.三文魚沙律有三塊三文魚. 不過不失.  其實沙律都好少話會失敗. 至於同事叫的焗飯, 等左好耐, 頭兩碟可能焗耐左, 個面的芝士焗得十分之硬. 同事用叉叉左好耐先可以抺開, 完全已經失去焗芝士的軟熟.因為焗得過火得濟, 飯都比較硬. 而另一個同事的焗飯稍後上, 佢的焗得剛剛好.真係好睇你好唔好彩.雖然呢餐未至於好滿意. 有待改善, 尤其係個湯. 其實整熱d應該唔難.  希望下次有機會再黎唔好再令我地失望.

同BB係山頂行完山之後, 就搭車落山食晚飯啦途經灣仔, 就係灣仔落車啦, BB就話不如上食KENON啦, 佢以前灣仔返工都會去這間食, 上到去, 好少人, 大約3枱左右, 初頭覺得應吾應該入呢?! (怕中伏)BB話中午好多人食, 唔使太驚, 所以就入啦BB大愛魷魚, 所以選左橄欖油魷魚意粉, 魷魚幾彈牙, 但黑椒太多, 變得太辣, 如果無咁辣既話會幾好食, 但而家都唔差既另一個係茄汁海鮮意粉, 海蝦夠大隻, 口感好實在, 吾鬆散, 一百蚊都吾使幾實幾抵, 但如果用橄欖油的話, 我覺得更加好, (可能我偏愛橄欖油啦)今餐吾貴, 每人AROUND100啦, 食物質素唔差, 但奇怪在咁冷清, 我地走果陣圤淨一枱, 包晒場咁, 可能正如BB話齋, 多人去食午餐啦

約了兩個久未見面的朋友食晚飯，看到這間餐廳無什麼客人，以為只是時間尚早，未有人客所致，加上看它的裝修的確不錯，靜靜地，傾偈一流，便進去一試。Waiter放低了menu就走開，繼續和其他同事閒聊。全餐廳就只有我們一枱客，但waiter 都沒有招呼我們，也沒有主動拿茶水或幫我們落單，直至我們叫才會。我們叫了兩個餐，一客辣魷魚和一客鷄翼，總括只得一個字: 咸！咸！咸！如果只講賣相，都算OK, 但辣魷魚卻只食到tabasco的辣味，而且超辣，我本身是很吃得辣的，對辣都有點要求，最怕人亂用辣而把其他味道和食才都浪費了；而其餘兩個餐和鷄翼，就只是得個咸字。後來我明白為何這餐廳無太多客人，可能真的和它的食物素質和服務態度有關。所以別人常說："多人排隊的餐廳才好幫襯" 這話真有道理。

店名：Caffe Kenon & Bistro地址：灣仔莊士敦道181號大有廣場2樓208-209號好味指數:6.5/10價錢：$68煙三文魚三文治配熱咖啡三文治與配料之間沒有醬汁，感覺很dry。咖啡味道一般。

今日去左灣仔美容展，行到腳斷腰痛，急步喺地鉄站附近搵食，於是行左去大有商場，諗住搵間坐得舒服d既店，俾我昅到呢間cafe，鎖定目標，入去啦！由於係2點後，所以並唔算多人，不過，坐低連水都冇杯啊，落order時個侍應又黑口黑面，好似好心急走人咁，超...又唔問下客人係單點 or 套餐，問都冇問飲d乜，真心覺得服務麻麻。我地點左2個意粉餐，一個係蕃茄意粉，講真，佢d意粉好彈牙唔lup口，蕃茄味道都好濃郁，不過食到好大陣酒味，唔知係咪大廚心情唔好呢 (笑)。另外一碟係煙肉磨菇白汁意粉，嘩...我中意呢個白汁啊！口感好rich好creamy，加埋芝士粉正到喊，相信中意芝士，cream既朋友一定愛上。兩個2餐杯凍飲好細杯，如果想大杯d就加6蚊雞啦！老老實實，呢間cafe環境唔錯，我坐得約舒服架，不過服務真係要improve啦！Lunch收咁既價錢，俾杯水個客啦，態度好d啦唔該 ~

當我未用餐之前，先黎見一個又高又廋帶眼鏡嘅靚仔侍應吸引咗……之後食物黎到，我叫嘅小食拼盤比想像中大，雞翼太好食，食得出廚師好用心去醃每隻雞翼，係我人生中食過最好食嘅雞翼，其他食物薯條炸得鬆脆不油膩，coffee香飲落去唔會太苦太澀，拉花又靚，coffee上嘅拉花又會每次都不一樣，有次拉花係隻熊仔，帶比我驚喜，價錢又平又公道……下次值得再去……最後餐廳比到我家的感覺

12時, 時間尚早, 只有二枱客人.  我選擇了最遠的窗边, 太偏僻的原固, 每次叫侍應的時候都要花上2至3分鐘才會有人前來招呼.  還有不專業的招待, 奉餐上來時是放在你對面而不是客人面前, 咖啡亦倒瀉, OMG這個略胖的侍應唔該檢討下.話說回來, 食物水準是ok的.鮮蕃茄意大利粉, 用了新鮮車厘茄烹調, 味道濃稠, 鮮甜, 非常開胃.加多$10可有餐湯或飲品, 而我耍了咖啡, 微香, 油脂不足, 飲落有少許苦.

放工去做運動是件多痛苦、困難的事⋯⋯但為了身體健康唯有堅持！不過運動前也需填飽肚子，否則何來力氣呢？翻開報紙般的menu閱讀要了一份雞肉忌廉汁意大利粉，賣相可以，份量好像有點小，但還算Al dente，忌廉汁不算突出，沒有難忘的感覺。店內環境舒適，確係傾偈休閒的好地方，也許灣仔是商業區的原故，晚間人流不多。必定會有下一次

之前因為太晏食咗tea，所以唔想食甜品就冇柯打set dinner。 散叫咗個籚筍雞肉意大利飯$68同煙三文魚蕃茄汁意大利麵$78個飯好重芝士味，又夠煙靭好好食，只係份量同d籚筍比較少。而個煙三文魚蕃茄汁意大利麵亦好彈牙，味道唔錯。環境亦舒服都適合坐低傾下計嘅。但d侍應生就比較被動，唔多留意客人想落柯打或加水 。

每年一到這天都會來到銅鑼灣灣仔一直到中環這邊"行馬路"今天行得比較慢, 差不多6點才來到灣仔大有商場灣仔雖與興旺的銅鑼灣為鄰, 但一到假日 這個商業區就變得沉寂同場的Delifrance都甚擁擠, 上一層的Cafe Kenon & Bistro就舒服得多了看看門外的Menu, 喜見下午茶供應至6:30毫王猶豫就入去坐雖然人客不多, 但人手都似乎有點缺乏有點"當自己屋企得架喇"的感覺但其實都不錯的, 可以暫時放低心情放慢腳步抖一抖我們隨便拿取隔離枱的menu食物種類都算相當豐富多元化, 應該是"西日式"餐廳吧由於打算今餐當是early dinner所以叫了一個意粉set及一個下午茶三文治set:1) 煙三文魚三文治 + 甘菊茶 ($56, 下午茶set)三文治意外地巨大, 絕對可稱為"重量級"未食已有點飽三文治用的是有蕃茄乾的意大利包, 比起super sandwich用的意大利包還好吃!蕃茄乾份量多而香; 麵包質地算軟熟 (super sandwich的頗乾)饀料方面, 三文魚有兩大片, 有煙燻香而不過鹹配菜的青瓜爽脆;蕃茄juicy還配上類似凱撒沙律汁的sauce其實感覺有點怪但味道

前幾日咬了個難咬既焗豬扒飯，今天同樣又咬了一個，是原因為條氣吾順，和同事走去咬午飯。見到個MENU個焗豬扒飯好好樣。已經諗都吾諗，就大叫我要焗豬扒飯。個焗豬扒飯來到個樣都好好。個心都歡喜了一陣。都熱既。我急不及特去咬。把刀一切落塊豬扒度，咦！咁硬既。用刀都切都咁難，幾經辛苦才分開塊豬扒，望真D係塊吉列豬扒。呢塊豬扒係一塊又干又硬既豬扒，個汁吾係汁，係干度好杰。係味放左焗爐座熱，搞到成個飯都好干呢，定係根本冇人叫過呢。放左好耐。仲差個前兩日。辛苦都食晒成碟飯（不想浪費食物），之後叫個凍0茶，個茶都冇味道，似飲0水。整個午餐吃得不大愉快。還要＄68＋10﹪。我諗呢間野我吾會再黎囉。差到咁！

在灣仔同同事一見完客，医下肚先, 佢話去有間Cafe係附近喎 就選佢啦佈置有点Cyber look 加螢虹灯，大部分係金屬椅子，只得一set sofa 在角落头, 2:30pm , 不難找到位!以為pay + order, 点知有个waiter 走過來 serve 我地, 睇下menu , 好似newsletter, 几得好 想試下多款, 不如share離食, 叫了pasta 同pizza ;pizza size mini 左D, 皮又厚左D 有雞肉同腸仔 冇特別 但勝在夠熱, 又因肚子餓, 一陣就把它吃完pasta 就有D辣，賣相以為太多蕃茄汁, 入口不覺得辛辣，吃完才味蕾才感覺到幾得意另意粉較質感乾身 濕点及淋身会較好！份量不多,可能老板為現代人着想, 吾想你地變哂肥仔肥妺囉!看看甜品選擇不多, 又不吸引, 就叫杯coffee 算啦, 但咖啡杯的size 就細左D，不夠喉! 但每飲1啖 都有仲甘香係口內停留 nice服務就一般, 同買要收加一㖭 

閒日晚上,只得三四枱客,到底佢做唔做得住呢,飲品好細杯,但係水可以無限量供應,佢全部菜色都加上綠色的菜,雖然美觀但實在沉悶。三文魚沙律,三文魚鮮甜,菜亦新鮮,蕃茄海鮮意粉,蕃茄味很足,海鮮都OK,意粉UN度適中，意大利飯很林身,煙UN有咬感.是港人口味,所以我好喜歡,雖然淡色,但是很有味,PIZZA好好食呀,又好脆,炸薯條魷魚,薯條很厚生很脆很香口,魷魚亦很易咬食物是很不錯,不過就未有很特出的菜色,價錢忘了多少,但是合理價再便宜少少,不過由於少人,聚會是好的選擇

午飯時間同朋友S黎食野。原本想食樓上翡翠, 但朋友S話唔想食上海野, 於是就黎呢間Cafe食野。黎到大約一點幾, 午飯時間都算爆, 但兩個人好易有位。門面算幾企理, 乾乾淨淨, 裝修好唔好見人見智, (我就覺得紅燈好奇怪, 尤其係日光日白既時候。)朋友S叫左個焗海鮮飯 (但我無影到), 而我叫左焗豬扒飯。由order到送到黎, 我諗用左超過25分鐘, 其實當時餐廳唔算多人叫野食 (因為個個都食飽左), 我唔知點解要咁耐。個飯幾香 (應該話: 芝士好香), 但食落好乾。豬扒好乾, 焗到好似柴皮咁, d茄汁都一樣, 好乾, 而且好少汁 (而其實味道唔太濃。)結果我個飯食都一半都已經冇汁。朋友s既焗海鮮飯其實都差唔多 -_-順帶一提, 午餐係唔可以加錢轉特色咖啡, 只可以要橙汁/咖啡。而呢一杯類似果x先生既橙汁, 我冇野好講。