California Pizza Kitchen (已結業)

本來和男朋友滿心歡喜吃生日飯，結果pizza等了一個小時，還要燒燶了，餅底都變了黑色，入口是苦的🤢，大部分都不能吃。和侍應說了，侍應最後只多給了5% discount，即便宜了十多元。叫了個甜品，又等了半小時，焦糖布甸🍮都未凝固，完全是milkshake的樣子😟，和menu的完全是兩回事。問了侍應，侍應只說係甘架，不想多理甘。這餐飯吃得很不愉快。用餐期間，舉手找侍應時，侍應常常都視而不見，舉手很耐都沒有侍應理會，食物和員工質素都有待改善。

今日星期六去megabox行街，就揀左去California食午餐，星期六中午時候唔多人，我地3人分到卡位。3個人叫左個2人套餐 ($288)，加左半份泰式風味爽脆沙律同一杯lemonade。2人套餐揀墨西哥雞肉烤餅，墨西哥雞肉菠菜閣麵，夏威夷pizza同2杯紅茶。個沙律味道清新，有d爽脆的豆，加上米粉乾同埋不同的瓜菜，配上泰式汁一流。Pizza 個底好脆，用的火腿高質的，唔會太咸，非常新鮮。另外，食物的比例頗大，3個人都食唔晒。

Food are ok but the service is so bad. I brought my kid there, just the two of us.My kid used to place order herself, so I just ordered for myself. Right after I finished, and before my kid could say anything, the staff said , "ha? Is that all?(吓？係咁多啦？)”I said, "She (my kid) hasn't placed her order yet." Come on, what does it mean by 吓？係咁多啦？ ha? Is that all? Can't you just wait for your customers to place their order or ask your customers politely?

2人套餐👫 💲368我地揀左:·墨西哥粟米湯·美國蘑菇芝士雲吞·烤美國特級安格斯肉眼扒·仲夏之夢🍹 💲20（跟餐）✅ 蘑菇餡同芝士雲吞好夾🥟 加埋芝士醬邪惡度爆登😈❔ 肉眼扒外圍有一層根同肥膏🧐 但係肉都算容易咬開🦷 而且有牛味🐂❔ 墨西哥粟米湯同一般嘅餐湯好唔同🥴 濃稠得黎又帶點酸味🌽 未必人人接受到👅Taste：3.25/5💰CP值：3/5🙋🏻‍♀Service：3/5👁‍🗨Stylishness：3.25/5

下午茶時段，tea set好抵食～連埋+1服務費，$60都已經可以食到，仲要配埋野飲～份量很足夠，意粉嘅麵質軟韌適中，醬汁好濃厚，雖然唔係結到好似一pat pat咁，但係佢夠味、又唔會太浠，緊緊stick住係個意粉度，正！墨西哥卷餅麻麻地，卷得hea之餘，味道好淡，配埋個番茄沙沙醬，都係味道一般，而且個墨西哥脆片已經唔脆，好似放咗已經有一段時間咁～冰紅茶配埋舊檸檬🍋，糖水甜度仲可以自己調校，呢個檸茶基本野，無得輸～Tea set 雖然都要加一，但係依然係好抵食～兩個人食，$130左右埋單～

當日好任性🤣🤣突然勁想食佢地既摩洛哥沙津😍同同事搭的士專程黎食完再搭的士走😂😂😂多謝個同事陪我癲😌宜家諗返覺得有少少痴左線😂😂其實佢地既沙津已經食過好幾款，始終我對摩洛哥雞肉沙津都係一條心😍😍呢到環境好大，好就好在闊落坐得舒服，唔好在於侍應分得好散，叫人都要叫一陣😅我地星期六一點幾黎到，仲有大把位😆同事都唔餓，所以我地一人一碟半份沙津😋摩洛哥風味雞肉沙津$94無令我失望呀喂😍😍😍依然咁好味，酸酸咪咪既汁令成個沙津好醒神開胃🤤最鍾意佢料多，口感好豐富！睇到色彩繽紛又開心，食到又滿足🥰燒烤雞肉沙津$84好似無摩洛哥咁多料，但因為有薄脆片，變得口感有層次左😌燒烤醬太濃味，我都係鍾意摩洛哥fresh啲開心啲其實除左沙津好多野都好好味架😍😍薯條啦、意粉啦、pizza啦！！不過眼見分店愈來愈少，希望佢地加強宣傳，推下啲新食品，吸引多啲人黎啦🤤🤤

同朋友去咗MegaBox行街，之後發現左呢一間西式餐廳就入咗去食！當日我哋去到仲有lunch set，我哋每人叫咗一份share食🤪我哋叫咗一份Pizza同兩份意粉，而我幾推薦辣肉腸pizza，大小適中得黎都好香好好食，個菠菜意粉都好香，軟硬適中。佢個lunch set係會送沙律或者湯加飲品～其中最推薦就係佢個lemonade，仲可以揀唔同嘅口味添！當日我就揀咗熱情果口味。總括而言我覺得呢間都幾抵食，味道又唔錯！下次試吓佢其他菜式先😚

星期日食dinner 去到唔使等即刻有位但坐出面走廊位又係正收銀機前面已經即刻同佢講想調位但個樓面應完就一直都冇安排算數諗住忍下但真係好滋擾成日幾個侍應堆係後面D排隊既食客又企到勁埋有d直程搭住我地張枱有d細路仲坐埋嚟，冇大人理我地叫咗個兩人set冇諗過個侍應落錯單嚟錯咗叫咗佢跟又冇跟到到我地再催佢佢仲死撐最後食完個主菜先嚟餐湯個set 一個意粉一個pizza冇諗過兩樣都咁怪咁難食意粉同粟米湯都係酸既...Pizza就勁唔新鮮，好似叮返熱咁勁韌而且最後埋單都仲要俾錯單 如果冇睇清楚就俾多兩舊水！真係食到一肚氣！

今日我同兩個fd去，假期多人所以要等我地理解，但係前台黃毛既職員每次叫號碼都好似要打人咁，非常惡，跟住我地坐係到一陣間就見到黃毛既職員係咁大聲用粗口罵佢既員工不止一次，成個餐廳都聽到，有咩唔可以私底下處理，搞到成個餐廳聽到，用餐體驗極差！唔會再黎

今日一家大細去食呢間，其實初頭都冇乜大問題，只不過上餐時間耐左少少，不過都正常嘅今日咁多人，所以呢個情況都理解。問題就嚟啦！有個黃頭髮的經理幫我地埋單，塊面黑過黑炭，唔知仲以為爭左佢10幾廿萬🥵加上我哋喺店舖內 聽到佢大聲責罵員工，我哋嗰時成間鋪頭都望左過去，真係丟架到🥵啊！仲有一個中年女人，全程都黑着面咁走來走去，着住員工服但係冇做過野，途中叫過去幫我地斟水，結果轉頭又叫另外一個靚妹嚟幫，我哋已經見到個靚妹忙到踢晒腳，真係戥佢可憐😣希望呢點有待提升啦，咁樣嘅服務質素真係唔係好掂

今日一家放假，係屋企坐到好鬼悶，所以我地就上網搵下有咩戲睇，小朋友想睇卡通片，咁岩九龍灣megabox又有場，所以我地就發喇。睇完之後，都7點幾，好肚餓好肚餓。。。你地都知megabox好鬼多野食嫁啦。。出到黎就見到 California pizza kitchen. 牙女就話好想食意粉。所以大家一致決定入去食。。入到去都覺得環境幾好，唔太嘈。。睇完餐牌，感覺都好抵食咁，揀左4樣野食。小朋友最鐘意食既薯條「Garlic Fries」$48之後老公鐘意飲湯 「sedona Soup （cup size）」$40 【※如果bowl size 係＄60】好好味既意粉 「spag carbonara」$108仲有大大個既pizza 「margherita」$132因為有電影戲票優惠 有15% discount. 但都要比服務費10% 我覺得1家4口食300多蚊差不多。。還有我地真係覺得好好食喔..

一家三口前往光顧，點了二人餐和兒童餐。二人餐裡的墨西哥粟米湯超級酸，似醬多過似湯，夏威夷pizza只有數片菠蘿，火腿完整一大片沒有切開放上面，外觀不吸引，pizza包非常硬，極之難咬，雞肉忌廉汁寬條麵未煮淋，雞肉煮得過熟又硬又鞋，整體食物真的十分難食。另外還有一個小插曲，我們並不知道兒童餐只能在雞，pizza，意粉或沙律裡選一項，孩子在以上選擇了雞，pizza，螺絲粉各一款，落單後侍應沒有告訴我們，後來上菜只有pizza一款，查問下才說餐內只可選一款，但職員沒有問我們最終的選擇而隨便替我們選擇了pizza，沒有向客人解釋清楚，這樣做實在是非常不專業的。所有職員態度很差，每個人都沒有笑容很不友善，還會聽到中年女職員在店面大聲講粗口，並大聲責罵員工，職員擺放餐具碗碟粗暴，大聲到嚇死人，嚴重影響用餐心情。整體感覺，超差👎🏻 不會再光顧。

Megabox除左食ikea，就要睇下10樓以上啲食肆。星期六晚megabox好多人。。。見呢間menu唔錯就等位，都等左大約15-20分鐘。。。但野食幾好都抵返😂叫左個$288二人餐。雞肉烤餅超好食！係意大利人唔鐘意見到既菠蘿pizza 😂 佢唔係pizza hut果隻Hawaii Pizza，佢啲菠蘿同下面啲ham混合左，菠蘿有啲咸，ham有啲甜 😂 餅底幾好食。蒜香忌廉汁雞肉闊麵淡口，問店員拎左啲黑樣，都幫助唔大😂 但忌廉汁幾好食，係唔漏既。冰紅茶係任斟嫁 😊

帶埋女兒同老友午餐小聚，除了有數款價廉物美嘅午市套餐，又有兒童餐選擇。 飲品: 汽水或凍檸茶無限添飲！正! 平日1:30pm或2pm後去食，人又少，慢慢食，慢慢傾。😊

自從發現咗 California Pizza Kitchen 個椰菜花批底pizza，呢度變成左我同一班注重健康朋友嘅聚腳地。Califlower pizza base 其實喺美國已經興咗一排。Pizza 批底由普通嘅麵粉變成磨碎左既椰菜花製造。口感變得煙靱，但批邊依然香脆。最仲要係令到 pizza 成為冇澱粉質嘅食物，減少食完pizza 飽飽滯滯果種感覺。除咗這個Pizza外餐廳仍有其他健康嘅選擇。例如 Kale and mango salad. 芒果同其他配料令到健康嘅羽衣甘藍冇咁單調。另外叫左一個焗三文魚配粟米粒。可惜今日三文魚覺得比較熟少少。除咗健康選擇之外， California Pizza Kitchen 當然有其他傳統美國美食，例如 Baby back ribs. Ribs 焗得入味，薯條香脆。