can‧teen (太子大廈)

營業中

休息中

喺中環返工，其實有唔少選擇，但係你要花啲時間搵出嚟。Can•teen就係一個好例子，唔係睇你頭返工嘅人都未必知道$52就有個兩送飯，雖然冇嘢飲，但係味道搭夠，份量又夠。出餐快。揀咗肉餅同咖喱魚，正呀喂。會再黎。

今日返工就食咗依個番茄湯午餐肉炒滑蛋通粉，大大碗，好抵食，餐肉偏鹹咗少少，所以我淨係食咗一舊，而滑蛋都OK滑。中環置地廣場究竟有邊度地方適合食早餐呢？除咗依間canteen，我真係諗唔到邊度，係唔使出大街，無需要等位，方便得來又唔太貴。雖然比一般快餐店貴$5至$10, 但計返條數都值得呀

<Canteen好味燒味飯>如果唔係朋友帶路唔幾棟甘高棟既中環大廈入面會有 間 canteen . 見有粉麵飯 三餸飯 但最多人排既係燒味飯 原來燒味飯喺中環番工友黎講好出名😂點左個61 蚊既燒鵝叉燒飯 🔥 d飯多同熱辣辣 仲有個新鮮油菜🌿加分 燒鵝係整得唔錯 唔算好肥 個皮帶 d脆 好食過好多燒味店 係肉味差 dd . 但點甜醬可以平衡番個味都 ok . 而叉燒係燒得幾好 肥瘦適中 甜度適中 係差甘 d火喉 如果加 d燶邊更好 🔥🐖 以 canteen黎講係好好食 正！#燒鵝 #燒味 #燒臘 #叉燒 Score 平均分 <7.2/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻~~~~~~~~~~~~~Can.Teen #canteen中環遮打道10 號太子大廈3 樓309 至313a號鋪~~~~~~~~~~~~

由於工作的關係，今日做到兩點鐘還沒搞好，所以去太子大厦canteen食午餐。去到人不算多，我排了五分鐘左右，買了我經常在這食的鼓油雞飯及一杯熱薑檸蜜。回想那些年,每逢一個月左右都會去中環太子大廈canteen同我哥哥食午餐，這canteen陪伴了着我和哥哥的春夏秋冬。由於我哥哥有病，我經常要陪他到太子大厦看醫生，所以這canteen是我光顧最多的一間。我感謝醫生對我哥哥的醫治及引導，给我意見。幫助我哥哥轉介去公立醫院繼續治療，令我得到無助之中的幫助。我十分感激他的無私的奉獻及幫助，令我沉重的負擔得到釋放。鼓油雞飯，色相唔錯，食落唔肥唔咸，有新鮮味及好食。熱薑檸蜜，有幾片薑，有幾片檸檬，蜜糖在底，人生好像熱薑檸蜜， 甜酸苦辣樣樣都有。這裏環境和食物都唔錯， 所以我一定會再來。

今日剛好經過Prince building, 諗起好耐無去canteen, 見到menu有個好靚的龍蝦意粉就即刻order左。 可以有人覺得$88食美心會有點貴，但其實翠X同泰X都係呢個價。個龍蝦無咩味唔新鮮，不過預左，但係意粉完全係翻版的cafe landmark 個龍蝦麵🤣 味道啖少少， 如果同一集團的cafe landmark差唔多$300龍蝦意粉有85分，呢碟$88的都有70分。

中環食飯時間很多人，但最近我都比較經常來這裡吃午飯，主要因為這裡比較多位，食物方面選擇不算多，但燒味是比較化算的食品。因為份量（包括飯量，與及燒味的份量）都會比其他快餐店多。今日我就點了叉燒及燒鴨雙拼飯，叉燒不錯，半肥瘦，至於燒鴨份量就多，不過略厭燒得有點老，肉比較上就韌。不過一大碗飯，價錢都係46蚊，其實都比較抵。至於其實餐都要六十元以上，價錢略為貴，如果想平平地食一個午餐，又想飽肚的話，建議可以來這裡吃燒味飯。

琴日叫左果炸魚沙律餐，本身果炸魚都凍既，落單唔夠一分鐘就出左，明顯地上一手有人唔要，咁啱我叫左一樣的餐，所以就俾我之後食完就小睡一陣，有個水吧職員走過拍醒我，但係附近有好多食完的盤都唔收，但係有時間拍醒客人（不指一次）當時拍醒的時候，職員語氣強硬，好冇禮貌，呢間公司的管理，職員的質素可想言之是何其參次。

有時過咗公司食飯時間公司canteen冇嘢食我趕住食完飯做嘢，所以就會去咗呢間canteen以前我會食焗豬扒飯不過最近減肥所以食呢個紫菜四寶河我原本想食米線，不過佢賣晒，賣剩最後一個河粉我見後面同事牛咁眼咁望住我立即那那林點餐呢個紫菜四寶河幾好，佢個餐連埋一個上湯烚菜而且仲係烚西蘭花！真係估佢唔到食完西蘭花之後我發覺個河粉大碗左好多因為啲河粉吸晒啲湯好彩個湯係魚湯，而且應該冇乜味精所以食完都唔口渴

今日本來要去AIA嘉年華，諗住入去之前先食啲嘢咁就揀咗呢間餐廳求其食一啲食完之後想去廁所發現需要鎖匙，問收銀這鎖匙直接拒絕之後我去到M層去完洗手間見到管理員問佢是否3樓的洗手間不外借管理員的回覆是每個商戶應該有自己嘅鎖匙顧客用餐理論上鎖匙應該外借給顧客第一次聽到收銀員拒絕這鎖匙是我買票用餐之前，現我用餐後再去這鎖匙我也直接被拒絕去這一間餐廳用餐與需要用廁所就需要行三層落班去M層如果你覺得麻煩最好唔好去一間餐廳

是日諗住買個公仔面做早餐，公仔面腍咗少少但係都係好好味嘅。可惜外賣包裝真係太求其，唔理客人死活咁樣。明知漏到咁都照包埋佢，玩嘢麼？😑雖然話係快餐店，但係收費唔平，客戶服務應該要進步下。

係太子大廈的Canteen 已轉新鋪位坐位比之前好坐 有幾個卡位 也有Sofa枱自助購買形式 用八達通自助機購買或排隊購買也可下午茶的好選擇炸菜肉絲米 炸雞翼 餐包 配飲品只需35蚊在舊鋪食的比較細份 等得比較耐餐包配上牛油 軟淋淋的 雞翼也是剛剛炸起 外面脆卜卜 咖啡是用上即磨咖啡

之前已經想話試試呢個鰻魚飯，今日終於見到啦d飯幾煙un，鰻魚都ok正常，不過分量真係偏少，$108呢個價有d 唔係好值，而且汁唔夠。。個salad d 和風汁油落得多左d 都麻麻。。。

之前午餐試過叉燒飯,已經覺得好似好食左，夜晚晚飯又來多次，叫左laksa，雖然唔係好夠辣，但係都無伏，正正常常，幾多蝦，超多豆pok，d 麺就係類似油麵，湯底都幾濃郁！

之前在閣樓既時候食過一次can teen價錢貴兼唔好食。最近搬左上去上一層就再給一次機會吧。中午來到 人龍排到出曬去隔離店,好在有朋友先搵位。否則都要注定買外買了。今天點了海南雞飯,盛為70大元,如要飲品需再加13元。在中環食飯就是那麼貴。食物一上台,買相得都一定比大家樂好。食落去味道真的很不錯,最要讚的是係完全無骨的。而且個湯是無味精的。完全令我對canteen有返信心。下次一定會再幫襯。