can‧teen (世紀廣場)

營業中

休息中

返工食Lunch 當然講求夠快，夠抵！成日喺中環做嘢嘅我成日去駐蘭桂坊嘅can.teen! 中環商業區咁高消費嘅地帶，can.teen嘅性價比真係超晒班！最鐘意泰式系列～唔使$100仲包埋甜品！🔸泰式海南雞飯$59雞肉鮮嫩，肉質非常軟身，油飯帶有淡淡嘅薑和蒜香，真係令人垂涎欲滴。蘿蔔排骨南瓜湯湯色濃郁，口感清爽！充份釋放海南料理嘅口感和風味😛🔸咖央西多士$40呢個西多士混合咗馬來西亞同香港嘅口味，獨特非常。外皮炸得非常酥脆，裡面夾住濃郁咖椰醬和牛油，甜中帶咸😛真係經典又令人著迷😍正宗又富創意嘅菜餚！好食得嚟又實惠🙌🏻值得歡迎嘅中環區新加盟餐廳😍

主打「快、抵、好味」嘅can‧teen喺蘭桂坊地段開咗第4 間分店，除咗有地理位置優勢外，新店亦滿足香港人對健康嘅要求，絕對係白領一族兩餐之選！.
第一次嚟梗係要試新店限定、CP 值極高嘅自家明爐燒味飯系列！皇牌黯然銷魂飯($59)嘅叉燒軟嫩焦香，邊位非常嫩口，配搭煎至脆邊嘅雞蛋，就係我最期待嘅蛋汁撈飯畫面了🍳🐷而去骨海南雞飯($69)亦用料上乘，雞肉非常嫩滑，配上油飯大滿足！加埋紅豆冰(+$10)都仲係八十蚊有找，抵啊🤪

can.teen已經開到第4間分店，今次開咗喺蘭桂坊附近嘅世紀廣場，中環區返工嘅朋友又多一個飯堂可以選擇👍🏻打工仔無論係做野定係食野都講求快靚正，忙起上嚟食個快餐都要好食又抵食，燒味飯絕對係港人至愛❤️蘭桂坊分店嘅燒味飯全部都係自家製，CP值極高，係呢到嘅皇牌之選👑皇牌黯然銷魂飯🍚 $59叫得皇牌點可以唔試，叉燒蜜汁味濃，肥瘦均勻，表面燒至微焦，加埋脆邊太陽蛋，絕對係一個完美嘅配搭，流心蛋汁加埋肉嫩叉燒，係味蕾嘅享受👑泰式海鮮炒飯配焗釀蟹蓋🦀 $69除咗港式燒味，泰式料理都係唔錯嘅選擇，淨係睇擺盤已經超出咗快餐標準🤩炒飯粒粒分明，夠鑊氣。蜆肉、魷魚份量唔少，蟹蓋鮮味十足👑紫菜五寶魚湯米綫🍜 $66米綫同魚蛋麵都係香港人至愛之一😆魚蛋爽口彈牙，紫菜鋪滿整碗米線，勁足料👑南瓜栗子甘筍豬骨湯🎃 +$11湯底帶甜甜嘅味道，火喉十足。港式老火湯令我諗起舊式茶餐廳風味，食快餐都可以吸收唔同營養，健康又暖身

皇牌黯然銷魂飯🍚主打當然係叉燒🤩肥瘦適中、軟嫩焦香，真心整得好出色，配角雞蛋煎到脆邊，撈飯超級正，整體食得到黯然銷魂飯嘅神髓👍🏻👍🏻👍🏻去骨海南雞配油飯. 蒿筍絲.中湯海南雞又嫩又滑，去骨又方便，點埋醬汁好鬼正，油飯好香濃，蒿筍絲好爽口，配埋中湯好滿足。紅豆冰🫘粒粒紅豆都好大粒好有咬口唔太甜，好好飲呀⋯⋯

前日放工同朋友去咗中環睇啲嘢，見到蘭桂坊附近新開咗間「can.teen」，經過見到都幾吸引啵😋即刻同朋友入去試吓先😬連鎖快餐店can.teen第4間分店，進駐蘭桂坊地段，呢個地理位置絕對係白領人士嘅不二之選😊新店除咗滿足香港人飲食上講求「快、抵、好味」嘅要求外，餐廳亦係菜式同口味上入手，加入港式回憶同健康等元素，希望令人客一試難忘☺️新店限定， CP值極高嘅自家明爐燒味飯系列係店舖一大賣點👍黯然銷魂飯 $59呢個係店舖嘅皇牌，主打軟嫩焦香嘅叉燒，配搭煎至脆邊嘅荷包蛋😋撈飯一流😬焗海鮮飯 $59 + $13 凍檸七新鮮滾熱辣，材料豐富😋去骨海南雞飯 $69呢個去骨海南雞飯認真方便，啖啖肉！啱晒好似小編一樣懶到飛起嘅朋友😝雞味同雞油飯香味濃！真係食到停唔到口🤤

唔講真係唔知，原來蘭桂坊都有開can.teen，價錢都幾親民，地點都好方便，平日放lunch如果唔想食太貴，都可以考慮下。皇牌黯然銷魂飯($59)因為佢話係皇牌，所以叫咗個試下。賣相都唔錯，隻蛋煎到有脆邊，而且蛋黃仲係流心！叉燒份量都ok多，個人比較鐘意瘦啲嘅叉燒，所以都幾啱我。佢個邊燶燶地咁，最鍾意食呢啲位！味道都夠晒入味，加埋蛋黃汁撈飯啱啱好。招牌去骨海南雞飯($69)揀呢個因為佢話係招牌，應該有保證。我個人比較鍾意呢一款，因為望落好豐富，仲配埋個中湯。中湯係南瓜栗子瘦肉湯，好清甜，又多配料。海南雞啲肉質都嫩滑，又唔多肥膏。佢另外仲配埋萵筍，整體上比較健康咁，啱我。如果鍾意食海南雞飯同黯然銷魂飯嘅朋友，又想喺中環平平地食餐飯嘅話，不妨試下呢間。

can.teen喺中環蘭桂芳開咗分店，地理位置方便；新店主打「快、抵、好味」，啱曬中環上班族👍🏻除咗自家明爐燒味飯外，亦加唔少健康元素同港式回憶菜式✾ 皇牌黯然銷魂飯 $59果然係皇牌，賣相誘人叉燒外層燒到焦香，入口軟嫩加上煎到燶邊太陽蛋🍳篤穿蛋汁慢慢流出再拌勻甜豉油同米飯每啖都帶有甜甜蛋香，令肥妹食唔停口✾ 去骨海南雞配油飯· 萵筍絲· 中湯 $69海南雞去曬骨啖啖肉，份量十足雞皮爽彈；而雞肉嫩滑，肉味濃郁再沾上三色醬食，增添風味而淡黃色油飯粒粒分明🍚碧綠萵筍絲爽脆；中湯足料清甜滋潤✾ 焗鮮茄豬扒飯 $55焗豬係炒飯底就已經加分💯滿滿蕃茄汁同芝士一齊焗，酸甜中帶芝味而豬扒厚身鬆軟，整體香濃惹味

作為上班一族，每日辛苦得嚟旨在食，但更多時候都追求平靚正，醫到肚，又滿足，荷包又冇壓力就最完美～呢日喺在中環開完會，竟然比我搵到呢間開業不久嘅can∙teen，簡直係上班一族恩物✨🤩～▶️皇牌黯然銷魂飯($59)話說黯然銷魂飯真係comfort food嚟，無論咩時候都想食返碗。叉燒係自家明爐燒，軟嫩焦香，肥瘦參半，配搭煎至脆邊嘅雞蛋，挑開蛋汁緩緩流出，撈埋個豉油，真係不得了！▶️去骨海南雞配油飯∙萵筍絲∙中湯($69)雞皮有彈性，雞肉已經去晒骨，嫩滑得嚟有咬口，食落啖啖肉啱晒懶人。雞油飯香而不膩，配埋三色醬汁食好惹味。▶️燒味雙拼飯($53)同事揀咗叉燒同燒鴨，配有酸梅醬，色澤油潤光亮，表皮睇落香脆，朋友話肉質靚，而且大大碗，男士都夠飽～▶️南瓜栗子甘筍豬骨湯(+$11)香港人鍾意湯水，食飯飲返碗湯更滿足。話說我真係好鍾意呢哩個湯，有部分套餐已經跟埋，如果冇跟，一定要加配，佢足料兼好味，超推薦！▶️泰式龍眼冰($15)/茶啡凍飲($13)/茶啡熱飲($10)話說呢間分店比較特別，有唔少泰式食物選擇，鍾意食泰國菜嘅人不妨一試！我叫咗龍眼冰，唔會太甜又解渴，夏天消暑一流！

中環出名嘢食貴，放工想搵個平平地嘅餐廳食飯都幾困難😓 最近發現呢間連鎖店喺蘭桂坊地段開咗間分店，提供多款港式同健康等美食元素，希望可以滿足到香港人「快、抵、好味」嘅需求！皇牌黯然銷魂飯係新店嘅一大賣點，叉燒外皮微脆，帶點焦香味，厚度肥瘦適中，咬落軟嫩，老少咸宜、配上煎到燶邊嘅太陽蛋同靈魂甜豉油，撈飯一流🙈去骨海南雞份量十足，雞皮薄透，油潤嬌滑但食落唔膩、雞肉嫩滑，啖啖肉、可按個人喜好搭配薑蓉、黑醬汁同酸辣汁～ 油飯色澤夠黃，粒粒分明，啖啖油香、萵筍絲爽脆清身、更有足料老火湯滋潤一吓，豐富又美味😍

中環中心地段開咗can.teen，喺中環返工嘅又多一個選擇喇😁皇牌黯然銷魂飯 ($59)絕對係CP值極高！軟嫩焦香嘅叉燒真係一試難忘，明明係瘦叉但真係做到好軟淋。仲有煎至脆邊嘅荷包蛋🍳，蛋黃用嚟撈飯，蜜汁叉燒嘅味道真係出色。白咖喱吉列豬扒飯🍛 ($65)有冇人好鍾意食咖喱又唔食得辣？呢到嘅白咖喱就啱晒你🤤 椰香濃滑嘅白咖喱唔會辣，但又帶出到咖喱嘅惹味，加上同吉列豬扒好夾。吉列豬扒都唔少㗎，仲有粟米芯，西蘭花配菜，食快餐都兼顧埋均衡飲食。紫菜五寶魚湯米線 ($66)紫菜好多😍，配料魚蛋，魚片頭，魚腐等都好食！湯頭都幾鹹鮮，魚🐟味唔算出，不過米線質地掌握得幾好，唔錯。另外，米線仲包熱飲添。

快靚正又抵又好味嘅美心can.teen，係蘭桂坊嗰邊開咗新分店，已經係全港第4間分店啦～係附近返工食個平靚正lunch, 或者OT take 個break 食個健康惹味小菜/特色泰式炒飯船河，然後再繼續搏殺就啱晒～❤️皇牌黯然銷魂飯 燶邊叉燒微微焦香，叉燒軟嫩，肥瘦均勻，煎到脆邊半熟太陽蛋，蛋汁流埋飯+叉燒醬汁+豉油，一啖有齊唔同層次嘅口感味道，一試難忘好高質🧡泰式菠蘿海鮮炒飯 泰式 assemble 系列之一，好大碟份量十足，炒到粒分明又唔太油膩，以快餐店嚟講味道偏清淡，感覺好健康～仲配埋焗釀蟹蓋，鮮甜好味💛泰式辣肉碎炒飯 睇落已經覺得炒得好靚仔，同樣都係好大碟，微微辣又香又惹味，配料有肉碎+豆角+蛋絲等等，好豐富～

對於一眾打工仔，無論放lunch、3點3定OT醫肚，都想平、靚、正。見中環蘭桂坊新開咗間can.teen，位置就腳方便，食物質素、味道、賣相都比一般連鎖快餐店好。呢到主打自家製明爐燒味，今次我哋就食咗黯然銷魂飯同海南雞飯，當然唔少得仲有抵食茶餐。皇牌黯然銷魂飯 $59叉燒半肥瘦，外皮燒到微微焦香，肉質腍嫩入味，確實整得唔錯。配搭埋脆邊嘅太陽蛋，撈埋白飯一齊食，飽肚又好味。招牌去骨海南雞 $69海南雞雞肉嫩滑，雞皮滑溜，雞味濃郁，配埋油飯、清爽萵筍絲同中湯，非常豐富。特別一提個南瓜栗子甘筍豬骨湯清甜濃郁，夠晒足料。香芒沙律。脆炸魚柳 $38沙律入面有芒果、薯仔、蘋果等，健康得嚟有唔同口感，就算加埋炸魚都感覺冇咁邪惡。斑斕椰絲咖央西多士 $35西多士炸到金黃香脆，入面嘅麵包口感軟熟，夾心有斑斕椰絲咖央醬，仲可以淋d煉奶、糖漿同牛油食。茶餐本身配熱飲，叫咗杯奶茶，茶香奶滑，有港式茶記嘅味道。另一杯就+$10轉咗做泰式龍眼冰，味道清甜，仲有原粒龍眼肉。。。can‧teen (中環)中環德己立街1-13號世紀廣場地下高層A號舖。。@can.teen.official @maximshongkon

中環上班族有福啦，can.teen第四間分店開咗喺蘭桂坊附近，地段夠晒方便，用餐環境乾淨整潔，出餐速度快，抵食，又好味😍皇牌黯然銷魂飯焦香又軟嫩嘅半肥瘦叉燒，配搭煎到燶邊嘅太陽蛋，再加上甜豉油撈白飯，係完美嘅配搭🤩招牌去骨海南雞飯海南雞雞肉滑嫩雞皮爽彈，點醬汁配雞油飯來食先至係精粹～加中湯+$11南瓜栗子甘筍豬骨湯，好足料又濃郁夠味👍🏻仲有好多選擇，自家明爐燒味飯系列好似都幾受歡迎下～

can.teen的第四間分店開了在中環的蘭桂坊附近，附近餐廳林立，對於一間快餐店來說挑戰真的挺大的，但對香港人『快靚正』的精神有充分的了解，自然對新分店有更詳細的考慮！這裡除了有香港人喜歡的燒味外，還配有港人熱愛的泰國菜，更有價格相宜的兩餸飯可選，總有一款令你滿意！皇牌黯然銷魂飯（59元）這個就是叉燒配煎蛋飯，叉燒看起來偏瘦，但吃起來肉質柔軟多汁，應該是用上了梅頭的部位去燒製的，而且燒到表面帶點焦，吃起來味道更香，叉燒也醃製得很夠味！而雞蛋也是煎到脆邊，而蛋黃還是流心的狀態，蛋汁跟叉燒燒和白飯混合在一起，再配上甜醬油，吃起來真的又香又滑又甜！去骨海南雞配油飯，萵筍絲，中湯（69元）雞就拿到雞翼配雞胸的部份，吃起來肉質滑嫩，雞胸也不老，雞皮滑嫩彈牙，帶淡淡的雞香。而這裡的油飯也很不錯，吃起來味道很香，但不油膩！中湯也是一大賣點，內裡豬骨很多，都係喝起來豬骨香味很濃，味道濃香！香芒沙律。脆炸魚柳（38元）吉列魚柳炸得外脆內嫩的，吃起來魚香十足，配上沙律醬汁更解膩！香芒沙律也有挺多不同的材料，如青瓜，紅蘿蔔，薯仔，蕃茄和蘋果等，吃起來酸甜開胃！珍寶花生醬西多士（33元）非常大塊的西多士，果然

第四間can.teen喺蘭桂坊地段開分店，呢間連鎖快餐店相信會成為上班一族兩餐嘅新選擇。新店主打「快、抵、好味」之外，菜式同口味上亦都加入咗港式回憶同健康等元素。自家明爐燒味飯系列係新店限定，而且性價比高，當然都要叫嚟食啦。皇牌黯然銷魂飯叉燒肥瘦適中，口感軟腍，煎蛋煎到蛋黃係流心，邊邊係脆嘅，醬汁甜甜地，撈埋一齊食真係好黯然銷魂。去骨海南雞配油飯·萵筍絲·中湯海南雞肉質嫩滑，食得出用料上乘，中湯係南瓜栗子甘筍豬骨湯，火喉十足，豬骨煲到好腍，好正。白咖喱香茅雞髀飯白咖哩好惹味，足夠撈白飯食，雞髀外脆內軟，仲有蔬菜伴碟，另外加左$11要碗湯飲下。