影片
電話號碼
28127070
付款方式
其他資料
Wi-Fi
酒精飲品
外賣服務
電視播放
以上資料只供參考, 請與餐廳確認詳情
1499 瀏覽
母親節前夕，為怕契媽煮飯操勞，傍晚時分契爺就叫埋小肥兩兄弟一齊入深水灣高爾夫球會個咖啡室「Fairway Bistro & Grill」度食個便飯。點知我地六點三到達深水灣，卻發現會所全場爆滿 ，只有酒吧「Captain's Bar」有位，所以就臨時轉場，喺酒吧用膳。高爾夫球會有別於市內一般私人會所，非會員都可以享用球會內部份設施及餐飲服務，限制詳情小肥就唔係好清楚。俱樂部鄰近深水灣沙灘，故多條巴士線都會路經，遠水路得黎都OK方便。由於會所室外停車場不設收費 ，好多客人都會選擇自行駕駛，車位當然係先到先得啦！室內燈光柔和o既「Captain's Bar」通爽陰涼，店內o既幾張高櫈、埋牆o既梳化及其他椅櫈全為膠皮造，闊落舒適，簡潔衛生 。契父母一家同哥哥都好健康，清一色同選食自助沙律吧，唯獨小肥要從餐牌上揀選澱粉質熱食越南湯河 。 Vietnamese Rice Noodles Soup with Beef Carpaccio（$72）：如相所示，湯底並不油膩，碗內粉紅色薄薄o既牛肉片比方間一般越南餐館所提供o既越南湯河更為半生熟 。河粉份量雖然唔算多，但勝在用料上盛，牛肉質感軟嫩，生洋葱超級爽甜，湯底香濃，美味非常！嘻嘻，既然湯河只屬中型，小肥就好唔客氣地叫咗個甜品食。Warm Apple Crumble with Vanilla Ice-Cream（$60）：即叫即焗o既蘋果甜品新鮮熱辣，面層o既餅碎香脆乾身，餡中o既蘋果碎半溶中又帶點爽脆，配上香滑o既雲尼拿雪糕，效果很是甜美 ！高爾夫球會內o既「Captain's Bar」環境優雅，皮櫈舒適，氣氛輕鬆，食物高質，會員更可享有九折優惠，實屬抵食之選 ！
繼續閱讀