影片
開飯介紹
印度菜餐廳，提供多款印度特色菜式及甜品，例如坊間少見的印式蓮子布丁、印式米布丁等，餐廳亦有印度素食供應，素食者也可放心光顧。
繼續閱讀
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
🇮🇳CARAT Fine Indian & Mediterranean Cusine🇮🇳其實我都幾鍾意食印度菜，貪佢加咗各種各樣嘅香料，夠哂惹味😋今次來到尖沙咀CARAT，除咗印度菜之外仲有地中海菜，menu有好多嘢揀，花多眼亂，隨意點咗幾樣都好好食👍🏻.🦐Grill King Prawn $198大力推薦‼️超級好味嘅燒蝦😍 檸檬汁🍋牛油🧈完美配合，配上各種香料調味的黎巴嫩特色飯，極致惹味，原本打算share，即刻想獨食😂.🧀Paneer Tikka Masala🌶️🌶️ $138茅屋芝士球🧀配上🍅濃香蕃茄咖喱🍛，餐牌內咖哩種類繁多，選它因為它是最辣🌶️🌶️果然真的很辣😍印度咖哩冇得輸🔥茅屋芝士口感輕盈，奶味溫和，鹹香撲鼻，非常適合配咖哩🤤.🧇皇室烤餅 $52為了配咖哩而點的烤餅，加入蕃紅花、罌粟籽和杏仁調味，鬆軟又香口，即使單吃也很有特色😋.環境氣氛也很不錯，會再安排來晚餐，喝喝酒也不錯🥂.
繼續閱讀
聽到同事講係尖沙咀有間fine dining 級既印度野, 佢越講我越想食, 一講印度餐廳就諗起重慶大廈, 同事講今次係坐得舒服好多, 餐廳環境靚好多的, 而且都係尖沙咀, 地點方便, 所以就約左佢去試下, 等佢評價下正唔正宗因為D間叫CARAT既印度餐廳個名好長, 門面仲有棵大的聖誕樹, 完全唔似記憶中的印度餐廳, 入到去已經聞到淡淡既印度香料味道, 非常引起食慾, 入面裝修得好靚, 似去左印度既高級餐廳食野, 而且好乾淨, 食得好放心肉荳蔻香料胡椒烤紐西蘭羊扒-$198呢個紐西蘭羊扒, 外面包滿橙色的醬料, 有肉荳蔻香料同埋胡椒, 唔算好辣, 總共有三舊, 而且每一舊都超厚身, 口感極好, 外焦內嫩充滿肉汁, 而且完全無羊騷味, 搭配個少少辣既醬汁, 更添風味, 做得好好!馬莎拉蕃茄咖喱龍脷魚柳-$148蕃茄底味既咖喱, 老實講我好少食到, 我覺得好有特色, 味道好啱我口味, 蕃茄既甜味中和到咖喱既辣, 不過原來係越食辣味會越出來, 比羊扒再辣多少少, 可以接受的辣, 魚柳混入在醬料入面, 魚肉夠滑身唔腥的，咖喱醬配埋Naan一齊食都好正!牛油烤餅Naan-$38叫咖喱又點可以唔叫Naan, Naan 牛油味好重, 有4片, 非常香口, 而且好鬆化, 係我D排食過最好味既Naan總結, D個印度菜好好味, 服務好好, 比濕紙巾我地果陣會幫我地開少少等我地易開D, 好貼心! 唔怪得我同事同朋友都大推啦!
繼續閱讀
今日同朋友去左尖沙咀Carat fine Indian and Mediterranean食印度菜。我哋叫左咖哩素角配羅望子酸甜醬及薄荷醬，自家烤製脆玉米片牛油果蓉酸忌廉芒果莎莎，一口雞肉意大利薄餅雞肉切片馬蘇里拉芝士青椒洋蔥番茄醬，蒜香烤餅，馬莎拉蕃茄咖喱龍脷魚柳，馳名牛油蕃茄咖喱雞。咖哩素角配羅望子酸甜醬及薄荷醬，自家烤製脆玉米片牛油果蓉酸忌廉芒果莎莎，一口雞肉意大利薄餅雞肉切片馬蘇里拉芝士青椒洋蔥番茄醬，蒜香烤餅，馬莎拉蕃茄咖喱龍脷魚柳，馳名牛油蕃茄咖喱雞。咖哩素角配羅望子酸甜醬及薄荷醬-熱辣辣入面有著很多素菜。味道多層次，非常好味道。自家烤製脆玉米片牛油果蓉酸忌廉芒果莎莎-玉米片好脆口加上芝士。配合起3種不同醬汁，各有特色各有風味。一口雞肉意大利薄餅雞肉切片馬蘇里拉芝士青椒洋蔥番茄醬-薄餅香口，雞肉夠味加上大量配料味蕾有著不同層次感。重點係大量芝士粉更加香口好味道。蒜香烤餅-即製烤餅熱辣辣配合咖哩汁去食一流品嚐到咖喱同烤餅之夾。馬莎拉蕃茄咖喱龍脷魚柳-馬莎拉非常香口，搶入味蕾之中。咖喱魚加埋烤餅食一流。馳名牛油蕃茄咖喱雞-甜甜地之餘又有著咖喱香料味道。蕃茄咖喱完全入晒味去雞肉中。
繼續閱讀
有一個識飲識食的朋友真的很幸福🥰尖沙咀行完街覺得好肚餓，好友二話不說帶我去食最好吃的印度菜，令我驚喜萬分😍。八卦的我忍唔住問好友，究竟有何特別？好友靜悄悄跟我說，這裏的大廚曾於多間五星級酒店任職主廚，入廚經驗逾20多年，一試必然難忘。✨Old Delhi Chaat Platter✨ $128新德里懷舊三式乳酪拼盤 ，包含了甜辣粟米脆餅、脆炸小扁豆餅及印度特色鷹嘴豆圓脆餅。賣相超級吸引，以紅石榴作點綴，猶如一顆顆寶石😍秘製乳酪醬酸酸甜甜，清爽得來又非常有特色，是令人胃口大開的開胃菜。✨“CARAT” Tandoori Chicken✨$148 招牌天多里爐乳酪香料烤雞是他們的招牌菜。餐廳採用陶製的Tandoor窯爐，烤出來的香雞帶有微微焦香，外脆內軟。香料極具風味，一啖入口，雞肉香脆可口，但又嫩滑多汁，好正👍🏻❤️✨Murgh Tikka Masala✨ $148一向喜愛馬莎拉咖喱，去每一間印度餐廳必然會試。他們的咖喱香濃惹味，香料香氣十足，但又不會掩蓋咖喱的辛辣味，正宗又好食。✨Garlic Naan✨$48食咖喱必配烤餅，由於他們用窯爐烤製，烤餅邊角香脆，但中心軟糯可口，口感一流👍🏻蒜香四溢，搭配咖喱點吃，令人一吃愛上，停不了口😍✨Goshi Biryani ✨$168乳酪番紅花薄荷羊肉香飯 ，是OP上最熱門的菜式，當然要相信觀眾的眼光點來試試😁，果真不錯。飯粒炒得乾身分明，羊肉切成大粒，香而不羶。伴隨薄荷清香，香而不膩，食到見底，非常滋味😋。✨Paan Ice Cream✨ $98 服務員誠意介紹招牌盤安雪糕，一啖入口，香氣爆發，非常特別。入面有茴香籽及印度香草等，用料十足，口感非常獨特。食完覺得自己口氣好清新🤣感覺非常特別。餐廳配有非常型格的酒吧，開放式的廚房及充滿情調的戶外用餐空間，氣氛悠閒舒適，是聚會的好地方。想睇更多介紹，馬上Follow我啦😁。#big_big_foodie #big_big_foodie食勻尖沙咀
繼續閱讀
星期日和朋友到尖沙咀食晚飯，朋友提議食印度菜，我們就選擇到CARAT Fine Indian and Mediterranean Cuisine ，環境雅致頗有情調，氣氛很好，而且地點就腳。秘製乳酪醬咖哩薯角，賣相很有特色，石榴子鋪在上面，好似灑上一些紅寶石似的，肉碎與薯仔混合，加上乳酪，口感超豐富，開胃惹味。招牌天多里乳酪香料烤雞，不是很大隻，但烤得好嫩滑，以秘製香料燒烤帶有濃郁的南亞風情，我食完一塊又一塊，令人相當回味。蕃茄洋蔥香料煮椰菜花，甜中帶香，有淡淡的蕃茄香味，椰菜花軟硬度適中，配合汁醬，好香濃，如果份量多些更好。印度果亞椰香咖哩龍脷魚柳，帶微辣，正宗印度風味，與泰國咖啡口感完全不同，龍脷柳好滑，咖哩能提升海鮮的鮮味，又增加口感。瑪莎拉蕃茄咖哩大蝦，這款咖哩略偏甜，小辣，香氣濃郁，有不同的風味，大蝦雖然不是很大隻，可是很爽脆新鮮。蒜香烤餅，是咖哩最佳拍檔，現烤即食，香噴噴熱辣辣，蘸上不同的咖哩醬汁，超級美味可口，烤餅油而不膩，頗有水準。
繼續閱讀