Casa Bistro

營業中

休息中

難得放早，想食西餐，第一次試吓美孚西餐有咩好食。點了lunch大份的三文魚，因為無薯菜所以轉意粉，三文魚煎得香口，不過魚和意粉的份量都偏小，意粉真係幾啖食完🥲見到隔籬枱小份的三文魚size也相差不遠，佢份薯角仲細碟，係佢嘅魚太大定我嘅魚太細？個lunch set我一個女仔食完都唔夠飽😅我期望收$138嘅份量係大份啲。凍檸茶（+$5)同湯都正常，蒜蓉多士都係好細塊。食完要返屋企煮個麵食先夠呀⋯⋯😂

位於美孚新村平台，一間食西餐嘅小店Casa Bistro 地方細細，只能容納十多人，但呢度食物水凖唔錯，每次嚟食都唔會令人失望👍🥰今次嗌了set lunch,有香蒜烤雞塊意粉🍝、蘑菇湯、蒜蓉包，加一杯熱咖啡☕️😍😍😍雞塊嫩滑，配埋香蒜🧄及酸酸甜甜嘅意粉汁，簡簡單單，開胃又好食👍👍👍👍，蘑菇湯夠creamy ，唯份量少左D😅😅,之前都有食過漢堡包、意大利飯、Pizza及牛扒等，都同樣出色❤️❤️❤️❤️

放假約朋友食個brunch.講真，美孚真係冇乜選擇喺OpenRice左揀右揀，決定去依一間感覺好似都幾chill嘅Cafe. 試吓新嘢，冇咁悶😛😛 11:30左右嚟到，好彩唔使等位。餐廳入面座位唔算多，全部都係矮枱矮凳。我見佢好似用餐時間冇限制，如果撞啱全部人都慢慢食慢慢坐，要等位嘅話，都應該有排等🤔🤔食物選擇唔算多叫咗個All day Breakfast不過我個人就覺得麻麻，絕大部份都只係加工食物，火腿，煙肉，腸仔…😅😅$108😅😅炸薯格好脆，但好咸菇…似係炒鮮冬菇，口感麻麻黑松露炒蛋，好水嘢飲係要另外叫嘅，咖啡有分唔同size。有拉花，都叫幾用心

🐽意式煮蜆扁意粉 $90一望落去都見到非常足料 豬豬數過仲有成十隻蜆肉 🦪每一隻都好肥美 好多肉 麵質方面非常煙韌 啱啱好 😋汁方面 會食到有啲酒味 🥂亦有少少蕃茄嘅酸味 🍅不過唔會特別鹹 好特別 👍🏻幾好食同開胃 不過份量就唔係好多 豬豬就會建議叫埋個甜品先夠🍰🐽雜菌煙肉卡邦尼意粉 $80鍾意菇菌類嘅朋友今次啱晒你啦！😚望落去賣相唔錯 亦見到有好多煙肉 🥓食落去一陣陣嘅菇味湧上來 好香亦好好食 😌麵質亦都啱啱好 不過都係份量唔係話好夠😅🐽加拿大帶子意大利飯 $108意大利飯望落去有三隻超大嘅帶子喺上面 😲感覺唔錯 食落去其實同卡邦尼意粉差唔多 都係有好香嘅菇菌味 汁亦都好多 好濕潤 🤭帶子就鹹咗少少 不過加埋啲意大利飯就一流🤔午餐亦會有湯同蒜蓉包 🥖亦會有一杯嘢飲🥤湯方面豬豬就試過南瓜湯同薯仔湯 🥔非常好味 賣相都唔差 前菜黎講都絕對唔馬虎 豬豬平時仲鍾意加$20食埋佢嘅甜品 試過焦糖燉蛋同埋豆腐餅 🥧🍮豆腐餅好有驚喜 食落去唔會話好甜 但又唔係好重豆腐味 味道拿捏得好好！整體來講非常值得一試

#casabistro 美孚出名美食沙漠😶‍🌫️竟然俾我搵到間小店 可以食下西餐😳·雜菌煙肉卡邦拿意粉 ($80)同平時嘅卡邦拿意粉唔同 佢係落左忌廉 冇咁有蛋味 同埋食到後面會好膩 我覺得應該改名叫忌廉意粉會好啲🤣·香烤羊架配薯菜薄荷醬 ($145)呢個比我預期好🤭羊架烤得啱啱好 好嫩同juicy✨同埋如果唔中意薄荷醬可以換芥辣試下🔆·凱撒沙律配雞肉 ($75)呢個嘅擺盤好靚 份量都ok 係一個正常嘅沙律🤣🤣最後叫左豆腐芝士蛋糕收尾✨✨

餐廳開了一段時間才第一次幫襯，過了午餐時間只有我们两個人，耍了一個挪威三文魚伴薯蓉，一個卡邦尼意粉。餐湯是甘荀湯和椰莱湯，甘荀湯有濃郁甘荀味，椰莱湯有濃郁忌廉味，牛油蒜蓉包两片很香脆。三文魚份量不少，超市都要賣幾十蚊，但这餐收100元很超值，而且用10元可加黑毛豬火腿凱撒沙律，最后加了焦糖炖蛋做甜品，吃得很滿足。卡邦尼意粉軟硬適中，味道香而不 油膩。暫時我覺得此餐廳是美孚最好吃的餐廳。雖然只有10幾個坐位，但老闆很用心经營，希望小店愈做愈旺。

最近見到美孚新開左間西餐廳，佢嘅前身亦都係西餐廳，更係我係咁多間西餐廳之中嘅至愛，見佢地方都係只可放三四張枱，決定OpenRice外賣自取回家試試。要測試西餐嘅質素，我覺得首先要是試的是意粉，所以我揀咗白汁煮茄乾鮮蜆扁意粉，回家打開外賣盒，佢會附送一set好靚嘅外賣餐具，印象深刻。佢啲意粉返到屋企仍然係彈牙，爽口得來又唔會太水太黏，相信堂食食嘅話應該更加好味，片嘅份量好多，而且隻隻蜆好肥大，值得再次幫襯。唯一有少少意見係，價錢稍為偏貴，比之前上手嘅西餐廳更加貴，希望可以有更親民嘅價錢，咁佢生意一定興隆。

今日照常去食lunch ，午餐個煎三文魚+意大利墨魚汁飯非常美味，餐湯+garlic bread也非常開胃。值得一試。不過座位較少，人多時會坐得比較唔舒服，服務生唔同咗比之前好禮貌。以美孚來講，算係比較高質，之前都食過美國Angus 牛扒，雖然價錢較高，但一分錢一分貨，絕對值得。

因為疫情的關係，晚市禁堂食，只好外帶。這店新開不久，聞說食物質素高，所以就試試看。點了以下兩個主食：加拿大帶子野菌意飯：有三粒帶子，帶子煎得香，味道佳，肉質好，意大利飯不多，飯的軟硬度適適合本地人口味（傳統的應該硬身一點），味道也很好，總括來說就是很好吃，不過這飯原價$100，外賣優惠$80，以這價錢來說，份量有點少。西班牙黑毛豬火腿薄餅：材料除了黑毛豬火腿，還有橄欖、車厘茄和火箭菜，賣相很漂亮。這薄餅味道也很好，不過始終是外帶，薄餅曾放在盒子內，所以批底已經沒有那麼脆，吃薄餅還是堂食的好。這薄餅原價$90外賣優惠$72，價錢合理。

間餐廳唔易揾，縮在美孚新村商場的一角，朋友介紹才知道有這小店是日午餐和朋友去吃飯，要了午市套餐的羊架和三文魚扒，朋友一直推介這餐廳的這兩款菜式，所以這次去也點了羊架要5成熟，煎的火喉剛剛好，肉質優秀無筋，無羊騷味三文魚扒煎到外皮有少少脆，中間剛剛熟，不用太多調味料也很鮮嫩好吃午餐加$20有甜品，是日甜品為焦糖法式燉蛋，除了面頭的焦糖，燉蛋中也有燶香的焦糖味，讚👍🏻總結：西餐用料很重要，好的食材不用太多刻意的調味及醬汁，最欣賞這間餐廳的火喉控制，羊架及三文魚都煎到外脆肉嫩，雖是小店但非常有heart

推薦佢個牛排，最好叫佢多汁好少仲係香港度揾到質量和份量都餵得飽我既餐廳，平時既餐廳唔係份量少就係個排好難咬，呢個價錢同水準備絕對係物超所值。另外建議佢個燒春雞都係一流

奇遇。先是用㗎啡杯盛湯，放七成都是常理，來到是理三份一杯，想起集中營配給。要提才送杯水給你，沒問你要熱定凍，送來是滚熱的，好「窩」心，熱到你拿不起。家人的牛扒叫七成熟，結局是好咬不開。閰waitress , 她好有理道理解釋七成就是這樣，煑完後餘温會變成這樣，祇聽過用鐵板或火山石盛着會再煑熟點，但眼前明明是木板一塊，你聽過這種厨藝未?牛扒退回了，不好意思也沒說聲。我真太孤陋寡聞。大開眼界。 小店要多支持，這種，卻沒法再去。

以前係義大利餐廳，見轉咗手，所以去試試。午餐menu有幾款意大利粉，幾款扒類，同一般西餐廳差唔多，所以無咪特別期望。我地叫左白酒煮蜆扁意粉同羊架，即叫即煮，有誠意。賣相唔錯，味道有驚喜，有水準。白酒煮蜆扁意粉：有白酒香味，蜆肉好新鮮，扁意粉有咬口。羊架：7成熟，半肥瘦，唔會好乾，羊騷味配返個薄荷Jelly啱啱好。同一般午餐一樣，可以揀湯或沙律，嘢飲仲可以揀果汁、咖啡茶或者罐裝汽水。幾十蚊至百幾蚊一個餐，又唔加一，算好公道。值得再光顧。

美孚三期平台之前那間水準不錯的西餐廳 - Mia結業後，原址最近新開了間叫Casa Bistro，同樣是專食意粉類和扒類的西餐廳。見村友食過，風評又不錯，於是決定午餐去試試。不過這個疫症時代，風頭火勢，還是外賣回去比較安全。因此光顧堂食的食客並不多，等候外賣期間見只有1-2檯客。餐廳營業時間分為午市和晚市；午餐供應為星期二至日，12-3pm，而且不收加一。午餐有7款選擇，以意粉、扒類為主，亦有三文魚供應；除主食外，還附有餐湯、多士和飲品，內容挺豐富。價錢由$80-$160，定價以村內餐廳來說略為偏貴。是日餐湯： 蕃茄湯加多士蕃茄湯酸酸甜甜好開胃，而且是用鮮蕃茄打成，附帶有茄蓉，加上香草和忌廉，美味過一般的罐頭湯多多倍。總共叫了三個午餐； 茄汁拿破侖意粉 $80同樣以茄汁為主的意粉，味道十分惹味不錯，切片的香腸也落得不留手，可惜加了個人最不喜愛的雪藏三寶，稍稍輕輕的減了少少分，但仍然值得推介！雜菌煙肉卡邦拿 $80雜菌煙肉的份量確是多，不過醬汁較為稠身，黏性較高，食落難免比較膩口，不過味道還是不錯的。香脆炸雞 $100炸雞份量雖然比較少，但炸得香口，而且雞肉有醃過挺入味，蘸上醬汁更是惹味