Catee (已結業)

荃灣西一帶都好多西式餐廳之前試過catee覺得唔錯諗唔到食咩就一於再試下餐廳有少少懷舊feel同貓嘅裝修每一幅牆都有唔同既貓裝飾額外叫左個前菜黃金烤帶子帶子有四粒，底部配少量薯蓉帶子烤得幾香然後就係兩個主菜烤澳洲羊架伴薄荷醬仲配有薯蓉同雜菌羊肉味濃，烤得香口薯蓉creamy，份量都幾多另外叫左西班牙海鮮炒飯會有大蝦、青口、同蜆仔，幾豐富！跟餐會送沙律，餐湯，飲品，同甜品沙律菜新鮮，餐湯係creamy嘅南瓜湯飲品揀左朱古力同菠蘿汁依兩款都係包埋唔洗加錢甜品就每日唔同今日係綠茶芝士蛋糕，幾好食侍應知我地share食所以菜式係逐道逐道上好細心整體食物水準唔錯，可以再幫襯！

覺得貓貓可愛但又對貓毛有D敏感，呢間餐廳就可以滿足2個願望！見到D咁可愛嘅相真係心都溶埋！我地散叫左2個main 再upgrade做套餐，加$30多4樣野都真係幾抵。南瓜湯甜得黎唔漏又大碗黑醋沙律再加煙鴨胸係上面，煙鴨胸份量都幾多，飲個湯食個沙律都有兩份包surprise 嘅係度呢有西班牙海鮮炒飯叫！仲要價錢都幾親民！酸酸甜甜幾開胃，海鮮份量又算唔吝嗇，如果煮得乾身少少會再好D！呢隻德國豬手一上枱真係不得了！夠晒有霸氣！店員會特登攞上黎問會唔會需要影張相先再攞入廚房幫我地切，夠晒貼心！切成一粒粒方便食用，唔駛要自己慢慢切切到手都攰埋先得幾件食！飲品叫左一杯Banana milkshake 一杯Mango milkshake，個人覺得Banana milkshake比較出色，自然嘅蕉嘅香甜，light 又fresh嘅感覺！甜品有柚子cheesecake同埋朱古力mocha蛋糕選擇！柚子cheesecake味道幾清新，唔會太甜，幾欣賞！

吃貨小妹近來工作繁忙已經好耐冇出去食好西 上星期趁空閒一點終於去咗荃灣食餐好嘅其實早兩年都黎過Catee一次 係一間以貓咪做主題嘅西餐廳 餐廳入面充斥住好多唔同嘅貓咪擺設 岩晒我呢d愛貓人士連用黎放黑醋同橄欖油嘅油碟都有貓貓圖案 別有心思野食方面 跟set既胡麻醬煙鴨胸沙津好有驚喜 非常配搭 又清新我地叫左個小食拼盤 有蒜蓉焗蠔 水牛城雞翼 炸三文魚丸子 同埋大量既薯條焗蠔做得唔錯 唔會焗得過熟 仍然食到淡淡既海水鮮味西班牙辣肉腸豬腩肉炒飯 味道非常濃郁 一上枱已經聞到好香 意大利飯做到煙韌有咬口不過吃貨小妹更加鐘意呢個蒜香羅勒青口燴天使麵 麵 麵質同味道都好啱口味最後食埋個是日甜品 為豐富既一餐畫上句點💓

荃灣呢頭有間好正嘅西餐廳 入到去同真係喺英國嘅餐廳感覺相似 地方闊落坐得舒服 燈光柔和 如果掛住去歐遊嘅朋友 好值得一去 佈置用貓貓做主題 幾有親切感同埋可愛食物質素亦唔錯 dinner set要咗牛扒 可以揀五成或七成 要咗七成 生熟度剛剛好 牛扒肉質算係細嫩 加上好大份嘅薯蓉 薯蓉好香牛油味 質感好滑 呢個配搭好唔錯食完咁大嚿肉 另一set要咗黑松露野菌意大利麵 醬汁超creamy 溫度熱辣辣 意大利麵非常彈口 整體都超讚另外好正嘅係小食拼盤 138蚊有水牛城雞翼 三文魚小丸子 焗蠔 同埋炸薯條 亦都有兩兜大兜嘅醬汁 好惹味好過癮dinner set一個架包埋沙律 餐湯 油醋點麵包 甜品同埋優惠價嘅飲品 非常抵食 講開甜品 佢一啲都唔求其㗎 係好實淨好味香濃嘅芝士蛋糕一件 呢餐食得幾開心

荃灣除咗大商場之外仲有好多好食嘅小店，今次嚟咗楊屋道依間餐廳係以貓為主題，相信唔少愛貓之人都會鍾意。今次我哋叫咗兩個套餐，其中一個係紐西蘭肉眼扒($268)，另一個係墨魚咀墨汁燴意大利麵($158+套餐$30)，仲加多咗個水牛城雞中翼($88)，飲品方面就叫咗凍朱古力。套餐包括麵包、餐湯、飲品同沙律。餐湯係蘑菇湯，雖然唔係好杰但係飲得蘑菇嘅香味同埋雞湯味，至於沙律就好多鴨胸，非常足料。但套餐入邊最值得稱讚嘅係杯凍朱古力，有別於坊間一般用朱古力粉沖。因為佢入邊仲加多左忌廉飲落去感覺稠密，有種喺飲品專門店飲朱古力嘅感覺 。水牛城雞翼就做到外脆內軟，入邊好多汁，而且個辣度啱啱好，如果唔夠辣可以自己加Tabasco。牛扒叫咗五成熟，熟度啱啱好，食落去肉嫩多汁，而且配菜有薯蓉、椰菜、紅菜頭、蘑菇，份量多到可以兩個人分享。但對比牛扒，墨魚汁意粉更加出色，因為除咗份量多之外，佢嘅墨魚咀好有咬口，意粉彈牙仲帶有蒜味，即使食得比較慢，意粉都唔會太乾，能夠保持住濕潤嘅狀態。最後以一個香濃柔滑Tiramisu作為今次結尾，十分滿足。

又到左介紹特色餐廳嘅時候啦，今次要同大家介紹嘅係，位於荃灣西嘅Catee 高質西餐，一入到餐廳，就見到好多隻貓，不過唔係真貓，而係掛喺牆壁上嘅貓畫像，啱晒愛貓之人。餐廳嘅Dinner set 性價比真係好高，加$30就有前菜，麵包，羅宋湯，同埋一杯嘢飲，仲有甜品添，真係抵到爛。前菜法包有兩款口味，我自己就比較鍾意食黑色嗰隻，同埋餐廳準備咗白醋作配搭，可以點少少白醋食，更加特別。羅宋湯呢個羅宋湯簡直係我飲過最好味嘅，因為唔會太酸，咁落去，喉嚨好舒服。威靈頓三文魚扒呢個菜式，簡直係呢間餐廳嘅靈魂，真係一食難忘。外層係香脆酥皮，裏邊係入口即溶嘅三文魚扒，一入口就知呢個三文魚唔簡單，係勁Juicy ，煮嘅時間啱啱好，所以三文魚唔會鞋。仲有薯蓉，蘑菇，等等作配菜。分量勁多，兩個女仔食就差唔多啦。Oreo 奶昔呢杯係餐廳嘅王牌飲品，係店員推薦俾我㗎。造型好別字，有塊Oreo痴係Cream上面，同埋奶昔唔會太甜，就算飲完都唔會覺得滯咗，搞到食唔落主食。木瓜奶昔甜品服務態度真係冇得彈，我哋食完一道菜，服務員先會再想另一道菜，咁啲嘢食就唔會擺到凍哂，啱晒食得慢嘅朋友仔。

荃灣的這間Catee西餐廳，佈置充滿貓貓元素，牆上掛滿貓貓主題的畫作，掛著的大麻繩吊燈，還有各式各樣的貓擺設，能看出店主設計這家店的藝術心思，枱上點起蠟燭，有一種浪漫的氣氛。除了裝潢外，食物菜式都很有心思呢麵包有墨汁和香草兩款口味，可以沾橄欖油和黑醋吃餐湯酸酸的雜菜湯很開胃沙律墨魚很彈牙有咬口，有幾款不同的新鮮沙律菜，份量都不少，很醒胃烤澳洲羊架伴薄荷醬 $248有三件羊架，煎得外皮焦香，脂肪和肉的比例剛剛好，羊肉軟嫩，帶微羶味，配上燒汁和薄荷醬令味道更有層次配菜有秋葵、紫薯薯蓉、串茄、青瓜，很豐富威靈頓三文魚扒伴刁草忌廉汁 $248 (set+$50)酥皮包著三文魚，三文魚肉很鮮味，5成熟左右，肉質嫩滑軟稔，很juicy，酥皮鬆化酥脆，忌廉汁很濃郁很香甜，淋上忌廉汁後更美味柚子芝士餅芝士味香濃，散發淡淡柚子清香，清新不膩，甜度恰到好處薄荷懶人檸檬茶 set+$10味道清淡，帶點薄荷涼涼的感覺，有解膩作用榛子咖啡 set+$12咖啡香滑，榛子味香濃不會太甜

前世情人話請我食餐飯，慶祝母親節，兩母子就去左荃灣catee呢間咁有情調嘅西餐廳😙餐廳雖然有個cat字，但就冇真貓貓，反而好多貓貓裝飾佈置咁，我地坐了近大門卡位，環境都幾舒適～食西餐嘛，當然要食啲前菜，order左半打香蒜牛油焗蠔，配料香噴噴，未食都流晒口水，蠔都大隻肥美，超醒神好味～主菜就點了烤紐西蘭肉眼扒，配襯嘅自家製酸菜好特別，令人好開胃，肉扒7成熟剛剛好，肉汁香濃，鮮嫩淋身易入口😋囝囝愛吃海鮮，所以點了蒜香鮮蜆炒意大利粉，上檯香噴噴，蜆肉份量多夠新鮮，麵質彈牙，囝囝表示收貨～食埋是日甜抹茶蛋糕，好滿足哦！

今日陪人去荃灣睇租盤，跟手喺就近食呢間好有特色嘅餐廳， 聽聞叫個德國豬手唔錯， 但點餐嘅時候發現冇咗，所以就叫咗其他嘢食。餐廳環境好靚， 有好多貓貓擺設，仲有個螢光幕不斷播放各地唔同嘅貓貓短片， 打卡影相一流。 我哋叫咗一個牛油果烤帶子沙律， 焗蠔6pcs, 水牛城雞翼, 紐西蘭肉眼扒配香燒汁。牛油果帶子沙律， 清新嘅牛油果加上兩邊略煎香的帶子，配上香草沙律醋， 非常美味。蒜蓉焗蠔，蠔烤了尺寸都沒有縮減太多，6隻都係$88蚊，相當抵食。水牛城雞翼，雞翼大大隻但酸辣味道不夠出，需改進。紐西蘭肉眼扒配香燒汁套餐，有蘑菇餐湯， 餐廳自家製餐包配香醋，仲有餐飲。餐湯好飲， 超香磨菇味。個肉眼扒超大，夠兩個人share, 最抵錫係個side dish, 紫椰菜炒蘑菇， 啱晒唔食 澱粉質的我。滿足的一餐。

平時都少行呢邊，經朋友介紹，話呢度食物質素好，份量又多，就book位黎食晚餐啦！果然無介紹錯，值得推介同再黎！以下就等我介紹下食左咩啦！雖然佢個名叫catee，但入面無貓架，但有好多貓既擺設！set dinner有幾款，如果唔岩都可以加錢$30將其他既單點變餐。餐包沙律、餐湯、飲品及甜品，轉餐好抵！餐湯係南瓜湯，好濃好甜，好creamy！仲配麵包，麵包鬆軟，味道特別！唔係普通既多士，有心思！沙律都唔止係幾條沙律菜，而係有唔少海鮮既海鮮沙律！好fresh！叫左個小食拼盤，兩個人食好似有啲誇張，哈哈🤣🤣焗蠔好香蒜蓉味，蠔夠大只又滑溜！三文魚丸，好脆口！最有驚喜係個薯條！粗切，食落係好鬆化！係鬆化，唔止脆甘簡單！呢個鬆化薯條好好食！水牛城雞翼，肉質嫩滑蒜香蝦仁炒意大利粉名附其實，好香蒜味，意粉食落好香口，蒜香沾滿每一條意粉！有四只大蝦去炒，再加面頭一只大蝦，仲要已經剝左殼！好細心！蝦好爽口彈牙，新鮮，好好食，鐘意！烤安格斯牛板胛估唔到有兩塊！好抵食！叫左五成熟，咬落去好稔好juicy！牛味相比一般牛扒既牛味重，喜歡食牛既一定要試！佢除左牛扒外，伴碟仲有好多既薯蓉同自家製酸菜！個酸菜用紫、白椰

個人推介指數 7.5分 （10分為滿分) - 本身不是貓奴, 但對小動物也還喜歡, 這間以貓為名的食店已是我第二次到訪, 食物水準頗高, 看得出他們的細心, 環境舒適, 加上不時有不同的佈置, 讓人耳目一新. 還有店員的服務態度非常專業, 讓人有賓至如歸的感覺. 記得之前來過這裡, 餐室很有心機地佈置一個萬聖節場景, 讓我印象很深刻. 今天難得又能和太太拍拖, 我們決定重遊舊地, 好好享受一下. 當晚來到, 餐室已換回新的佈置, 以貓的佈置為主, 雖然我不是貓奴, 也感到很可愛, 女生必愛, 包括我太太. 地方空間大, 在此時此刻出外飲食, 這也是一個重要的考慮. 在這柔和的燈光下, 我和太太談起往事, 時光真的飛逝. 懷緬一番後, 我們各人也點了一個主菜, 改作套餐, 包括面包, 餐湯, 沙拉, 飲料和甜品, 就是化萛.特別一題, 沙拉味道相當醒胃, 除了健康的菜疏外, 還有相當份量墨魚在內, 很是滿足.太太想吃點香口食品, 又不想吃薯條今單調, 我們點了個脆炸貝羅菇條. 份量比我想像中多, 每一條菇條也是脹卜卜的. 一咬下去, 外皮鬆化, 菇內保持住水份, 加上溢出濃濃的香菇味,

呢日入左荃灣搵朋友，血拼一輪之後就黎左開餐住係呢區既朋友仔講我知，呢度食物既味道同份量絕對對得住個價位，cp值係區內都算高！！所以佢間唔中都會同屋企人黎食呢度除左有dinner set之外，主餐牌既主菜只需加30蚊就可以轉為套餐（沙律、湯品、飲品同甜品）呢日既餐湯係蕃茄什菜湯，我加左20蚊upgrade左做周打蜆濃湯，有好多蜆肉在內呢！！！朋友直接係dinner set度揀左一份“烤澳洲羊架伴薄荷醬”HKd$248+10%完全估唔到份量係如此大呢！！！有三大塊烤羊架之外，仲勁量既薯蓉同伴菜朋友每樣share左d俾我試，味道的確唔錯特別欣賞佢地既薯菜都好有心思，一啲都唔馬虎我呢晚要左一份“香烤德國豬手”HKd$188+10%係超有驚喜既菜式，外皮帶脆但一d都唔乾，仲帶有Q彈之感添！！我將豬手upgrade 做套餐，所以同樣有一份甜品加配既兩款奶昔都不錯喝derrrr

喜歡貓貓除了去貓cafe，想浪漫一點，可以去荃灣的Catee，裡面燈光昏暗，好有情調，而且有好多可愛的貓擺設，但沒有真貓點main course 另加$30 有湯、沙律、甜品，先來餐湯及麵包，南瓜忌廉湯夠熱好香。是貓貓碟！好可愛！麵包鬆軟，我較喜歡黑炭包。沙律是魷魚蜆肉沙律，魷魚是熱及彈牙，沙律菜也新鮮。白酒羅勒煮蜆 $98香草羅勒配上輕輕的白酒，幾香有層次，蜆肉也新鮮有鮮味。墨魚咀鮮蝦燴墨汁意大利麵 $158蝦肉煎的香口彈牙，連紅椒、青椒也很爽甜，墨汁意粉份量十足，好大份，輕輕的白汁不會太膩。香煎格陵蘭比目魚伴香草忌廉汁 $208賣相好靚，有紅有紫，比目魚煎的金黃色，魚皮香脆，魚肉仍是嫩滑，有雜菇、椰菜、蘆筍夠健康，薯蓉香滑。最後是甜品，精緻的蛋糕，擺碟有心意，是甜度適中的朱古力蛋糕，滿足。

同屋企人大概一年前嚟過個荃灣Catee，成日記起餐廳嘅嘢食，因為當時食成個套餐，有前菜甜品咁，好豐富。終於一年後再返嚟食，成個用餐經驗一樣係好滿足。屋企人好鍾意食豬手，叫咗一份德國豬手，單單睇個賣相已經好驚人，好澎湃，成把刀插住個豬手，旁邊有酸菜同醬汁。豬手做得好嘅一方面係做得個皮好趣口，肉夠嫩，咬落有汁。其實每次食豬手都會覺得好飽，因為兩個人食其實食唔得多，但係每次都會好想嗌豬手。另外就叫咗紐西蘭西冷肉眼扒，肉好夠厚，牛味算濃郁。呢個跟餐跟餐前湯會配黑色嘅竹炭麵包，麵包睇落好實淨，食落就好軟熟。仲跟埋餐前沙律。飲品方面叫咗一人一杯奶昔，芒果同藍莓Milk Shake，太耐無飲，呢個真係好推介，濃郁牛奶感👍個餐最後仲有一人一件甜品，賣相精美真係好賞心悅目，實在有心思👍

好耐冇黎荃灣啦 醒起食呢間一直好鍾意嘅餐廳用咗貓做主題 有好多貓貓擺設 電視仲播住加菲貓裝修好懷舊西餐廳咁 vintage得嚟又幾情調 環境唔錯烤澳洲羊架伴薄荷醬 $248 set dinnerset dinner有沙律 餐湯 餐包 飲品同甜品煙鴨胸沙律 個煙鴨胸幾好食 連沙律食開胃清新餐湯係什菜湯 偏酸同稀身 但我都幾鍾意個味道餐包除咗送湯飲之外 仲可以點橄欖油同黑醋 都好夾羊架叫咗七成熟 個人口味想食熟啲 有三大塊上碟亦有薯蓉,特制醃菜 薯蓉好食喎 食得出唔係沖粉個啲主角羊架好多肉汁 味道都唔錯 不過就肥咗啲啦德國脆皮豬手 $188 +$30 set dinner 賣相真係無得頂 服務員比我地影咗相先拎返去切豬手好大份 而且肉質鮮美 一啲都冇覺得乾身有啲酸菜同埋沙津 夾埋一齊食就冇咁油膩嘅感覺白酒羅勒煮蜆 $98個汁超香超濃 同蜆肉一齊食係絕配 仲要係好入味蜆肉都好新鮮 份量都幾多 好食到連汁都lam埋 lolIced Chocolate一定要推介呢個飲品！！！為咗佢我再嚟食！！超級濃郁嘅朱古力 就係叫凍飲一樣味道濃郁有好靚靚嘅cream係面 再加埋條朱古力pocky好有誠意嘅餐