Cha:rm

營業中

休息中

附近食嘢食到厭，行遠啲去食韓國野，見到成間餐廳坐滿人，價錢又親民，試吓☺️見到樣樣都想食，有炒飯，蛋捲，飯卷，石鍋飯，最後揀咗炸雞，海鮮餅，同冷麵😉見有炸雞就試吓，作為一種受歡迎的韓國小吃,試左蜜糖炸雞,次次食親一係就乾柴🙈一係就冇乜味🥶但係有驚喜，唔錯喎，雞肉好嫩滑，有汁，熱辣辣👍🏻👍🏻，二人食半份，唔會太多，啱啱好🥰🥰韓國海鮮餅通常會沾一些辣醬或芝麻醬享用。感覺同普通酒樓薄餐差不多，煎得唔夠香口，如果煎得香啲，脆口就更好😂有點失望冷麵正常，唔夠凍，如果可以加下冰就更好，份量都多

今日過大埔政府合署寄包裹，順道到附近的韓國餐館用餐。試過多款招牌菜式，整體感受一般。鐵板韓式烤牛肉配飯（$118）這道菜烹調不太理想，配菜在鐵板上出水。牛肉完全沒有鐵板燒效果，味道一般。性價比不高。炸雞半份（$88）炸雞脆口但偏硬，皮身算薄，裡面雞肉保持多汁，味道不錯。-泡菜五花腩泡麵（$55）湯頭調味不足，辣味不夠，泡面面質偏腍，不彈牙。五花腩偏肥，肉質偏硬，吃起來沒有五花腩的香口。海鮮煎餅（$58）配料豐富，煎製味道濃郁可口，若能再煎至更酥脆就更好了。這家韓國餐廳在口味、菜品質量和性價比方面都較為一般，除了海鮮煎餅外,其他主打菜式都不太滿意。

話說今日去幫襯呢間韓國餐廳，我喺八點幾嗰時叫咗三個外賣。首先去到俾錢嗰陣已經等佢哋玩咗一輪，啲錢唱黎唱去，其實可以找左比個客先慢慢搞既～ 本來呢啲都唔係啲咩咁大嘅問題，我都唔會專登開一個食評出嚟話佢！拎到個外賣返屋企，發現比錯飯我，打去已經無人聽，咁咪第二日先打去講返..*打電話同個大陸口音既阿姐講返件事，佢亦都表明比返$10差價我，件事其實完左⋯*去到餐廳既對話極度精彩我：唔該，我頭先打過電話黎，你地琴日比錯左個飯我大陸口音阿姐： 咁你依家想點？ （我呆左幾秒，無諗過餐廳會咁樣問） 大陸口音阿姐： 係咪比返$10你？ 你轉頭再過黎，等事頭婆返黎比返你我： 係咪即係要我再行多次？大陸口音阿姐先至好唔願意咁比返錢我， 態度極度惡劣！！唔知以為我欠左佢咁

今日行過太和 見到呢間韓式餐廳就入去試下店長係韓國人 可以用英文溝通對方好有禮貌👍🏻餐廳播嘅背景音樂係KPOP😍今次想試佢哋嘅水冷麵同紫菜包飯🤤小菜係泡菜 有d辣水冷麵嘅汁酸酸地 好開胃🤤紫菜包飯嘅料好足佢嘅飲品係罐裝飲品 我就揀咗韓國梨子汁咁豐富嘅野食夾埋唔洗$70超值👍🏻

今次就嚟到呢間標榜正宗韓國風味嘅食店，幾期待嘅！一入門口，哩間店嘅氛圍就給我一種驚喜感，唔使太講究，但係每一樣嘢都整得幾用心。首先，嗰個牛肉紫菜飯卷真係得喎！牛肉嘅嫩滑同紫菜提供嘅鮮味，好配搭，真係咬落去一啖滿足😋。再來個蜜糖薯條，簡直就係甜鹹完美嘅搭檔！外皮脆卜卜，熱辣辣食落去好過癮，內裡嘅薯條鬆軟得嚟仲帶啲蜜糖香氣，層次豐富，真係食唔停口🍟🍯。至於韓式芝士蛋卷呢，每層間嘅芝士同用料都做到蛋香四溢，但可能因為味道比較溫和，所以醬汁嘅香濃就顯得略為突出啲，味道層次可以再平衡啲🧀🍳。難得有間店，飲品都可以健康之餘，又保持咗果味。個梨子汁甜而唔膩，清新爽口🍐。提子汁同甜米露都半甜唔膩，下次熱天嚟必定要再試🍇🍨！最後，呢間店嘅待客服務都幾唔錯，有種街坊間嘅溫馨。整體黎講，呢度嘅食物真係平民價錢但玩味十足，值得一嚟再嚟！👍🤗🎉

依間韓式舖頭幫襯過幾次，嘢食唔係話OK，服務也麻麻，反正係就腳，所以才幫襯！但今次叫外賣自取，真的很生氣！餐廳寫明晚上10點關門，我預早晚上8點30分打去問外賣自取的最後last order時間，電話裏的女士講話9:10 ，跟着我對她說那我9:10前再給電話你們吧，之後9:08的時候，又係這位女士接聽，當我叫外賣自取時，她說已經關門，當我提及我明明8:30也打給你的時候，你的而且確講明9:10才last order，之後又問我要叫什麼食物，當說了之後，又說還沒有食材，我唔知道係呢位女士定係呢間餐廳玩嘢，反正依間餐廳之後我唔會再幫襯，太離譜了！

隱世小店有驚喜🥰正宗韓國阿豬媽主理🇰🇷深受街坊&學生支持🤍💯#sdm大埔 #sdm太和 #sdm韓國菜 #sdm小店 💛 #和你食啲咩 💎 牛肉紫菜飯卷 $52值得一試❗️（😋：8/10）👍🏻：好足料🍙🍙而且調配哪味道好足夠，唔使點任何醬汁已經好好食😍👎🏿：。💎 蜜糖炸雞＆蜜糖薯條 $158必食💯（😋：8.6/10）👍🏻：即叫即炸，熱辣辣🔥脆卜卜，加埋咸咸甜甜嘅味道🤤🤤🤤係令人想不斷食嘅味道😚😚除了炸雞之外，蜜糖薯條都係必嗌嘅重點🍟粗薯條！👎🏿：（都算幾甜嘅，唔鐘食甜嘢嘅人應該會覺得好奇怪😂）💎 韓式芝士蛋卷 $88可以一試✅ （😋：7.1/10）👍🏻：千層蛋卷🍳有四層蛋，三層餡料（蕃茄🍅，芝士🧀，洋蔥🧅）加最面頭嘅一層混醬（茄汁+蛋黃醬）個蛋卷👎🏿：味道偏淡，大部分味嚟自啲醬汁。💎 梨子汁🍐 $12可以一試✅ （😋：7.6/10）💎 甜米露🍨 $15可以一試✅ （😋：7.3/10）💎 提子汁🍇 $12 可以一試✅（😋：7.4/10）環境：7.8/10服務：8.5/10 (冇加一服務價)😍有韓國阿豬媽🇰🇷幫你落單價錢：人均約$150性價比：8/10 📍 Cha:rm (大埔)大埔大埔太和

大埔行行下肚餓就入咗呢間食野間野係韓國家庭式甘營運聽到佢哋同啲客講半鹹半淡嘅廣東話叫左2個set lunch腩肉拉麵配紫菜飯卷韓式炒粉絲配紫菜卷另外加左個泡菜煎餅整體來講味道一般

6:00 入去，已有一枱客，叫完野食覺得好焗，原來一部冷氣都冇開！！問佢冷氣係咪冇開，佢就開一部細的。一路食一路流汗，重點係好焗。仲要前一枱客食完，佢即刻熄咗個冷氣！！大佬，我地未食完喎⋯⋯如果真係好想慳電，可以打開度趟門，起碼空氣都流通些，一係慳到盡，唔做生意最慳😑😑😑。入面staff 有3、4個大嬸和一個妹妹，大嬸唔係韓國人，唔知係咪轉左手。食物：kimchi 湯大嬸話冇貨😅，牛肉湯好咸； 炒牛肉一般，蜜糖炸雞OK

蜜糖炸雞蜜糖炸雞外皮炸得酥脆，入口夠香口，拎到番屋企食都仲脆，送啤酒一流。雞肉質地鮮嫩，味道同口感都唔錯。當然，份蜜糖炸雞味道相對偏甜，不過咸定甜醬都岩食既我就覺得值得一試。泡菜海鮮煎餅將泡菜同海鮮混埋一齊既香脆煎餅。首先，外觀唔係特別好睇，煎餅既表面都唔算好酥脆，可能已經焗腍左。不過泡菜既酸辣味同海鮮的鮮味係match既。雖然焗腍左d，但食落都唔覺好油膩，沾埋個醬汁，都唔錯。飯卷餡料比平時食開既多，飯果層好似好薄咁，但拎到番屋企都仲保持到個樣，冇散哂。咁多種餡料各有功能，青瓜清爽、芝士濃郁咸香、牛肉有口感又有肉感、兩種蘿蔔各有風味。白汁年糕長長又軟糯既年糕，唔食辣食下白汁都唔錯。年糕煙韌有o趙口，醬汁夠滑同咸香。Overall做外賣都算唔錯。呢頭附近既韓國菜都做得幾好，各有特色。

呢間紫菜飯捲不俗，今次專登叫lunch set for 2，炸豬扒紫菜飯捲🐖&辣炒年糕&蜜糖炸雞🐓（$192），試下新野。炸豬扒紫菜飯捲🐖好老實講，有d失望，唔睇menu,完全唔知呢個飯捲加左豬扒，同平時叫既紫菜飯捲味道完全一樣，唔需要特別加錢。辣炒年糕其實呢間辣炒年糕味道不俗，但係因為得好少魚糕🐟，齋食年糕，好快就會覺得厭同濟。蜜糖炸雞🐓成餐飯，呢個蜜糖炸雞最好食，外表炸得焦脆，蜜糖🍯味道濃郁，份量亦大份，仲有d花生碎🥜，但有少少黏牙🦷。

叫左四樣嘢 但基本上全部系零誠意 上菜快 啲嘢又難食 兼翻炸紫菜包飯系第一樣上 味道正常 但隻碟勁油 系連個底都系油架！！！到底衛生情況有幾差？第二樣上左海鮮煎餅 全部都係粉 得两條魷魚 基本上就係食緊面粉同菜 都比較厚 適合增肥人士 唯一值得讚的就係煎得幾香第三樣上左魚糕炒粉絲 個粉炒得好乾 蘿蔔又未炒熟 仲係生的第四樣上的就系炸雞 食落冇啤酒味 比啲日式炸雞加幾條薯條當半份雞件比客人 賣相又冇兼且亂擺一通 仲要系翻炸 難怪上得咁快啦！完全冇誠意 唔建議劣食 呢個價錢一啲都唔抵！

上個月小編不停食韓國野🇯🇵，呢間已經不停返去食，今次試下其他新野，煎餅🫓就真係第一次食，同酒樓有少少分別，一來冇咁油，而且入面既配料唔同，仲加咗大量芝士😍😍平野唔太食簿餅既小編都食左2️⃣大塊啊～其次食韓國野就一定要試佢地既炸雞啦！睇賣相好似麻麻地，點知食落口又她食喎，唔係好似平時出面食到既韓式炸雞，係有啲唐揚炸雞🐤大埔之中要揀食韓國野一定非呢間餐廳莫屬😆🥳

作為大埔人，竟然係第一次食呢間係太和中心樓下既韓國菜🤪🤪（10分為滿分：🌕）味道：🌕🌕🌕🌕🌕🌕🌕🌗🌑🌑石鍋韓式拌飯($78)食韓國野點少得拌飯🤣🤣個賣相係幾得既，但老實講食落就中規中矩喇，落完好多醬撈完都係覺得少少太乾身，唔會好似平時咁食完一啖接一啖，暫時未解釋到點解咁🤣🤣🤣原味炸雞半份($78)因為見到有半份炸雞就叫左，唔使擔心太多食唔到其他野🫣望落其實賣相唔算好吸引，初頭以為中左伏😂😂但係食落個炸粉唔會好厚同都幾脆，食落外脆內軟，啲雞都好juicy，係有啲驚喜😎😎海鮮煎餅($55)其實我地本身叫泡菜煎餅，但佢比錯左海鮮煎餅，但錯有錯著都幾好食😛😛好多魷魚🦑然後個餅都煙煙韌韌，size都算適中，唔會話太大搞到你飽左食唔到其他野，亦都唔會好細份😄😄韓式炒粉絲($48)呢個一上枱就好香麻油味，食落都係傳統味道，好似係韓國食緊個啲咁🤣🤣🤣成日自己買韓國粉絲炒都係炒唔出個感覺黎，有啲野都係出去食先好味啲🫣🫣🫣🫣甜米露($15)/梨子汁($12)佢既餐牌冇特別寫清楚，其實各樣飲品都係罐裝，同埋都係韓國既牌子黎既😛初頭以為真係有汗蒸幕既甜米露，點知係罐裝有啲啲失望，同埋甜左少少，唔會話好解渴🙊不

目前係大埔最鍾意既一間韓國餐廳🇯🇵，有幾次午餐都去咗呢間買kimbap，雖然價錢有少少貴，但係咁樣10舊既份量當係一個午餐已經好夠飽，而且餡料有唔同嘅配搭，有10幾款選擇🥳而且呢間都有好多學生過去食評分都唔錯，kimbap入面嘅芝士味道好濃，簡直成個精粹就係個芝士🧀另外仲叫咗水冷麵，就正常發揮好食嘅👍🏻冇乜好挑剔