Châteraisé

營業中

休息中

剛巧放假到附近，想起有媒體推薦，所以前往買了一個試試～先向店員落單，然後店員會將瑞士卷從甜品櫃拿入廚房，於廚房內灑上砂糖，然後燒脆表面😍全程都可以看着店員預備（不過為免店員太尷尬，所以沒有很高調地看着🤣）回家打開一刻，用匙羹敲碎表面焦糖，真是非常治癒！原味瑞士卷蛋糕體鬆軟，上面有一層吉士醬，裡面的cream口感都好滑不會膩，如果有機會都想試試抺茶味！🍵店員溫馨提示，如果超過一小時後才享用，面頭焦糖會變成水狀，就會影響口感‼️另外買了這個是常駐的款式，我每次都必買！外層脆皮不是假的朱古力味，裡面雪糕朱古力味超！濃！🍫 10分推薦😇

食過呢間既瑞士卷都知質素唔差，最近見佢出左新item~ 法式焦糖瑞士卷！係原味瑞士卷面加上吉士醬，再撒d砂糖係面，買既時候店員即場幫你用火燒到個面d糖焦脆。店員仲會提醒番買完一個鐘內要食，好貼心～個瑞士卷為既海綿蛋糕一如以往鬆軟，內面除左有平時既鮮忌廉之外，仲加埋吉士忌廉，兩種忌廉都好幼滑，夾埋面層脆糖一齊食，一舊瑞士卷雙重口感😍 同系列既法式瑞士卷仲有另一款抹茶味，感覺都唔會伏，下次再買黎試試🤤

焗芝士蛋糕正常發揮芝士香滑，好味～不過又未至於會第二次想再買返佢黎食🤔抹茶千層蛋糕抹茶味道上係唔錯既，但食到最後發現個千層好似厚得濟...好似食緊一團麵團咁😳，仍有改善空間可以整得再好食啲～

朋友介紹這間日本甜品店好多款好好味今日經過買咗幾款人氣之選試吓😋除了蛋糕外，雪條和甜筒都好特別，我喜歡佢有好多不同口味和配搭，好有新鮮感，不似市面上出名嗰幾個品牌咁甜。泡芙（焦糖和吉士味）會回購，忌簾香滑不太甜😃抹茶紅豆捲會再買：好香濃的抹茶味，整體不是太甜👍🏻比利時朱古力味甜筒🍦超正！好似食緊特濃朱古力奶味咁，好香好滑🥰牛奶咖啡雪條：好日式牛奶咖啡味，即有咖啡味但是甜味重的咖啡味，如果和牛奶甜筒相比，咖啡雪條會比較濃味和特別😋抹茶甜筒🍦好濃抹茶味濃到有啲茶澀味，但又唔會好甜，甜筒好香黑芝麻味，有驚喜！會回購👍🏻👍🏻年輪蛋糕和窩夫都有得賣，不過味道無乜特別驚喜，和平常食開的一樣。

倒數日 緊係要買甜品返屋企食啦～ 雙味泡芙-原味吉士啖啖嘅忌廉加埋吉士 好好食因為忌廉唔算太甜 所以一啲都唔漏！雙味泡芙-原味焦糖我個人好鍾意食焦糖味呢個好好食！佢個焦糖係cream狀 入口即溶 好正～焦糖控必食！雙味泡芙-原味綠茶因為佢外面都係普通泡芙咁樣要食落口先入到入面個cream係綠色！因為得中間個心係綠茶味 所以唔算好濃！但都好好食！紅豆銅鑼燒老公次次去都必買！個銅鑼燒好軟身中間有少少cream 加上係用日本十勝紅豆 一入口 口感好豐富不過紅豆份量唔算好多 但整體都好好食！

由於之前同事已經買過一次俾我哋食，抹茶蛋糕真係好正 所以今次試返佢嘅原味！但係反而冇想像中咁好味老老實實覺得好失望！估唔到抹茶反而仲好食過原味 ！因為本身我自己對抹茶唔係好大嘅感覺！所以之前一直都唔係好想食抹茶！但同事買咗就冇辦法！不過佢嘅千層蛋糕真係做得好好嘅

呢排鍾意左食千層蛋糕，試左好幾間，Chateraise既千層蛋糕好出色。有原味同綠茶味，兩樣都咁好食。蛋皮夠薄，忌廉十分幼滑，兩者融合一齊，入口即溶，底層有薄薄既海綿蛋糕。唔記得數有幾多層，因為好快就食晒😂原味($35)有淡淡牛乳香，表面有一層薄薄既糖，甜而不膩。綠茶味($38)比原味受歡迎，當日買時只剩返2件。綠茶味濃郁，仲有幾粒紅豆。但個人覺得唔加紅豆比較好，千層蛋糕入口要夠順滑，加左紅豆反而影響口感。總括黎講，十分值得推薦！