CHICKEN FACTORY (將軍澳廣場)

營業中

休息中

個人都幾鍾意試新嘢，又鍾意食海南雞飯，咁行街經過有啲肚餓，見新開諗住就試下佢個海南雞飯。咁叫左個外賣，等左成半個鐘以上（因為半開放式，見入面廚房啲員工都幾hea，所以基本上個個客係出面都等到燥底，有個仲爆埋粗）。咁算啦唔叫都叫左，反正我唔趕時間，不過有d附近返工個美容姐姐就陰公d，lunch time買完都唔知夠唔夠時間食。Ok講返食物質素先，因為佢主打係雞，但點都估唔到，雞本身就冇乜味，靠個醬(普通泰式雞醬)，雞肉鞋口，個飯又濕又痴住一Pat咁，完全唔知想點，店員態度又麻麻。。冇下次。完

真係未見過豬肉行路都食過豬肉啊大家都知道海南雞飯究竟係點嘅樣㗎喇大家有冇見過海南雞飯最基本係有三色醬：甜甜地嘅黑油，姜戎，辣醬。大家可以睇一睇前後對比圖。圖一制我買嘅個海南雞飯剩係得辣醬帶啲雞呢本身係醃製過嘅又香麻油味另一邊呢剩係得白蘿蔔配菜。圖爾呢喺網上搵嘅資料人哋嘅海南雞飯呢係白雪雪嘅最少都有兩種將可以配就係我講嘅黑醬。至於真想呢大家可以有自我判斷下。factory果然真係Factory.

明明係海南雞飯帶出嚟竟然係麻香雞飯。明明係嗌雜菜因為雜菜冇彈又唔出聲就俾咗焗薯頂替。買嗰啲嘢完全唔係買嗰樣嘢違反咗商品說明條例。海南雞飯點會係冇蒜蓉姜戎醬。態度服務超差我打返去了解。職員冇諗住解決問題只係將我嘅說話復述俾另一個人聽。你一個人聽完就話：主菜就係焗薯囉就係咁取巧。根本冇心解決問題。只係將個問題泡來泡去。仲有另一個問題就係飯菜唔夠熱。住喺樓上回家即係10分鐘至15分鐘路程。回家後第一時間立即打開竟然係微暖。好記得真係真係嗌咗海南雞飯有相為證。真係完全接受唔到囉。以後買外賣記得係店舖打開睇清楚先好走。

The menu is filled with chicken done in different ways n u get to choose the part that u want to eat - thighs, wings or mix.For the three of us, we chose 2 halves - one roasted thighs and one fried chicken wings with dips. We selected the sweet chilli dip n spicy dip. Both dips were good!On top of the chicken menu, they have a few other side dishes such kimchi stew, pancakes, etc. of course, we love food n we also ordered a seafood pancake. The portion was huge! The pancake overflowed the plate!

近排食海南雞食上癮，周圍搵邊間好食。見佢店名Chicken Factory，雞做主打，應該有返咁上下⋯⋯⋯掛。叫左海南雞飯，加茶餐瑞士汁雞翼加碗仔翅，再加兩杯飲品，洛神花冷泡茶同烏龍冷泡茶。好期待。但一開見到個雞上面有啲乾蒜，好似唔係好搭咁。啲雞就算俾左脾都超級靭，佢唔係柴係超～超～靭。雞唔得咁飯呢？個飯就okay，有油香，粒粒分明，今次我食飯多過雞啦。配菜醃蘿蔔好食。不過個packing唔得，個汁放係其中一格，外賣送到黎啲汁都飛晒去周圍無鬼晒，最好可以有盒仔另外裝。到茶餐。瑞士汁雞翼咸味適中但肉好硬好實，唔好食。個碗仔翅望落幾足料好似幾多肉絲，but，好咸！咸到黐左線，我要溝熱水先食到，係咸到好似細細碗都落左兩羹鹽咁，有冇搞錯！嘥左！唔咸其實個質感係幾好。唯一好嘅就係飲品，兩款都係冷泡茶。洛神花唔太甜，又唔會過酸。烏龍茶就清清地。整體失望，兩款雞類都唔好食。枉此店叫Chicken Factory，真係唔配。

將軍澳廣場Shopping途中，行行下肚餓，就去附近餐廳睇吓有咩食，行吓聞到好香嘅味道，就周圍搵吓喺邊先，原來係一間買雞嘅專門店。佢哋主打烤雞，啱啱好我去嘅時候有下午茶，超值下午茶 唔使$30，今次就試吓佢哋嘅下午茶先。麻辣海南雞飯 (飯分量唔少，食到一半都有啲飽）+ 碗仔翅 (普普通通，可以唔試）另加$12要咗個烤薯仔烤薯仔 好好食😋下次一定要試佢哋啲烤雞，好香！即製烤雞有唔同出爐時間，超值只係$48，有成隻雞。亦有半隻烤雞餐$48，可選2款side dishes (可選擇飯，烤薯仔或烤蔬菜）食物質數高，價錢起值，值得一試👍🏻

話完行完吉之島living plaza, 聞到好香嘅燒雞味，睇下咩料，原來新開的燒雞店， 限在令底下只好買外賣回家品嚐， 買咗半隻麻辣+焗薯角+油飯，半隻香草+焗薯角+雜菜， 買完燒雞後， 去到另一間鋪頭買其他嘢， 店員忍唔住問我， 你揸住嗰袋咩嚟嘅真係好香呀! 係邊到買架? 個人認為麻辣味特別啲! 佢另設有燒雞全隻而家做緊優惠㗎48蚊一隻, 排隊買特價雞嘅人都唔少，如果想食要早啲去排隊 ，留意出爐時間，整體嚟講CP值算高， 啲雞肉好嫩滑， 啖啖肉! 會encore !

最近見到將軍澳新開一家烤雞店，而且剛好去到的時候，服務員再派發籌，而且耐心地向我們解釋，他們是踩點，每一小時都會推出一些特價烤雞，新鮮出爐，但是其他配料比如白飯就需要加錢。特價烤雞$48，而原價就是$68，不過我想原價的話可以揀選他們其他味道，因為特價雞只有百香里烤雞。由餐廳帶回家一直都很熱，而且只是有紙袋，一打開已經聞到十分香的烤味，而回到家中也是有煙，不過他們比較不好一點就是沒有手套，幸好我們自己有手套，直接手撕相當嫩滑，很吸引。