CHICKEN FACTORY (慈雲山中心)

營業中

休息中

Chicken factory嘅餐都好抵食,有時會嗌隻雞當一個餸今次就叫咗個二人餐. 其實兩個人都食唔晒, 隻雞份量好足, 又夠juicy, 另外仲有黑椒汁跟. 仲跟個飯同埋焗薯, 雜菜, 粟米粒.

中午時候嗌咗個牛肝菌烤雞餐，餐牌上明明寫住有半隻烤雞，翻到屋企打開得4分1隻。 係其他分店食過都係有足料半隻雞， 係咪得我咁唔好彩有呢個情況發生。希望員工可以改善下呢個情況。

✿牛肝菌汁烤雞（半隻）自從第一次叫外賣食佢個麻辣烤雞之後，就好掛住佢，今次就試下最多人食嘅牛肝菌汁烤雞。佢真係好抵食，有半隻烤雞，有野飲，有得三選二：焗薯/焗雜菜/雞油飯。麻辣烤雞整得超好食，好入味，啲雞肉又好嫩滑，個次叫雞油飯同焗雜菜食，真係一試難忘。同埋烤雞感覺好似健康過食炸雞，食左冇咁多罪惡感哈哈。牛肝菌汁烤雞都好好食，醬汁都好濃味，咸咸地咁，好正。焗薯都有調味過，咸咸地嘅味，都係好好食！呢個價有半隻烤雞又有配菜同野飲，邊到搵呀！真係CP值好高

皇牌烤雞餐$50 呢個有半隻雞㗎醬汁有牛肝菌汁/咖喱汁/麻辣醬我就揀咗牛肝菌汁😋配菜有雞油飯/烤雜菜 / 焗薯（可以選擇兩樣）因為我食唔到咁多，所以我就揀咗烤雜菜同埋焗薯啦🤣佢… …仲包埋嘢飲㗎😱😱😱我就揀咗冷泡茶，唔使加錢㗎真係超級抵食呀👍🏻👍🏻👍🏻嚟到見到真係「嘩」一聲冇諗過$50會咁多嘢食個冷泡茶都唔細㗎，平時呢個size喺七仔買都要10幾蚊枝啦🫣佢隻雞烤得都好靚👍🏻識落普普通通啦，不過$50咁多嘢食，值得去食下嘅😋

晚餐得$50 budget好，可以食到咩好西？Chicken Factory幫到你！百里香烤雞（半隻）配牛肝菌汁套餐—$48呢個餐包半隻燒雞、兩款專屬配菜、一支嘢飲因為我覺得淨食雞好似好油，加上本身好鍾意食菜，所以要咗兩份都係烤什菜本身見隻雞咁平都冇乜期望，點知一開不得了！色澤均勻，一切開啲肉汁就喺流出黎，超juicy一啲都唔乾身，好食過好多所謂嘅食炸雞專門店！配埋百里香香味，好好食，咁嘅價錢性價比上真係冇得輸！烤雜菜直頭喜出望外！啲菜加咗孜然粉落去焗，入口有好濃香口味，沖淡左本身雜菜比較掛嘅感覺。 所以食落去好惹味，直頭好似去咗食串燒咁！餐飲我揀咗冷泡茶，配埋烤雞啱啱好，可以幫手解濟。枝茶又大大支，一啲都唔孤寒！呢個餐真係好適合糧尾嗰陣食，一定食得飽又食得好

慈雲山推介有一間連鎖雞飯🐥🍚佢哋好抵食連埋嘢飲先$46🤤最啱打包返屋企慢慢食雞飯啲雞好滑🐥而且冇骨🥳啖啖肉而且佢哋嘅雞唔會好🙆🏻油飯🍚方面佢哋用咗新舊米黎煮口感好好 好香口🤤🤤加上佢哋嘅辣椒油帶有少少麻辣味🌶好惹味

/ 又到要諗晚飯食咩好既時候👀見到屋企附近商場呢間舖頭新開張，我地又未試過，而且見到成日好多人排隊買燒雞，所以屋企人就決定買呢間，外賣幾個餐返屋企一齊試下👅🥰📍至尊海南雞飯 ($48)💬佢仲有個白蘿蔔雞湯送，不過覺得比較淡，而海南雞都ok，中規中矩，唔係話特別好好食！反而配菜(白蘿蔔、紅蘿蔔🥕、青瓜)酸酸地，幾開胃⋯📍麻辣烤雞 (半隻) 配麻辣醬 ($48)💬男朋友就話想試下麻辣口味，結果佢話一d都唔辣，係得個鹹字🙈，但d雞肉就都幾滑下，佢個餐配左烤雜菜同埋香草焗薯，烤雜菜都幾好食，不過就好重孜然粉味，而焗薯就還可以！📍咖喱烤雞 (半隻) 配咖喱汁 ($48)💬呢個就配左雞油飯同埋香草焗薯，咖哩汁都幾香，同樣雞肉幾滑，都唔錯，雞油飯就無乜特別，食埋焗薯真係飽哂🤣整體上就一般，但性價比都唔錯，都算係咁！