CHICKEN FACTORY (爹核士街)

營業中

休息中

平時做完Gym最鍾意食嘅就係呢間雞飯店💪🏻烤雞份量豐富嘅蛋白質味道又唔錯😜勝在方便好多地方都有分店呢🔥 最近推出咗新產品藤椒無骨雞味道同樣不錯係午餐既好選擇❤️⭐️ 藤椒無骨雞飯 🫑無骨雞飯啖啖肉但係雞肉唔會太肥💛 藤椒醬有點麻辣嘅感覺但係唔會太過重口味🌶️惹味既感覺岩岩好😝⭐️ 重量級大烤雞 🍗係我每次補充蛋白質嘅選擇🤤 烤雞香口得來保持處雞肉嘅Juicy🤪 配上焗薯同埋烤雜菜係比較健康既選擇🥔 如果醬汁冇咁鹹就Perfect啦⭐️ 忌廉蘑菇湯 🍄‍🟫⭐️ 烤粟米條 🌽粟米烤得好香口🫶🏻忌廉湯唔會太過膩🍲⭐️ 御翠烏龍冷泡茶 🍵⭐️ 檸檬洋薏米水 🍋冷泡茶口感比較清新而且冇卡路里💚 薏米水嘅甜度就唔會太高🥹

最近同朋友去咗西環嘅 Chicken Factory，餐廳環境乾淨企理，帶點快餐店嘅輕鬆feel😀每款都好有驚喜，性價比高！😋藤椒無骨雞飯（配雞油飯）
呢款藤椒無骨雞飯真係亮點！雞肉去骨，嫩滑多汁，藤椒醬帶微麻微辣嘅香氣，入口清新又惹味，唔會太刺激，啱晒鍾意川味嘅朋友！😘配上雞油飯，飯粒粒分明，滲滿雞油香同少少蔥花，食落好香口，撈埋藤椒醬汁，簡直係完美！😍 份量夠，食完好滿足！❤️紫菜豆腐雞湯
呢碗湯好抵飲！紫菜同豆腐份量足，湯底用雞湯熬成，鮮甜清香，豆腐嫩滑，質素完全唔馬虎，當配湯真心正！😊重量級大烤雞1/2隻
呢款烤雞真係「重量級」！半隻雞份量好足，皮脆肉嫩，烤得金黃香噴噴，肉質juicy，帶有淡淡嘅香草味，食落好有滿足感！配埋少少黑椒醬，味道更突出，兩三個人share都夠晒！😆芝心雞肉丸（3粒）
外層炸得香脆，咬開有濃郁芝士流心，雞肉餡嫩滑，帶點鹹香，3粒份量啱啱好當小食，食完好想再加單！😋
Chicken Factory價錢親民，CP值爆棚！依家每位like或者share post就會送韓式飲品，大家可以留意吓😁

行過見到西環呢間雞工廠～ 主打招牌雞飯同烤雞快餐店～ 估唔到咁多間分店，平平地又食到咁多野～ 真係好抵食🥢藤椒無骨雞飯套餐：無骨雞肉切得幼細，肉質嫩滑，藤椒醬帶微辣花椒香，入口麻香惹味，唔會太嗆，配雞油飯好夾。黃油飯飯都多。仲有配埋紫菜豆腐雞湯同點飲呢👍🏻⭐️重量級大烤雞1/2隻（咖喱汁）：好有誠意，雞肉燒得外皮微脆，內裏Juicy，肉質嫩滑唔柴，咖喱汁香濃微辣，點住食好開胃。餐烤粟米條都幾好～ 套餐配多個經典碗仔翅用料足，湯底濃稠，木耳絲同肉絲份量多，灑少許胡椒同醋，酸香開胃，作為小食真是一個好選擇

其實呢間係我長期買開的餐廳。主要係做運動或者夜晚想食得健康既時候就會叫來食。自取真係性價比非常高的！最近出左新產品，有百香果燒鷄。好推薦喔，真係超多百香果醬，所以食得出好香濃。堂食係爆juicy~另外多左人參鷄湯。好正，因爲好香人參味，D料又真係食到人參。配有一碗飯，好夠食。之後叫埋個小食拼盤，乜都有D，多人叫來食好不錯。🥢CHICKEN FACTORY (爹核士街) 🌏西環堅尼地城爹核士街22號地下1號舖

今日係店內的自助機買了外賣，2個套餐，給錢然後等著拎返屋企食，等左30分鐘仲未出餐，就去問店員，點知…..回答係冇呢張單，跟住一句說話都冇講，店內職員就自我溝通，一啲都冇回覆人客，或者叫人客等幾耐，再就一句抱歉都冇，本人真係無言，完全唔知講乜好，再呆等左15分鐘，跟住就話有一個餐出左，另一個餐再等，等多幾分鐘先有，飲品就自取，點知又搵唔到。返到屋企，諗住有得食啦…點知….少左個飯…真係極差體驗！！

或者同大x樂差唔多價錢，但星期日西環周圍都係人，要搵位真係唔容易，第一次食Chicken Factory嘅下午茶，見到巨人雞髀海報都忍唔住走咗入去，一個餐$36起都幾抵食。烤焗巨人雞髀配粟米條＋低糖檸檬水 $36烤焗巨人雞髀配粟米條＋鮮製豆漿 $40雞髀size都算巨大，肉質嫩滑幾juicy，稱得上外脆內軟，但炸完出嚟都幾油淋淋，另外一隻雞髀夠熱辣辣一隻就微暖，呢兩點真係大打折扣，至於粟米就夠香甜，切開一條條好方便食，呢點係要讚嘅。二人共消費: $76

在西環辦完事，肚餓了，回程路上見到雞廠，在其他分店吃過雞廠的雞好味，二話不說就進去吃個下午茶。椒鹽雞翼三隻加碗仔翅$20，這個套餐超值！三隻雞翼炸得皮脆肉滑，一打開已經聞到孜然香，咬下脆皮口感，配合孜然和五香粉，吃得很惹味。碗仔翅用料足，蛋花、肉絲、木耳絲煮在湯裏，濃稠又爽口，味道調得十分好，本身湯味微咸，灑上胡椒、麻油、醋，拌勻後帶酸香味道，少少一碗，作為下午茶，吃著很滋味！套餐加$7可配飲品，點了蜜桃冰茶，非常香甜的蜜桃味，配茶底清新，吃完煎炸食物，喝一口非常舒適。一瓶膠樽的份量，值得加配。其他下午茶餐都非常超值，絕對是街坊福利！下次見到都一定再試其他食物。

外賣一份烤雞套餐應該跟一支飲品，自取時飲品沒有入袋俾客人，攞到回家先發現少咗支飲品烤雞味道可以的，烤薯都有牛油味道不是白烚，食物製作方面都有誠意的，而且價格相宜。

我驚OpenRice落order買一隻雞加其他小食，我在8:30前落order，我曾經問過幾點落order冇問題，店員同我講8:30落order還可以，當我9:15飛的士落嚟攞，佢話沒有雞，所以取消order，我有留電話為什麼不打電話通知我一聲，我仲要飛的士落嚟攞，用八達通過數，仲要話過多幾日先退返錢。。。。咁你哋應該一早截order啦！ 完全係唔合乎理由🤬🤬🤬🤬😡😡😡🤬🤬🤬😡😡😡😡

兩碟雞質素明顯差別很大，廚師未能保持水準。另外員工對顧客的提問欠缺耐性，未能解答之餘，更無禮貌，話客人「黐線」！建議在店舖內張貼顧客意見箱或展示直接負責人聯絡的方法，以即時跟進及改善服務質素！

在堅尼地城想食個快食晚餐，又唔想食茶餐廳同麥當勞，啱啱經過chicken factory , 其實都食過四五次外賣速遞，但其實佢哋d 雞都唔錯嘅，所以今次入去食堂食，佢哋地方都算寬躺，但又唔多座位，可能佢都係做外賣為主啦⋯⋯落單用類似麥當勞嗰d 售賣機落，跟住等叫Number取……今晚叫咗個我好鍾意食嘅海南雞飯同¼隻雞，其實味道都同外賣速遞相若，佢啲雞係得嘅滑嘅，其實佢哋性價比算好高，$50$60就攪掂一餐， 有drink 有湯有飯嘛😂⋯⋯食完就好似M記咁，自己掉垃圾擺番盤⋯⋯跟住走人😙

星期六4點半放完狗有小小肚餓，行過呢間Chicken Factory見室外可以坐咪諗住食個下午茶囉，但去到售票機所有下午茶都話賣哂，咁唯有食其他囉，點知部機又係唔work, 人手落order去😓✨🥢無骨海南雞飯+香茅雞油飯+紫菜豆腐雞湯$49: 雞都算滑；雞油飯香香的；湯就淡啲；整體唔錯✨🥢無骨沙姜雞+白飯+紫菜豆腐雞湯$49: 沙姜有點淡，味道跟我們中式的有點不一樣，不過ok嘅✨🍗重量級1/2大烤雞餐(半隻烤雞+牛肝菌汁+雞油飯+焗薯+可樂)$68: 烤雞算大隻足份量；反而牛肝菌汁好似唔係好夾；焗薯好味😋✨🥤洛神花冷泡茶：跟餐+$6，酸酸甜甜幾開胃，但其實係乜都話賣晒冇得揀🤷🏻‍♀️咁早好多嘢都話賣哂，個垃圾桶滿到瀉都冇人理，其實佢哋想唔想做生意㗎？

已經有唔少分店，每次經過都有烤雞香味👃🏻Openrice評語唔算好好，不過今日要食「快餐」所以去咗食Menu全部都係雞🐔除咗烤雞有海南雞、人蔘雞、雞湯飯等，款式五花八門▶️ 重量級烤雞餐(1/4 隻)(+$5) 轉雞胸肉，意外地大件同厚肉😮差唔多6cm厚，仲要冇乜骨食落完全唔乾唔鞋，雖然未至於鮮嫩多汁，但相當唔錯食到啖啖肉好滿足另外都有雞髀位，相對多油脂juicy少少，一樣好食🍗醬汁三選一，牛肝菌汁味道較淡，杰度啱啱好，完全蓋過雞肉另選兩款配菜，揀咗烤雜菜同焗薯烤雜菜係用咖喱粉醃咗嘅青豆、椰菜花、紅蘿蔔，健康得黎好夠味🫛焗薯烤得香口，外皮少脆口，灑上大量鹽同香草，好惹味🥔薯仔唔會過淋，係薯條嘅替代品，同時夠飽肚▶️ 御翠烏龍冷泡茶 跟餐飲品，用茶包，味道濃醇🍵▶️ 洛神花冷泡茶呢個味道超奇怪😖甜又甜唔晒，帶啲酸味有啲難飲，唔推介-相當有驚喜嘅快餐🤤個烤雞確實好食，同貴價少少嘅西餐有得揮最開心係有比手套，可以盡情咁用手食🙈配菜嘅調味都做得幾好堅尼地城呢間環境舒服，有室內外座位服務正常，大部份自助，食完之後自己還餐盤同清理枱面性價比超高，$50就食到一個餐，抵食之選，回頭率高👍🏻平日想食簡單啲平

7:30PM可以冇嗮雞真系有滴離譜咯入到個鋪面個地下又唔知灑咗啲咩湯系到，冇員工打算去處理。問個店員點解部自助落單機落唔到單系咪壞咗系咪冇嗮雞賣，距又好似你欠距錢梗惡，唔明點解冇嘢做都唔去搞下個衛生。之前去過其他區嘅店都幾好感受，黎間就真系唔知咩情況，連鎖店星期六冇嘢賣個店長點備貨架不如执左好过啦自家主打嘅產品都冇嗮凈系賣海南雞，叫咩冇Chicken Factory，不如叫海南雞專門店好過啦。離塞大譜

不知甚麼原因雞飯套餐,經常不接受Openrice落單, 要到門市購買, 食市質素唔錯, 外賣包裝用環保物料十分唔錯及維生乾淨. 所以多次購買, 有個低糖檸檬水好好飲只需加6元可添加. 亦有多人堂食, 只要食物有質素及維持合理價錢一定有生意, 不像隔離左右西餐廳, 一年半載就關門大吉