CHICKEN FACTORY (秀茂坪商場)

營業中

休息中

2025/2/16 叫了外賣，送錯食物由油飯變成幾條垃圾菜，又重口味又垃圾，啲雞好似營養不良咁樣，想減成本都唔係咁啦，服務態度又差，咁大隻字都睇唔到，得幾樣嘢，價錢對比食物質素差，食物包裝又差劣質外賣盒，大家小心啲！

今晚諗吾到食咩底下、去左Chicken factory 買左2個外賣（1個牛肝菌雞球焗飯、1個海南雞飯）番去做晚餐、之前都有食過呢間架喇..今日呢個牛肝菌雞球焗飯就賴晒野，一食落口酸到不得了、仲怪怪地味…應該系啲芝士、吾知點解好酸..臼起晒啲芝士之後..都系搞吾掂…😵😵最後放棄左成個飯。同場仲買左個招牌無骨海南雞飯、啲飯又凍又爛..呢間比起其他分店真心差啲…連鎖店應該好好整理下啲出品至系..失望！

我食下午茶，下單機說有熱飲，但出菜時說只有凍，下單機是否需要修改一下？另外，雞脾竟然係一半凍，一半熱，店舖出菜前是否有必要確認出菜食品？而且出菜比較慢，所以各位食前請考慮一下！

order 咗一隻$88雞, 焗葡國雞飯, 麻辣海南雞飯兩個飯都正正常常, 咁我就淨係講隻雞隻雞第一次出餐外表好靚, 用咗果對$1買返黎既手套撕開, 裏面生既, 當然拎返去換, 個職員黑我面, 唔出聲, ,我放底話轉頭攞, 過咗5分鐘, 我返去, 同一黑面職員回覆未得, 我問咁大概幾耐, 但同時間後面個男仔係爐拎咗隻雞出餐比我, 今次隻雞外表已經燶，但又未至於好差，咁我都諗住算啦，返埋位撕開，外面係好熱，再撕落去入邊凍既，如果佢有d暖我都算，真係凍，驚食咗肚痛，我唯有再拎返去，其實我都唔想麻煩到人，今次我同佢講唔洗換個隻新嘅，直接將呢隻放入焗爐整返熱，反正我都未食過，淨係撕開左，後面個男仔都第一時間幫我放入爐，隻雞再出黎就變左張圖個樣，我都算，照食，又鞋又咸，態度同質素都冇，到底呢間野點做生意？我盲就決定冇下次

明明OpenRice 外賣自取、foodpanda 自取都可以落單下午茶餐，即場同收銀落單就話公眾假期，星期六日都冇下午茶餐，明明之前星期六日都仲可以買到下午茶餐，餐牌都淨係寫下午2時至6時供應，無話係逢星期一至五（公眾假期、星期六、日除外），都唔知個收銀講真講假，因為個陣人好多，可能係唔想接下午茶單叫飯特登加錢加咗支飲品，冇俾到……叫咗五隻雞翼，俾少咗隻……問店員，就話要等5、6分鐘去呢間餐廳買外賣，走之前真係要check下D野齊唔齊

如題，呢間咁嘅雞廠連堂食都要比$1蚊買餐具都幾過份，連續同職員講咗兩三次話係堂食都要俾錢，雖然1蚊唔係多錢，但係喺自動賣票機無提示過要餐具係要比錢，如果知道我可以選擇唔食你哋嘅食物，而且你哋自己無洗碗洗餐具嘅地方係你公司問題，憑乜嘢要顧客連堂食都要俾錢買你啲餐具。如果你公司真係咁等錢使就應該真係要考慮改善嘅方法或者租約期滿就唔應該再做，另外職員啲態度真係好差。唔怪之得由開頭都幾多人幫襯到而家變到剩返小貓三四隻。🙂‍↔️🙂‍↔️🙂‍↔️

草根平民推介：📍觀塘 chicken factory 近年chicken factory 係各大屋邨冒起，係OpenRice 見到有十間八間分店，屋企樓下都開左間。星期六日瞓到晏晝落樓下搵食，間間連所店都有人排隊，我同老公就揀左間外賣。下午茶超級抵，我平時食個早餐都差唔多四十蚊，竟然下午茶連野飲先三十幾，全港應該都數一數二平。我哋今次食左下午茶：迷尼葡汁雞皇飯+蜜桃茶💰34打開外賣見到個葡汁個顏色已經覺得邪惡，好有驚喜同圖片相符，原本諗住34蚊下午茶應該冇對佢有咩要求，點知個葡汁比起個連鎖快餐店仲好食。面頭啲芝士恰到好處，雞肉都唔少仲唔鞋，連埋野飲仲平過食M記。雖然係迷尼但係份量女仔食岩岩好。蜜桃茶好好飲，唔會太甜。海南雞湯米線+柚子茶💰49海南雞湯米我覺得表現不過不失，雞肉有啲少，不過49蚊海南雞仲包野飲算係咁，不愧係chicken factory 啲雞肉好滑，柚子茶好清新。人均：💰41.510分滿分）價錢：8/10味道：7/10#hkfoodie #hkigers #hkig #hkblogger#chansfoodie#hkrestaurants#hongkong🇭🇰 #hong

errr 以呢個價錢黎講嘅話都勉強可以接受？椰菜烤焦了一半但個烤雞都ok肉質食到係少散嘅冰鮮雞唔夠結實勝在方便快捷不過呢間餐廳用即棄餐具如果環保d就更加好😀😀😀

其實唔係第一次買平時正常係會做手撕雞慢慢滅嚟食今日改用鉸剪，諗住靚啲點知一剪發現嘩未熟乜隻雞都未熟就可以比人唔係有時間限制嘅咩我係咪太好彩咁多隻雞都買咗隻未熟嘅雞搞到下次都唔敢食，見到都反胃

我這個餐是炸雞蘑菇飯$48晚餐：食物相關評價如下：1. 蘑菇飯只有四粒蘑菇，醬汁非常之少，你會明顯見到醬汁之外，有一圈白飯。單單就味道來說，與KFC的差不多沒有差別，但份量更少。2. 炸雞數目一共九粒，香味很重，但味道一般，口感上比麥當勞麥樂雞表皮脆身一些，但全都是雞皮和粉的混合成果，顏色較深，用的應該是隔夜多天的油。跟餐飲品相關評價如下：1. 選的是洛神花茶，買回來的時候有沉積物，應該存放了不少時日，味道很酸，口感很差。服務很一般，收銀的位置常常沒有人，而且對答和態度連麥記和KFC都比不上，但差不多的食物收費卻高約30-50%，CP值很低。唯一優點是勝在沒有什麼客人，在假期高峰人流時段，如果不想等太久，可以將就一下。

之前未試過呢間，叫左個葡汁雞皇飯 $48 垃圾到我唔會再去幫襯佢，葡汁雞皇飯得幾粒雞，手指都數到有幾多粒，試想下個份量，係半磈雞扒再小一半再一半，開頭我以佢冇落雞，啲葡計又難食，好似酸酸地咁，打電話去又打唔通，投訴無門難入口，真係垃圾食物，永遠不會再去呢間買嘢食，

 $48葡汁雞皇焗飯+包一杯嘢飲 但是雞分量不多  調味得十分之重口味 汁真係好咸 秀茂坪2/F新開店幾日人流很多 堂食坐位唔多 所以叫外賣自取等餐時間等候時間比較長 都算可以接受