CHICKEN FACTORY (迎海薈)

營業中

休息中

啱啱喺星加坡返嚟，覺得當地嘅海南雞飯一啲都唔好食。行開附近，想搵嘢食，見到呢度有海南雞飯，雖然食評不多，但個個讚好，所以入嚟試一下。賣相都唔錯，都好大碟，又有湯，都係$50 ，因為天氣熱我加咗$9買個豆漿飲。個湯同個雞都會灑啲蔥，唔食蔥嘅朋友買飛嘅時候記得講一聲「走蔥」😅食材好味，雞好滑，雞油D飯雞油都好勻循，味道啱啱好，個湯就鹹啲。除咗跟蘿蔔之外，旁邊仲有埋薑蓉。呢個海南雞飯好好食，加埋只係$50 ，CP值簡直爆燈。超值，值得推介。😋😋😋😋😋😋😋

位於烏溪沙迎海會商場雖然不乏中西餐廳，但係一般嘅價錢都係一個$100以上一個餐，如果以外賣來說偏貴，所以Chicken Factory外賣係幾好嘅選擇。本人最喜歡海南雞配油飯，改做雞髀為只需要加幾蚊。雞既肉非常嫩滑，而且無骨，唔鍾意有骨嘅朋友一定好滿意。雞油飯又香又好味，仲有酸酸辣辣嘅配菜同薑蓉，非常惹味開胃。另外，嗜辣嘅朋友可以選擇麻辣海南雞飯，麻辣嘅醬料係分開嘅，食到幾辣都係自己決定。至於之前試過嘅燒雞，我就唔建議啦，因為我覺得味道一般，海南雞飯出色好多。至於跟餐仲可以配飲品，只需加$6-12就有好味嘅豆漿、咖啡、奶茶或者冷泡茶任君選擇。另外，我最欣賞嘅係佢唔需要等好耐就完成製作食物，趕時間嘅話，呢個一定係最好嘅選擇，大約5分鐘就會可以攞到食物。

Chicken Factory - 烏溪沙今次就響烏溪沙迎海薈一間叫Chicken Factory的餐廳買左個烤雞餐試一試。《重量級皇牌烤雞餐》烤雞半隻 +麻辣醬+雞油飯 +烤雜菜+冷泡茶$68今次就選擇左一個68$既重量級皇牌烤雞餐，大約等左7-8分鐘就有得拎。首先講講個烤雞，今次叫左半隻既份量，其實隻雞都幾大隻，肉質方面都幾嫩滑多汁，但味道有微微偏咸。另外，醬汁方面選擇左麻辣醬，雖然麻的感覺不是很強烈，但麻辣味道都幾濃郁。另外，套餐配埋雞油飯同雜菜，份量相當豐富。跟餐還有一支飲品，我就簡左支落神花檸檬汁冷泡茶，酸酸甜甜的味道都幾好飲，食完啲咸咸辣辣既烤雞，飲返啖都幾解膩。整體黎講都唔錯，唯獨係有輕微偏咸，不過依個價位黎講相當抵食

呢度燒雞唔係大大隻，但係食落味道真係令人驚訝！我係一個鍾意食鷄胸嘅人（我知我好怪），鷄胸要煮得好食係非常高深嘅學問。大家都知鷄脾好食，所以煮得好食唔難；但係煮到鷄胸好食嘅餐廳（我食過嘅）不出5間。Chicken Factory 係一間連鎖店，上OR睇都有好多間分店，但係如果整得好食，用中央工場係絕對冇問題呀。呢度嘅雞胸肉軟林&有香味，連一個見到鷄胸會縐眉頭嘅人都話好食！而且價錢用抵到爛去形容，今日只係$48一隻！（我希望老細唔好見到呢個食評加價，反而應該俾張9折卡我）今日冇影相，不過其他人應該都有po。真希望有多d呢d有誠意有心機有技術嘅餐廳出現！加油！