影片
港鐵荔枝角站 D2 出口, 步行約2分鐘
繼續閱讀
電話號碼
28588606
65362686
開飯介紹
主打法越fusion菜及創意雞尾酒，擺盤精緻，定價合理；餐廳裝潢融合不少藤製品，其清新風格予人舒適恬靜的感覺。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
D2 Place呢個文青集中地又多間好嘢食！今次試咗呢間「Chill Vietnam Cuisine and Bar」，環境真係幾chill，最正係still同sparkling water免費任飲（仲要係有氣嘅perrier！），啱晒我呢啲成日飲水怪。 1. 越式香葉燒烏頭（$158）成條烏頭上枱超有氣勢！魚皮燒到脆卜卜，用香茅同香葉塞滿魚肚，夾開魚肉超juicy又冇泥味。最驚喜係跟咗個酸辣汁，點少少已經帶出魚嘅鮮甜，兩個人share啱啱好。 2. 香葉辣椒膏豬頸肉炒河粉（$98）呢個真心推介！鑊氣十足，河粉炒到條條分明，豬頸肉厚切又彈牙，個辣椒膏醬辣得嚟帶少少甜，仲有金不換嘅香氣，食到停唔到口。怕辣嘅朋友可能要叫少辣，但我覺得呢個辣度先過癮！ 3. 越式芋圓椰汁冰（$58）食完辣嘢一定要嗌返杯凍嘢！椰汁冰超濃郁，面頭鋪滿彩色芋圓同仙草，芋圓咬落煙韌有咬口，甜度剛剛好，成個組合好解辣。 ✅整體評價：環境舒服得嚟唔會太嘈，員工好有禮貌。食物份量足，特別係個炒河粉真係有驚喜。免費氣泡水呢個加分位真係好抵讚，下次想試埋佢個生牛肉河同芒果糯米飯！ 📍 Chill Vietnam Cuisine and Bar荔枝角長義街9號D2 Place一期3樓301號舖 （荔枝角站D2出口行3分鐘） 人均消費：$150-$200 溫馨提示：晚市幾多人，建議早少少去或者訂位呀！
繼續閱讀
今日下班帶爸爸來荔枝角D2吃越南菜。這間越南餐廳人頭湧湧，環境裝修得十分精緻，又有氣氛，燈光光猛，而且很有格調，非常舒適。坐下之後看看餐牌，有不同的越南食物，又有小食、撈檬、炒粉麵、炒飯、一些地道的越南主食，令人花多眼亂。首先，嘆返杯清澈蒸餾水～之後個煮食都相當美味，古法香葉燒春雞半隻，燒雞放在鐵板上，上面仲有大量香葉拌碟，香葉味又香又濃，而且相當清新，伴隨着烤雞香氣，香草能大大減去烤春雞的油膩感，帶點清新之感覺。烤春雞的肉質又嫩滑又美味，熱辣辣的，令人忍不住一啖又一啖的吃下去。拌上了香草真的十分特別，夠曬地道！喜歡吃雞的朋友可以試試，必定回味！蝦膏海鮮炒河粉，份量充足，大大碟香氣四溢！河粉相當入味，蝦味香濃，而且河粉爽口彈牙炒得又乾身。正。而且配料都十分多，有爽口彈牙的蝦、魚塊、豆腐等等，每一啖河粉都伴隨着不同的配料， 十分滿足。食飽飽當然少不了吃甜品，越式芋圓椰汁凍，賣相十分精緻，有隻小動物坐在浴缸上十分可愛，打卡一流。除了啱晒打卡之外，甜品都相當美味的，Q彈的椰汁凍糕，香甜彈牙，椰汁味清新香濃～仲配有大量不同的配料，有煙靭無比彈牙的芋圓、軟綿綿甜入心的紅豆、脆卜卜粟米片、細細粒好咬口的小丸子等等，甜品相當用心，食材豐富，賣相很好，很有誠意！
繼續閱讀
🍽️ Chill Vietnam Cuisine and Bar (荔枝角)香葉辣椒膏豬頸肉炒河粉 💰168豬頸肉大大嚿 份量好多河粉濕度剛剛好又彈牙 額外要求要辣椒醬 加埋會更加好味越式芝士咖喱牛柳農夫包 💰98會有少少辣味 咖哩牛柳鬆軟無筋咖喱味濃郁勁香越式芋圓椰汁凍 💰68椰汁涷椰子味超濃郁配料好豐富 有芒果 紅豆 士多啤梨 芋圓 西米 脆脆兔兔🐰造型勁可愛 打卡一流💖+$5 就可以任飲Sparkling water💧餐廳環境好靚好chill🌾 而且位置超方便 在D2 place一期 3樓🍽️📍味道 : 🤎🤎🤎🤎🤍環境 : 🤎🤎🤎🤎🤍服務 : 🤎🤎🤎🤎🤍CP值: 🤎🤎🤎🤎🤍🍽️ Chill Vietnam Cuisine and Bar (荔枝角)📍荔枝角長義街9號D2 Place ONE 3樓301號舖
繼續閱讀
放假又去食好西☺️本來約咗係荔枝角上workshop, 但臨時有變動，最終帶埋公公👴🏼喺荔枝角搵嘢食天氣熱想食吓啲濕濕地嘅嘢，公公又鍾意食飯食吓越南餐都係一個唔錯選擇二人套餐 $258牛板腱火車頭雜錦湯河 +$18香茅豬扒飯小食拼盤 (香茅雞翼、越式炸春卷、串燒）鮮青檸梳打紅豆冰 +$10牛板腱火車頭雜錦湯河嘅湯底濃郁又有層次，帶住香茅、八角、肉桂等香料味，飲落夠晒暖胃又滋味🤤牛板腱夠晒嫩滑，仲有牛柏葉、牛丸等雜錦配料，口感豐富; 河粉煙韌滑溜，索晒湯底精華，每啖都充滿肉香同香料嘅芬芳，再加埋新鮮豆芽、九層塔、青檸、辣椒等配料，帶出清新同辛香味，食落更加滋味。香茅豬扒飯就係越南料理入面必試嘅一款！香茅嘅清新香氣完全滲入豬扒，令到外皮香脆焦香，內裡仲保持住肉汁；經過醃製再燒烤至金黃，每啖都食到陣陣香茅味，夾埋香軟白飯同酸甜魚露，成個味道即刻升華😋香茅豬扒飯對👧🏻嚟講有啲濃味，反而佢好鍾意河粉☺️今餐越南餐👧🏻表示滿意，下次再食過
繼續閱讀
喺D2 Place行完手作市集 玩埋VR遊戲 又攰又肚餓 最後喺商場3樓一間越南餐廳 坐低醫肚-🧆金不換爆炒牛柳肚餓就係要食肉補充體力嘅 招牌越式牛柳粒有風味 一於食佢😬 牛柳啖啖肉入口柔韌 用金不換🌿炒更正 更惹味‼️ 牛肉微辣有清草香 係味蕾👅+嗅覺👃嘅雙重享受 再跟個紅米飯或者啤一啤🍻 都幾爽😘-🥢蝦膏海鮮炒河粉跟住要補充澱粉質 河粉有油光而且材料豐富 蝦仁🍤 爽口 鮮魷🦑有嚼勁 無骨魚柳粒亦有唔少 加埋芽菜洋蔥用猛火大兜亂 夠哂鑊氣 蝦膏香好出 味道濃郁 食落唔算油膩 -🥥越式芋圓椰汁凍動物椰汁凍好可愛 有椰香味道少甜 入口滑嘟嘟爽滑順喉 芋圓煙韌Q彈
繼續閱讀