CHIMAC (天星碼頭)

營業中

休息中

🍽 CHIMAC 📍 地址：中環7號碼頭上層D及E號舖 😋收工搭船 順便買外賣🥡回家吃 👉🏻二人特攻炸雞盒套餐 $158- 原味炸雞腿肉（12件）- 蜂蜜焦糖炸雞腿肉推介‼️蜜糖味好重好濃郁，連個外賣盒都有蜜糖汁好Juice 炸粉唔厚 啖啖肉 雞髀肉無骨 唔使嘥牙力去咬返條骨出嚟10分方便- 炸紫菜卷(4條）入邊嘅係其實係炸粉絲嚟㗎 不過係用紫菜包住粉絲再攞去炸 食落去都OK唔算好油膩- 魚糕串（4串)好有韓國嘅味道 呢串魚糕令我好想去韓國，不過個魚湯就唔算好重 - （細）辣炒年糕超級黐立立，咬落去係超級煙煙韌韌 仲有少少韓國嘅嗰種辣味係超有韓國包車路邊攤嘅感覺- 韓式牛肉飯(細）- 忌廉鮮奶好味指數: 3.5/5 性價比: 3.5/5 無加一環境: -/5 外賣🥡

💡望住海食韓式炸雞上次食完炸雞後念念不忘，除左份量多之後，價錢仲要好抵食。今次咁岩搭船竟然係中環碼頭見到，叫左個二人特攻炸雞盒，即刻買番去加料。🍽蔥蒜醬油炸雞腿肉🍗中意啖啖肉就一定要點炸雞腿肉，蔥蒜醬油甜而不膩，很滋味。食落好juicy又唔會太甜，相信大人小朋友都岩食。🍽原味炸雞腿肉🍗即叫即炸，需時約十分鐘，肉質嫩滑，唔會好乾身。外皮趣卜卜，非常惹味。🍽韓式牛肉飯好香牛肉味，白飯應該係珍珠米黎。🍽韓式粉絲有冬菇同蘿蔔，粉絲好爽口彈牙。🍹西瓜/芒果梳打套餐加左$9 要左梳打，兩隻味道都好濃味，加埋梳打，岩曬食完炸雞爽一爽😍

呢間炸雞店開係往來tst、中環碼頭真係대박! 收工之後買番屋企食又得 買完望住嗰海談住心食又得👩🏽‍🤝‍👩🏻收工時分生意真係幾好 堂食位較少 但行去舖後方都有幾張櫈+汽水架造嘅枱🤓非常user-friendly 嗰位又夠哂與世隔離有哂mood 幾欣賞呢個設計！除咗炸雞都有年糕、飯等 買完炸雞+$18就可upgrade到嗰套餐包: 前菜、罐裝飲品、紫菜飯/炒牛肉飯/炒豬肉飯/辣年糕 真係幾抵食🤪。。。🦔👉原隻炸雞 $138/全隻 $78/半隻一打開嗰紙盒望住入面錫紙包住隻咁大份嘅치킨真係有啲驚人🤣蔥蒜味無我想像中咁濃烈 係面頭仲有幾條蔥仔裝飾咁kekee 幾易入口唔洗擔心😉蔥蒜味唔會太膩 重點條幾大隻雞但依然肉嫩入味 搭完船番到屋企依然保溫又脆口！。。。🦔👉炸雞腿肉 $58/細份 (8件)食炸雞點可以唔點經典甜辣醬😆試完兩款味 個人偏向甜辣味更出色 又唔會太辣 想方便啲嘅朋友仔不彷點雞腿肉！無骨且炸粉又唔會太厚 嗰8件都食得好滿足 仲有少量又幼嘅薯條係底🥰性價比幾高👍。。。🦔👉芒果/西瓜梳打 $18/each雖然望住嗰海食炸雞理應配啤酒 但呢度嘅非酒精韓式飲品難得地唔係淨得鮮奶忌廉梳打🤩

呢間位於中環碼頭既韓式炸雞雖然細細間鋪頭，但係野食種類有唔少選擇。主打既韓式炸雞絕不遜色於大大間既連鎖炸雞店，可以選擇既味道總共有成五款，分別係原味，甜辣，蜂蜜焦糖，洋蔥芝士及蔥蒜醬油。仲可以揀埋半隻或者全隻添，岩曬唔同胃口既大家！呢度除左炸雞，仲係各款既韓式主食/小菜，例如辣炒年糕，泡菜炒飯呢啲熱門主食。今次我就揀左一份原隻炸雞，細份既炸雞腿肉同埋兩罐汽水。原隻炸雞-蜂蜜焦糖味（$128）呢到既炸雞係新鮮熱辣辣炸出黎，所以都要小小時間等候，雞肉好嫩滑，炸粉唔會過厚岩岩好，而且每件雞都有醬汁，食落好Juicy😋細份炸雞腿肉-經典甜辣味（$58）啖啖既雞腿肉配埋經典既韓式甜辣醬係最好既配搭，雞腿肉好多汁，唔會過老，醬汁偏甜，同辣醬配合得岩岩好👍另外仲加左兩罐汽水，分別係忌廉溝鮮奶同埋韓版既雪碧，連飲品都咁有心機，真係值得一試😆😆

放工同同事一齊行去碼頭搭船，原本諗住回家，但見到新開咗間炸雞店，就一於坐低試吓先😋🌟炸雞腿肉(甜辣) $68🌟細份炸雞腿肉，揀咗甜辣味，韓國炸雞咁多口味，最鐘意都係甜辣味，望完餐牌最後都係揀返呢個味🤪✨原味可樂 $12✨忌廉鮮奶 $12食完再買多份原隻炸雞回家孝敬下家人，實在太好食了，要開心share先得😍🌟原隻炸雞(原味）$128🌟原味都好好食!肉質好鮮嫩，一啲都唔會超咸，炸粉亦都好薄身，唔會好厚💯

🌊位於海旁嘅一間韓國炸雞小店 好有去左韓國旅行嘅感覺 炸雞味道種類都算多 亦有飯、炸醬麵、炒年糕&壽司嘅選擇 ⚓️由於呢度靠近碼頭 大家亦可以𝑇𝑎𝑘𝑒 𝑎𝑤𝑎𝑦坐近海邊一路食一路睇海景🎡真係別有一番風味🚤🐔原隻炸雞(全)(蜂蜜焦糖) $128 ➡️全隻炸雞有驚喜 淡淡蜜糖味炸得好香脆 估唔到原來佢係好大份 兩個人食都差𝐷食唔哂 雞翼雞胸雞肉應有盡有 🐓炸雞腿肉(洋蔥芝士) $58 ➡️呢款有唔少芝士粉 味道較為濃郁 相比蜜糖汁則較為乾身 炸雞下面亦有薯條托底 雖然係半份 但非常飽&滿足 🥤飲品方面亦比其他小店多 汽水可以選擇玻璃瓶或罐裝 也有𝐿𝑂𝑇𝑇𝐸牌子可供選擇 •忌廉鮮奶$12 •可樂$12

上咗中環碼頭，睇吓有乜嘢食，見呢間炸雞特別多人，朋友決定就試呢間啦！店舖位置唔大，一邊order，另一邊堂食碼頭範圍都有其他位可以坐，想望住摩天輪又得原隻炸雞 (全隻) $128共有6款口味可以揀，睇食評推介，蜂蜜焦糖炸雞比較受歡迎，果然無揀錯！炸雞腿肉 (細份) $58有8件，揀咗原味，就係想試吓做唔做到韓式炸雞咁，原味都好食，皮脆肉嫩，仲有薯條伴碟。芒果梳打 $18罐裝可樂 $12食炸雞一定要配有汽飲品先夠爽

好耐冇食韓式炸雞啦～之前搭天星小輪經過見到有間新舖 就同朋友去試我地晚飯時間去 都好多人買嘢 仲有好多外賣 見啲職員做到唔停手呢度有枱櫈坐不過嗰日天氣好涼爽 所以我地外賣咗去碼頭附近食去咗啲有光線嘅地方影相先出返去食🤣比啲炸雞望下個海景先呢個係甜辣醬全隻炸雞 熱辣辣勁新鮮～佢個甜味唔會太甜 不過可以再辣啲就更加好個皮好脆 入面啲雞好多肉 夠嫩滑 又多肉汁啲雞每舊好大隻 用手拎住食好爽呢個蜂蜜焦糖炸雞好甜 小編好鍾意焦糖 所以試下一打開個盒勁大陣焦糖味飄上嚟 好開心呢個都炸得好香脆下面仲有薯條價錢都好合理除咗炸雞都有其他韓式食物 下次可以再試～

碼頭香脆高性價比炸雞新發現～～～收工過嚟海旁買外賣，留意左呢間餐廳有好一段時間每次經過都好多人買，難得今日早收工就過嚟試吓。～～～佢哋主打韓式炸雞，例如有韓國原味炸雞、洋蔥芝士炸雞、蜂蜜焦糖炸雞、經典甜辣炸雞、蔥蒜醬油炸雞等等。～～～🥢口味選擇頗多，而且可以揀有骨嘅原隻炸雞或者冇骨嘅炸雞腿肉，幾貼心。～～～除咗炸雞之外佢哋仲有一啲韓式常見嘅食物例如有韓國豬手、韓國白切肉同韓國年糕等等。～～～經典甜辣炸雞係個人嘅飛佛，香香辣辣，辣又不嗆，帶少許香甜，好惹味，而且份量多，大大件，幾抵食。～～～蔥蒜醬油炸雞就深得屋企嘅兩個小姪女喜歡，無骨方便食用，蔥蒜醬油，甜中帶少許鹹香，非常下飯。加上粗切綿密薯條🍟，令人吃得滿足又飽足。～～～另外店內亦都有一啲特色韓國飲品，🍉西瓜soda飲落香甜有特色，值得一戰。～～～*等外賣嘅風景都好靚，建議大家可以好似我咁喺海邊好chill地熱辣辣咁食一舊之後，再外賣返屋企。😁～～～CHIMAC (天星碼頭) (中環)中環天星碼頭7號碼頭上層D及E號舖

放工行過天星碼頭，聞到一浸好香嘅炸雞味，忍唔住買返屋企加餸🤣 外賣用錫紙包得住，再加紙盒，又靚又實際，返到屋企都仲熱辣辣！原隻炸雞 （蔥蒜醬油）炸雞有好多味道，有選擇困難症的我直接問服務員推介邊款，服務員態度很好，推薦了這一款蔥蒜醬油。這個味道甜甜地，雞肉很Juicy，同醬汁很夾。百幾蚊有成隻，其實真係好抵！炸雞腿肉 （蜂蜜焦糖）同原隻炸雞唔同，啖啖肉，沒有骨。細分份量都不少，有成十舊八舊，兩個人絕對夠食。外皮趣卜卜，加上蜂蜜甜甜地，很滋味。立即好似去咗韓國，加杯啤酒就完美了！

天星碼頭⛴️又開咗新食店，今次系炸雞🐥啊baby，上船落時買個外賣拎走，又或者坐低吃件炸雞再出發，真係元氣滿滿😎！▶️原味炸雞🐥($128/全隻)離遠已經聞到香味，不得不提提個外賣盒設計得非常好👍🏻。原隻炸雞熱辣辣用錫紙兜住，上面吾會封實，保持表面酥脆，吾會變冧。紙盒質地實淨📦，內部分隔設計得好好，吾會被炸雞嘅油脂整到油笠笠之餘，又容易拎走。炸雞連骨外脆內嫩，好juicy，而且即叫即炸，熱辣辣🔥，岩曬現在轉涼嘅天氣🍂。▶️蔥蒜醬油炸雞腿肉🍗($68/細份)中意啖啖肉就一定要點炸雞腿肉喇🤩，中意佢有好多種味道嘅醬料選擇，我哋就揀咗蔥蒜醬油味，甜而不膩，而且有炸薯條墊底🍟，邪惡😈~▶️西瓜梳打/芒果梳打🥤($18)冇得炸雞啤酒，起碼要點返罐汽水先滿足。第一次試哩隻梳打，又幾特別，配炸雞一流！眼前哩兜仲未食完已經諗緊下次試邊隻味好，而且哩個價錢真係好抵，買完仲可以坐天星小輪欣賞維港兩岸風景，又或是去坐摩天輪或者picnic！下次想試下飯餐同埋韓式飯卷～

中环码头往尖沙咀方向（中环天星码头7号码头上层D及E号铺）开左间韩式炸鸡Chimac地点超方便，港铁香港站 B2 出口, 步行约6分钟，今天坐船去尖沙咀，被好香嘅炸鸡味所吸引，收银处同堂食区对面对，布局合理。炸鸡即叫即炸, 真系新鲜热辣，原只炸鸡份量十足 ，餐厅会切好唔同部位，非常惹味，甜辣比例合适，鸡肉嫩滑 ，骨肉易分离。洋葱芝士炸鸡，调味主材系洋葱味嘅芝士粉，略带咸香，又脆又多汁，口感丰富而满足。吃炸鸡梳打汽水是绝配，2款梳打都系韩国饮品 ，解渴解油口感一流。客人可以在无敌海景， 近望码头远望尖沙咀无敌海景的店里堂吃，也可以外买，包装盒非常精致，配备手套非常暖心，方便携带到客人喜欢的大自然或家中享用美食。

餐廳位於中環7號碼頭,人流十分多,主打韓式炸雞,一共6款口味,選擇多多!設有少量座位,可以一邊望住海一邊歎炸雞🌊蔥蒜醬油炸雞 $138/全隻全隻炸雞分量足夠2-3人分享,香濃既醬汁包裹每件雞塊,蒜味好香,係上面灑上小蔥段反而減輕油膩感🫶🏻蜂蜜焦糖炸雞腿肉 $58/細份香脆既外皮裹住結實既雞腿肉,而且有鎖住內裏既肉汁,食落好juicy又唔會太甜,而且塊塊都無骨食起上黎好方便🙈食炸雞又點少得飲汽水,除左有必試蘆薈樂,仲有2款特色韓國梳打-今次試左芒果梳打,清甜既芒果香而氣泡感十足,超推介🥳

中環碼頭往尖沙咀方向開左間新的炸雞店Chimac地點超方便無論係買去碼頭附近海濱，抑或去摩天輪定係過番尖沙咀海濱長廊望住維多利亞港食都方便就腳。呢到的炸雞選擇都幾多，份量有大有細， 想食幾多悉隨專便-洋蔥芝士炸雞腿肉雞腿肉啖啖肉炸得金黃上高灑滿了超多芝士粉，食落咸咸香香咬落內裡juicy╰(*´︶`*)╯-蔥蒜醬油原隻炸雞想食大份d叫原隻炸雞就最好仲足夠比2至3人share 食雞脾雞胸雞翼都齊晒呢隻味食落甜甜的，有蔥同蒜的惹味咬到都唔會乾柴柴呢～

搭渡海小輪其實好浪漫， 尤其是人多車多嘅時候，搭船過海係一個絕佳嘅選擇😎 近幾年碼頭多咗好多唔同嘅商店同埋餐廳，質素都好好😃就好似呢間主打韓式炸雞既CHIMAC😋 CHIMAC位置喺7號中環碼頭上層， 分開兩邊，一邊係落order另一邊就係堂食。 餐廳裝修好搶眼， 座位都算舒適，半開放式嘅設計，真正的海邊餐廳😆🌟 洋蔥芝士味炸雞 （whole chicken)洋蔥芝士味幾特別， 味道唔算好濃， 香脆炸雞配咗洋蔥味粉同埋芝士粉， 都幾夾而且份量好多， 炸得好好又保持到雞肉juicy，推介🫶🏻🌟經典甜辣醬雞腿肉 另一份當然要有滿滿嘅醬汁，我揀咗經典甜辣醬嘅雞腿肉🍗 啖啖肉之餘醬汁又惹味， 呢隻醬我相信一家大細都鍾意，Good🫶🏻呢度嘅飲品都幾特別，試咗芒果梳打同西瓜梳打😎 兩隻都同炸雞好夾👍餐廳仲有豬手、 炸醬麵、五花肉甚至飯都有， 我見到好多打工仔放工都買一盒返屋企，好方便👍而且價錢又相宜，真係一個唔錯嘅選擇🫶🏻