CHIMAC (連城廣場)

營業中

休息中

香港越開越多韓式炸雞店🐥在沙田連城都開左間，而且價錢唔貴店內座位唔算多，我選擇買外賣返屋企食🥡買左全隻蜂蜜焦糖炸雞（$138）🍯同埋細份韓式黑炸醬炸雞腿肉（$58）🧅我take away，等左5分鐘左右就有得拎，好快手！佢的外賣盒好靚而且好實正，隔左差唔多1個鐘食，炸雞仲係暖暖地。🥡全隻炸雞好大份，女仔來講，夠2－3個人share，再加d小食就十分足夠！價錢來講只是$138，好抵食！🤑炸雞唔會炸到好乾，外皮鬆脆，本身配合蜜糖香味，味道好夾！🍯而且附上膠手套，食的時候唔怕整污糟雙手！🙌🏻細份韓式黑炸醬炸雞腿肉都有8件左右，雞腿肉特別嫩滑，黑炸醬原來是類似黑洋蔥的配料，食落微甜，同炸雞幾配合。而原來雞腿肉會特別配有細份薯條，配合埋醬汁食，好味！🧅加錢要埋2罐飲品，一罐西瓜sparkling🍉，一罐芒果sparkling🥭，飲落偏甜，配合炸雞可以gur一gur。👍🏻

沙田連城商場內既分店是新開的，店舖堂食座位不到16人，一直想試食下炸雞，因價格比較便宜，圖片上款式亦十分吸引。因初次幫襯，未知水準如何？所以只簡單order了半隻炸雞及一份炸醬麵。原味炸雞半隻（配洋蔥芝士粉）HKD78味道是ok的，炸粉吾厚，但芝士粉太少，但以這價錢來說是可接受的。炸醬麵. HKD58與圖片差天共地，完全不符，更一點不像韓式炸醬麵，十分難食，在超市買仲好食过佢，真的太離譜。😡絕對以後不會再幫襯。😤

一早已經留意到科學園分店，但由於地點唔方便，所以一直無去。最近佢喺沙田連城廣場開左分店，雖然只有炸雞同飯，但自己本身唔中意芝士排骨鍋，所以無需要特登去科學園分店。星期五晚6點前已經到達，但由於小店座位唔多，只有18個，所以當時已經滿座。不過餐廳類似快餐，食客好快食完就走，所以等位唔駛好耐。自己衝著炸雞而來，所以點左一款乾身、同一款濕嘅炸雞。洋蔥芝士無骨炸雞細份 $58由於自己好中意食韓國BHC嘅芝士炸雞，每次去韓國都會食，所以對呢款炸雞充滿期待，但最後卻失望到頂點😥。細份有8件，有大有細，但唔係即炸，食果陣只係微暖，而且炸到好乾、好硬、我咬到牙痛😫。最令我失望嘅係個芝士粉，完全調味、無洋蔥味、根本就係普通巴馬臣芝士粉，而且只係灑係炸雞面，完全無撈過….🙄無芝士粉嘅炸雞就係原味。老實講，我自己買包CP炸雞粒氣炸完，再灑D巴馬臣芝士粉、洋蔥粉都好食過佢。無骨炸雞先配有薯條，而且薯條無得散叫，對薯怪嚟講唔太友好😣。蔥蒜醬油原隻炸雞 $138本身想點半半炸雞，但原來呢度無得雙拼，好可惜…..😩一份有14件，份量真係多，性價比幾高😏。炸雞中心溫度夠熱，仲有煙，雖然未到辣口，但熱過上面果款雞。由於

沙田終於開咗間韓式炸雞🐥🍗全隻炸雞有好多件，份量好多！炸得好香脆，加咗醬汁之後亦都唔會覺得好熱氣，入面啲雞肉仲好滑好Juicy! 舖頭有少量座位，亦好適合買外賣返屋企做Party Food🍖🍗炸雞有分有骨的全隻、半隻炸雞，或者炸雞腿肉🍗🍗底下面仲有少少薯條🍟薯條吸收晒醬汁嘅味道都好好味！蔥蒜醬油味係鹹鹹地嘅，而蜂蜜焦糖蜜糖味好出，好好食真係會食唔停口😆餐廳有提供手套，一路食又唔會整污糟隻手，正！除咗炸雞之外，亦有啲韓式飯餐、豬手等小食，絕對可以再encore😍🔸蜂蜜焦糖炸雞🔸蔥蒜醬油炸雞腿肉

作為沙田搵食友😗😗😗見到最近連城廣場新開左間炸雞店🤩見到價錢唔貴炸雞又吸引望到入面嘅客人差唔多全部都叫炸雞🍗試咗店員推介嘅人氣炸雞—蜂蜜焦糖味炸雞🍯全隻炸雞都只係$128😍而且份量仲一啲都唔少可以同朋友share😍🍯🍗蜂蜜嘅甜味同焦糖嘅回甘恰到好處🤩炸雞個皮都炸得超酥脆好惹味😍😗唯獨就係食得多比較膩🫠但係加$18就可以有汽水同埋小食🥹呢個價錢真係經濟實惠🤙🏻🤙🏻🤙🏻

疫情又嚴重左,減少外出食飯囉,而家最多一星期食3晚外食多左搵外賣店,沙田連城商場樓上有間新既外賣炸雞店,少量坐位所有炸雞都係落單後即時製作,可以選唔同醬汁既配搭有半隻雞或全雞,大肉雞,啖啖肉,炸皮脆口,真心超好食就算凍左個皮都係仍然脆口架!好好食!另外仲有好多款式既韓食,炸雞脆雞脾肉,無骨炸雞比起連骨雞就更脆身,個皮脆到好似薯片咁好食飲品有可樂或韓式罐裝特飲平均消費$200 (2人份) 評分8/10推介之選,夠快又好食,可堂食,可外賣沙田沙田車站圍1號連城廣場1樓108號舖Shop 108, 1/F, Citylink Plaza, 1 Sha Tin Station Circuit, Sha Tin #沙田美食 #CHIMAC #CHIMACHK #韓式 #韓國炸雞 #EOSRP #35MM18 

無得去旅行✈️，為有食咗就當去咗喇。呢間韓國🇰🇷炸雞專賣店殺到嚟沙田開新店。堂食嘅位唔多，早食早享受😎，唔係嘅就要等位。Order 📜咗食咩，坐定定等佢響🛎️全部都係雞🐔，大滿足😋！！蜂蜜🐝焦糖炸雞🐔（全隻炸雞） ［$128］外脆得嚟，又甜甜地🍯，食落唔會太邪惡。雞腿🐔大過我隻手，啖啖肉。韓國🇰🇷原味炸雞🐔 (細份炸雞腿肉) ［$68/8件］驚喜咗，炸雞粒下面粗薯條🍟罐裝汽水🥤🥤 x2（$12）唔係要揸車嘅，應該飲啤酒送炸雞就最啱不過。-----------CHIMAC地址：沙田沙田車站圍1號連城廣場1樓108號舖

大家掛唔掛住韓國炸雞呢？😜沙田朋友有福喇～我發現沙田連城廣場最近開左間韓式炸雞店呀～呢度有好多唔同口味嘅雞🍗佢有原隻炸雞同炸雞腿2種選擇我唔鍾意啃骨, 所以雞腿肉比較啱我😜炸鷄亦有大份（16件）細份（8件）之分店員話16件夠2人食所以今次叫左(っ◔◡◔)っ ♥ 經典甜辣炸雞（16件）♥ 甜度啱啱好反而唔覺得辣🧐但我鐘意佢感覺唔太炸太熱氣甘😆當然選得呢個口味外皮就一定唔係完全脆卜卜但無損口感😛炸雞底下有薯條🍟架吸晒d甜辣汁條條都入味😋😋我地叫外賣店舖好細心提供埋手套甘就可以放心大啖啖用手食啦🤣怕唔夠飽嘅朋友可以考慮+HK$18升級包埋前菜，飲品，飯/年糕架又或者叫埋豬手，炸醬麵🍜一定有你啱食嘅野😛😛