ChirChir Fusion Chicken Factory (已結業)

尖沙咀買完衫，hubby話想食韓式炸雞，即刻上飲食app揾到呢間餐廳，用app訂位後即行去。搭𨋢上到去見係食韓烤，以為去錯地方，原來係同集團之另一餐廳，而且可通往炸雞店。坐低後目測其他食客都是20+歲的年青人，我倆再次拉高此餐廳食客之平均年齡坐低之後，第一時間見枱上每位都有一個形狀似雞爪的鉗，幾得意，相信係用嚟夾食物看完餐牌，我倆決定放棄叫炸雞，因為大家都被蒜香健康烤雞所吸引。另外，叫多咗一個50cm韓式蛋卷。烤雞上嘅蒜蓉甜甜哋好惹味，脆炸薯角配這汁嚟食冇得輸，但覺得嗰隻烚蛋(相中錫紙包著那個)則可有可冇。韓式蛋卷餡料有kimchi丶菜絲丶洋蔥絲，加上特製醬汁及木魚絲，好香好味，不過50cm應該係隻碟嘅長度。是次經驗唔錯，下次會再嚟食炸雞

四日假期前夕的晚上，當然要同班朋友聚吓食吓，朋友訂咗ChirChir Fusion Chicken Factory韓式炸雞韓食，多人一齊share食炸雞又可試多幾款係最好㗎，而我亦幾期待呢間笑笑人氣高企嘅炸雞。餐廳感覺好似隔離另一間韓菜餐廳劃成一角，地方唔大但頗多座位。入座時得一個服務生，之後多一個，整晚似乎都只有兩個人集落單、招呼、上菜⋯⋯等於一身，體諒佢哋太忙，根本應接不暇，所以服務一定強差人意！當中有朋友不愛有骨的炸雞，所以點了如下⋯⋯酸辣無骨炸雞：份量其實幾少，而且頗碎的一堆炸雞肉，酸辣比例辣味過重，有啲炸年糕&米通伴入其中，整體一般。章魚炸雞拼盤：份量一樣比相中少得多，只有少少的一條章魚鬚，切成五粒左右、一隻全熟炸蛋+幾條粗薯角，再加上一堆一樣碎炸雞肉(原本以為這款係有骨炸雞)，我食咗兩三塊雞肉都有”so”味，唔多掂。芝士薯條：一個$118嘅炸薯條，以為似美式餐廳般震憾，結果一樣震憾的少，似兩包連鎖快餐的中薯條+一點芝士粉&醬，薯條太幼失去口感，不太欣賞。田園沙律：食炸雞食到大半先到嘅沙律，醬一樣偏少，無咩特別。炸彈飯團：好遲先嚟嘅炸飯團，包了紫菜條的飯團波，這是唯一一個幾好

唔知由幾時開始好興食炸雞薯條，一定係睇得韓劇好，睇上癮🤗🤗🤗OPPA OPPA🤤哩間餐廳不嬲食炸雞都好好味，今日就要來試試佢啦，我哋嗌咗個超級邪惡既芝士女神雞，究竟係咩名堂呢？呢個女神雞一上台，我地就嗌哂，因為將啲雞搭高哂，然後個侍應仲會係我地面前倒啲忌廉芝士醬，然後嗰枱仲會有嗰電子鑪熱住佢，啲炸雞係無骨嘅，份量都好多，仲有啲薯角係側邊，加埋啲芝士醬一齊食真係好邪惡！我哋仲買咗個芝士薯條，芝士全部都係芝士！我諗一個月都唔使食芝士既野啦🤪🤪🤪

忽然想吃韓國炸雞，記得朋友介紹過chirchir fusion chicken factory，於是決定去試一試。芒果酸奶蔬菜沙律 －味道清新怡人的前菜，芒果新鮮香滑，蔬菜配上酸奶，酸酸甜甜，令人開胃。炸彈飯團 －看餐牌的相片，以為是一個小小的食團，誰知它的大小有嬰兒拳頭大，飯團外層沾滿紫菜，內層咸咸的，頗為特別。炸雞雙拼 －有原味和辣味兩款，原味的較普通，但辣味卻很吸引，雞件沾上甜甜辣辣的醬汁，令人食指大動。

同男朋友walk in 行入嚟好彩都只係等左十零分鐘就有位有好多款炸雞都想試但係兩個人又唔想太大舊肉咁食所以叫左下面呢款啲雞好脆 好好味唔係快餐店水平個紫菜飯團都好驚喜 估佢唔到咁好味好似撈左啲飯素唯一可惜係佢無提供水要飲就要十元一樽了

Korean fried chicken got popular in the past few years. But many shops were already cloaed so it's hard to find good korean fried chicken shop. chirchir is kown as the fried chicken shop in Hong Dae. To be honest I didn't know this shop when I lived in Korea. It was my first time to try this fried chicken in hong kong. The food is little bit different to the original fried chicken. They put so many cheese on the top. I prefer the crispy original fried chicken. But it's was not bad. It's good wit

今日同男友一家嚟食韓式炸雞🍗好中意食炸雞既我當然十分期待🤤😍本來都唔係太留意有呢一間店 只係男友屋企人買左團購coupon所以嚟試下啦😋環境都算幾舒適 7點鐘嚟到都唔算太full所以可以坐得幾耐！炸雞雙拼 甜辣味比較出色！食唔停口跟著就叫左呢個芝士餃子年糕 有少少辣辣地但芝士味非常濃郁 幾唔錯！如果食量較大記得叫全份 因為半份都幾少😂炸彈飯團 唯一我要encore既野😍真係好好食同好大粒！啲紫菜本身已經好有味 入面啲飯又整得好香 所以完全唔覺得濟蛋卷就普通啦 入面包左勁多泡菜所以唔食得辣既人可能就麻麻藍莓梳打幾好飲！👍🏻最後5個人用埋coupon total都係300幾👏🏻勁抵食

上網見到呢間野預早book會有discount，所以就book左先，諗住試下呢間炸雞！入到呢間餐廳，佢係同另一間韓燒餐廳同層既，所以記得唔好坐錯地方呀！6點幾到呢既時間暫時唔係好多人，但就坐左兩枱韓國人，睇黎呢間餐廳係韓國人黎講應該都出名？我地叫左3樣野，兩味炸雞，飯團同埋薯條。炸雞好嫩，唔會太乾，份量都唔細，好味好味！薯條超級大份，正常既。飯團就咸左少少，但份量唔細。佢d配菜有d好笑 好少見 有餅乾服務一般般啦，得一個侍應太忙。但有discount咁食真係好抵！！

玫瑰芝士女神雞、50cm長韓式雞蛋卷、芒果酸奶蔬菜沙律， 樣樣食物都好美味好吸引， 芝士味濃配合炸雞一流，蛋卷餡料豐富，食得很滿足，沙律蔬菜新鮮配以酸奶十分開胃，飲品大大杯，二人餐實在太豐富，職員亦很有禮貌親切，值得一讚，總括十分滿意的韓食餐廳！

上網見到chirchir炸雞半價😧😧即刻打去book位食☎️建議大家最好book左位先去Book左位直入，但係無book唔知要等幾耐.叫左甜味炸雞，半價後$79碟雞一上到黎係嚇親😲份量好多，起碼有10件無因為半價而變少，所以$79真係超級抵‼️味道都ok，咁當然無係韓國食果d咁好味😂.然後落單果陣因爲怕唔夠飽仲叫左個紫菜飯團，有5粒，好大粒味道比我想像中好味好多👍🏻👍🏻.最後依到係唔包野飲既（水都要買）水一支$8，汽水一罐$20我就叫左一杯梳打（$78）都幾大杯既，味道似飲緊凍檸七😂😂如果你飲酒的話，其實叫酒精類飲品會抵d

又係炸雞🐣玫瑰芝士女神雞,超級邪惡😍原本已經有大量芝士😁係底, 然後職員再係我地面前再倒芝士醬落去😱, 邪惡指數爆燈😆❗非常邪惡😅😅食完真係再多做運動😅😅#芝士控一定要去試❤夾起炸雞果陣, 拉絲時刻出現左😍超級多芝士份量!😊好好食💟田園沙律,開胃菜😃幾好食😍😍至於芝士薯條🍟, 好邪惡,重芝士味❤😍岩曬芝士控😋 而且份量好多,食到好飽😃抵食💕☺食唔停😍下次要再去啊😜😜

我同另一個朋友食，點左炸雞同雞蛋卷。炸雞好食，剛炸好，熱辣辣，有大大粒蒜頭，真材實料帶住手套用手食別有一番風味。雞蛋卷有驚喜，有啲蟹籽甜甜地，雞蛋本身都帶有甜味，同平時屋企食既蛋吾同味。仲有埋沙律醬同木魚係表面，色香味俱全！同朋友叫埋大大杯啤酒，兩條友食到勁飽，食吾曬⋯⋯但都有得帶走番屋企比屋企人食，連平時吾中意食韓國野既佢地都話個雞蛋卷好食

最近見有韓國炸雞的團購優惠, 內容都好吸引, 看看地址, 咦！原來這間炸雞店是在相撲手日本放題樓下? 看了食評又似乎ok, 所以就買了個2人套餐。$330連加一共$363, 有一客芝士炸雞, 蛋卷, 沙律和兩杯飲品, 不算太貴。 晚上10時多到達, 原來它一邊是韓燒, 一邊是吃炸雞。吃韓燒的明顯較多, 反而吃炸雞的只有一檯。挑了4人檯坐下, 由於是團購, 所以免卻了點菜的步驟, 侍應首先送上前菜小食, 味道出奇地好, 小甜餅的味道有點像冬甩, 中間的是醃蘿蔔, 甜甜酸酸蠻開胃, 粟米粒香甜, 非常好味上菜速度好快, 芒果酸奶蔬菜沙律到後沒多久, 玫瑰女神芝士雞和50cm長韓式雞蛋卷就陸續送上。芒果酸奶蔬菜沙律沙律附上藍莓汁和沙律醬, 藍莓汁微甜, 味道不錯, 反而沙律醬就甜了一點。芒果比較酸, 蔬菜尚算新鮮, 但不夠乾身, 碟底有一灘水...整體其實麻麻。玫瑰女神芝士雞鐵板方式送上, 無骨炸雞和薯角堆成一個小山丘, 底層有些類似千島醬的醬汁, 再自行淋上芝士醬就可以食了。薯角頗香脆, 但配合芝士醬後口感粉粉的有點怪, 跟醬汁不太配襯。 炸雞同樣炸得香脆, 但不乾嚡, 肉質仍很嫩滑, 即

今次約左中學同學一齊食飯聚舊，大家都想食炸雞，所以就選左哩間，因為有人推薦過，就諗住試下。咁我地預早book左位，所以去到就即刻有位，唔洗等。咁間鋪頭唔大，但裝修都睇得出你有畀心思。女神雞既前菜，左邊係甜既餅乾，中間係醋味蘿蔔，右邊係栗米玫瑰芝士女神雞(＄189)：哩個雞入面有炸薯角，同埋雞，薯角冇咩特別，雞就好麻麻。雖然雞就炸得岩岩好，但係肉比較偏鞋，一d都唔滑，又唔juicy，似食緊雞胸肉😂芝士偏咸，偏杰身，都拉到小小芝士，但芝士味真係冇咩。btw，哩個餐包埋飯，所以大家唔洗特別叫，不過如果你冇預先要求早d上個飯，佢係會等到你差唔多食晒d雞先畀你，然後幫你係個鍋上面炒，等d芝士汁可以撈飯。但係我果時差唔多食晒d雞果陣，汁都冇晒咁仔😭炒飯已經冇咩芝士味，真心有d失望，所以大家想食到有芝士既飯就早d叫店員炒。食到一半既女神雞樣子蒜香健康烤雞(＄168)：蒜味係重，個汁都係咸中帶小小甜，幾特別，雞都烤得岩岩好，但係d肉都係偏鞋身，似火雞肉，都唔juicy。同埋，雞身都偏油，唔太覺得佢係健康蒜香豉油炸雞(＄163)：同女神雞一樣，雞飲都唔嫩滑，都係鞋，似係火雞肉。不過個雞都係炸得岩岩好，食

香港炸雞熱潮完全係減退仲愈開愈多, 想食咩款都任你揀🙈  所以同朋友食飯　當然就唔會離開韓國餐！今次黎間餐廳就係誤打誤撞既情況下搵到既。。。 炸🐔好juicy 尤其係無骨雞 可以瘋狂掃落葉式咁食😬 甜味炸雞個味道直頭好韓國口味❤❤另外想推介個粉紅色蘿蔔。。。食到咁油膩之際 食返粒酸野中和返。。一之棒😎環境方面, 上到去間餐廳分開2邊 一邊食烤肉一邊食炸🐔。大部份韓國服務生👦👧👨👩 識韓文可以試下用韓文點餐架。。