ChirChir Fusion Chicken Factory (已結業)

今日來到聞名既ChirChir,玫瑰芝士女神雞名不虛傳.芝士味濃郁.本人就好中意食😍但我男友追求脆所以有點失望。芝士薯條好香脆，小辣，芝士醬有驚喜。中意食芝士既不妨一試。

黎到呢到地方雖少，播放緊k-pop好似帶你走到弘大，見到好多人都必叫的玫瑰芝士女神雞，我當然也叫一份啦，芝士份量剛好，雞就一般啦，若果你超級喜歡食芝士，可另加芝士，一定滿足到你，最後仲有待應幫你炒飯，就簡直享受到韓國的餐廳文化

薯條好有薯味，味粉加芝士非常之野味 😍配答得很好 👍👍👍芝士非常之濃郁😊雜菜粒，加忌廉汁天衣無縫，絕配 ●ｖ●環境非常好😍😍😍有韓Feel 🙌 強勁既音樂配合到MV音樂背景☺身為KPOP FANS嘅你絕對會鍾意呢種氣氛😂😂

一个人在香港没事逛逛，所以就专门从元朗跑到尖沙咀来找这个听说最好吃的炸鸡店。等找到店里时已经是下午一点多，饥肠辘辘的我不管其他，先跟服务员说来份玫瑰芝士女神炸鸡。因为比较晚了，店里没什么人，本来说要15-20分钟的菜10分钟左右就上了。当然在这之前我就已经把餐前小菜解决了一半。等到主角上场，我带着因为期待许久而有些激动的心情，没有吃而是拿起相机拍拍拍。第一口感觉外酥里嫩，芝士也给炸鸡加了柔和的口感。吃了五六块之后就觉得有点腻了，这时候刚才上的一个小菜，腌萝卜和辣椒块就起了作用。不过感觉一个人解决这一全盘还是有些压力哈

試左個玫瑰炸雞，一開始食哂d雞再落飯落去炒，感覺有少少滯，夾哂d雞出尼隻碟度就叫佢落飯落去同d芝士喺度炒， 飯食落嘅味有d似pizza hut 嘅飯，總括尼講，環境很好，味道不錯

This restaurant gave me an impressive experience in eating fried chicken with juicy sauce and we are served with nice staff😍😍

買咗兩個Chir Chir炸雞套餐團購，團購價連加一都只不過$98, 韓式炸雞現在通街都係，以呢個價錢試下絕對唔貴。每個團套餐包括: (1) 炸雞半份(2) 薯條(3) 沙律(4) 汽水一罐(5) 配菜三款我地兩個人點了半份蒜香豉油炸雞和半份甜味炸雞，心諗團購份量應該好少，殊不知個沙律和薯條多到三四個人食都夠，再嚟兩款半份雞，每半份有8件，仲好大件，呢兩個套餐，四位女生用都綽綽有餘！超值👍🏻味道又如何呢？沙律醬汁份量夠，味道中規中矩，薯條惹味，不過唔夠熱，亦偏鹹。甜味炸雞醬汁均勻塗滿每一件雞，喜歡多醬汁就一定好滿足，雞肉方面有幾件較鞋，可能係雞胸部份，有幾件就滑啲，味道尚算合格。蒜香豉油炸雞蒜味濃，醬汁亦滿佈雞件，可惜豉味唔夠，蒜香豉油味炸雞，我始終認為首爾地道BHC所做嘅蒜味和豉味做得最平衡，不過Chir Chir 總體算好味, 唯一失色係炸雞上枱同薯條一樣都係唔夠熱，這點一定要改善，因為炸雞放涼了，味道大打折扣，醬汁再好味都無用。這裡環境乾淨，座位較迫，音樂太吵耳，想靜靜傾計就唔適合了。總括嚟講，$98值得一試，炸雞薯條有改善空間。

韓式炸雞店最近越開越多，碰啱見到有團購優惠即管買嚟試吓😬不知是否今天是長假期最後一天，晚上7:00黃金時段都只坐滿一半。團購一人餐包括前菜，半份炸雞，蛋沙律，芝士薯條及汽水$89另收加一$9。我們兩人共點兩種味道炸雞分甘同味😋。沙律同薯條份量大得驚人，最後薯條食剩一半😑主角炸雞份量亦十分多，半份有8大件。粉漿不厚放久了也保持十分脆口，抵讚。甜味炸雞嘅汁將雞件每部位都包住，好夠味。而蒜香豉油炸雞蒜味夠但豉油味略淡。總括來說是次團購經驗不錯，喜歡韓式炸雞嘅朋友可以試試。

呢間鋪頭嘅食物質素好高辣嘅好辣甜既好甜酸嘅好酸，好食到流眼淚鋪頭嘅位置都好好，近遵理，補完習可以黎食，有人食到個口好似爆炸咁好爽，如果可以開多啲分店咁就仲好啦，有feel！

呢間d野食超掂，適合同frd 一齊泥！價錢雖然同普通放題差不多，但係認真新野，之前d炸雞係冇呢間咁有創意。之前果d又普通、食一碟都食到我破產，呢度一碟又大兜，一定飽

去咗尖沙咀嘅ChirChir,餐廳入面有唔少同雞有關嘅裝飾.最得意係晌唔同角落發現雞蛋嘅蹤影,其實係塑膠嚟嘅,不過都好有趣.餐牌封面用咗仿皮,上面嘅Q版公雞圖案都好得意.佢哋嘅菜式就有少少西式元素.哈,連紙巾同濕紙巾都印咗Q版嘅公雞圖案.餐具之中仲有呢支個尾好似雞爪咁嘅鉗仔,中間有個環型小圈,可以將姆指同食指套入去,拎起嚟就更加方便.同好多韓式炸雞店一樣都係有前菜,分別係醃蘿蔔,粟米沙律同小餅乾.醃蘿蔔酸香開胃,粟米沙律除咗粟米之外,仲有青瓜,甘筍同提子乾,小餅乾就的的骰骰,我以為係鹹嘅,原來表面嘅係砂糖嚟,都幾香脆.我哋食咗炸雞雙拼,甜味炸雞上面灑咗杏仁片同香蔥,雞件表面就蘸滿醬汁,都幾香甜.原味炸雞嘅外皮就幾薄脆,炸得夠透冇多餘嘅油份,肉質唔算滑但又唔嚡,可以配附上嘅醬汁嚟食.埋單走嗰陣仲拎咗佢哋嘅紀念品鎖匙扣,呢個這Q版公雞圖案真係好得意.

Wow, 朋友介紹，果然無錯，雞有雞味，炸得來唔熱氣！值得推介！估唔到食炸雞都可咁健康，服務又好，又有正宗韓國人，食野之餘學埋韓文。地點方便，係地鐵站行3分鐘就到，仲有高速wifi提供👍👍

第二次來chirchir食dinner,呢次order左女神殺手和茲樂茲樂美極了，賣相好掂，炸雞脆之餘帶點辣，配合芝士味道一流，另外讓有意粉夠飽肚，the best之選，好豐富的一餐晚餐

餐廳位於商廈內，環境不錯，以木為主的輕鬆風格裝潢，間隔亦不算迫，有足夠的私隱聊天，但又不失熱鬧的氣氛，無論是情侶還是朋友聚餐都不俗。另外，食物方面，雖然等候需時，但可見是即叫即炸，雞的口感不錯，肉質幼嫩飲品方面比上不足，比下有餘。整體而言，可以一戰。

看食評, 好評較多, 特意一試。原來在隱身在韓珍餐廳內的, 來自弘大的炸雞人氣連鎖店。。。。 全球已開了很多分店。餐廳賣點：1. CHICKEN FACTORY，好似好勁好專業，專賣雞。。。全部都係雞，餐廳名: CHIRCHIR聲，代表炸雞的滋滋聲，聲色俱備，仲有佢隻餐廳卡通雞招牌好得意，走時還可帶走雞造型行李牌，加分！！！2. 人氣韓店，由朴烔植代言，來自弘大！3 以特色FUSHION獨特炸雞為賣點！有意粉蓋頂的，忌簾面層的，芝士熔漿的，滿口蒜泥舖滿的，有香草的，韓風帶點西化, 潮呀！！！4.雞選擇好多呀！炸的, 烤的, 鐵板上的, 炒的俱備。適合不同口味朋友仔！5裝修簡潔以木為主，不過缺點無窗，有點焗促。6. 午市有特價餐牌，慳番少少本人評價, 都唔錯既選擇, 可以一試。 韓國人為服務員, 已為韓國餐廳指標。 全部後生女孩們, 大播韓歌。諗下食邊款炸雞, 很多選擇, 很想試蒜泥的, 但敵不過芝士吸引。2個人吃2款東西已很飽了。 前菜3小碗: 南乳香餅, 酸蘿白, 粟米粒。 其實味道普通, 粟米粒為罐頭貨, 蘿蔔酸酸開胃菜, 南乳餅，脆脆咸咸的，但知要吃炸雞，還是少吃留肚。青口海鮮湯