Chok 雞

營業中

休息中

晏晝去葵廣掃街 去返3樓巷仔入面呢間Chok雞大概有兩年無食過雞軟骨，原來已經加到$40等咗大概5分鐘有得食，我自己鐘意落香辣&孜然粉，辣辣地幾過癮依然都係咁好食，炸起都係熱辣辣，但係份量少咗啲整體可以再試

一直都好想試呢間Chok雞難得今次嚟到葵廣個肚又有位就試試佢!心大心細咗好耐要咩最後叫咗雞粒走辣 $40即叫即炸所以都要等返一陣粉方面就有6隻唔同味有海苔 芝士 避風塘 香麻 孜然 麻辣我唔食辣所以淨係落咗前面三款覺得海苔>避風塘>芝士芝士其實味道好濃嘅 不過有種臭芝士味所以我唔太鐘意不過海苔真係有少少紫菜塊 好好味!避風塘都好多炸蒜 好足料 不過食得太多蒜 覺得有少少刺激(辛辣)下次會再返嚟試吓炸燒賣同雞塊~

葵廣出名多特色小店同掃街，其中一間去襯葵廣必食嘅小店就係Chok 雞啦！ Chok 雞除左有自家味份可以自選調味（個人推薦紫菜加孜然），仲有新推出炒飯。雞肉全部都係新鮮買番黎老細自己腌同整炸粉，即叫即炸，連鎖店嘅炸雞完全無得同佢比。 因為我係唔係食得牛蝦蟹，個炒飯走牛蝦蟹，老細好人轉左自家製辣菜脯，非常惹味，蔥花雞肉辣菜舖炒飯，隱藏菜式大家可以試下👍🏻 老細仲好花心思自己整左炸魷魚鬚，都係由原隻魷魚自己洗自己整嘅出品，比出面買到嘅魷魚鬚大條好多，有咬口得黎唔靭。期間限定菜式熟客自己去問就買到架！

幫襯左好多年嘅炸雞舖，同連鎖店唔同，用新鮮雞同自家製炸粉即叫即炸，粉唔厚，做到外脆內軟👍🏻一直保持水準👍🏻 新出炸雞炒飯都好好食，即叫即炒，估唔到炸雞配飯都好味有多款調味粉比客人mix and match，全部都無味精，食完炸雞唔會口渴，個人推薦紫菜加孜然味兩溝😋 但係配炒飯嘅話我覺得本身個飯同雞已經夠味，再加粉就會過鹹，除非想食辣味先會加少少麻辣。呢排老細整左新菜式，有炸蓮藕同日式咖哩飯，個炸蓮藕都係偏日式，薄身加薄炸粉，食落脆嘅蓮藕薯片咁，日式咖哩飯個汁非常足料，比起食X家香濃好多。推薦程度：1. 炸雞🍗⭐️⭐️⭐️⭐️⭐️唔洗講，招牌野，懶人可以食雞件無骨2. 炸雞炒飯⭐️⭐️⭐️⭐️⭐️唔試唔知炸雞配飯咁好食3.炸蓮藕⭐️⭐️⭐️⭐️絕對唔係台式吸太多油果種，食落唔會好有罪惡感，又夠脆4. 日式咖哩飯⭐️⭐️⭐️⭐️個汁足料好食

大家好！今日我地試試 2人HK$300 可以食到幾多野同推介下邊間係必食！食評次序: 3分 - 慧食貓 -> 無辣不歡 -> DP Dessert -> 萬波島嶼紅茶 -> 2分 - 屯の大阪章魚燒 -> Chok雞 -> 1分 - 烤焗工房 -> 冇分 - 嘆杯貓茶 -> 緣味之家 -> Free D Coffee -> 丸子茶(艾文自家評分，滿分3個【好食！】，口味各有不同，評分只供參考！)Chok雞喺3樓TOP世界巷內，落單後即叫即炸，等約10分鐘。雞件鮮嫩多汁、外脆內軟，非常美味，櫃檯上有多種調味料任君選擇，艾文和旅伴選了芝士、避風塘蒜香和少許紫菜，非常惹味，唯價錢不便宜，不過亦不算貴，值得一食再食！6件雞件・HK$40VLOG:

問佢個凍食雞皮係咪真係咁凍，佢又答唔會，之後我落單，佢送咗另一份大塊嘅俾我，之後我同佢講送錯，之後送返啱，點知真係咁凍，咁我算啦，照食啦，點知個味道又一般般，都係去返長洲食算

記得之前出街要戴口罩的日子，想掃下街都唔太方便。到了2023年，依家終於可以除口罩，所以今個周末特登去葵廣掃下街先！葵廣掃街第二站，去Chok 雞食奇脆雞軟骨！紫菜X避風塘奇脆雞軟骨($40)Chok 雞好食之處，除左係即叫即炸之後，最重要係調味粉任揀任落，落幾多都無人阻止！今次叫左奇脆雞軟骨，等左10分鐘後有得拎，之後自己加左一半紫菜同一半避風塘調味粉！超級Juicy同夠味！雖然要40蚊但佢份量亦好足夠！除左熱氣之後，依間無弱點！必食必食！！以下係我的評分（滿分為５分）： 味道：5分環境：(外賣不評)服務：(外賣不評)價錢：5分推薦程度：5分 Chok 雞 網址: https://s.openrice.com/QrbS0s6C800~uKZISBA 地址: 葵芳葵富路7號葵涌廣場3樓TOP世界3069-T18號舖 電話: 96108208

店名: Chok 雞 地址:葵芳葵富路7號葵涌廣場3樓TOP世界3069-T18號舖葵芳站E出口，行2分鐘環境: 外賣價錢:4/5味道: 4.5/5奇脆雞軟骨+2件雞件❤️❤️❤️❤️❤️$40+12雞軟骨份量就算唔加大，都好足夠，啱啱炸好，個外皮仲係好鬆脆，入邊嘅軟骨好淋，唔會話硬到咬唔到😍雞件都算有肉汁，同樣食落口都仲熱的，加埋佢哋唔同口味嘅粉去chok，食落好滋味😛粉嘅選擇都有好多，有孜然，麻辣，蒜香，芝士等等🤩#stitchfoodie葵芳#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

呢間舖頭開嘅地方非常唔顯眼,都係睇啲YouTube介紹先至搵到但係佢嘅炸雞非常出色！鮮嫩多汁，炸完都保留到好濃嘅雞味！食得出好新鮮🙌🏻而且佢好似係即叫即炸🥹✨食得呢間梗係要講下佢嗰啲調味粉，大約有六七款調味粉，有避風塘、孜然粉、紫菜(💥大推💥)、香辣粉、好似仲有芝士粉。我自己係好鍾意調味粉嘅人，所以我係Mix咗三四款粉去整shake，最誇張嘅係佢嘅粉係俾你自己落，重口味嘅你就可以落多啲，我自己會勁多紫菜✨總括無論雞定係粉都好好味，重點係價錢好平！$30-40 6件🥹👍🏻

葵芳炸雞小食掃街好去處 3樓呢間成日都多人排隊 依家外牆都係sica 海報🙈 簡單記錄下 （餐牌睇圖）.呢間最大嘅賣點 係佢哋有多款調味粉全部任落唔嬲 實有一款調味粉啱你口味個人最鍾意紫菜粉🙈奶油洋蔥粉🙈.⭐️招牌Chok爆燒賣$22 7粒炸到金黃 脆卜卜 外脆內軟⭐️美式chok雞都係即叫即炸 熱辣辣 幾juicy.平民小食 狂落粉自己shake 過癮嘅.#hkfunfoodrecord窮遊香港#hkfunfoodrecord_葵芳#hkfunfoodrecord黃店.#Chok雞 (葵芳)地址：葵芳葵富路7號葵涌廣場3樓TOP世界3069-T18號舖.⭐️評分：味道：3.5/5環境：-/5服務：-/5抵食：3.5/5.鐘意睇野食既朋友仔 記住幫手like分享 同撳埋右上鐘仔超感謝 你既支持🙏🏻一齊見證 我脂肪既成長.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies

即叫即炸SHAKE SHAKE炸雞桶🍗炸雞有邊個唔鍾意，呢間簡直係滿足晒你所有嘅願望，調味粉都有6️⃣種俾你選擇，仲要調味粉係任加唔嬲😆（當然就唔好太過分啦🤣）雞翼雞鎚炸得好嫩口，除咗雞翼雞鎚仲有好多唔同選擇可以揀，平時喺出面食豪大大滿足唔到你嘅話呢間就可以滿足你啦😇

💛就到長假期，去葵廣掃街真係假期嘅好去處😆😆 仲可以支持唔少良心小店! 葵廣嘅美食真係食極都唔完呀！1️⃣CHOK雞 💛🔸6件雞件 ($35)呢間Bookmark咗好耐，今次終於去食，每件雞件都好大件，炸粉薄，啖啖肉又juicy，食落都唔覺油膩！👍🏻👍🏻店內有提供好多款調味粉比大家Chok雞，當日有麻香風味、香濃芝士、五香孜然、避風塘蒜香、特級香辣，我地先落咗➡️避風塘蒜香+香濃芝士+少少孜然去CHOK下, 味道好夾, 佢個芝士味好濃, 唔想芝士搶味, 可以落少d~食咗幾件後, 我地轉加➡️麻香風味+五香孜然, 估唔到"麻香風味"係我地最鍾意，佢令到雞件味道更香更惹味！炸雞控真係必食😍😍P.S: 門口仲有好多造星應援

喺嗰度買咗雞塊同埋雞軟骨。雞塊都好大舊，起碼有半個拳頭咁大，外皮十分香脆，不過入面嘅肉就稍為偏乾少少，冇乜太多肉汁，可能因為唔係雞髀肉，所以都有少少偏鞋。 雞軟骨反而有驚喜，入面炸得十分香脆，有少少雞油味道， 啲脆骨關節好爽口，加上外面嘅蒜香粉同埋紫菜粉令到個味道更加豐富。

小編去葵涌廣場book mark既其中一間食店就係chok雞🤤 最吸引既係佢既超多選擇味粉🤤 為左唔好食咁飽最後叫左雞軟骨試下🤤🐣 奇脆雞軟骨 $35呢份雞軟骨如圖所示真係超大份，又熱辣辣咁🥰個名完全冇改錯，因為真係好脆呀😍脆得黎又冇個種好油膩既感覺😜貪心既小編仲要落左好多shakeshake粉🤭落左芝士、紫菜、避風塘蒜香加少少辣粉，搞到個味有啲複雜🤣下次都係建議大家唔好咁貪心，適量地落就好了🤣如果有肚量既大家可以食下啲雞件，好似都好正😍

葵坊廣場好多好食嘅選擇，呢間炸雞店真係好隱蔽，去咁多次都冇留意到，好特別嘅係佢可以自己落粉shake shake 雞，本人係炸雞控，一見到就忍唔住要試下！🍴CHOK套餐 C 6件雞件 $32見到有雞翼，雞槌，雞件，即刻揀咗雞件，啖啖肉又唔洗吐骨！味粉都有好多選擇，香辣，芝士，蒜香，紫菜同孜然，任君選擇！我就試咗芝士，少少香辣同少少孜然，本來都驚個味會唔夾，但出奇地好食好香，芝士味好濃(好似食芝士粉咁🤣🤣，辣味同孜然嘅香，6件雞件都幾大舊，份量好足！熱辣辣新鮮炸起，炸粉薄，雞唔乾，有肉汁，咁嘅份量同價錢，好高CP值😆😆推薦指數: 9/10又平又抵食好食，CP值高創意炸雞🍗