Ciao Ristorante Italiano (已結業)

碟碟都好細碟小吃每人只分得一件, 主菜每人只分得一"住".雖然係任叫, 但感覺一d 都唔暢快!飲品限制多多很普通的都要$28 一款, 雖然每款任飲.水都要錢, 我一直都認為加一的餐廳, water should be provided freely.食物質素就不過不失la....環境都只係一般..但係用呢個價錢...可以有更好o既選擇囉....!

寧願唔食飯都唔會再食佢!d戈態度差到冇得頂!千萬不可試!真的!

我去過呢間餐廳一次, 亦都會係最後一次....首先，我果次去, 個類似老板娘既人叫我坐住室外先, 一有位就幫我換, 點知室內有人走既時候, 我主動問佢, 佢又話比人book 0左....喂大姐, 你有幾多booking 你知0家....咁我就迫住0係13、4度既室外檯食西北風(但果度係深井, 食風食得好死應)其次, d 待應永遠既態度就係時運高, 永遠睇唔到你舉高果張order 紙, 落order 同上菜都無句聲, 就算有都係差果隻(黑口黑面).既然咁辛苦, 不如唔好做啦, 我比錢你洗仲要受你氣....令我最韾係走時比貼士, 比0左$4佢(其實佢地d 咁既態度應該一亳都唔比, 低我男朋話費事咁核突),果個侍應睇下我地比幾多貼士佢, 佢一睇完, 立即陰陰嘴笑同搖頭....嘩, 你話係咪好過份先.....比錢食飯仲要受辱, 所以咪去.....>_<

佢地自助晚餐好低食,而且甜品有TIRAMISU,非常好食,大約$130一個人.

環境氣氛確實唔錯呀,不過就真係食得好冇癮囉!碟碟野都得果少少,如果佢係正宗意大利菜,咁細碟d就可以接受,但係佢d野食又唔算好正宗,咁o既份量我覺得佢只係想慳料囉.味道中規中舉,冇乜驚喜.最討厭o既就係每次只准我叫3碟野,大佬呀,叫都叫到口乾啦,又要等佢整,我頭round叫果陣唔知呢個"規舉",當我叫完第3碟果陣佢就即走,我叫住佢,想叫其他野時,佢居然好"敏憎"咁話:叫住咁多啦好唔好呀?搞到我好似叫得好過份咁@.@職員o既態度真係唔得,全部講野冇尾音,又十問九唔應!價錢百零蚊可以接受,如果去呢間野,我相信只係適合一d高eq同埋食野食得慢o既人去~

百零蚊任食意大利野, 都叫做抵0既. 食物唔係唔好, 只係有d唔正宗, 而且的確係細碟, 食多多都唔夠. 雖則小小地可以試多d, 但係真係唔夠喉.既然係任食, 咁就要狂叫!! 我覺得焗蠔好味, 大大話話食左10隻. size細細. 其他食物都不過不失啦!!

我同男友都去過兩次Ciao.<br />兩次都食任叫任食放題.<br />General 黎講都幾好味.<br />上菜份量真係好濕碎.一件兩件咁上檯. <br />Leadtime 都幾耐. 咁樣拖長餐飯黎食.其實落肚的不是得多.個肚已話我知飽.<br />服務方面.有兩個高佬侍應的態度真係惡劣.<br />我有一次order 想要多幾味.(我真係唔想浪費時間拖住餐飯黎食).<br />點知佢竟然對住我反晒白眼.隻腳軟軟下咁跣開.<br />一副勁唔願意的樣子..埋單時又唔聲.就咁隊張單埋黎俾我.<br />食客都真金白銀俾錢.唔好以為貪你地著數~!!<br />如斯超惡劣的服務. 我以後唔會再去.

任叫任食晚餐$128加一,唔包飲品;主菜款式唔少,有扒,意粉,沙律,燒茄子,白汁雜菌,煎銀雪魚,煎三文魚等;每次份量都好少,耍不停叫好多才夠喉,我覺得好不便,可能佢地拖延食客時間,等食客唔會一次過食咁多,減低成本!食物質素一般,入得口啦!服務唔得,求其放食物上就算,侍應好cool!

我去過這兒吃飯數次，兩次是晚上(平日)，另一次是星期六下午，兩次人也不太多呀！其實我真的很喜歡來這兒吃飯，食物好，氣氛好，每次我也是坐裡面，除了怕蚊咬外，是裡面情調更好，還有音樂。龍蝦意粉味道很好，龍蝦新鮮，但汁略嫌少了點，龍蝦湯不是平常飲那種濃湯而是清湯，雖蝦肉也多，也很甜，但我會較愛前者多點，南瓜湯值得推介，好味道！焗釀黑菌，很香，很多料，炸雪糕球味道太甜了，我不太喜歡。鴨胸半生熟，所以一點也不覺"鞋"，很嫩。有一次我帶了位在蛇口工作的朋友來吃飯，她竟在這兒踫到蛇口的同事(鬼)，原來這兒竟是他們的聚腳地﹗真意想不到，連外國人也喜歡這兒﹗ <br> <br>

之前聽人講話好食,咪入0黎試下(我真係山長水遠過海楂車入0黎0架),磨菇湯唔係好好味,唔多夠"蓉"蒜茸包冇HUGO'S0甘好食,羊鞍醃味方面爭緊D,墨魚麵都係淡得滯.不過甜品有個几有特式0既"黑炭球"(我0甘叫係因為佢個樣似),都試得過0架

ｏ黎過幾次呢度食ｏ野~ 即開生蠔新鮮又低食；沙律、龍蝦意粉等都好好味！不過墨汁意粉味道略淡…飯後更不得不試試呢度ｏ既tiramisu~ 做得亦不錯！ <br>

我同女友去,一見氣氛唔錯但裝修下仲有feel.個是日餐湯沙律幾好, 個墨魚汁意粉清新有意大利海邊的地道感覺.個法飽唔算太簿.唔通要食完個塊飽就結賬?拍拖唔錯,食完飯仲可以行五分鐘到沙灘!位就少D ,記住訂位.

【開飯喇☆老友記】.. 上回講到o岩o岩睇菜牌,.. 有各款餐湯, 海鮮, 扒類及一定唔少得o既千層粉同埋意大利雲吞, 沙律及小吃種類都唔少, 地道如意大利「巴瑪Parma」風乾生火腿夾蜜瓜都有。仲有廚師推介o既墨汁芝士迷妳墨魚。肥太太即刻叫o左一份試o下, 黑Mum Mum, 烏卒卒, 加o左D 芝士粉, 味度都ＯＫ喇!!<br> 由於應承o左小鬍子老板, 七點交o番張檯仔俾佢, 我o地一於速戰速決, 叫o左三份Set Dinner 就算, 其實要試真功夫, 最好就由最Basic 入手, 雖然無Prama Ham 同意大利雲吞及千層粉, 但有是日餐湯, 味度好正, 仲隨湯附上一片好似張「八達通」咁大.. 但.. 一樣咁< 薄> o既蒜茸「家樂福」法國飽, 差兩度Ｃ就可以當雪條咁食, 真o係好鬼死凍冰冰o架，幾乎凍到打噴嚏,, 敝!! 唔打得住, 等肥太太同肥女女將片麵飽食o左先, 如果o吾o係, 一打噴嚏個兩少小片麵飽肯定飛o左過隔離檯。唉! 唔通家樂福D 長法( 碧結) 麵飽好貴?<br> 沙律o黎喇!! 什菜都o係好新鮮,

【開飯喇☆老友記】.. 好一個陽光普照的星期天啊!! 記得曾經睇過一段有關" 深井夫妻擋的意大利餐廳" 的食評。話說D o 野食都唔錯, 肥佬佬制o 左幾個星期日, 一於帶埋肥太太同肥女女走去試一試, 擦餐勁!!o 黎一次週日新界青馬大橋遊車河, 再去深井食意大利菜.. 正呀!!<br> 泊低o 左o 架錢七o 係麗都花園, 諗注問o 下人間" ＣＩＡＯ"o 係邊? 點知一行出停車場, 就有個血紅色鬼死咁大個o 既招牌塞埋對眼度!_ 噢! 噢! 肥太太大叫: 「對面o 米o 係o 羅! 衰鬼!! 」( 其實佢話" 死肥佬!).. 睇o 下個錶成六點, 時間尚早, 間餐廳o 岩o 岩開晚市又未有客, 一於早早o 地, 做佢今晚第一檯客,.. 小鬍子老板用好地度又純正o 既廣東話問: 『有冇訂位? 』『冇呀! 』『八點半至有檯, 一陣再o 黎過o 拉』『我o 地好快o 架, 仲好遠入o 黎捧場』『o 敢! 好喇! 七點得唔得? 』『你煮度, 我o 地冇問題! 』『就呢張喇! 』嘩!! 嘩!! 無法喇! 鬼叫肥佬佬唔知定, 無訂位, 有張小型二人檯算好彩喇! 仲

For the food, it tastes fresh with natural spice; for the services, the staffs behave nice with fast response. But remember to make a reservation before go. and you can choose outside or inside with air-condition. Have a nice meal!