Classy Le Carré

營業中

休息中

上個星期，我帶朋友去咗Classy Le Carré，佢一直想試呢間意大利餐廳。餐廳環境優雅，燈光柔和，營造出舒服的氣氛，適合慢慢享受美食。我們首先點咗大廚精選時令新鮮海魚柳，配上香茅忌廉泡沫和香烤紫蘇籽。魚柳口感嫩滑，鮮味十足，而香茅的清香加上輕盈的泡沫，令整道菜充滿咗層次感。搭配的紫蘇籽則為菜式增添咗幾分獨特的風味😋接住嚟嘗試咗招牌布雷斯特香草牛油煙肉醬，搭配新鮮活蜆和多士。呢道菜嘅香草牛油煙肉醬非常濃郁，蜆肉的鮮甜與酥脆的多士形成完美的結合，令人一啖接一啖最後，我們點咗慢煮和牛牛面頰，配上意式芝士玉米糕和松露呠酒燒汁。牛面頰肉煮得極其軟嫩，入口即化，配上玉米糕的香甜和松露的獨特香氣，令整道菜豐富而不油膩。Classy Le Carré的菜式既有創意又有品質，環境也十分宜人。朋友非常鍾意，真心推薦✨

昨日同朋友去咗Classy Le Carré食午餐，呢間餐廳真係我嘅意大利餐首選，今次又證明冇揀錯！🍝 餐廳環境好舒適，氣氛又輕鬆，成個感覺係chill住享受嘅理想地方～無論同朋友聚餐，定係一個人嚟都啱！開頭食咗九州福岡縣明太子三文魚籽扁意粉，呢個扁意粉係吸滿咗明太子嘅鹹香，每一啖都有淡淡嘅鲜味，加上三文魚籽嗰種彈口感，咬落仲有汁爆開嘅感覺，唔會太濃味但又幾夠味，食完真係仲想再嚟一碟！🤤之後食咗櫻花蝦、蒜香牛油、蜆肉扁意粉，呢個真係要試嘅，感覺地道得嚟又夠香。蒜香牛油同櫻花蝦香氣完全包圍住啲意粉，啖啖都有蜆肉嘅鮮味，味道好層次分明，啲牛油唔會搶味，配埋啲海鮮簡直係一流！係餐後解膩嘅好選擇。總結嚟講，呢餐真係好滿足，食得開心又舒服，呢間餐廳一定會帶朋友再嚟食過！💯

好耐冇同同事一齊食lunch，超級鍾意呢間意大利餐廳嘅氣氛，而且菜式都好特別好味，寫緊呢篇食評嘅我都忍唔住流晒口水~黑松露迷你pizza，pizza我同同事一齊share，份量真係好mini！但味道係我哋鍾意嘅！一上枱就聞到濃濃嘅黑松露香味，咬落去滿滿嘅芝士仲會拉絲，餅皮鬆軟但都好有韌性，食得愈多愈香黑松露忌廉意粉，真係俾呢間黑松露忌廉意粉驚艷到！一啖落去黑松露特有嘅香味喺口裏面迴盪，而且用咗扁意粉所以更加掛汁！雜菌菇都好食，配埋奶香味超級濃郁嘅菲達芝士真係完美！櫻花蝦蒜香牛油蜆肉扁意粉呢款意粉都唔錯，上面灑咗滿滿嘅櫻花蝦！用咗扁意粉食落去爽口，而且好掛汁啊～食到嘅每一條麵條都充滿咗濃郁嘅蝦味、蜆肉鮮香味仲有蒜香味，新鮮食材嘅味道真係好夾！Classy blend呢杯自家調製嘅朱古力飲品都深得我心！濃郁嘅朱古力味同奶香味十足嘅牛奶一齊配搭完美融合，絲滑嘅口感真係令我哋忍唔住驚嘆！好想再嚟一杯

之前老闆就帶我同班同事嚟呢度食過，嗰陣覺得好好，今次就帶咗老公嚟呢度食。環境優雅真係好啱約會啊！我期待咗好耐，要將上次冇食過嘅都食返晒嚟！我哋叫咗個午餐套餐，好抵食。意粉煮得啱啱好，唔會太硬，配埋青醬本身嘅獨特香氣，加埋雜菌彈牙嘅口感，食落好香甜。而且擺盤好靚，睇落好有胃口！呢度嘅雞翼係我食過最特別嘅。雞肉肉質滑嫩，微微帶有一啲清甜，仲有威士忌嘅酒香味配埋一齊，真係太好味啦！而且酒精揮發後嘅味道更加帶出肉嘅香嫩，令人欲罷不能。老公叫咗呢份好有特色嘅意粉。蝦肉味道清甜，蒜香十足，意粉食落別有一番風味，再加埋啲蜆肉，口感更加豐富，真係太正啦！下次我哋仲會帶更多人嚟食！帶埋啲姊妹嚟！

今日同事們揀咗公司附近嘅 Classy Le Carré 食午餐，呢間餐廳係我哋既常客，環境舒適，唔算太嘈，同事一齊食飯講嘢都唔需要好大聲。今次我哋試咗幾道新菜，都係餐廳既招牌。首先係 牛油果、明太子、蝦肉牛角包窩夫，呢道小食係用酥脆既牛角包窩夫做底，內層有牛油果蓉同鮮蝦，配埋明太子既鹹香，口感豐富又唔會太重口，幾適合開胃。第二道 威士忌水牛城汁單骨雞翼，雞翼烤得啱啱好，外皮微脆，內裡保持嫩滑，威士忌汁帶少少甜味，同水牛城風味既微辣味道混埋一齊，食得好滿足，成碟雞翼幾快就畀大家清晒。最後一道主食係 九州福岡縣明太子三文魚籽扁意粉，呢個絕對係今日既亮點！扁意粉煮得有嚼勁，明太子既鹹鮮味道同三文魚籽爆口既感覺好夾。成餐飯落嚟，大家都食得好開心，唔會覺得好膩，CP值都唔錯👍。我哋都諗住下次再嚟試下其他菜式，呢度真係成為咗我哋工作附近既好選擇。

今日要推介畀大家嘅係位於西環嘅西式餐廳。餐廳入面裝潢優雅，好適合打卡影相。呢度嘅食物唔單止好食，仲好精緻，係一間觀賞性十足嘅餐廳。想推介畀大家嘅係以下兩種唔同款式嘅扁意粉。首先九州福岡縣明太子三文魚籽扁意粉係一道融合咗日本同意大利風味嘅美食。明太子嘅鹹香味蓋過咗扁意粉，加上三文魚籽幼滑嘅口感，少少鹹味嘅鮮味以及豐富嘅營養成分，係一道好受歡迎嘅美食。而黑松露/雜菌/忌廉/菲達芝士/扁意粉就係將黑松露、雜菌、忌廉、菲達芝士、扁意粉煮成嘅一道美食。濃郁嘅黑松露加埋忌廉嘅香味，再加上菲達芝士嘅奶香同鹹蛋嘅風味，令成個扁意粉嘅味道變得非常豐富，係充滿香味嘅一道美食。最後再嚟一杯 Classy blened，充滿住奶香味同唔同種類嘅朱古力味，香滑可口嘅口感，好飲~

上個星期，我女朋友帶我去一間西餐店食晚餐，幫我補慶祝生日。呢間西餐店裝修好靚，屬於簡約又帶啲古典風。我點咗一盤魚柳做主食嘅西餐。呢度嘅魚柳好新鮮，係烤嘅，烤得啱啱好，保留咗魚柳嘅鮮甜。呢道主食仲配咗啲時菜，有包菜、花椰菜同玉米條，啲時菜都好新鮮。廚師特調嘅靈魂醬汁，加埋烤紫蘇籽，令到呢份西餐嘅味道更加好。我女朋友點咗一盤無骨黃雞，呢道菜係慢煮法式嘅。無骨雞食起嚟好方便，雞肉鮮嫩多汁。呢道料理仲配咗啲時菜，擺盤簡單大方。呢盤無骨雞係配特製嘅魔鬼醬，味道好獨特，食完回味無窮我哋仲點咗一杯抹茶，苦味啱啱好，抹茶味道好醇厚，非常香。聽講呢個係一番茶，係最高品質，呢間鋪用料十足。我哋食得好開心，係個唔錯嘅生日回憶。

今日同同事趁lunch time嚟咗西環嘅Classy Le Carré食午餐，呢間餐廳真係有種細膩嘅歐洲風情，環境好chill，坐位之間不會太迫，幾啱我前呢種午餐小聚。呢次試咗幾款不同嘅菜式，首先就係香草青醬雜菌扁意粉，一上枱就聞到陣陣嘅香草味，加上雜菌嘅豐富口感，啱曬不想食得太heavy嘅午餐選擇。青醬嘅味道不會過濃，食落去仲保留咗菌類嘅鮮味，同同事都話呢道真係輕盈又好味。之後試試咗意式紅羅勒醬香烤雞扒配水牛芝士牛角包窩夫，呢款真係意式風味十足！雞扒烤得外脆內嫩，再加埋水牛起司嘅綿滑同紅羅勒醬嘅微酸味道，牛角包窩夫帶出咗輕微嘅酥脆感，好特別嘅組合，令大家都眼前一亮。小吃方面，我勳不少得要咗黑松露迷你披薩。呢個迷你披薩真係黑松露控嗆福音，每一啖都充滿黑松露香氣，底部脆口，口感細緻，啱曬分享食用。成餐嘢食得特別滿足，班同事都表示一定會再嚟。成個用餐體驗好舒服，服務生好有禮貌，細心又不會打擾我哋。 Classy Le Carré真是適合同事lunch聚會嘅地方，食物質高，氣氛輕鬆，連食完都覺得返工心情好啲添！

上個週末同屋企人去咗呢間餐廳，之前喺網上見到好多好評，都話呢度係食意大利菜嘅好選擇。去到餐廳嘅時候，裝修簡單有格調，氣氛好舒服，幾適合一家人或者朋友聚餐。頭盤係牛油果·明太子·蝦肉·牛角包窩夫。呢個組合幾特別，牛角包窩夫外脆內軟，蝦肉好新鮮，加埋明太子醬嘅咸香味，入口清爽，唔會太重口味，幾適合鐘意淡口味嘅朋友。接住就係我最期待嘅黑松露·雜菌·忌廉·菲達芝士·扁意粉。黑松露嘅香氣好突出，雜菌同忌廉配埋一齊，味道豐富，意粉煮得啱啱好，配上菲達芝士嘅咸香，呢道菜真係成餐飯嘅亮點最後飲咗縣の白，一款清新嘅白葡萄酒，帶有淡淡嘅果香味，配住之前嘅意粉一齊食，幾完美。呢次午餐真係舒服又滿意，服務好到位，份量啱啱好，CP值好高，絕對會再回頭試下佢哋其他菜式！

猴頭菇鮮打羅勒香草醬手工大圓通粉✨呢間餐廳嘅意粉一直都喺水準中，呢份羅勒青醬意粉清香濃郁，仲帶住淡淡嘅蒜蓉味～圓通粉掛滿咗濃郁嘅醬汁，同猴頭菇一齊食口感非常豐富🤤最上面嘅菲達芝士係點睛之筆，既有羅勒嘅清新又有芝士嘅鹹香味～波隆納肉醬意大利闊麵配巴馬臣芝士✨每次嚟都必點嘅呢份意粉！！番茄味非常濃郁，而且肉碎嘅味道調和得啱啱好👍🏼上面仲灑上巴馬臣芝士，番茄味同奶香味嘅結合令成個口感好順滑～酸甜口嘅味道仲帶住一絲絲嘅胡椒香氣😍餐廳用嘅係意大利闊麵，唔係spaghetti幼麵，所以更加鎖汁！果然最經典都係最好食嘅🤩White coffee ☕️ White coffee飲落去口感香醇順口，奶香濃郁，同時仲保留咗咖啡嘅濃郁風味～飲一杯落去成個人都精神晒😂

前幾日同屋企人去咗西環嘅Classy Le Carre食晚餐，聽講呢間餐廳評價唔錯，價錢合理，環境都幾舒服，於係決定試下。大廚精選時令新鮮海魚柳係我哋嘅開胃菜，魚柳煎到金黃香脆，裏面依然保持住嫩滑，魚味唔會太重，啱啱好。加埋香茅忌廉泡沫，味道清新，入口伸有陣陣淡淡嘅香茅味，紫蘇籽嘅加入令口感豐富咗。猴頭菇配菲達芝士同鮮打羅勒香草醬嘅手工大圓通粉就係素食之選，猴頭菇口感好似肉類咁，菲達芝士嘅鹹香同羅勒香草醬真係好夾，手工圓通粉煮得啱啱好，夠彈牙有嚼勁，成碟食落清新又唔油膩，素食者應該會好鍾意😍特級厚切鵝肝就係成晚嘅大熱，鵝肝厚切到啱啱好，外脆內嫩，唔會太膩口無花果嘅甜味同黑醋草莓醬嘅酸甜味完全平衡咗鵝肝嘅油膩感，再配埋香滑嘅茴香同牛油軟包，整體味道好滿足🫶🏻最後試咗個黑松露迷你披薩作為小食，薄底披薩夠香脆，黑松露味濃但唔會擒晒其他味，呢個迷你披薩啱晒想輕鬆分享嘅人🤭呢餐每一道菜都好滿意，無論味道定擺盤都睇得出餐廳嘅用心，價錢亦唔算貴，絕對係會再嚟嘅餐廳之🥰

平時我同我女朋友都食中餐，好少食西餐。不過我女朋友其實幾鍾意食西餐。噚日約會嗰陣，我想俾個驚喜佢，中午就帶佢去食好嘢嘅西餐，咁就嚟咗呢間西餐餐廳。呢度嘅裝修風格都係走西方風。環境畀人一種好溫馨、舒服嘅感覺。我哋特別鍾意呢個白色搭配，簡單乾淨，等陣食飯會更加開心。我哋嗰陣一人點咗一份主食，我點咗法式早餐套餐。入面有好多睇落去好好味嘅嘢。我特別鍾意入面嘅【waffle】，酥脆，配埋上面嘅cream一齊食，超好味。佢嘅香腸同炸薯餅煮得啱啱好，口感一流。入面仲有蘑菇同炒蛋都好香好好食，cherry都好新鮮。我女朋友就點咗意大利麵，入面仲有三文魚魚蛋。佢超鍾意呢度嘅意大利麵，每吸一啖，都好有滿足感。麵沾上入面嘅醬料，非常好味，配埋時不時咬到嘅魚蛋，口感好豐富。最後我哋仲叫咗一杯Classy Blened，係佢哋自家特調嘅朱古力。好好飲，啱啱係我鍾意嘅味道，唔會太甜或者太苦。 食物都好唔錯，下次想放鬆食西餐嘅時候，可以再嚟呢間鋪。

今次又係西環搵食偽文青的我今日揀咗呢間法式Cafe🇫🇷法式鄉村鐵鑊早餐歐陸早餐一向偏向甜甜地，比起英式早餐更啱晒我口味😋🍫蘇可娜混拼配朱古力成日飲咖啡今日想轉轉口味，揀咗朱古力。因為我話唔想太甜，店員就推薦咗呢隻口味俾我，唔會甜到漏

之前就已經試過呢間嘅意大利餐，最鍾意就係呢間餐廳嘅裝修，寬敞敞亮～白色裝修同木調嘅餐枱俾人一種好舒服好放鬆嘅用餐體驗😌😌😌「香草青醬雜菌扁意粉」🍄‍🟫🍄‍🟫🍝呢道算係輕食意粉，味道簡直太好味！😍意粉嘅硬度軟硬適中，青醬嘅味道都好濃郁，充滿咗香草獨特嘅香氣～雜菌俾嘅都幾多，食落去香氣十足👍🏼成碟意粉嘅味道同層次都好豐富，好幸福🥰「九州福岡縣明太子三文魚籽扁意粉」 🐠🐠🍝呢道明太子意粉端上嚟就超吸引🤩食落好creamy，麵層仲有好多三文魚籽～味道香濃又有口感，餐廳仲特登用咗扁意粉更加掛汁😋😋😋意粉掛住滿滿嘅明太子，食入口奶香味十足，而且仲有一粒粒籽粒喺口裏面爆開嘅感覺，超正～

我舅父喺我細個嗰陣就好挑剔，食物只要有少少唔啱佢口味，佢可以成碟唔食，之前同事帶我嚟過呢度食嘢，我個人覺得真係好正，於是決定帶埋媽媽同舅父嚟食。呢度環境都幾啱帶屋企人嚟食lunch。我哋今次揀咗個午餐套餐嚟試吓。呢個紅醬雞扒烤得好脆，仲帶出咗油脂嘅香味，雞肉都好滑嫩，成個口感好正，點住芝士一齊食，味道更加濃郁！嗰個意粉都幾唔錯，舅父最滿意就係三文魚籽意粉龱三文魚籽好新鮮，帶有微微嘅甘甜，配住明太子嘅辣味，成個味道更有層次，令人胃口大開！而且意粉伸包裹住兩種食材嘅味道，食落好香濃美味！而我鍾意佢夠多汁！仲有牛角包窩夫都好脆，同雞扒一齊食，都算係幾特別，簡直係完美配搭！咖啡又拉花都幾靚～飲落去好濃郁～又唔會太甜！舅父覺得好食，下次帶埋舅母一齊過嚟🤣