CoCo壹番屋 (MegaBox)

營業中

休息中

第一次食Coco 咖喱飯係中學時候，果陣觀塘APM 仲有分店，一個月總會同朋友去一次。因為一般日式咖喱好少有辣度可以選擇，但e間日式咖喱竟然有辣度選擇，滿足曬鍾意食咖喱又鍾意食辣嘅我地 今次叫左個吉列豬扒奄列咖喱飯，3分辣，另外加左$25 轉左set，有沙律，野飲同雪糕，真系好抵。 奄列舖係飯上面，好香好滑，豬扒好鬆軟，配上有d辣度咖喱，成個味道好夾，而且佢d咖喱比得好多，岩曬好鍾意食多汁朋友。見飯檯擺住個香蜜醬，加落d咖喱到一齊食，蜜糖香甜同咖喱香辣mix埋一齊，會食到另外一個唔同感覺咖喱，真係好好味，下次大家真係要試下加落d咖喱到一齊試下

好耐冇食過咖哩，Lunch time就去左呢間平民化食咖哩嘅COCO!點左一個咖哩豬飯賣相不錯，豬扒好完整，感覺炸得脆卜卜。個咖哩汁果然冇令我失望，好creamy同好強烈嘅咖哩味而且係不辣嘅。塊豬扒煮得剛剛好，厚薄適中。而且都好大塊。滑蛋都煮得好好，有少少水狀，所以吾會好老。不過啲飯就吾係好夠食，如果大食嘅話，可以係落order紙寫：加多啲飯！呢個餐都不算好貴，平民價位，而且等位時間都不算好長，岩曬係附近返工嘅朋友。

個飯好快上 個雪糕等咗成快一粒鐘 就快夠鐘打卡 食嘅心情都冇啦 真係 用餐唔愉快 唔會再來 心情好差 曬我時間 明明講咗結果轉頭就唔記得 冇做生意啦 都唔知請來做咩嘅 前後不過一分鐘都可以咁快唔記得

香港好食既日式咖哩店真係十隻手指數得晒,講到價錢合理而又好食既,依間係首選上星期同朋友係尖沙咀行完街不約而同話要食,點知太晏巳經準備關門今星期想食既慾望仲未平息,最終去左megabox食,好彩有唔少就腳分店其實巳經唔記得第幾次食coco壹番,對比之下,尖沙咀好食過megabox不過都滿足到想食日式咖哩既胃口,我叫左吉列豬咖哩飯,咖哩揀左不辣甘甜既咖哩唔太夠咖哩,早知叫少辣,好彩同行朋友係少辣,可以痴佢d咖哩加$20仲可以加湯(洋蔥湯)/沙律/甜品(雪糕)/飲品, 洋蔥湯就一般,大家可以揀其他

一個平凡的下午，不想吃茶餐廳，就去了 Coco。Coco 似乎是最容易接觸到的日式咖哩飯餐廳，對我而言。今日叫了吉列豬扒蛋咖哩飯，標準辣。豬扒是可以的，份量也可以。蛋是好吃的，有蛋的飯添了生氣，當然希望有更多。標準辣道的咖哩對我來說是小小辣，味道也適中。但 Coco 最令我迷戀的，是那樽蜜糖，加在豬扒、咖哩汁、飯、蛋和吉列上，真的很令人着迷，味道提升、更加開胃。如果未試過，大家不妨先撈少少試一下。日式咖哩，總是帶着稚氣的感覺，卻又無法抗拒。

今日同朋友去megabox行街，咁啱想食咖哩，就去咗10樓間coco試下日式咖哩飯 晚市去到唔算太多人，有好多空枱，我哋好快就坐低咗落單 我叫咗個牛肉庵列咖哩飯，加咗個20蚊套餐（4選2），包嘢飲同餐湯 如果唔揀嘢飲同餐湯，都可以揀甜品或者沙律落單冇耐，麵豉湯就到 可惜麵豉湯配料唔多，得少量海帶，味道比較清淡，唔夠濃，唔太推薦喺套餐嘅時候點 嘢飲就普普通通冇特別 下次落單可能會揀嘢飲加甜品，因為甜品好似幾吸引牛肉庵列咖哩飯 ($74)飲完個湯，主菜就到 賣相唔錯，同menu見到嘅差唔多 咖哩我叫咗四分辣，因為我平時喺譚仔食開小辣到中辣 食落去辣度啱啱好 唔食開辣嗰個朋友就叫咗一分辣 佢都覺得啱啱好 揀辣度嘅時候可以參考下 咖哩味道唔錯 加埋滑滑又有蛋味嘅奄列同飯食都幾夾 牛肉有8舊左右，質感柔軟，都好食，但如果煮得入味d會更好 飯有200g，都夠飽肚 如果肚餓想食多d飯，就要揀其他飯， 因為庵列飯限定咗飯量只有200g最後賣單收加一，個人覺得價錢有啲貴 但有興趣都可以一試

今次嚟到一間日式咖哩餐廳叫 CoCo壹番屋見到餐牌覺得好豐富好多選擇👍但基於自己係比較鍾意食雞所以都係揀雞肉食🐥炆雞肉咖哩飯 $64首先咖哩飯一上檯見到咖哩汁好稀好似水狀咁 味道相對都唔係好濃 賣相唔太吸引除咗咖哩汁本身之外 仲有雞肉 無喇 雞肉一般 無異味 如果咖哩汁💬濃返少少 我覺得呢個餐完美更多炸雞球庵列咖哩飯 $74蛋加咖哩 真係好配咖哩汁相對上面嗰個結身少少但都係同樣問題 咖哩味唔太出而且無乜配料可以食到蛋 咖哩 飯 炸雞 無喇炸雞 可能儲放得有少少耐 有少少異味但整個餐而言 都係好食 份量就太少喇 我仲可以食多個餐下次再食真係要加份量先得扭紋薯條 $20當我見到呢款小食覺得幾得意所以叫嚟試下🍟 先唔講賣相 我覺得好好食實肉薯仔切成嘅扭紋薯條超厚肉 超有口感 超滿足薯仔炸過外表會乾身🤔再加返啲咖哩汁淋上面如果一大啖食落去嘅話口感十分滿足 炸得啱啱好可能餐廳嘅咖哩類型我唔太適合覺得差咗少少 份量方面真係要加大先夠🔍食物質素不過不失 可以再試扭紋薯條夠特別 夠出色 好吸引鍾意可以一試✨

Normally I go to Coco for my curry fix where you can choose almost any toppings with rice but this time I spotted curry ramen so decided to give it a go.I have not seen this offered at the other Coco branches nor advertised on their website.The curry broth was thick and viscous and it tastes really different to their usual curry base which is basically a sauce.It isn't spicy but still has that curry flavour which makes it a bowl of comforting ramen on a cold day. 

2018年嘅最後一日,為左避開人多擠迫既鬧市區就嚟到比較小人嘅九龍灣Megabox逛街，心思思想食咖哩飯,於是就去左CoCo食飯。同朋友各叫左鮮菇忌廉庵列咖喱飯同炸雞球庵列咖哩飯，再配多杯野飲同甜品，好鐘意佢d忌廉配埋咖哩食個口感好夾creamy連埋d 蘑菇一齊好好食，朋友share左舊炸雞比我，岩岩炸起好熱好幾juicy，甜品係我至愛嘅cookies and cream雪糕，又甜又香滑作為餐後嘅甜品令我份外滿足

又同同事去食飯lu 今次我哋行遠啲去咗MegaBox又諗起好耐冇食個咖喱 於是就入咗呢間Coco咖喱店見到個Menu原來有一個星期一至五先有既set lunch$58已經包咗個湯同埋嘢飲,其實性價比真係幾唔錯。所以我就叫左呢個啦個湯係海帶湯 其實飲落去冇乜味 只係有啲海帶加鹹鹹地嘅味等左一陣我個飯都嚟咗啦 有一塊忌廉薯餅 三舊炸魷魚圈 同埋一啲薯仔蘿蔔嘅咖喱 其實食落去都好滋味 咖喱加飯係一流嘅配搭所以我好快都食晒luu其實我覺得呢個超值set lunch 係值得推介㗎!!其他menu入邊嗰啲嘢都要加錢先至有湯同嘢飲, 詳情請看下面

平日嚟 Mega box 食 lunch 啲人多到插針都難！今日第一次响假日嚟 Mega box 睇戲食飯，人流少咗大半，啲食肆任揀任坐，簡直同平日係兩個世界！入到嚟Coco 壹番屋，佢係一間日式咖哩專門店，主打日式西餐。店內裝潢擺設似足日本百貨公司入面嘅西餐廳，環境舒適，適合一家大細同行！日式咖哩有幾個唔同辣度，由唔辣嘅甜咖哩至大辣（5辣）嘅咖哩。同印度咖哩相比，日式咖哩嘅味道層次會差少少，但佢勝在配合度高，可以配合到任何肉類，炸物，甚至淨食咖哩飯都好食！是日揀咗佢哋嘅皇牌炸豬扒，炸雞塊，紅酒燴牛肉試吓！炸豬扒咖喱奄列飯 - 係經典之作，吉列豬扒厚切超juicy ，外脆內嫰，配埋咖哩奄列飯，試問塵世間有邊個唔鍾意呢？炸雞塊咖喱飯 - 咖喱（4辣），咖哩辛辣刺激，配日式唐揚炸雞，嫰滑嘅奄列蛋皮稍為化解少少辣味，係咖哩版嘅“親子丼”。紅酒燴牛肉奄列飯 - 紅酒燴牛肉係傳統嘅日式西餐，紅酒汁配忌廉+燒汁，同樣可以加辣，紅酒味好淡，取而代之係好creamy 嘅醬汁，再配合薄薄嘅牛肉片，食得咖哩多想轉吓口味嘅話，就揀佢啦！如果想食沙律，餐湯，飲品，甜品嘅話，可以每款+$10 十分優惠！+$10

星期五 早收工去咗探外父，本來想請佢食飯，但係佢要追劇所以成家人自已去咗周邊嘅Mager Box 找 D 快靓正……平嘢吃。最後找咗food court 尾位嗰間 咖哩店因為星期五無吃午餐所以肚仔餓。佢餐牌簡單有圖畫加飯可以加到500g钣。富然適合本人。因為我係飯銿！'咖哩味可以選。我地選普通，個仔選甜。味道一般，但我覺得適合小朋友，夠甜。我叫餐我無跟沙律所以有D食完勁口乾。個小朋友吃完仲有雪榚。但是最好之處係多飯！可以喟飽我！簡單的一餐。结果三舊水埋單。

純粹想食咖哩，見到有午市特價餐，星期一至星期五，每日唔同。星期一係魷魚加雜菜，包一杯茶，同埋沙律/湯。因為有d唔舒服，想唔起可以問個侍應轉熱飲，就唯有話少冰....點知呢頭答應可以少冰，但送餐時一d冰都冇少到....咁唯有慢慢飲啦....但個侍應一d都唔比我慢......隔左一陣，食物嚟到，味道不過不失，但之後嘅服務就好有問題。我明白係午市繁忙時間，但我唔明點解未食完就迫人埋單走？個男侍應個態度真係好一般。連埋等餐，半個鐘都冇，覺唔覺得好過份？大前題係，我仲未食完！我唔清楚係唔係有守則要d侍應，唔理個客食完未，order時間後30分鐘內，就要打定張單比個客？煩請管理層留意是否應該未入嚟食之前就同個客講明「用餐時間有幾多分鐘」或者「幾點前要埋單」？

今日又嚟到megabox行街，順便同友人食埋晚飯先走。啱好見到coco壹番屋🍛竟然冇咩人排隊，又好耐冇食🍛，就一於係度解決晚餐啦🍴我地叫左個蜆肉蕃茄咖哩庵列飯同埋紅酒燴牛肉飯。咖哩係我最喜歡既日式咖哩味，配上蜆肉特別鮮美。而紅酒燴牛肉就覺得麻麻🤨唔夠咖哩好食，下次都係叫返佢既招牌咖哩庵列系列算🤓將咖哩淋上庵列既表面，再配上啲蜆肉，連埋飯一口食落去特別滿足可惜既係餐廳內用餐既人明明唔算多，但我地依然等左好耐先等到我地個餐，仲要連水都冇杯飲下，服務方面可以再好啲

This restaurant is everywhere in Hong Kong, so we never have the intention to give it a try. However since we have to find a restaurant to have dinner first before gym, we picked this place. (We decided to try all the restaurants in the mega box food court!) we ordered the omelette Ketsu pork curry and it was very delicious, price is reasonable, curry was up to standard and the egg was runny too! We also ordered a friend platter with squid, fries and chicken. That was tasty too, after this meal.