Cocolo Tokyo Cake Factory (利東街)

營業中

休息中

今次行過一間裝潢雅致嘅日式甜品店，真係過癮到！先講講呢個青森蘋果批🍎，啖啖蘋果嘅甜脆味覺，配上酥脆得嚟又唔會太油嘅皮，食落去真係有種「口齒留香」嘅感覺，蘋果夾心啖啖都係肉感，同埋間中夾雜埋嗰層蛋香濃郁嘅吉士，食完之後唔單止滿足，仲想即刻再嚟番個！有種「廿四味」嘅豐富層次，食晒一件都唔會覺得膩。再嚟嗰個特濃雙層朱古力蛋糕🍰，我就真係要讚下！舖頭話係佢哋嘅招牌，想唔到真係咁得！充滿濃郁取消層次嘅朱古力，滑溜溜嘅口感，蛋糕入口即溶，食完之後咁滑坦，完全唔會黏膩。同啲美式朱古力蛋糕比起嚟，依個日系嘅真係輕柔好多，每一啖都係享受。簡單嚟講，呢間店嘅甜品係「入到口，甜到心」，正到無可厚非，下次有時間，一定會再去幫襯，試吓其他款式嘅甜品！真係過癮到不得了👍！

行過，見到蘋果批買一送一毫無考慮，就買咗個試吓，蘋果批外脆內軟，牛油味香，而蘋果蓉甜而清新有一種以想不到嘅驚喜係一個好好嘅下午茶選擇喺屋企，仲可以DIY加埋雲呢拿雪糕😇

🇯🇵日本直送｜清森蘋果批🍏經過見到，母親節做緊所有食品買一送一優惠💕即刻入去買返兩件試吓🤤當日做緊優惠，好多人排隊，但等待過程都好快🤍店員推介店舖signature蘋果批，當然要一試❣️另外仲揀左3款蛋糕 - Tiramisu, Cold Chocolate, Soufflé Cheese🍏清森蘋果批平時都唔太好蘋果批，但呢款真心好好食，個皮好脆好鬆軟蘋果醬個味都好好，酸酸甜甜💕大推🎂蛋糕口味好多選擇！🍰 唔太甜，做得唔錯

🔸青森蘋果批 ($38) 😋3.5/5觀望了利東街這家很久了，一直沒有試的借口，適逢星期天跟朋友經過此店，而對方又想試，又剛好有優惠，買2件以上有7折，買4送1，就買下了2件與朋友一同分享。回到家中，蘋果批已冷。一咬下去，外皮仍然鬆脆可口，我感到十分驚喜，立即急不及待再咬一口，想試到蘋果批的重點：蘋果蓉餡料是由吉士醬和蘋果蓉所做成的，吉士醬和蘋果蓉配搭得非常好，令口感更加好，層次亦非常鮮明，沒料到即使變冷了仍然不錯。不過之前吃過剛出爐在SOGO的RAPL，感覺更香甜吸引。下次再經過時會再試這家，試試其他鹹批甜批，又試試翻熱後的味道，與朋友分享。

食完飯口痕想食甜野，去咗灣仔囍匯地下街既Cocolo，想買青森蘋果批，之前西貢食過覺得好食😋。有一個店員，sell我買凍餅中間嗰層特價$120四件（原價$33）睇完凍餅唔係太吸引睇番批，有優惠買4個批送1個青森蘋果批🍎睇緊買4個定1個好既時候，睇番表夠鐘返工就冇賣走咗了

午餐後見到忍唔住買兩件黎做一陣間既下午茶叫左個青森蘋果批首先，個酥皮好鬆化，好多層薄薄既酥皮組成，好香脆內裹係好清甜既蘋果蓉，唔會甜到膩，做得唔錯，而且有粒粒蘋果，有口感！呢個一鬆一軟既配搭好好！另外叫左個榛子摩卡蛋糕朱古力蛋糕好鬆軟，唔會太甜，夾住啲一層層cream食好正。而個cream好creamy，好香咖啡同榛子味，各有特色，唔會蓋過晒，甜甜地，唔錯！一日食左兩件都有啲罪惡感，但間中冰下自己都好重要！

As recommended by my friend, I tried apple pie from this shop.The apple pie is yummy. The sour sweet apple filling complements well with the buttery pastry. The size is just right to satisfy your craving for dessert but not making you worry about calorie intake. Worth trying this pie from Japan.Milk tea short cake is creamy and light. It goes well with a plain tea.

每次經過這間分店都聞到好香😍今次既蘋果批係同事請的 所以我不知道價錢 (印象中好像大概$33個🤔？)佢個酥皮真係做得唔錯 好厚好酥脆 面頭搽左層糖漿😬可能酥皮太搶戲 顯得個餡料比較少 但食得出青蘋果嘅甜酸味🍏👍🏻其實味道不錯 都幾大個 但性價比不算高

⊶青深蘋果批 $35👍🏻 所有食材都百分百日本直送、全日本人手製造 運送到香港店舖新鮮局製 而且無添加 質素相當有保證 攞上手蘋果批仲係暖暖的 咬一啖 酥皮好酥脆 層層分明 粒粒蘋果果肉加上吉士醬 味道清甜 好有口感 食唒成個都唔會覺得膩 下次試埋其他小食😻 想試法式波菜西酥！⬧︎⧫︎ Cocolo Tokyo Cake Factory (利東街) ⧫︎⬧︎灣仔皇后大道東200號利東街地庫1樓B36號舖味道🌕🌕🌕🌕🌑環境🌕🌕🌗🌑🌑服務🌕🌕🌕🌕🌑

熱愛大自然的我，很向往日本青森，因為青森出產萍果🍏等北方水果，看到旅遊節日介紹的青森果園，青紅嫩綠，果實纍纍，恨不得馬上飛往青森，遊覽無邊果園 ，欣賞掛滿萍果的樹林，親自摘下飽滿熟透的青森萍果，品嘗鮮香甜美的收成。😋😋😋😋😋疫情關係不能自由飛去摘萍果 🍎 ，但有日本直送的萍果批，給為食的人解饞。灣仔利東街商場地庫，有間非常吸引的餅店，專賣日本高級糕餅，青森萍果批就是最吸睛👀。難得見到，肯定不輕易放過，餅櫃中的糕點玲瓏精致，明明剛食完晏，卻是食慾高漲，想要這個那個，三心兩意，選擇困難症，最後揀左萍果批和栗子批，都是青森特產，日本🇯🇵直送，店員小心包裝，回到家還是完美形象 ，靚仔兩個。青森蘋果🍎🍏批：酥皮鬆脆不膩，青蘋果🍏吉士醬帶有一點點的青蘋果🍏酸味，味道清新。栗子蓉批🌰🌰🌰：栗子蓉味道香濃、而且不太甜，批底是一片薄蛋糕，加上批心的吉吉醬，入口軟綿。兩個都是餅中佳作，下次再試其他。💪💪

次次行過都好想試cocolo嘅蘋果批，今次終於搵到時機試喇🤣🤣 因為約咗屋企人食late lunch，可以先買個蘋果批墊墊肚，一場嚟到亦都買埋件凍餅返家俾男友試～最初以為呢度嘅蘋果批會好似chateraise咁常溫，點知拎上手暖笠笠～～～即刻加咗好多分，一咬落去個酥皮好有層次，之後就食到啖啖果肉，好清甜呀～感覺大部分甜味都係蘋果本身，好天然，推介～～～～凍餅猶豫咗好耐，最終喺幾款蒙布朗之中揀咗抹茶味，口感幼滑，一啖咬落去仲同時食到蛋糕同忌廉，細細件但好滿足～不過可能蒙布朗都係法式甜品，甜度會比青森蘋果批高，揀嘅時候可以留意返～～另外值得一提店家準備咗好多唔同尺寸嘅蛋糕盒，就算一件都會包得好靚咁俾你，唔會好似連鎖餅店搵個膠袋笠住就算，啱晒剩係想takeaway一兩件返屋企嘅客人～

利東街多餐廳，平時經過都見到，而連住地鐵站嘅Lee Tung Avenue入面，有間嚟自日本嘅Cocolo Tokyo Cake Factory，經過就會聞到新鮮出爐嘅烘焙香味。青森蘋果批 $35日本直送，標榜全人手製作，件件外表都獨一無異。青森蘋果味特別香，酥脆外層，入面有微甜嘅吉士醬，包住清甜青森蘋果粒粒，份量啱啱好，食完完全唔會覺得油膩，反而有份幸福感。疏乎厘芝士蛋糕 $30棉密嘅質感，淡淡芝士味，蛋香較重。

放工想食啲甜品，見到利東街有間蛋糕甜品舖，門口仲貼咗張poster寫住青森蘋果批。望住個熱櫃同凍櫃，我地諗都唔諗就叫咗signature 既青森蘋果批，原本諗住試下Tiramisu蛋糕，但見到有朱古力蛋糕，最終都係揀咗最鍾意食既朱古力蛋糕，唯有下次先試Tramisu蛋糕。青森蘋果批 $35蘋果批咬落去鬆脆唔太油，因為擺咗喺熱櫃，所以食既時候仲暖暖地，食到少少流心蘋果蓉嘅感覺。朱古力蛋糕 $30見到凍櫃得返一件朱古力蛋糕就即刻叫咗，朱古力醬再加上朱古力mousse，朱古力既口感好豐富，每一啖都食到唔同朱古力既味道，好rich，而且每一啖都食到溶化緊既朱古力。

次次途徑利東街地庫都會飄嚟一陣香噴噴嘅烘焙香氣，cocolo 店面簡潔乾淨以白色同綠色為主調，既清新又文青，令人總會想停下腳步👣店內主打日本直送全人手製作嘅青森蘋果批，但甫一進店就見到除咗蘋果批之外仲有好多款唔同嘅熱批，有鹹有甜，另一邊嘅凍櫃仲有多款切餅同macaroon 等等青森蘋果批大大件成個拳頭👊咗大個，千層酥皮真係嚇你一跳，千層酥中嘅空氣感更添鬆化酥脆感，內餡青森蘋果醬完全無其他添加，完完全全係新鮮果肉為基底，加上甜而不膩嘅吉士醬，香甜又清新。日本Tiramisu 蛋糕🍰哩個Tiramisu 有別於一般典型嘅蛋糕，以咖啡朱古力海綿蛋糕取代lady fingers ，加上剛好嘅鮮奶油再灑上朱古力粉，甜度唔算太高😋

📍Cocolo - 灣仔今日天氣好熱又好曬☀️諗住沿灣仔站B出口去利東街搵食！經過呢間鋪頭嗅到好香，原來岩岩新鮮出爐吸引咗我個胃口🤣事不宜遲即刻排隊買返個開開胃先😋青森蘋果批 $35/件排長龍真係有原因嘅🤤蘋果批新鮮出爐果然好味道👍🏻酥皮鬆脆不帶油膩感！餡料十足滿滿蘋果蓉，仲有果肉增加口感豐富食慾！甜度適中而且蘋果味重，酸酸甜甜幾好味！吉士醬同蘋果蓉互相配合，兩者取得平衡唔會奪走彼此嘅味道📈提高成個蘋果批嘅質素！焦糖堅果奶油蛋糕 $30/件香濃焦糖味遇上奶油蛋糕味道好夾😋粒粒堅果豐富口感！一層蛋糕一層焦糖奶油奏出一個美味樂譜，我覺得嘆埋飲咖啡一定會係個好chill既下午茶🤤T-able指數：3.6/5