Coffee Break (鴻輝大廈)

營業中

休息中

位於旺角女人街，位置不顯眼，但燈光及色調柔和，具現代化的裝修風格。而且價錢吸引，客人不多，所以一試。點了兩客晚餐，分別選了餐湯和沙律作前菜。沙律擺盤精緻，青瓜卷得整齊，生菜爽脆。餐湯是南瓜湯，內裡有脆身的鹹火腿，在微甜的熱湯突出了鹹香，令味道更有層次。主菜分別是酥炸雞球蕃茄燴意大利飯及溫泉蛋卡邦尼意粉。前者有多件炸雞，鬆脆可口，雞肉嫰滑。意大利飯夾雜了蕃茄和菇粒，清甜美味。後者溫泉蛋滑溜，煙肉及菇粒份量極多，賣相吸引。食物質素極佳，而價錢只是每人$110，這性價比令人喜出望外。服務方面，招呼周到，使人滿意。

今日黎到旺角覓食，見到呢間coffee shop 有下午茶就走入去試😆QR code 落單，方便快捷～ 🐔墨西哥辣椒牛油果雞肉芝士熱卷配薯條～ 薯條脆卜卜好好食，墨西哥辣椒，果然名不虛傳，食落都真係幾辣🌶️～ 唔食得辣嘅朋友就唔建議你哋啦～ 個卷雞肉份量多，但略為乾身，多番少少汁會好啲～😕服務真係有待改善，侍應嘅態度好似唔耐煩咁，令人感覺唔夠友善

巴斯克芝士蛋糕~其焦黑的外層和柔滑的内部令我陶醉其中。它的特点是高级奶酪與鷄蛋、糖和奶油的混合。巴斯克風格的焦糖化外莞增加了一層復雜的甜味和炭烤的香氣，同时内部則是豐富而絲滑的口感。甜而不膩推薦😆👍🏻👍🏻卡邦尼意粉用簡單却優質的食材：意大利面、培根、鷄蛋、奶酪和黑胡椒。热意粉和培根的油脂会与打散的鸡蛋和奶酪混合，形成一种奶油状的酱汁。完美搭配令我食得津津有味總體而言，這兩道菜品各有千秋，巴斯克芝士蛋糕甜而不腻，而卡邦尼意粉則是終典的咸香主食，给人帶來满足的美味體驗。----📍Coffee BreakTung Choi Street (Ladies' Market), Mong Kok--

路過諗住試下lunch 點知仲大伏叫左封門牛柳套餐上到枱係咁嘅樣（如圖)唔講以為係動物嘅排泄物 完全覺得個廚師係冇靈魂咁整個女店員serve 完呢碟野上枱後 不斷向後望我哋嘅反應（佢自己都覺得有問題??) 隔籬嗰台都係嗌同一樣野 但見到佢地嘅賣相係完全唔同完全唔明 點解廚師或者侍應見到食物係呢個樣 都夠膽serve 出嚟俾個客食除咗食物賣相有問題 食落個牛勁騷 又乾 明顯係overcooked 即刻反映咗俾店員聽 一句唔好意思就算 完全冇follow up 真係嗱嗱臨俾錢走就算 其實個客俾錢黎食野 可唔可以尊重吓食物？尊重吓客人？與其俾咁多錢做廣告 不如比心機做好食物質素大家行過路過記得避開唔好中伏

之前經過見到成日有人排 所以今日難得tea time經過無人排就入左去試一試叫左牛油果煙三文魚卷餅同一杯焦糖咖啡本身想嗌另外一款食物但因為沙律得黑醋，所以無叫，點知卷餅又有沙律😂問過職員會唔會有另外一種dressing但餐廳得黑醋同埋沙律醬，所以我最後都無食到。（PS我唔食黑醋）牛油果煙三文魚卷餅味道正常材料都好足～比我想像中大份焦糖咖啡會覺得比較淡身咖啡味唔夠突出 餐廳環境會有韓國明星（我誤打誤撞入左黎😂）一人餐$97

今次朝早去完複診，晏晝勁多時間行到旺角，但又唔知去邊！見肚餓就提早食嘢，門面見到呢間新淨同埋細餐咖啡好啱口味多數都鍾意西餐餐廳，可以飲到咖啡嘆件甜品！入邊座位同地方都幾大！坐低咗感覺幾舒服，裝修亦都好靚有時代感亦有少少草原感覺，入去嘅時候六點前。。。但食到咁上下，過咗6:30之後就好多人！所以溫馨提示，如果想舒舒服服嘆杯咖啡食件餅，最好六點半前入去！想讚佢個西冷扒超級好食。，如果嗌咗甜品有雪糕熱食嘅最好食咗雪糕再食佢個鬆餅！正👍🏼

食過4 5次 啲食物水準都可以唔一樣 叫個辣油太陽蛋牛油果sourdough 個牛油果都可以任佢整每次吾一樣。但有一樣野每次都一樣就係杯野飲就算你冇叫後上都係係你食晒啲嘢仲要等好耐先上到俾你。越整越垃圾。禮拜六日千祈唔好去食 啲嘢食係完全hea你

幫朋友慶祝生日訂咗枱，當日到餐廳職員話 搵唔到我資料，結果企係到當walk in企左15分鐘入位，同時叫職員幫手雪住蛋糕食物方面都麻麻，食過此店幾次，轉左好多人牛肉好實，好難咬開，加埋杯飲品 都$210蚊..意粉叫做OK既，起碼個意粉係淋，唔會好硬服務就真係唔掂，職員都好hea，一問一答態度好差，冇野做玩下手機，係到傾計💬叫職員上蛋糕，又唔俾埋碟叉...唔知想點食...舉手幾次都冇人理...幫朋友慶祝，都尷尬....真係唔想再幫襯........

嚟之前見openrice 評價幾好就諗住嚟，同埋咁啱有 blackpink應援所以就嚟咗。一入到嚟感覺嘛嘛哋，環境衛生好似唔係太好。等野食嗰陣見到幾隻小強同烏蠅周圍飛。嗌完野食之後等咗好耐先有嘢食。總共嗌咗三個set，2:45左右嗌完，3:20都未上（嘢飲都冇）。第一樣嚟嘅係意粉，個樣勁核突（冇影相），pat醬就咁達喺度。啲意粉乾爭爭，撈完仲難食。成碟野又乾又淡，啲蟹肉又細又臭臭哋好唔開胃。過咗勁耐先上個blackpink炸雞，得兩個雞髀，又油淋淋咁，啲醬令到個雞皮淋晒，唔新鮮唔好食。啲嘢就食晒先上嘢飲咁我嗌嚟做咩😓。杯熱朱古力一啲都唔熱，又有少少倒瀉咗，飲都尾發現啲朱古力都未融晒。杯檸檬水就中規中矩冇乜特別。又等咗一陣（好耐）嚿cake先上，見到好失望，$78得咁細嚿就算有嘢飲都唔係咁啦。但係啲味道算係咁多樣嘢入面最入得口嘅嘢😓。就走嗰陣先上返杯嘢飲，杯凍朱古力啲冰唔知點解一嚟就用晒，令成杯嘢水水哋，唔好飲。overall可以話呢間嘢係勁overrated，食完好失望，呢餐tea好唔抵食。原本埋單以為冇服務費（張online單話上面個金額就係埋單個數）就算係接受到，點知佢收+1，咁嘅

旺角地段今時今日要搵一間 cafe 不易蕃茄羅勒水牛芝士佛卡夏薄餅(餐)咖啡沙冰 走忌廉 少甜薄餅有驚喜一般薄餅都會覺得係圓、厚底 or 薄底上桌個刻有點差異點解上左份多士俾我地味道都好驚喜濃濃的🍅🍅蕃茄味🍅🍅又吾會蓋過芝士的味道兩者夾得剛剛好☕️🍧咖啡沙冰少甜都係太甜🥲炸薯條 配黑松露醬(餐)凍摩卡咖啡 薯條就一般摩卡睇得出花點小心機

下午叫咗個套餐 ，有和牛漢堡同草莓冰， 和牛漢堡嚟到嗰陣時已經聞到個焦香味好正 ，食落加埋薯條好有份量 ，難得小店都有咁有水準。 個乳酪草莓冰因為揀咗少冰， 所以唔係好夠凍 ，但個味道都其實係濃， 夠曬材料。 總括來講性價比高 ，如果個冷氣大啲更好。

Coffee Break (鴻輝大廈) (旺角)羅馬生菜配煙三文魚：份量正常🫢😻外觀打卡都唔錯！生菜🥬好清爽同煙三文魚🍣好夾做前菜好開胃龍蝦汁海蝦忌廉意大利粉麵既份量兩個人岩岩好，軟硬度正常入口配埋個汁係完全夾到😋🤤仲有3隻蝦做配搭又彈口牙爽口🙈🤤莓乳酪乳酪味道夾埋雜莓真係好夾🤣好飲到停唔到口同埋勁多雜莓夠晒大份量又夠料地點：旺角通菜街2Q-2Z號鴻輝大廈地下4號舖🔸味道：8.5/10🔸環境服務：9/10🔸推薦：8.5/10

ℂ𝕠𝕗𝕗𝕖𝕖 𝔹𝕣𝕖𝕒𝕜間中都會去這間cafe，今次光顧時並不多人，覺得比較奇怪，不過後來越來越多人入來。去這店通常吃意大利飯，不過今次吃意粉。意粉的汁味道不錯。綠茶鮮奶味道和質感一般。

Sounds crazy but have been going there three nights in row with friends. Not to mention their excellent service. The food is super yummy. So glad i found this place as every dish is superb! Love their set of 4 and its surely enough for 6 people. I am not a pizza person but i fell in love with theirs. Hurry to make your booking now.

俾個裝修吸引咗，點知中咗伏🤪個薯條真係好    貴，$58 得半杯。嗰杯朱古力真係淡茂茂，連鎖嗰啲都會好味過佢，咁我仲點解要嚟呢間小店幫襯？我最早坐低，薯條就比隔離幾張枱全部攞晒。要吹 waitress 先至記得去整👎。我成日覺得冇服務同埋貴都唔緊要，你整得好食你就威晒。呢間乜條件都冇，你夠勇敢帶朋友嚟食嘢嘅話就要帶定支凡士林呢個地段我食過最好嘅係登打士街嘅漢堡，漢堡包薯條同埋炸芝士都係好食，雖然坐得唔舒服，但係好食就得啦