Coffee Break (鴻輝大廈)

營業中

休息中

俾個裝修吸引咗，點知中咗伏🤪個薯條真係好    貴，$58 得半杯。嗰杯朱古力真係淡茂茂，連鎖嗰啲都會好味過佢，咁我仲點解要嚟呢間小店幫襯？我最早坐低，薯條就比隔離幾張枱全部攞晒。要吹 waitress 先至記得去整👎。我成日覺得冇服務同埋貴都唔緊要，你整得好食你就威晒。呢間乜條件都冇，你夠勇敢帶朋友嚟食嘢嘅話就要帶定支凡士林呢個地段我食過最好嘅係登打士街嘅漢堡，漢堡包薯條同埋炸芝士都係好食，雖然坐得唔舒服，但係好食就得啦

一間位處旺角，靜中帶旺，環境舒服，不會密密麻麻。有足夠的空間讓客人有各自的小天地。到場已下午2:00，仲有不少客人。服務員安排好位置給我們，給我們QR code去點餐，仲有實體餐牌，體貼。朋友點了牛肉漢堡配著條，仲有咖啡。牛肉係安格斯，所以特別有肉味，當中有蕃茄蔬菜，十分相襯。我就選了魚塊配蔬菜，仲加了伯爵茶。魚塊超大，仲有兩塊，一定飽，仲可以減少澱粉質，good choice #芝士安格斯牛，好味#薯條超多食唔哂#白汁魚好味大件#蔬菜超多

位於旺角鬧市嘅Cafe-Coffee Break☕️環境寬敞,裝修設計簡約舒適☺️提供一系列嘅輕食、意粉、主食、甜品及咖啡,有好多選擇🤩啱晒同朋友傾計聚會🥳今次我同朋友試咗二人晚餐,有前菜、湯、主菜、飯或意粉、甜品同飲品,都只係三百幾蚊,好抵食👍🏻意大利火腿拼凍肉拼盤前菜揀咗意大利火腿拼凍肉拼盤,排得好靚😍意大利火腿煙燻味重,肉質柔軟、甘甜芳香同味道細緻😚凍肉火腿味道濃烈柔軟,充滿鹹香味👍🏻拼盤仲會跟埋沙律同麵包🥗🥖香煎美國安格斯肉眼扒主菜可以揀羊架、黑毛豬或者肉眼,我揀咗安格斯肉眼扒🥩大大件非常厚切🤩牛肉味香濃,肉質軟腍😝肉汁豐富💦另外配埋炒雜菜,有西蘭花、椰菜花、薯仔、紅蘿蔔等等🥦🥔🥕松子仁青醬帶子意粉另一款主菜可以選擇餐牌內任何意粉或意大利燴飯,亦可加錢升級轉扒類🥩我揀咗松子仁青醬帶子意粉🍝青醬有獨特嘅馥郁香氣,用蔬菜製成嘅醬汁,味道濃郁清新🌿帶子鮮甜,意粉充滿青醬嘅味道,口感彈牙😛楓糖千層蛋糕餐甜品係楓糖千層蛋糕🍰口感有啲似拿破崙, 甜甜地散發淡淡楓糖香氣🍯上面有一層好結實嘅cream☁️口感層次豐富😛飲品方面選擇好多,我地叫咗水蜜桃果粒茶同藍莓果粒茶🫖水蜜桃甜甜地🍑而藍莓就酸酸甜甜

尋晚平安夜，諗住早少少六點幾七點食晚飯先。諗住唔使阻人做生意，又唔使咁迫咁趕。行晒成條女人街兩邊食肆，結果停咗喺呢間門口，望咗陣餐牌。見到門面同啲相都幾好。咁就入咗呢間門面唔錯，但係就伏到不得了嘅餐廳。入到去坐低後，就比咗個餐牌我，仲話比我聽有乜嘢餐湯同甜品。點餐用qr code我都覺得無乜問題，我睇完都係點個二人餐，前菜就點煙三文魚配羅馬菜沙律，主菜就點咗個黑松露菌配什菌意大利飯，另一個係黑毛豬朳啦，飲品就加錢轉特飲，仲有得揀即起或者後起，我覺得又幾好吖。我點黑毛豬嘅時候，仲有得比我揀八成熟或者全熟。始終係豬肉，我都係揀返全熟。點完餐無幾分鐘，就有個女仔攞住兩個湯出嚟。最得意嘅，係個女仔唔知點解，放湯嘅時候條腰係伸唔直。唔知係佢隻手無力到攞唔起碗湯，定碗湯重到佢單手都好難攞住。佢放碗湯落枱時，條腰係九十度咁。我望住佢啲頭髮，就嚟hi到我碗湯。我見無事，都唔理佢啦！(但係做一間門面高級嘅侍應，點解唔係扎起啲頭髮，而係啲前陰可以咁樣褸褸幽幽。)一飲啖湯真係有驚喜，真心唔難飲嘅，但係就凍嘅。飲完個湯，未收碟就上沙律。都無所謂啦，個沙律一落枱，就嚟第二個驚喜。半棵羅馬菜切都無切，放幾塊煙三文

放工又走到旺角，晚餐就任意在女人街選了間餐廳解決！但想不到有意外驚喜。Coffee Break就在女人街街尾近家樂坊方向，鋪位好寬敞，座位亦好闊落，除了是Cafe晚上亦供應西餐！我地就選了dinner set for 2，價錢不過$368。前菜3選1，白酒番茄青口配香草包，青口肥美，一旁的麵包烤得香脆，點番茄醬汁好好食，被秒清了。餐湯是薯仔湯，味道不算好濃，但食野之前暖一下胃，都不錯。餐飲我們只點了擰茶及檸水，如果點其他飲品可補回差價即可。龍蝦汁海蝦忌廉意粉份量好足，蝦肉有很多粒，意粉口亦軟硬適中，雖然龍蝦汁味比較淡，但無損其可口。意粉入面仲有不少蘑菇，食落更加有口感。美國安格斯肉眼扒扒的大小有良心，大大塊，而且兩邊煎得甘香，邊位食落有少少微焦。三成熟亦做得剛好，呢塊扒真係抵食!!!一旁的伴菜都好食。甜品是自家製的Tiramisu，細細件都幾好食。呢個二人餐真心抵，因為塊扒唔使加錢食到，真係超值，又有大大碟意粉。加上環境寬敞又好坐，絕對值得支持的小店。

準備放大假，心情份外放鬆，在旺角配完眼鏡後，找到一家咖啡餐廳歇一下。二人餐比較經濟，有選擇困難的我們直接揀了幾樣做晚餐。南瓜湯碟子不錯看，香氣撲鼻，湯濃稠，口感香滑，有少許香草蒜包在內，調味對版，南瓜🎃味甜，喝完已有點飽。烤羅馬生菜配煙三文魚沙律菜蠻清爽，三文魚添了不少咸鮮味道，柔軟實在。羅馬生菜🥬碧翠，另灑上煙肉脆和芝士片、烤包粒跟流心溏心旦，滋味豐富又清新，略嫌不夠吃。香煎美國安格斯肉眼扒一上桌已有香味，煎得剛剛好五成熟，達致外脆內軟，肉質細嫩，牛味頗濃，份量足。旁邊的配菜顏色好看，簡單的調味，煮得已很味美滿足。松子仁青醬帶子意大利粉口味正宗，意粉彈牙非常，是即叫即做。松子散發著獨特的氣味，令意粉充滿果仁香。青醬的綠不只使賣相要好，還完全掛在意粉上，均勻濃郁，還加了洋蔥🧅蘑菇，帶子煎封得恰到好處，厚身鮮味，加上少少芝士碎，增了幾分咸香，如果帶子多兩件會更滿足😽一人吃畢甚飽肚。雜莓乳酪大大杯，酸甜解濟，是益力多的酸，帶微莓香。檸水正常😹解膩不增磅👐🏻食後感：菜式再吸引，環境再舒服，食飯的對象也最為重要。

二人餐價格相當合理，而且餐單上的選擇非常豐富美味！烤羅馬生菜配煙三文魚：烤羅馬生菜的清爽和煙熏三文魚的豐富口感，打開胃的味蕾。香煎美國安格斯肉眼扒：安格斯牛肉具有出色的質地和口感。香煎的方式能夠保留肉質的鮮嫩和多汁，並帶來美味的烤肉香氣。龍蝦汁海蝦意粉：意粉使用龍蝦汁來增添豐富的海鮮風味，搭配新鮮的海蝦。龍蝦汁通常帶有濃郁的鮮味，並能夠將整道菜提升到另一個層次。意粉的質地應該柔軟彈牙，與龍蝦汁和海蝦完美融合。Tiramisu：這款經典的意大利甜品以層層的蛋糕、咖啡和香甜的驚喜組成。具有濃郁的咖啡和可可的香氣，搭配柔軟的蛋糕和絲滑的奶油。這道甜品應該能夠為您的餐點劃上完美的句號。熱抹荼latte：抹茶的濃烈香氣和咖啡的濃郁口味相互融合，為您提供一種獨特而美味的咖啡體驗。

踏入12月，聖誕氣氛漸厚，老公話食番餐西式菜。揀咗黎旺角呢間想試好耐嘅餐廳，我哋點了個2人餐，有齊湯、前菜、2款自選主菜，甜品同餐飲。精選餐湯 選了椰菜花湯，飲落味道口感都幾香滑。白酒蕃茄青口配香草包個蕃茄醬真係好濃郁，白酒帶出青口鮮味，食落爽口，一齊食好入味，d醬用來配外脆內軟的香草包好滋味。香煎美國安格斯肉眼扒五成熟，厚切牛扒切開係粉嫩粉紅色，賣相吸引，食落肉質鮮嫩，外面煎香鎖住肉入面d肉汁，口感嫩滑又有牛味，配埋香草牛油，唔錯。龍蝦汁海蝦意粉主要係個汁整得好鮮甜creamy，令d海蝦食落零舍鮮味，再加上海蝦爽口，意粉掛汁, 份量適中，唔會太滯。甜品 甜品係Tiramisu, 正常發揮，大大件，都幾香滑。最後飲埋杯熱檸水，好滿足。呢個二人餐價錢親民，性價比很不錯。

Coffe Break 以咖啡為主打賣點，其實其食物都一樣不失於咖啡之下。以大眾化價錢，以食物質素來吸引食客，不止是年青人之地，年長一族都一樣成為入座客，確實有其取勝道理。******************************Coffe Break 位放旺角女人街旁邊的食店，眾所周知附近食店眾多，能吸引到食客入座並不容易。Coffe Break 座位不少，座位寬敞，餐廳還播放著音樂，所以能吸引不同食客入座。餐牌食物以扒或意粉飯為主，再配小食沙律甜品等，還有2人或4人Set dinner， dinner set包前菜、餐湯、主食、甜品和餐飲，餐飲包指定金額飲品，只需補差價就可以了選其他飲品，都相當實惠，所以就決定2人餐 HKD368。意大利火腿拼凍肉拼盤，前菜小食3選1，除了火腿凍肉拼盤，還有青口和煙三文魚沙律選擇。除了火腿和凍肉還有沙律和香草包，份量十足。意大利火腿咸香味不錯，簡單伴意大利黑醋沙律在脆口香草包而吃，風味不錯。凍肉有2款肉，也一樣美味。餐湯，南瓜忌廉湯，口感滑溜帶清甜南瓜味。菠菜煙三文魚忌廉汁，主餐牌任選意粉或飯可自選一款，意粉口感都不錯，忌廉汁配上煙三文魚味道剛剛

今晚帶外國朋友去行旺角女人街，行到盡頭，收穫豐富，買完東西再坐低食個燭光晚餐。看見 Coffee Break 門口有侍應熱情招待，一於試吓水準。餐廳空間感寬敞，環境充滿情調，氣氛很好，情侶或者朋友可以舒服傾計，晚飯時間都好full，最好先訂位。晚市提供 二人/四人套餐，有齊餐湯、前菜、扒類主菜、意粉/意大利飯、飲品及甜品，性價比極高，食物質素也很好。餐湯點好餐後首先來精選餐湯，口感細緻，綿密中帶有濃郁香味，蒜蓉包粒粒增添了口感。白酒蕃茄青口 配香草包前菜我們白酒蕃茄青口，酸甜蕃茄醬汁非常開胃，青口好大隻，飽滿且口感軟滑，食得出海鮮的鮮味。配香草包，外脆內軟，一起吃更有層次感。龍蝦汁海蝦忌廉意粉主食有意粉，份量二人分享也很足夠，龍蝦汁味道濃厚，海蝦大大隻爽口彈牙，仍然保持住鮮味。至於意粉則煮得軟硬適中，跟忌廉汁配合得宜。美國安格斯肉眼扒 配炒雜菜主菜揀選了香煎牛扒，用上美國安格斯肉眼扒，好似塊面咁大嘅牛扒，份量十分足，賣相和質素都有驚喜。外層煎得焦香脆口，肉質滑嫩富有油香，食落肉味濃郁。一切開裏面呈淡粉紅色，生熟程度剛剛好，已經感受到肉汁豐腴，慢慢咀嚼感受那一份滋味。灑滿鮮甜可口的牛油雜

吃晚餐來說旺角最多好選擇～琴晚造訪了一家位於旺角的平民咖啡餐廳，其有心思又精緻的裝修給人有種親切感。我品嚐了他們的二人套餐。餐湯是忌廉龍蝦湯。這碗湯濃郁滑順，龍蝦的鮮味融入了湯中，給予了湯品豐富的口感和香氣👍🏻👍🏻接下來點了去小食選擇是茄汁醬青口。以新鮮的青口搭配茄汁醬汁，味道鮮美又開胃😍😍主菜上桌了，龍蝦汁海蝦忌廉意粉和香煎美國安格斯肉眼扒配炒雜菜。龍蝦汁海蝦忌廉意粉的鮮嫩的海蝦與忌廉醬汁完美結合，意粉入口滑嫩，味道濃郁剛好👍🏻另一道主菜，香煎美國安格斯肉眼扒配炒雜菜，牛扒選了五成熟。煎至恰到好處，肉質鮮嫩多汁，口感十分有嚼勁。搭配炒雜菜，清爽的蔬菜帶來了平衡和清新的口感😄套餐包含了兩杯餐飲，我們都選了凍檸茶。甜品有Tiramisu，比較厚cream 有點肥🙈

今日放工同媽咪去旺角行街 行街之前去咗食肆林立嘅女人街搵嘢食 見到呢間餐廳叫Coffee Break都幾大間 個menu都幾啱食就一於試試叫咗個二人餐 包咗餐湯/前菜/主食/甜品/飲品是日餐湯係南瓜湯 飲落仲有啲南瓜蓉添白酒蕃茄青口配香草包 青口好鮮甜好大隻 香草包點埋酸甜甜嘅蕃茄醬汁食 味道好夾香煎美國安格斯肉眼扒 五成熟 個擺盤好靚 而且牛肉肉質都算唔錯 仲帶有肉汁唔會乾柴另一個主菜可以喺餐牌裏面揀任何意粉或者意大利燴飯 我哋揀咗龍蝦汁海蝦忌廉意粉 裏面有三四隻爽口彈牙嘅大蝦 意粉彈口唔會過熟 甜品有自家製提拉米蘇 味道唔會過甜 為完美一餐劃上句號嘢飲可以加錢叫特飲 我地揀咗蜜桃梳打同芒果沙冰

好耐無黎旺角行街喇，行過見到e間coffee環境同氣氛都幾好好岩坐低舒舒服服咁傾下計就入去呢間餐廳試吓新野😍.💎 $368 二人餐.前菜：白酒蕃茄青口 配香草包每一粒青口都大隻飽滿食落去有海鮮既鮮甜味，仲有淡淡既白酒酒香味用配搭既香草包點埋個汁一齊食既鮮美又酸甜，非常開胃🤤🤤.主菜：香煎美國安格斯肉眼扒 配炒雜菜七成熟既肉眼扒口感恰到好處外層煎到焦脆切開入面肉質粉紅嫩滑撒上少許鹽，令肉質層次更加豐富.主菜：龍蝦汁海鮮忌廉意粉海蝦新鮮彈牙意粉掛左濃濃既忌廉龍蝦汁搭配蕃茄仔、菇、洋蔥等配料一齊食，既開胃又惹味意粉口感煙韌，唔會好硬😋😋.甜品：Home made Tiramisu Tiramisu口感香濃順滑係咖啡同朱古力味既交融中間個Cream綿密食落去入口即融，非常滿足🥰🥰

旺角地膽朋友帶路，去一間午巿成日大排長龍的cafe. 環境寬敞樓底又高，坐得好舒服。重點係食物好高質又抵食😋二人餐白酒蕃茄青口-蕃茄味勁濃，厚身，有淡淡的白酒香-配香草包，十分惹味-青口好大隻厚肉，食到青口的鮮甜餐湯-椰菜花薯仔湯，好滑，真的食到椰菜花味龍蝦汁海蝦忌廉意粉-海蝦有三大隻，size 極大，爽口彈牙-龍蝦汁好出色，唔會得個鹹字, 意粉有咬口美國安格斯肉眼扒-五成熟，師傅燒得好出色，外面微焦，內裏juicy-牛非常高質，牛味好濃，厚切-配有大量蔬菜，十分滿足，overall 絕對唔止係cafe 質素😋甜品-tiramisu: 偏朱古力味的cheesecake, 順滑，芝士味濃飲品-蜂蜜綠茶: 欣賞可以揀少冰少甜，加有水果粒，清新-雜莓乳酪: 似益力多+雜莓，好好味好健康的感覺！

在旺角想找一間經濟高質西餐，Coffee Break 是一個好選擇。餐廳樓底高，座位寬敞，木系簡約設計。2人餐只是$368 已有前菜、餐湯、2個主菜、甜品及飲品。甜品都幾吸引水蜜桃果粒茶果味清香，加蜜糖適合秋天的天氣。忌廉南瓜湯，南瓜味濃白酒蕃茄青口 配香草包賣相一流青口新鮮，蕃茄醬有香草、新鮮蕃茄、洋蔥等製成，味道微酸好開胃，配香草包味道一流，超美味。龍蝦汁海蝦忌廉意粉海蝦新鮮彈牙可口意粉掛起鮮味的龍蝦汁，配上蕃茄、菇、洋蔥等開胃又惹味。香煎西班牙橡果級黑毛豬扒配烤雜菜黑毛豬扒好厚，肉質呈粉紅色，有肉汁嫩滑，醬汁是梅味果醬，微酸配肉味道不錯。自家製Tiramisu，蛋糕鬆軟，甜度適中。精緻拉花的抹茶拿鐵為這頓晚餐劃上句號