Coffee Break (鴻輝大廈)

營業中

休息中

相約女朋友一起吃晚餐。這家餐廳位於旺角通菜街，交通方便。餐廳的內部裝修新，環境寬敞，氣氛輕鬆。晚市二人套餐368元，另收加一服務費。前菜三揀一，湯兩碗，主菜三揀一，意粉或意大利飯一碟多款任揀，甜品兩碟，飲品兩杯。意大利火腿拼凍肉拼盤，意大利火腿肥美甘香帶有煙燻氣味，凍切腸帶一點辣味，火箭菜帶苦味，蕃茄鮮甜。粟米忌廉湯，熱辣辣，粟米香甜，忌廉味道適中。香煎美國安格斯肉眼扒，七成熟，外層被煎得很香，牛扒多汁，牛肉味濃，肉質不韌，有多款蔬菜伴碟，色彩繽紛。龍蝦汁海蝦忌廉意粉，客人可以選擇意粉的軟硬度，龍蝦汁惹味，蝦肉彈牙，醬汁美味。楓糖千層蛋糕，賣相美麗，內有多層蛋糕、奶油和卡士達，口感紮實且綿密，還有一些的楓糖香味。熱檸檬茶及熱咖啡均味道正常。特別推介：香煎美國安格斯肉眼扒

昨天一大二小入店幫襯，雖然知道三個餐會食唔晒，但兩小一大最後都係叫咗三個餐。一向知佢最抵食就係漢堡包味道算係最好，意粉偏小，意式包一般，坐下時見他有優惠在未有為意的情況下食飽結帳，在諮詢店員有關社交媒體網站送蛋糕的事項。店員居然話我拍的照片不正確不能送我蛋糕，但在我詢問之前已跟店員問清楚蛋糕是還有存貨的，但一時説我拍的照片不合要求，就事説不出的要求，最後一位站在水吧的負責人話我知，現在不能送給你蛋糕因為優惠是佢哋決定的，我問即是有貨但係你唔送俾我，佢只是說保留送出嘅權利，我想講如果咁手緊，送件咁嘅蛋糕都要為難人，唔想送不如唔好送變咗亦都唔好做呢一類型嘅promotion！太不知所謂。

今日又到旺角食飯，無無聊聊就黎呢間試下，因為之前行過見到女人街有間咁靚嘅coffee shop都有啲想試入到黎，餐廳分開左右2邊，左邊店鋪間隔比較大，亦係外面客人從透明玻璃可以望到有無位，我估係咁所以店員安排我地坐右邊位置嘅牆邊位，其實牆邊唔係唔好，但唔好在於佢幅牆溶溶爛爛，真係覺得坐錯位至於食物就好睇你揀得好唔好，我揀白汁波菜忌廉煙三文魚意粉$83，意粉偏硬身幾好食，但白汁真係唔掂，好淡又無味，真係嘥左碟意粉另外再叫白酒蜆肉意粉$83，呢個就好好食，意粉炒得好有味，啲蜆肉無沙新鮮，辣辣地仲幾惹味黑松露醬薯條$53 ，薯條呈現出太多油，唔夠乾身，黑松露醬亦都唔香，完全唔吸引繼續食.跟餐玫瑰花茶，好香好清甜，好好飲，飲完有Relax既感覺，玫瑰花重味唔覺太濃，呢個非常好餐湯都好好味，所以就覺得係到食野要睇彩數，同埋想坐個靚啲嘅位，真係要堅持出聲，唔好嘥咗餐飯

真的是偶然挖到宝了！！！ 跟朋友点了一份下午茶的烤鸡一份炸鱼薯条 鸡肉非常嫩！！！！里面超多汁！！超香香草味道 朋友点的炸鱼薯条一开始以为只是鱼手指配薯条🍟原来是整条炸鱼柳配他他酱！！两份都配有餐饮还挺划算的！！最后夏天当然要点啤酒配炸物吃 点了两支手工啤酒🍻有淡淡果味跟花香的手工啤酒！很特别 整体来说性价比很高而且食物质量这么好是我没想到的！！還有店員的服務不得不說 真的挺細心的👍🏻很有耐心推薦他們的餐牌 我們不懂掃二維碼下單也很主動去幫我們給讚感謝店員的熱情招待 有機會肯定會再來！！！

服務態度超差，一入到門口就攞一張QR code叫我哋網上落單。但係有啲菜品喺網上顯示話不在銷售時間內，所以落唔到單，搵人解決過程中都態度好差，完全好似唔想睬人咁。搵問點樣解決，可唔可以人手落單，我哋嗌兩個主食兩個甜品，結果人手淨係幫我哋落咗甜品，而且落完兩個甜品之後完全唔講我哋聽，淨係話到咗下午茶時間，有d嘢食落唔到單，叫我哋自己喺手機再落多次單。搵d waiter問嗰陣態度都非常惡劣。入間鋪俾menu嘅時候完全冇說明過邊d嘢食係有邊d係冇嘅，問咗幾次，每個waiter嘅講法都唔一樣，一時話除咗是日蛋糕，其她d要等耐d，一時又話淨係得是日蛋糕，其她唔做…..

🖤黑白配⚪️星期六行過入咗呢間餐廳食lunch set，雖然環境少少迫，枱與枱之間近咗啲，不過價錢六十幾至八十幾包一杯$30以下飲品性價比都不錯🙌蒜香辣椒雞肉意粉 $69雖然不帶一點醬汁，但意粉炒得好香，食落一啲都唔乾，滿滿油香味，雞肉份量唔少松子仁青醬帶子意粉 $86有兩粒大大嘅帶子，青醬稠度剛剛好😎 令意少十分掛汁，加上食落有松子仁增加口感，整體好食👍Latte $38跟餐可以叫$30以下飲品，多出補差價靚靚拉花咖啡是去Cafe必點，看著心情大好🤍

昨天晚上約9時左右在旺角附近覓食，路經這間餐廳，成間餐廳滿座；侍應怕我們等太久，剛好有一張reserved table，她也先為我們安排，態度很好；餐廳10點關門，食物也來得很快！我們各自order一個套餐：黑松露牛肉漢堡，味道剛剛好，薯條咸度也剛好，不用另外加茄醬；松子帶子意粉味道不錯，但略嫌herbs味道太種，蓋過松子的味道；飲品，我們點了冰朱古力（少甜）及熱檸水，少甜才剛剛好甜度；另外也有一份沙律（份量頗大）；這餐也滿意，價錢也非常合理。

經常經過coffee break但都無大衝動入去食，剛好遇上Ian生日月見餐廳佈置得靚靚～所以去試一下💕1️⃣酥炸雞球蕃茄意大利飯雞球好食🤩雖然話係酥炸，但比較似韓式炸雞球，雖然好熱氣，但因為唔似韓式炸雞咁大舊，所以感覺唔太邪惡🤪蕃茄意大利飯味道同樣正🙌🏻唔會好濃味，但蕃茄味配合得剛好。而意大利飯質地唔太硬，但保留到意大利飯嘅感覺，好食👍🏻👍🏻2️⃣菠菜三文魚忌廉意粉好喜歡意粉嘅質地🥰好有口感之餘又唔會好硬，同菠菜三文魚嘅質地相映成趣。另外忌廉份量落得好好，唔好食到好濟好膩😋😋。而菠菜三文魚呢個配搭本身都好鍾意，三文魚嘅少少鹹味加菠菜嘅清新，真係想再encore🤤3️⃣黑松露薯條薯條真係幾大份！而黑松露係落咗去沙律醬度，都有黑松露味，但沙律醬味道偏濃，有少少蓋過咗黑松露味。4️⃣cake set ($69加一）因應Ian生日而有呢個cake set，揀咗一杯朱古力同藍莓芝士蛋糕～朱古力好飲，濃度足夠，而且唔會好甜，最鍾意上面灑有樹熊同生日日期嘅圖案😆。芝士蛋糕正常發揮，都係因為Ian生日而應節🤣📍總結：-Dinner set幾抵，加$18有餐湯/沙律+飲品，餐湯都係高質嘅，但沙律就正常發揮。-因為食物

蠻常來光顧這家餐廳，大概每一個月都來一次所以想寫一次食評來支持一下性價比高應該是這餐廳最吸引的一點 一個餐點連餐湯+飲品也就一百多港幣 是朋友聚餐不錯的選擇喜歡吃這道菜 忌廉汁很香 就是包裹魚柳的面糠粉可能有點厚 我和朋友最好奇的是為什麼配菜也可以做的好吃 因為在減肥所以點的panini 裏面有三文魚、芝士、番茄 營養成分挺豐富個人最愛吃的漢堡 最基本的漢堡set也很夠味了 另外set 本來是有薯條+沙律的 我們叫了薯條全部轉成沙律 所以相片裡面就只有沙律菜這個豬肋骨烤的好好吃

由2020年開始黎呢間小店，最令我掛住既係佢既咖啡，然後係食品味道，位於旺角黎講佢既價錢係相對合理。其間有一次相熟既經理問我哋覺得咖啡有無唔同，我哋覺得淡咗但仍然ok既，佢同我哋講轉咗隻貴少少既咖啡豆因為用開果隻斷貨，我哋就話如果有得轉用返舊果隻啦，之後真係轉返。因為杯咖啡，我哋平均每月都會去1-2次，雖然無高峰期一星期三日，但一直都維持到水準。但明顯人流越嚟越少，我哋都擔心仲撐到幾耐但今日見到成間舖都貼咗2個男人既相，我孤陋寡聞唔識佢哋，但應該係選指定蛋糕+杯飲品就有一個應援包送，目測半數枱面都係一件蛋糕+飲品，然後係滿坐+有人等位，呢個情景我都好耐無見過，但問題係你哋犧牲咗質素。我有好嚴肅咁同位服務員反映杯咖啡既問題，我會再去一次，如果仍然係咁，將會係最後一次。用應援吸引粉絲會係一個方法，但是否可以救到餐廳我唔知，但再係咁同樣會失去一班舊客。

星期六晚7點半嚟到，當時食客唔多，可以直入。比較過餐牌後，覺得二人餐幾抵食，當日幾對情侶同家庭都點佢。落左柯打之後，好快就送上湯同前菜。餐湯質地偏稀，飲落似薯仔加椰菜花蓉湯；男友話麻麻地，但我可以接受。前菜揀左白酒蕃茄青口配香草包呢個有驚喜，賣相比相象中靚，而且份量都唔少，每人有3大隻；青口好滑，唔會死實實，配埋個蕃茄汁，又幾好味喎!!主菜揀左美國安格斯肉眼扒食物擺盤幾用心，配菜排到一排直線😂本身諗住人均$200，牛扒應該又薄又無牛味果D，點知完全出乎預料!! 牛扒上枱陣陣燒香，而且有近1吋厚，又真係煎到5成熟，牛扒肉質鬆軟、有肉汁，呢個質素，真心抵食。意粉我地揀左單價最貴果款龍蝦汁海蝦忌廉意粉配料除左6隻爽彈大蝦外，仲有少見用嚟整意粉嘅鴻喜菇，另外仲有少量車厘茄、同埋趁熱仲拉到細絲嘅芝士片。意粉似用左天使面，好多餐廳都會煮到過淋，但呢度反而煮得生少少。餐廳叫Coffee Break，估計應該對自己整嘅咖啡幾有信心，所以補左$8點左杯Mocha，特別之處更可以加配其他口味，例如焦糖、榛子、夏威夷果仁等。雖然夜晚飲咖啡有機會瞓唔著教，但呢杯咖啡唔會好濃烈、反而夏威夷果仁好香好出😋、甜度適

收工同男朋友食飯，見佢唔使排隊就入去試下，結果食到嬲第一，坐低勁耐都冇俾餐牌，水都冇杯，淨係俾張紙話QRcode落單，唔知點解仲好意思收我加一，問佢先俾兩杯水，但係唔知點解隔離枱係玻璃杯，我哋枱就俾紙杯第二，啲嘢食嚟得超慢，隔離枱遲過我哋好耐落單都早過我哋嚟齊嘢食第三，嗌咗個二人set，份量好細，嘢食上到枱完全唔熱，意大利飯食到生米，豬扒正常味冇特別，feel唔到8成熟偏柴，冇肉汁，嘢飲嗌咗凍檸茶同芒果紅茶，陣味好奇怪，連我男朋友都飲唔晒(平時佢食飯一定飲好多嘢飲)。跟餐個甜品細到笑出聲，一人一粒手指公咁大嘅tiramisu，仲要用一隻碟裝兩人份埋單$425，唔知自己食咗啲咩，食到嬲，完全唔飽，感覺俾人搵咗笨，如果可以俾負分，一粒星都唔想俾佢Ps啲相本身係諗住po story，結果要攞嚟po OpenRice

1）入到嚟坐低餐牌都冇俾2）叫咗個2人set，味道正常但食完完全唔夠飽，我本身食量已經十分少經常食唔曬。3）野食野飲嚟得好慢，每樣野食完都隔10-15分鐘先到。4）我地隔離枱都係叫2人set，但甜品隔離枱就一人一碟，我地就2人一碟5）隔離枱未食完已經有職員問洗唔洗上甜品，但我地枱食完叫咗2次上甜品都冇反應，搞到隔離枱都即刻問返職員轉頭係咪問錯枱，幫我地講話係我地枱要上甜品，隔離啱啱先開始食正餐就俾人問上唔上甜品都feel到有少少嬲好似俾人吹咁，但個職員仲堅持自己冇問錯枱…6）職員次次都俾錯野食去隔離枱，我地啲食客幾次都要自己溝通問返左右枱拎返自己野食…7）叫極職員都扮見唔到，4個樓面1個帶位睇咁細個場都甩曬碌8）有個紅衫哥哥執枱倒瀉野飲淨係抹枱面，直接無視枱角啲水滴下滴下，枱底成灘野飲慢慢流出走廊都冇人理，都唔知轉頭會唔會跣親人成日經過個帶位哥哥都拉客介紹2人set餐，見冇乜人就入去試下，結果中曬伏，終於知點解冇人排隊到要拉客，而家仲好肚餓咁打哩篇食評，第一次嬲到要上嚟報告，大家小心唔好中伏，就算要食都一定要單點，咪叫2人餐

食物 (手機落單)(所有食物除飲品，甜品和pizza外都係大約落單後10分鐘內一次過送到，感覺食物一早整好，食落只有微微暖)(落甜品嗰陣，店員話上菜前提早15分鐘通知佢地，結果我地食食下就無啦啦就上咗甜品…)野菌黑松露廉燴意大利飯 $83唔太重口味，個飯口感似普通米，偏濕黑松露薯條 $32 （加購價）普通。薯條唔脆，上菜嘅時候唔熱，但係至少乾身。個醬料係切片黑松露加美乃芝，變成唔係每口都有黑松露味松子仁青醬帶子意粉 $93醬料分布不均，在未攪拌前香草味重，攪拌後就淡了。（佢似香草撈白醬，唔係真正嘅青醬）帶子無感，煎完就算，無調味。精選餐湯（雜菌湯）$18 (加購價)劣食。似雜菌用水烚熟然後擺落攪拌機(題外話，落單之問店員餐湯係咩湯，店員聲稱南瓜湯)蜂蜜芥末烤雞芝士薄餅（走洋蔥、圓椒）$96係薄底，個底同餅乾差唔多。冇蜂蜜芥末味，似千島醬，係普通pizza 味吉士蘇梳乎厘斑戟 不推薦。好有蛋味（甚至太多）。冇鬆軟感，係淋成一Pat。對比其他地方嘅梳乎厘斑戟勁薄。(本身叫提拉米蘇梳乎厘斑戟，但落單後同我哋講賣晒，之後我地轉吉士味，但張單照舊寫提拉米蘇梳乎厘斑戟，收貴咗)飲品朱古力脆脆朱古力

與朋友係下午茶時段前來用餐，叫左辣雞胸肉蒜蓉義粉同埋一個三文魚牛油果wrap，兩個嘅味道都唔錯，而且下午茶時間價錢合理，兩個人買單只係$140左右，鬧市cafe來講性價比很好。野食方面，義粉味道微辣，唔食得辣嘅人應該都可以接受到，麵煮得有小小硬，雞肉唔算好滑不過可接受。三文魚wrap都好大一個，入面三文魚同牛油果嘅份量都十分充足，食落好滿足。食完野如果想hea一陣都可以問餐廳借board game來玩，選擇都幾多。位置下面都有叉電位，可以係到做嘢。環境非繁忙時間都幾安靜。