影片
港鐵旺角站 E2 出口, 步行約4分鐘
繼續閱讀
電話號碼
68007776 (WhatsApp)
營業時間
星期一至日
14:00 - 22:00
以上資料只供參考, 請與餐廳確認詳情
如何做土耳其家常菜丶土耳其咖啡和他們不同特色文化。還介紹我們甚麼產品可以用來製作它們。非常多樂趣一天！這天是我們第一次美妙煮食體驗，大家當晚非常開心，他們的活動教學，一邊教我們如何製作一邊介紹，一起烹飪和朋友共進晚餐一個非常特別體驗，這也是我的第一次煮食體驗。老師也非常友善，老師經常在當地學習不同廚藝，教我們如何製作當地的家常菜。知道當地人喜歡每餐都會做沙律，真的好健康，愛吃蔬菜丶乳酪丶芝士丶乾果丶甜品丶土耳其茶丶咖啡丶烤雞丶羊肉和牛肉的家常菜。
繼續閱讀
一向我都好鍾意食特色嘢食,今晚就去學煮土耳其菜一入到鋪頭就好有中東風情氣氛,好有異國情懷陳列架上面仲有唔同嘅當地特色物品食物可以買雖然第一次學煮土耳其菜但真係一試難忘首先學煮土耳其咖啡,佢係熱沙上面煮,好得意.首先加熱左D沙,然後開始煮制,煮到咖啡油開始出黎,就差唔多得.全程導師會指導我地,好細心份量似飲espresso, 未飲先聞下佢嘅香味，唔太濃味，飲到甘中帶甜味，嗒落有細滑感，細意慢慢品嚐都帶來新鮮感，頗易入口之後開始學煮土耳其菜,之前無咩慨念,今日由老師全程講解再示範特別係呢一個伊斯坦堡烤雜菜薯仔配自製乳酪薯仔烤得香香脆脆 食落香烤味十足雜菜吸收晒精華,超級香口,乳酪味道清新好好食 至於土耳茸牛肉腸薄餅我都比一百分👍🏻薄餅配合特色調味既牛肉腸兩者一齊食 一脆一冧 口感一流有機牛扒菇配土耳其芝士都好好食,我地落左好多芝士,味道好香濃平時牛扒菇多數切細片食今次依個咁大舊 估唔到有幾好口感好爽口菇味吾算濃,配合芝士就相輔相成好夾味道比較清新,可以去除菇既油膩感,整體食落好新鮮老師教煮食時好細心,除左教做菜技巧,仲講解左好多土耳其既文化,旅遊,歷史,今次真係獲益良多
繼續閱讀
今日朋友帶我黎依間神秘土耳其餐我極為期待因為有貓咪駐場呀餐廳位於女人街，上到1樓，好似住宅咁，果然係私房菜既格局 禁門鐘入去後，店主問我地怕唔怕貓，梗係大大聲話唔怕，而且好鍾意原來d 貓係哂籠 佢放左隻出黎招呼我地好 講番野食先， 有好幾個唔同價位，最平hkd 178位去到hkd600 位或者再多貴d 既款都有， 178係4 dishes但唔包野飲， 而200有5 dishes 同包黑茶，其他飲品要再加錢，以淺嚐為原則，叫200蚊既set 試下先～第一道沙律： d 粒粒好有口感而且2人份黎講算大，但調味有d 唔均，有幾塊好咸，影響整體感覺第二道：茄子+薯仔+青瓜+蕃茄仔茄子：煎香口幾好味唔算多油薯仔：重薯仔味，而且又係脆脆地青瓜，蕃茄仔：正常配上疑似乳酪醬，加d 茄汁 都幾特別第三道： 燒雞燒雞味道雖然唔算驚喜但都唔錯既，個好似乳酪醬就唔店啦， 試少少即刻唔想再點，唔知係咪同上面個款唔同第四道：肉腸pizza雖然肉腸隻色唔知點解好假，但食落係真腸仔味而個pizza皮薄薄地，脆脆地咁，都幾特別其實未上依道餸已經飽飽地，心諗第五道係咪甜品呢第五道：登登登登，魚黎ge上面係蜜桃（疑似罐頭，不過可以確保甜）加d 似千島既橙色沙律醬配煎脆左既魚塊，最底係蕃茄嘩，出面真係未見過依d 菜色，食落幾清新，而且真係好飽拿，個壺唔係裝飾，入面水黎架黑茶，自己加糖，浸耐濃左無咁好飲，差d 想叫店主加d 熱水同場加映主角：肥貓一隻上去記得book 位（用whatsapp)因為唔知無book會唔會無野食 haha可以搵機會去多次
繼續閱讀
香港地難得搵到一個又可以玩貓又有嘢食又任坐唔趕你走又好有特色嘅cafe 幾條友咁就 hea 咗成個星期六晏晝推薦土耳其熱沙煮古法咖啡 （凍飲都幾好飲）伊斯坦堡雞肉小麥飯
繼續閱讀
早幾年同男朋友一齊去過土耳其 一個神奇又特別既地方 !所以今次係俾佢留意到開左係旺角既呢一間土耳其CAFE 我己經覺得好開心!!記憶中係土耳其食過好多好味既野食 加上土耳其既咖啡味道好特別 所以超級期待呢一餐食得好開心 所以為左呢間餐廳決定第一次寫食評希望多D人可以留意到呢間好有心機既小店 !!呢度係要預先訂位, 而且要問清楚佢邊日休息 ! (因為佢地一星期會不定時地有一日休息 !)於是我地早一晚己經打左電話去, 店員都好快就whatsapp左好多相同資料比我地睇 又send 埋地圖所以當日都好順利甘搵到呢度 由於我地去得比較早，所以個陣未有其他人一入門口店員就好友善同我地打招呼~然後就問我地怕唔怕貓原來入面養左四隻貓 !!! 之後佢放左其中一隻叫sasa既貓出黎同我地玩好好好好好得意!佢好乖但又好攪笑甘一出黎就爬左上另一張枱上面訓覺哈哈哈如果鐘意貓既你黎呢度會好開心!!!好啦等我講反食物先!點餐前店員推介左土耳其咖啡同食燒雞 好似係午市好受歡迎既野食!!!!唔會錯過咖啡亦都想飲反個個味道既我地每人叫左一杯 一凍一熱 再叫埋店員講既燒雞呢間野叫COFFEE ON THE SAND 因為佢地既土耳其咖啡就係係一盤熱沙上面煮既 !!望住佢地甘樣整己經覺得好特別同好開心 (好似係土耳其既時候都無見過)店員有提醒過我地呢度既咖啡係比較苦 不過因為口味既問題所以苦既咖啡我係好喜歡的配埋土耳其咖啡既杯具 感覺真好!! 鐘意飲咖啡或者其實唔太鐘意飲咖啡既都不妨試下哈哈 極度推薦 !!!!!至於佢叫既凍咖啡 其實係同我個杯一樣, 不過比一杯冰佢 等幾分鐘再自己倒咖啡落去我地最後都覺得熱既係比較好飲!至於燒雞, 唔識得詳細用字去形容! 總之就係 好 味 道!特別係佢地燒雞下面既飯 多汁又有燒雞既香味~ 諗起又肚餓啦 雖然望落唔算好大份 但係如果一個人食的話 係會好滿足幸福同有飽肚感的(我地由於兩個人SHARE一碟, 好快就..推薦大家不如一人點一款食物^^)食飽之後同SASA玩左一陣 (佢終於醒la!!)周圍影下相, 店入面擺左好多土耳其既POSTCARD, 相, 同咖啡杯具等等仲有我覺得好靚既土耳其燈 !! 有得食飲玩睇超級滿足!臨走既時候, 店長岩岩反黎, 應該係土耳其人!佢好熱情甘同我地用中文打招呼, 仲叫我地唔好走住 話有禮物比我地原來佢係想請我地食土耳其軟糖!!!!!男朋友好鐘意食糖 所以佢好開心 一路行一路食 我地覺得仲好味過自己係土耳其買個D hahahahah 好開心!!打到呢度laaaaaa! 呢篇食評雖然有D長 哈哈但係簡單黎講 舒服 ! 店員好NICE ! 野食好味 ! 咖啡正! 貓貓好得意!!呢一個係好開心既午餐 令我好掛住係土耳其既時候~推薦大家都去試下!!
繼續閱讀