Come Buy (已結業)

今天，到旺角ＣＯＭＥＢＵＹ　飲了一杯朱古力的珍珠奶茶，Ｄ朱古力都ＯＫ，但Ｄ珍珠就唔係太好食，好硬，如果淋少少就會剛剛‘！

一心見come buy大獲好評 想試好耐於是點了珍珠奶茶好難飲...比大家樂的更難飲,D珍珠林pat pat..無味..茶味唔足...全杯得奶味點搞？！飲左半杯已經唔想飲，要扔..好失望仲差過TW既COMEBUY..點解仲會有咁多人去排隊去買？

話說.......有日揸車經過旺角,見到有間規模幾大的 comebuy 開左 , 因為我自己一個人揸住架車的原因 , 想飲野但係唔可以太長時間泊低部車 , 於是 , 就幫襯 comebuy 買杯凍咖啡 , 結果.....以下是本人與收銀員的對話...!!本人說 : 麻煩我要一杯凍啡收銀妹妹說 : 先生...係咪要一杯珍珠奶茶..?!本人說 : ....我係要一杯凍啡 , 唔係珍珠奶茶 . 收銀妹妹說 : 哦..!!一杯凍咖啡 , 多謝........... (就以上的對話 , 當時本人心諗.... 佢地係到發緊夢定係賣奶茶賣到傻左呢...?!)雖然 , 唔駛等好耐凍啡就到手 , 上返車開始品嚐我的凍啡 , 結果 , 《嘩 ...!!》睇佢咁大間鋪 , 諗住品質同味道都有一定的保證 , 點知原來杯咖啡係咁死難飲 , 咖啡唔似咖啡 , 仲要有渣 , 哎~~~如果難飲程度十分係滿分 , comebuy 得分包保攞爆燈 , 我相信求其一間快餐店或茶餐廳的十蚊一杯咖啡都比 comebuy 的咖啡更加好飲....!!

上星期日經過旺角，才知那處新開了『Come Buy』，聽聞此店係荃灣區係好出名『大排長龍』的，見那間不太多人，便去試一試 d飲品好唔好飲。本想買北海道奶綠，但已售罄，唯有試另一款收銀員推介的『葡萄可爾必思』，味道不太甜，酸酸地，最欣賞內裡的蘆薈粒，好好食，係會令你好想繼續食落去，但葡萄皮較甜，有待改善。整體而言，葡萄可爾必思可以解渴的，值得一試！收銀員服務態度也不錯，問佢乜都樂意答我，最重要是收完錢後，故不用等太耐便有飲品給我，因為人手夠多。下次我會試其他味道的飲品，但一定不叫買大杯，因為飲唔晒...

正如樓下所講,我都係慕名而來.記得之前係荃灣排完勁長龍隊後,先知要等成個鐘.最後放棄左.見雜誌講得咁好.就睇下有咩咁特別啦.買完飛 5 分鐘度就有喇珍珠奶茶可能太夜喇.竟然冇哂細珍珠揀,得大珍珠.奶味好重,茶唔夠香不過珍珠比其他舖頭較多葡萄可爾必思問收$$果個姐姐係乜.佢答我係益力多=.=入面有葡萄皮,廬薈.個味都幾好,唔會好假,甜甜地咁.完全冇驚喜.個珍珠奶茶更係失望.笑樣比唔出.喊樣又未到.只可以係OK,如果一心諗住飲珍珠奶茶就唔需要喇.旺角依家開左咁多間.come buy 絕對吸引唔到我有下次.

好耐無寫食評~但呢間店係朋友的 fd 開的, 咁就重出江湖評下先~lunch 去買珍珠奶茶大杯半糖 $14, 有 3 個 counter 唔駛等 very good!制作時間10個號碼等 3 分鐘ok! 但應該可以再快d~ 大熱天時, 香港人乜都要快~ 半糖味道清淡~ expected~珍珠咬落煙靭~ 有趙頭~ 甜甜地熟透~ good!但茶味偏淡... 有的說, 淡茶味的珍珠奶茶係台灣正宗風味~ 係荃灣試過係茶味香濃的~ so 新店呢方面真係有待改善~~ 員工有笑容, 比起貢茶d黑晒口面的好得多~~ 不過貢茶人多的 gimmick 也多, 輕鬆飲難飲但夠平, happy lemon 雖然貴但穩定...mk come buy 睇黎要加把勁~ 原本比 ok 面的, 笑臉當然係俾面啦~~ XD

23-08-09看過飲食男女, 話香港最高分的珍珠奶茶係呢間野, 但係荃灣店不過見到旺角有, 都試下吧~佢話冇大粒珍珠, 問我細粒得唔得都試下吧~但細珍真係差d, 但有好多珍珠但d珍珠好黏, 食住時講唔到野總結而言, 冇咩特別唔會話好想好想飲, 但口渴都可以飲下ge~~

日前旺角開左第一間comebuy我對comebuy既熱愛,就同高達一樣去親澳門一日最少飲一杯係荃灣返工時成日幫趁今次係旺角開好開心,唔洗走入特登荃灣先有得飲今日係旺角join D小姐,順手買左杯波霸珍珠奶茶任何人都知我鐘意飲仙草凍奶茶,但今日買左杯大既波霸珍珠奶茶其一係因為D小姐鐘意飲波霸珍珠,其二係旺角呢間竟然仙草凍缺貨唔知係咪新開既comebuy都有三條line,即係一間comebuy入面有ABC三個counter三條line獨立,係A買左野飲一定係返A果到比你,唔會去左B同C今日係B到買左杯波霸珍珠奶茶,企企企企左好耐係人都知comebuy買野飲不嬲要等好耐,以前成日飲都知但係眼見line C既人係咁買,買完幾乎即刻有得拎d人買完飲緊走埋我杯野都仲未有成間comebuy係open structure,睇到晒入面d人做緊乜我見到有條友係到加珍珠係杯入面但同旁邊果個人係到玩同傾計,我咁岩又見到佢地係B line後面整野d人幾乎走晒咁滯,我黑晒口面B line果個姐姐見到我黑晒口面扮見唔到,佢咁抵死於是我走埋去鬧佢我鬧佢做咩等咁耐都未有,佢拎我張野睇話我係B line唔同C line我

尋日經過旺角 , 現到 COME BUY 新開張 , 買左柸珍珠奶茶解渴 , 不過....點解新開將 , 飲品都無做特價呀...!!! (我平時最鍾意飲朱古力奶茶加大珍珠或布丁 , 不過 , 係D間新店無做特價 , 就太貴了 , 等同一個飯盒的價錢)而最平的招牌珍珠奶茶味(M SIZE) , 都要賣 12 蚊 , 太甜無茶味 , 總之係咁的話....我係落單個時要少甜啦~~~不過...佢比荃灣店優勝之處 , 可能比較少人買 , 唔駛等好耐 . (如果大熱天時要企係條車多人又多的街到等超過5分鐘 , 我怕未飲都已經熱死同暈左囉~~~~) , 至於珍珠方面就"淋"左少少 , 好在暫時比錢買都仲可以選擇下大與小珍珠 , 如果好似荃灣店咁....連比錢買都無得選擇大小珍珠 , 我一定唔會幫襯 , (由於每次食完小珍珠都包胃痛) ...!!!哎~~~~~ D 間大牌珍珠奶茶店 , 對我黎講下次幫唔幫襯佢都無所謂囉....!!

新開試下先葡萄可爾必思 $14葡萄味豐富，有廬薈同葡萄果肉甜甜地好味3Q百香果 $14之前飲荃灣裡面有3種配料，今日買我叫走甜、走冰同走珍珠，但係3種配料佢幫我走咗2種我明明話走珍珠嘛，仲有其中1種配料唔見咗。失望呢杯飲品唔合格

對於「Come Buy」這家台式珍珠奶茶店﹐可以說是又愛又恨。恨的﹐是「Come Buy」的荃灣總店。當該店還只有眾安街城市中心店的時候﹐那條要等候超過一小時的人龍﹐不知嚇走了多少人。難得有機會到荃灣一遊﹐自然也要到一到這裡朝聖﹐如果飲品質素和人龍的長短是成正比的話﹐等候多久也在所不計。可是﹐事與願違﹐飲品拿到手後﹐渴一口便整顆心沉了下去﹐雖然未至於完全糖水或奶水一杯﹐但也茶味欠奉﹐整體水準不達標。愛的﹐是「Come Buy」的澳門店。其實早已於香港還未有該店的時候﹐已一早聽聞過澳門店的名聲﹐奈何位置略為偏遠﹐多次訪澳亦未有機會一嚐。直到今年二月的一次「溝貨團」﹐帶領多位半信半疑的團友一起當白老鼠﹐品嚐一口的那種震憾﹐團員一致讚好﹗完全想像不到﹐為何來自同一家集團的兩家分店﹐質素竟然是「天堂與地獄」﹐是否就是香港同澳門的分別嗎﹖經過此役後﹐住在香港而不是澳門的我﹐便再沒有對香港的「Come Buy」提起任何興趣。事隔大半年﹐台式飲品專賣店的發展一日千里﹐情況已經到達氾濫的地步﹐幾乎每區也有其專屬的珍珠奶茶品牌。單單是旺角區﹐數得出來的大小品牌也超過二十個﹐其中以「Happy Lemon