影片
電話號碼
34827999
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
Cooley Oysters The Fine Restaurant喺希慎廣場新開嘅地庫，朋友介紹話啲生蠔好正，今日就過嚟試下。午餐仲做緊優惠添首先當然係試生蠔，我哋點咗兩款：愛爾蘭深海區域養殖 40月中size $58隻，同 澳洲Coffin Bay $68隻。愛爾蘭生蠔蠔肉飽滿，入口鮮甜帶有少少鹹味，蠔肉滑嫩，唔需要加太多調味已經好夠味。至於Coffin Bay 嘅生蠔，肉質厚實，味道偏甜，海水味冇咁重，但鮮味依然十足，兩款都非常新鮮，配咗少少檸檬汁同自家cocktail sauce ，味道更清新。龍蝦扁意粉 $168意粉煮得剛剛好，既有彈性又唔黏。龍蝦肉鮮嫩，搭配上特製龍蝦醬汁，意粉好掛汁，真係每一口都好滿足。帶子三文魚籽意粉 $128，升級咗套餐，+$78帶子煎得焦香但內裡保持住嫩滑，鮮味十足，再配埋三文魚籽，每一啖都可以感受到三文魚籽嘅爆炸口感，鹹香同意粉嘅奶油味完美結合，味道層次非常豐富。升級套餐仲有香煎大蝦沙律，大蝦煎得外脆內嫩，蝦肉鮮甜彈牙，配埋火箭菜嘅微苦，味道平衡得好好，食落去清爽又開胃。南瓜忌廉湯濃郁，南瓜甜味自然，忌廉令湯嘅口感更加順滑，飲完一啖好暖胃。甜品係 布甸質感軟滑，甜度適中，布甸嘅香味濃郁但唔會過膩，仲有焦糖香蕉，士多啤梨，藍莓🫐，感覺好滿足。蘋果汁 $18@
繼續閱讀
餐廳位於希慎廣場地庫，發現晚市套餐嘅價錢非常相宜，嘢食亦都好高質，有優質生蠔和西式晚餐，環境簡約而時尚，採用開放式廚房，非常適合與朋友聚餐。CooleyGold®36mths (N3) $48/隻36個月的生蠔口感嫩滑，海水味更為突出，帶有淡淡的礦物質風味，非常爽脆。CooleyGold®54mths (1+) $68/隻54個月的生蠔則更為成熟，肉質厚實，口感更為creamy。招牌戰斧烤豬佐意式番茄莎莎醬 $158豬排煎至外焦內嫩，肉質極其鮮美，配上自製的番茄莎莎醬，酸甜適中，平衡豬肉的油膩感。加拿大龍蝦意式扁意粉 $168意粉煮得剛好，彈牙而不黏，龍蝦肉質鮮嫩，與意粉的搭配恰到好處。特製的龍蝦醬汁香氣撲鼻，味道濃郁卻不會蓋過龍蝦的鮮味，是一個完美的組合。四季檸檬茶 +$18檸檬茶清新爽口，帶有淡淡的酸味，恰好解膩。熱情果烏龍茶 +$18熱情果烏龍茶則帶有熱帶水果的香甜，清爽無比。
繼續閱讀
希慎翻新後food court會見到一間好搶眼嘅圓形開放式餐廳Cooley Oysters。聽聞廚師班底係來自酒店餐廳。愛爾蘭Cooley Gold ® 生蠔🦪分咗36個月去到60個月份，呢款生蠔屬於清爽唔會太creamy嘅類型，兩者比較就可以食得出味道上的確係54個月嘅比較飽滿，海水咸再加蠔嘅甜味好特別。🤤而All day menu幾抵食，香煎帶子配三文魚籽及海膽醬意大利粉$128；招牌戰斧烤豬佐意式番茄莎莎醬都係只需$158。連最貴嘅牛同龍蝦都係$168 ，平過cafe嘅價錢食到有酒店質素嘅西餐。跟餐嘅話就會有埋大蝦沙律、湯、以及甜品，相當豐富。
繼續閱讀
第一次來希慎新開既food court，呢間西餐有bar枱幾吸引，價錢唔貴，有生蠔靚酒就試試呢度。🦪蘇格蘭新鮮，口感清爽，aftertaste好甘甜，礦物味濃，肉質肥美法國🇫🇷爽脆，清新，肉質厚實🫕南瓜湯口感順滑，南瓜味濃郁有牛油香🥗大蝦沙律大蝦煎得焦香，沙律菜清新開胃🍝香煎帶子配三文魚籽及海膽醬意大利粉帶子鮮嫩，海膽汁夠creamy，好多帶子肉，三文魚籽脆卜卜，內容夠晒豐富同好match，意粉煙靭，掛滿醬汁，口感層次也非常豐富。🐟香煎比目魚佐經典意式番茄醬比目魚好厚肉，而且肉質嫩滑，啖啖肉，皮煎得金香香脆，番茄醬大大減去油膩感，伴碟的豆角都煎得非常香口出色🍰甜品朱古力蛋糕，香濃朱古力味，甜度恰到好處，雪得夠凍🥂Prosecco Rose汽酒新鮮即開，順喉清新，有助打開胃口🍹柚子梳打清爽解膩，酸甜醒胃
繼續閱讀
銅鑼灣 Hysan place 地鐵可直達, 商場購物食餐, 樣樣有. 我同朋友都喜歡在此吃喝玩樂, 今晚想食西餐, 行到 URBANHOOD B2樓, 看見 Cooley Oysters, 香港及亞洲首間代表歐洲生蠔養殖場的生蠔餐廳, 主推愛爾蘭即開生蠔.餐廳設計別具一格, 蛋形長吧台, 有開蠔師傅坐陣. 除了吧座, 有方桌, 座位闊落, 但要預先訂位. 看看門外餐牌介紹, 除了生蠔, 更有套餐, 價錢吾貴. 我們揀了升級套餐, 只加 $78, （主食, +沙律+湯+甜品） 店員服務非常好, 給我們安排吧檯座位.第一個良好印像, 餐具好整齊美觀. 餐廳主要供應來自愛爾蘭, Cooley Gold, 榮穫奧斯卡著名大獎, Great Taste Awards 的生蠔, menu 介紹好清晰, Cooley Gold, 有分養殖期 60, 54, 45, 同 36 個月. 我們先點了 54, 36 個月的生蠔, 每人兩隻. 看 Wine List, 酒品也有不少選擇.柚子梳打, 及 Corona Extra Beer 墨西哥啤酒, 冰凍清涼. 伴著食生蠔好正. 吧檯前面有生蠔展示.開蠔師傅正在忙於工作, 眼明手快, 開蠔好有技巧. 兩款蠔送到. 質素好, 特別享受有服務的開蠔, 乾淨整齊. 用冰藏著, 伴有檸檬, 自制豆瓣辣汁.愛爾蘭蠔, 重量足, 嫩滑帶脆, 海水味較重, 鮮味好出色. 54 個月蠔身較長, 蠔肉大而爽口, 海水味和蠔味兼備.36 個月外表較小較圓, 生蠔鮮甜, 帶有淡淡海水味, 真正回味.吃完生蠔, 套餐湯送到, Soup of the day 南瓜湯, 熱辣辣.香甜美味嘅南瓜濃湯, 濃稠適中, 湯質綿滑, 香煎大蝦沙律 Grilled Shrimp Salad 羅馬菜, 火箭菜, 新鮮爽口, 及自家制沙律醬, 開胃 !!輕輕香煎的大蝦, 有三隻, 肉質新鮮彈牙, 吃得滿意. 我的主菜 香煎頂級肉眼牛扒配芬芳迷迭香醬汁 Pan-seared Prime rib-eye steak with fragrant rosemary sauce reduction. 擺設好吸引. 牛扒煎得香, 外皮少少燒焦, 大大塊, 份量足 , 入口軟綿肉味濃, 咬落啖啖肉汁, 口感佳. 食得好滿意, 配上焗薯仔和車厘茄, 好滋味.朋友的主菜 香煎比目魚佐經典意式蕃茄醬Pan-seared halibut with classic Italian tomato coulis比目魚外面微焦, 非常香口. 伴碟有青豆仔, 焗車厘茄. 肉質細嫩清新, 口感滑爽, 配上意式蕃茄醬, 少少酸甜, 青豆仔爽脆清新. 吃得津津有味. 甜品 Dessert: 意式奶凍, 奶凍 奶味香濃, 口感豐富, 伴有士多啤梨同藍莓, 非常好. 食物有質素, 服務員態度友善. 給大家好印象, 我們會再來.
繼續閱讀