影片
港鐵太子站 B2 出口, 步行約4分鐘
繼續閱讀
電話號碼
62199795
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
今日去左太子金魚街買完龜糧同魚仔. 跟手搵下有咩好野食. 行左陣見到有間新開嘅越南小店. 又可以試下又順便支持下小店. 裝修簡潔, chill chill 地又幾有越南風. 佢地餐牌入面都幾多選擇, 午餐可以加小食. 小食都好多款, 仲要幾相宜. 泰式船粉 $62個湯底勁香甜, ,牛丸彈牙, 牛肉軟淋, 炸豬皮香脆. 個粉都好滑份量仲要好多. 抵食. 香茅豬扒撈檬 $63 塊豬扒大到佔左隻碟一半面積都幾誇張. 炸得好香脆. 又厚身多汁. D檬粉都好多. 絲網春卷 (3條) -跟午餐加 $203條細細條嘅春卷, 即炸勁香脆 , 十分乾身, 配料都多, 扎肉碎粒, 都不錯的, 仲配著生菜及先家酸辣汁一齊食, 既惹味又有咁油膩。札肉米紙卷 (2件) - 跟午餐加 $18 好清爽解膩，好似食緊salad 咁. 越南滴漏咖啡 — 咖啡豆好香，鍾意飲咖啡嘅值得一試。 龍眼冰 — 甜度適中 幾解膩 . 唔會死甜. 整體好食, 環境乾淨整潔, 大份抵食 !COSY 地址: 太子西洋菜南街196號地舖
繼續閱讀
呢間餐廳環境好好，又chill 又有格調，坐得好舒適闊落。再加上有一啲輕音樂，好正。呢度服務態度都好好。上菜速度亦都好理想。👍🏻二人套餐1）越式牙車快沙律蔬菜新鮮爽脆，酸酸甜甜好開胃。2）蒜香牛油雞翼大愛❤上枱時堅係香噴噴😀雞中翼大大隻好新鮮彈牙🤗。啖啖肉。真係好好食👍🏻3）牛油蒜香焗青口食材好高質。青口大隻鮮味。再配埋牛油香蒜☺好惹味😋，整體配合得好好😌係食到停唔到口嗰種👍🏻4）蕃茄蝦頭膏海鮮湯粉香噴噴熱辣辣。用新鮮蕃茄既湯底味濃，飲落亦都好舒服，再配兩隻大青口及海鮮。配料充足。好抵食🤗5）蔥油豬扒煎蛋飯呢個超驚喜👍🏻。份量十足，CP 高。熱辣辣香噴噴再加埋蔥油豬扒好正。齒頰留香。絕對一試難忘😋👍🏻👍🏻👍🏻。豬扒散件上。食得方便，超細心。6）越南滴漏咖啡咖啡豆好香。做得好好好專業👍🏻7）蜂蜜柚子梳打甜度適中。飲左一啖已經透心涼🤗以上嘅組合好精彩好豐富🤗食物質素高。食材好優質👍🏻 💁🏻♀唔單止賣相令人眼前一亮☘，而且仲好好味😋。好難得香港可以搵到一個咁舒服嘅聚腳地方，Menu仲有好多唔同嘅main course 選擇。好有特色。用心製作。所以我都極力推介❤
繼續閱讀
呢間位於太子西洋菜南街嘅越南餐廳, 門口以及內裡的裝潢都以為係西餐廳, 但餐牌係食越/泰菜的, 入面有好多菜式選擇, 無論主菜定小食都有好多款。而且我見同類餐廳之中價錢相對實惠。番茄蝦頭膏海鮮湯粉 - $60湯底由番茄同蝦頭熬成, 加埋蝦膏嘅咸香帶出成碗湯嘅鮮味, 但唔腥, 非常清甜。頭一啖會覺得唔太夠濃郁, 但慢慢食落去就會覺得啱啱好, 可以成碗飲曬! 檬粉爽滑, 條條分明。海鮮都唔差, 份量味道都唔錯, 有靑口、魷魚、蝦，所以都幾抵食。絲網春卷 (4條) - $42同坊間的餐廳比較, 呢度嘅絲網春卷較為細小的! 4條春卷, 剛剛炸起熱騰騰的, 十分脆口且乾身, 配料有些扎肉碎粒, 都不錯的, 仲配著生菜及先家酸辣汁一齊食, 既惹味又有咁油膩。惹味胡椒蝦 - $60係其他餐廳食嘅胡椒蝦一向都係辣的, 但呢度嘅胡椒蝦係好香口又好惹味的; 一碟有6隻炸到好香口而且好脆的中蝦, 脆到係由蝦頭到尾都可以全隻食哂。用咗大量原粒胡椒, 金蒜, 香蔥爆香炸好嘅蝦, 真係好惹味又香。咖哩脆皮牛腩配飯 - $98牛腩食得多, 但係脆皮牛腩就真係第一次見, 好新穎呀! 外脆內軟既牛腩, 加上越式咖哩汁, 咖哩汁好正, 好有椰香斑蘭嘅味道, 而咖哩唔會好辣。牛腩口感都唔錯, 炸牛腩用左薄薄既一浸炸粉, 牛腩半肥瘦, 食落去好香口, 咖哩配飯, 真係一流呀!斑蘭椰汁冰(凍) - $20少許斑蘭味, 椰汁味較重, 入口有層次又豐富。檸檬薏米水(凍) - $15祛濕必備嘅檸檬薏米水, 肯定係消暑解渴良品, 檸檬更可以美白！味道不會太甜。
繼續閱讀
昨天下午經過看到敝店新開張, 用上白配淡啡的顏色, 舒適裝潢, 乍看之下還以為是西式咖啡廳之類, 今天正式用饍才得知是越南菜 🙂 附近都有好幾間越南菜, 同一條街已有另一間蠻有名的Pho, 競爭真不少 🫣午餐大約有七至八款選擇, 每款都可以選擇河粉, 撈檬, 湯撈檬或飯, 但QR code下單中暫時未有飯的選項, 所以要轉飯的朋友就要先跟店員溝通好 😁 每個餐都配一杯飲品, 部份飲品需要額外收費, 我們全都要了熱香滑奶茶, 可以自選多奶少奶, 多甜少甜等。香茅豬扒撈檬 $65撈檬份量不少, 配料有生菜, 蘿蔔絲, 花生碎等, 可因應自己口味加入自製酸甜汁, 感覺甜味比酸味重一點, 縱然如此仍然是清爽開胃的 😊 撈檬比較碎, 這一點朋友比較介意, 的確粉麵太碎進食也有困難 😝 豬扒煎得十分香口, 外觀金黃, 口感軟腍, 相當惹味! 👍🏻香茅雞翼拼豬頸肉撈檬/飯 $67我跟朋友選擇了同一款午餐, 由於我轉了飯, 廚師在雞翼跟豬頸肉上加了青蔥, 香茅雞翼炸得超脆口, 外脆內嫩多汁 😚 豬頸肉有陣陣炭燒味, 正符合我的口味, 與普通豬頸肉相比別有一番滋味 🤗 要挑剔的是它偏油膩, 份量雖然未算很多, 但我吃完感覺頂住了肚子 🥴絲網春卷 追加 $20比較細小的三條春卷, 剛剛炸起熱騰騰的, 十分脆口且乾身, 配料有些扎肉碎粒, 也蠻不錯的。整體上食物跟環境都很不錯, 煎炸的食物處理得很惹味, 味道上是暫時在太子區吃過比較出色的 😬 下次有機會可以試試河粉, 如果餐廳可以加多點選擇就更理想, 侍應態度有禮, 希望可以繼續保持! 💪🏻
繼續閱讀
Cosy．太子驚喜越南小店隱藏喺太子西洋菜南街嘅一間小店「Cosy」，細細間但絕對有驚喜，係一對夫妻開嘅料理店環境雖然簡單，但一坐低已經感覺到溫馨佢哋嘅招牌菜品都係泰國經典菜式，份量大味道足，性價比超高，成為唔少街坊心中嘅「隱世」泰國菜小店泰式冬陰功海鮮粉冬陰功湯係唔少人心目中嘅「comfort food」，呢度嘅泰式冬陰功海鮮粉完全冇令我失望！湯底包括了酸辣香，香茅味道夠濃唔會過辣又唔會太酸，飲落去係嗰種暖心暖胃嘅感覺入面啲海鮮彈牙爽口保留咗鮮甜，粉又夠彈牙，啖啖都係鮮味泰式豬頸肉泰式豬頸肉係我一早瞄準嘅，豬頸肉火喉掌握得啱啱好，帶焦香入口有微微嘅煙燻味，有嚼勁。配上醬汁嚟食，酸酸甜甜，有啲似酸辣汁，平衡到豬頸肉嘅油脂香，好食馬拉椰香雞撈檸一上枱就被呢個「馬拉椰香雞撈檸」嘅獨特香氣吸引馬拉雞好濃味香口，撈檸帶酸酸辣辣甜甜係一個幾新穎嘅組合雞肉勻椰香汁之後好惹味，啖啖食得出濃郁嘅椰香再加上越式醬汁嘅清新，感覺唔會太膩，反而啱啱好個雞肉份量超多，好抵食呀牛油炸雞翼雞翼炸得香脆，外層有輕輕嘅牛油香味道唔會太重，但好有層次外皮係薄薄脆脆嘅，咬落去有油香但唔覺膩雞肉入味又多汁，一口接一口完全停唔到口泰式龍眼冰呢款泰式龍眼冰清新甜美，係一款好適合餐後嘅消暑甜品斑蘭椰汁冰一杯香濃的特飲，椰汁味香濃，唔會太甜，飲落去有少少椰漿嘅稠滑口感，再加上斑蘭嘅清香，完全帶出熱帶風情餐廳：Cosy地址：太子西洋菜南街196號地舖
繼續閱讀