影片
營業時間
今日營業
07:30 - 17:30
星期一至五
07:30 - 17:30
星期六至日
09:30 - 18:00
公眾假期
09:30 - 18:00
以上資料只供參考, 請與餐廳確認詳情
之前喺上環嘅時候試過一次，跟住喺灣仔經過嘅時候發現原來新開咗喺呢度，位置仲係前身都係咖啡店嘅同一舖位。鄰近碼頭相當方便。相信係開業咗冇耐，放飯時間都好多打工人士喺度排隊購買，而家download個 Apps仲可以有優惠價五杯。不過今次就冇用到呢個優惠直接買算。價錢方面其實都幾實惠，雖然比上環嗰陣時係貴咗幾蚊，但係以香港而家嘅物價指數嚟講其實已經算係抵。對比起上環嗰間而家已經多咗好多唔同嘅新款飲品。本身喺度猶豫緊要返上次試過飲嗰杯定係試吓新嘅蜜瓜茉莉。 但係睇到而家出咗新款式既潘帕斯咖啡，就決定買新嘅試吓，畢竟藍色先係最吸引我嘅嘢😆😆所以決定買咗「潘帕斯藍厚乳茉莉咖啡」（$29） 。等咗大概五5分鐘左右算係快，感覺今次耳背嘅漸層比上次更加明顯更加多更加靚 飲落去其實都幾重茉莉花味，相對中和咗咖啡嘅苦澀。同上次上環飲嗰間唔同嘅係奶類唔同，而家依杯係用普通牛奶造，但係茉莉花味嘅濃度比椰奶更加吸引更加夾。下次有機會可以試吓蜜瓜茉莉厚乳咖啡！ 🍈
繼續閱讀
打工仔返工無精神就當然要靠飲咖啡提神，雖然灣仔有好多不同連鎖店選擇，但無人會嫌多，見到有間COTTI COFFEE新開，上網一查原來係國際連鎖品牌，仲要係阿根廷國家足球隊贊助商，而灣仔係佢打入香港第2間分店。由於新店開張做優惠，平均一杯咖啡都係20幾蚊，係港島區買到20幾蚊既咖啡真係唔簡單，於是download左佢apps落單，買完會通知你大概幾多分鐘可以去拎，十分方便，岩晒追求效率既香港人。咖啡選擇都好多，除左大路既美式、鮮奶咖啡，佢另外有2杯顏色好特別既”潘帕斯藍厚乳茉莉咖啡” 同 “蜜瓜茉莉厚乳咖啡”，藍藍綠綠咁樣都幾得意。我最後叫左杯 “星塵厚乳咖啡”，係黑糖鮮奶咖啡加黑糖晶球，揀左半糖，入口唔會死甜，咖啡香氣十足，黑糖晶球口感煙韌，成杯野都好好飲，即刻成個人叉晒電。怪唔得創辦唔夠2年已經成為全球國際性品牌，因為佢性價比真係不錯，比其餘連鎖品牌差不多平$10，但質素並無比下去，如果係附近做野既不妨可以一試。
繼續閱讀