影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
《Couch Club》喺旺角開了新分店，一家西日小酒館，用餐環境既舒適又有格調，喜歡Chill住嘆嘅又有一個好選擇餐廳提供西式小酒館和日本居酒屋等美食，配合多款特飲和雞尾酒，總有一款啱口胃🍴松葉蟹味噌甲羅燒配多士蟹蓋內放滿了松葉蟹膏和蟹肉，味道鮮甜，香氣四溢，配搭脆口多士，再搽滿松葉蟹膏和蟹肉來吃，令人回味無窮🍴壽司塔可 (蔥吞拿魚蓉 / 炸軟殼蟹)將紫菜天婦羅做成taco，酥脆可口，再分別配上新鮮吞拿魚蓉和脆口炸軟殼蟹，口感和味道都非常豐富🍴紅酒燉牛面肉旋風蛋飯用紅酒汁燉煮的牛面肉，肉質軟嫩，香濃惹味，配上旋風蛋，入口非常嫩滑🍴慢煮芝心雞卷配香草蕃茄醬 將香濃芝士釀入雞卷，再透過慢煮令雞卷肉質嫩滑，配上特調香草蕃茄醬，酸酸味味相當醒胃🍴伯爵茶千層酥法國經典甜品，金黃香脆嘅烤杏仁酥皮，每層夾雜着香滑伯爵茶忌廉吉士，優雅茶香和甜度完美配合，令人吃不停口✨開心果奶昔 奶昔軟滑綿密，每一口都充滿開心果嘅濃郁香味，奶昔上還有灑上開心果碎嘅幼滑忌廉，香滑中夾雜著酥脆口感✨乳酪橙梳打 加了乳酪嘅梳打特飲，感覺更清爽，放了片香橙在面，滲出淡淡香橙味
繼續閱讀
今日嚟到旺角見到呢間新開既Cafe感覺好有特色❤️ 復古風嘅環境睇落去有啲似日式喫茶店既感覺⛩️Retro既感覺配上日式既Fusion美食🇯🇵望住彌敦道嘅霓虹燈有種好Chill既感覺🌇食物同飲品方面嘅配搭都好有心思非常值得一試🩷⭐️ Red Prawn Crispy Toast 🦐用上新鮮嘅赤蝦火炙過帶鮮甜嘅味道🌊生薑醬配上多士金黃色既酥脆又滋味🍞⭐️ Negitoro Sushi Taco 🌮 ⭐️ Soft Shell Crab Sushi Taco 🍣壽司Crossover Taco既感覺好有Fusion感🇲🇽 惹味既醬汁配上魚生同埋Taco Shell意外地夾😋⭐️ Beef Cheek Omurice with Red Wine Sauce 🥩旋風蛋包飯好有造型感入口好滑溜🍳 燉牛肉濃郁得黎帶紅酒香🍷⭐️ Chicken Roulade with Tomato Herb Sauce 🍗雞卷包住芝士同煙肉好有Bistro既法式風格🇫🇷 配上香草蕃茄醬好開胃充滿新鮮感🍅⭐️ Signature Tiramisu Ball 🍰招牌嘅Tiramisu 波波果然係必食之選🥰 Mascarpone Cheese幼滑得來甜度唔會太高🧀 Ladyfinger浸滿咖啡味好濃郁☕️比起唔少意大利餐廳更高質🇮🇹⭐️ Avocado Dirty 🥑用上新鮮嘅牛油果打成口感好Creamy💚估唔到配上咖啡好新鮮⭐️ Matcha Coconut Water 🥥椰青水配上抹茶帶上一種清甜嘅感覺🏝️又有抹茶嘅回甘整體充滿層次🍵
繼續閱讀
Couch Club 回歸旺角潮流地標T.O.P地鐵出口直達又一間打風落雨好選擇復古風+梳化+掛畫相比銅鑼灣店空氣中多咗份成熟穩重感🔖 Beef Cheek Omurice 🐮美美旋風蛋包飯🥚牛面頰三大件份量唔少 飯底如果可以轉成西炒飯味道應該更出色🥫🔖 Karaage Chicken Waffle 🧇大大塊炸雞扒厚肉又Juicy 🐔重點係熊仔糖漿可以落夠落滿感覺好爽😄🐻🔖 Earl Grey Mille Feuille 伯爵茶味非常濃郁即叫即組裝酥皮口感明顯鬆化得多可輕易解體用手食唔會碎到一碟都係👍🏻🔖 Tiramisu 波波Tiramisu 可愛解體版墊底手指餅浸泡得非常入味上面波波幼滑到好似吃緊布甸雪糕🍨🔖 Strawberry Matcha Yakult 🍵抹茶、士多啤梨配鮮奶/燕麥奶有試過原來配益力多呢個組合先真正無得輸 🍓有衝動想買材料返屋企自己整嚟飲😛🔖 Super Milk Chocolate 🍫🔖 Latte ☕️
繼續閱讀
Couch CLUB設於旺角TOP地下層，以其創新的料理和舒適的環境吸引了我，可謂忙裏休閒的小餐館。抹茶椰子水清新的椰子水和濃郁的抹茶，甜潤交融，口感清新，柔滑自然。開心果奶昔奶昔綿密，滿滿的和開心果的香氣，每一口都帶來濃郁的堅果味，甜度適中，質感順滑。壽司塔可3式壽司塔可有齊了三款不同的口味，包括軟殼蟹、辣味三文魚和蔥吞拿魚腩。每一口都有不同的驚喜，軟殼蟹的酥脆、辣味三文魚的鮮辣及吞拿魚腩的滑嫩，豐富的口感讓人一次過享受到多重滋味。香煎豬鞍配自家製蘋果蓉醬香煎豬鞍做到外焦內嫩，搭配自家製的蘋果蓉醬，酸甜交錯，肉質鮮嫩，回味無窮。明太子忌廉意粉明太子忌廉醇厚鮮香，意粉煙韌，做到掛汁效果，每一口都微辛惹味，令人欲罷不能。招牌提拉米蘇波波提拉米蘇波波層次分明，口感輕盈，甘醇交融，讓人感受到完美的甜蜜結尾。
繼續閱讀
好耐無影咁靚既相，真係要貼堂。影出黎又靚又好食😋🍮tiramisu ball $108招牌甜品，出黎係好驚喜，味道唔會太過甜，層次豐富。最重要係勁靚。大既tiramisu ball 其他地方都會有，但好快就會變型，要影相係好難。呢個唔知點解佢真係keep得幾耐下，係咁影係咁影都得喜歡佢既微微酒味~不過呢種甜品唔似蛋糕，可以影到切落去果一刻，基本上一切落去就會真係變型，打咭要留意丫我覺得如果係想影相，或者係朋友生日當係蛋糕咁切，呢個係必叫🍹士多啤梨益力多抺茶 $48視覺衝擊好勁，好大膽既配搭，我自己唔太飲抺茶，估唔到溝左士多啤梨之後又幾好飲?🐓慢煮芝心雞卷配香草蕃茄醬 $168我係第一次食呢種菜色，食完之後我仲同朋友講，口感好奇特。係種係想像以外既配搭黎，但又真係幾好食同埋幾夾。原來芝士、雞、蕃茄醬係可以一齊食，仲要咁好味🐂美國Prime牛小排配紅酒汁 $268睇個色澤都知高級。亦的確係要對材料好有信心先會咁做出黎。無多餘既配料比你食到最純粹既牛味🍷紅酒牛面肉旋風蛋飯 $138好耐未影過咁靚既蛋包飯....又厚身,又唔會煮得太老,而且配既牛肉係好高級，138蚊好有性價比。呢個飯我食唔完,第二日變左早餐,朝早食呢個飯超級幸福🦀Crab Barley Risotto $168蟹膏蟹肉燉洋蔥米飯。超香蟹味勁濃郁，對於味道有要求既要試下。相對之下由於真材實料，蟹膏的顏色就真係咁，想影相的話要留意丫🦐 自家製生薑醬火炙赤蝦多士 $48我係第一次食呢種多士，呢間鋪既包都做得好好食，好鬆化，而且牛油香好好。但切落去好易會直接摺埋(因為太鬆)，所以影相都只係影到佢上碟果一下。味道係好既🐓紅咖哩雞肉粗管通粉 $118呢個既辣度係進取既，我個人喜歡呢種辣度，如果係帶女仔黎食，要問定佢食唔食得辣，否則小心成碟你一個人食哂😂🥑日式全日早餐 $138佢有個魚肉同埋牛油果，配料黎講係高級既，138真心唔算貴。依家好多鋪既全日早餐係比茄汁豆、香腸果d......呢度要大讚佢比既包好好食!我覺得間鋪可以出多啲同包有關係既菜式🍌香蕉花生醬奶昔 $58正常味道?影相黎講幾好睇。味係濃郁既，不過講真無乜記憶點🥨開心果奶昔 $68呢個好味啲，而且個配色都特別，想飲奶昔既話就叫呢個啦🍰伯爵茶千層酥 $68因為店鋪無蛋糕，所以就要鋪頭用呢個代替，仲好好咁幫我地寫左字。想同人慶祝既話可以預先同廚房講定，等佢地準備定先。呢個甜品的伯爵茶味我覺得太淡喇，好處係唔會太過甜，易入口。啊，因為佢的確唔係蛋糕，所以唔會影到切蛋糕果下的，佢硬到都插唔到蠟燭，所以許左願之後，要係心入面吹架🥳🍣 薄切帆立貝三文魚魚生 $148勁鮮甜!賣相奇佳，好開胃，食下一塊食下一塊好快就清左🐖香煎豬鞍配自家製蘋果蓉醬 $178真係好鐘意豬鞍加蘋果蓉呢個配搭，我好似就係係呢間餐廳的另一個分店度學識咁樣食。未試過一定要試，蘋果的清新味非常解膩🦀松葉蟹青味噌甲羅燒配多士 $118個蟹醬超多蟹肉，個多士係特製既，鬆化又有牛油味。同朋友share好啱🥑牛油果忌廉芝士太卷 $108正常發揮。佢用的米係靚既，不過相對其他食物就無咁突出🌮辣味三文魚、蔥吞拿魚腩、軟殼蟹壽司塔可 $148我係第一次食壽司塔可，個口感好神奇，佢油得黎又脆，如果只係壽司就太過寡，依家加埋飯，豐富得黎食落去個口感又剛剛好，咸淡平衡得好好🍸雞味酒特調用白蘭樹下做的特調酒!誠意滿滿。成本好高架。我喜歡桂花味果杯多d(深色的),另一杯就影相好睇，但酒味會有d過重喇，女仔唔係好受得。建議大家叫雞尾酒前，都要先講比對方知想飲乜口味的酒(花香味/酒味的傾向)啊
繼續閱讀