Couple's Kitchen (已結業)

經過教育路，見到餐廳嘅橄欖綠、玻璃窗、黃銅壁燈係呢條普通嘅街道特別突出，原來係一間西餐廳，咁靚嘅環境一於入去試下～🐟鹽焗原條海鱸魚配時蔬 $208係用海鹽焗出嚟海鱸魚，肉質嫩滑，滲出淡淡的香草味，配搭新鮮嘅時蔬、橄欖油，健康有益，無論係賣相定係口感都冇得輸😋👍🦐🍞香脆虎蝦辣茄汁配蒜蓉包 $128大大隻嘅虎蝦，咬落去啖啖肉，外皮酥脆，蝦肉鮮味可口，配搭微辣嘅茄汁口感一流，加上金黃香脆嘅蒜蓉包，成個菜式更勝一籌👍🍵熱柚子茶 $25啖啖柚子肉，清香可口，甜而不膩，健康有益環境舒適愜意，食物味道唔錯，仲有佢哋啲服務態度好好，下次試埋牛扒😋

近來元朗新開了好多食店，有西式、泰國嘢、日式、點心專門店等等，而最吸引同最想食既就是意大利菜，罕有的又少吃，地點方便在元朗市中心的 Couple's Kitchen，有水準優質的意式餐廳。餐廳設計時尚典雅，裝修精緻，地方簡潔，感覺舒適寫意！睇睇餐牌先，午餐時間的 Lunch Menu  有9款選擇，包括不同款式的意大利粉、傳統意式煙豬面肉、漢堡包、肉眼扒、薄餅等，真的款款都想品嚐一下呢 ~炭燒紐西蘭 8 oz肉眼扒配紅酒鮮菌汁   $98我較喜歡牛扒以炭燒方式製法，覺得會特別香脆可口。這塊肉眼扒是五成熟，外皮燒得好焦香，肉質鮮嫩，不會燒到乾身，牛味濃郁，入口十分Juicy，配上紅酒鮮菌汁，帶出不同味道，更有層次感。餐湯是椰菜花粟米湯，每啖都飲到蔬菜的清甜味，配合塗上牛油的軟綿綿餐包一齊食 ，好吃  ; 炒得好香的意粉，食起來有少少鹹，軟硬度適中，不會過淋，有咬口，喜歡。馬來西亞燒春雞配洋蔥汁    $86原隻燒春雞都幾大隻，外皮燒得香脆可口，內裏嘅肉質保持嫩滑多汁，配上自家製嘅洋蔥汁，帶少少甜味，燒春雞的味道大大提升，好惹味  ;  薯條新鮮炸熟，香脆可口，口感十分豐富，而餐包沾了牛油

好耐冇食西餐。行完街，就黎Couple 's Kitchen ，被外面的綠色裝潢吸引住。忍唔住入黎嘆左個炭燒荷蘭豬肋骨配脆薯條。囡囡就要左西班牙海鮮飯配無中生柚飲品。炭燒荷蘭豬肋骨配脆薯條,愛好濃味的我。不能抗拒。如果豬肋骨焗耐些, 令入面得肉味更出, 另外,配香脆粗薯條。正。最衰冇叫啤酒,味道更佳。 而無中生柚飲品, 梳打水加柚子茶, 不會太甜. 感覺像有氣柚子茶估不到配香濃食物都好味叫左個西班牙海鮮飯套餐, (另加: $45., 轉其他特飲 $12)當晚以蕃茄忌廉湯配上迷你牛角包蕃茄味夠濃,質感不是Creamy 感帶有薯仔粒感牛角恍比較厚身脆口為主,不是一般軟身感海鮮飯以一隻鵝蛋形的不锈鋼碟襯托下, 即時增加食慾感飯以意大利飯為主,大粒又煙靱再以濃郁龍蝦汁溶和 入味後,鋪上少海鮮整體好多海鮮係飯中令你每一口, 有飯同海鮮.除了海鮮, 廚司配上雞肉,令飯內食物更豐盛,以我喜愛的橄欖作疏菜效果。啖啖滋味。

今日又在元朗試新餐廳。Couple's kitchen 是位於教育路，近元朗公園那邊，前身是另一間西餐廳Oliver。餐廳佈置簡約而帶點高貴，座位很寬闊，環境舒適。午餐時間是由11:30am到2:30pm。平日的午餐人客不算多。午餐選擇不少，有意粉，飯，薄餅，扒餐和漢堡。午餐連餐湯/沙律，包和飲品。我和朋友點了牛扒和茄汁意粉。午餐配迷你牛角包牛角包烤過帶點微脆，份量不算大，配午餐剛好。是日餐湯南瓜甘筍湯南瓜和甘筍打成蓉，口感非常滑溜,。南瓜和甘筍味道很清新，飲完都不會有膩的感覺。沙律汁是泰式的，應該加了魚露，少少鹹，帶點辣，都幾開胃。碳烤紐西蘭肉眼扒配薯條 $98這個牛扒要推介，份量有手掌般大，牛味非常濃郁。牛扒點了七成熟，但肉質仍非常嫩滑。質素很高的牛扒，$98，性價比超高。配菜有沙律菜和翠玉瓜，味道也是不錯，翠玉瓜輕微烤過，很香口。藍青口，大蝦，鮮魷魚茄汁意大利粉 $79賣相一般，但味道卻不錯。茄汁香口，不是太酸那種，而且加了芝士，令意粉更香口。青口是連殼的，煮得剛好，不算太硬。整個意粉不錯，只是大蝦，鮮魷魚份量比較少。飲品點了熱奶茶和凍奶茶熱奶茶幾好，有茶香。凍奶茶比較甜，叫少甜

教育路又有新餐廳，我梗係去試吓，今次係西餐廳，餐廳名叫Couple's Kitchen，我大約星期日12pm到，不用等位。地方不算太寬躺。我被安排坐門口位置，我問店員可否坐店內嘅梳化位，職員亦都好好話可以。上網睇依間餐廳係食意大利菜，但根據自己目測，覺得似西餐廳多啲，佢星期六日，只提供一份叫做Day Time Menu，價錢為$75-$105。我叫咗一份炸魚全日早餐set和8安士牛扒set。前菜方面可以選擇羅宋湯或者沙律，羅宋湯味道正常，也算足料，但比較細碗。沙律菜配泰式醬，味道有少少新奇，我有向店員查詢依個沙律醬嘅味道，店員亦都好好，話沙律唔啱食可以換一份羅宋湯給我。主菜方面，我先講講牛扒set，分量豐富，牛扒都有牛味，蔬菜有燒烤過嘅處理，薯條都幾好味。另外嗰份炸魚全日早餐，超級豐富，有炸魚，薯條，麵包，煙三文魚，雞蛋，煙肉，火腿，蘑菇，香腸，蕃茄等，這類全日早餐，好依靠食材本身嘅質素，依個價錢我覺得佢哋都幾足料，味道正常沒有驚喜。總結：以$120 一份早午餐，我覺得食材足料，味道正正常常，沒有驚喜。餐廳店員也有些要改善的地方，例如已送來食物但沒有用餐工具。全餐飯最有印象的是最後來的

呢間原本前身叫olive，有去食過tea 因好平又唔會話太迫～ 早排見話執但原來係裝修改名再開，見食在元朗d人話係同一班人做，但有幾個comment 話難食。見佢近近地裝修又靚左就去食個tea, 平平地試下伏唔伏…（之前olive 時星期日無tea 但而家有)入到去環境都舒服乾淨，但想講佢個裝修超似Ralph’s coffee,都係綠白金主色,又全部waitress都有牛仔布圍裙。咁既環境tea價錢確實係平既，$4x 個意粉連野飲,份量唔多不過個人覺得女仔啱啱好。是日意粉：係肉醬意粉，有d芝士喺面但唔多，有好多黑椒喺面所以食落黑椒味好強勁，肉醬味ok。跟餐凍奶茶唔滑奶味唔濃淡左d肉醬芝士熱狗：都ok,芝士好味腸個皮唔un,但個包好餐包味,伴碟沙律菜就爭d乾爭爭咁無乜汁。跟餐凍咖啡好味過個凍奶茶（個人鐘意偏甜/奶既咖啡所以ok)佢仲有d特飲都好似幾靚,下次可試

Place is new to YL so lots of people wanting to try it out.Tried the lunch to see if worth considering the dinner.Well......~ Nice setting, comfortable seating.~ Service is not bad, but staff a bit "green"~ Food, what we ordered, considered it so so.All sets include soup/salad, croissant, drinkWe ordered Salad as starter ~ sorry but I dont eat coriander and they used this to flavour the dressing (which was very salty). Couldnt eat any of it.We chose the Full Day Breakfast.Looks very impressive

同朋友係元朗食晏，重點要有啱我食嘅地方，朋友就話可以試吓呢間couple kitchen .中午飯時段，我地3大人4小朋友分2枱，店員都好好幫我地安排到2張靠近嘅枱。見周圍都多人食肉眼扒，可惜已售清，當時係1點幾，最後我就叫咗份bbq 雞胸。因生酮關係，我只試咗幾條薯條，都夠脆。雞胸唔算（鞋），亦幾香，係比我預期好，餐仲有湯或沙律同飲品跟。價錢方面亦算平民價，我地叫咗6個餐，包括1份吞拿魚意粉、3個漢堡包、1份pizza 同我呢個雞胸扒，都唔駛$600,所以食物質素收呢個價錢可以再有回頭下次試肉眼扒。

𓈏𝘾𝙤𝙪𝙥𝙡𝙚’𝙨 𝙆𝙞𝙩𝙘𝙝𝙚𝙣𓊦𝐿𝑖𝑛𝑔𝑢𝑖𝑛𝑒 𝐴𝑚𝑎𝑡𝑟𝑖𝑐𝑖𝑎𝑛𝑎 意式煙豬面頰肉芝士蕃茄扁意粉 𓂅面頭有滿滿嘅芝士碎，芝士味道好濃郁。而煙豬面頰肉幾有驚喜，帶有香濃煙燻味同充滿油脂香，肉質彈牙有口感，下次都會再試呢度其他嘅𝑝𝑎𝑠𝑡𝑎. 𓊦𝑅𝑜𝑎𝑠𝑡𝑒𝑑 𝐺𝑎𝑟𝑙𝑖𝑐 𝐶ℎ𝑖𝑐𝑘𝑒𝑛 𝑃𝑖𝑧𝑧𝑎 (𝑀𝑒𝑥𝑖𝑐𝑎𝑛 𝑆𝑡𝑦𝑙𝑒) 墨西哥免治雞肉薄餅 𓂅用上餅乾底嘅薄批，雞肉入味，面頭灑上唔少紅椒粉，整體幾惹味 𓊦𝐶𝑟𝑖𝑠𝑝𝑦 𝑝𝑜𝑟𝑘 𝑘𝑛𝑢𝑐𝑘𝑙𝑒 咸豬手配泰式醬 𓂅外皮脆口，但比一般咸豬手略嫌更咸左少少，令到肉味唔突出，配上泰式醬幾特別，如果飲住啤酒咁食應該會唔錯！ 𓇢呢開新開嘅餐廳環境幾舒服闊落，值得一讚嘅係幾位服務員都好有禮貌，服務貼心！ 𓊞 𝐶𝑜𝑢𝑝𝑙𝑒’𝑠 𝐾𝑖𝑡𝑐ℎ𝑒𝑛. 𝑆ℎ𝑜𝑝2-3, 𝐺/𝐹, 𝐹𝑢𝑘 𝐶ℎ𝑖𝑢 𝐻𝑜𝑢𝑠𝑒, 63-69 𝐾𝑎𝑢 𝑌𝑢𝑘 𝑅𝑜𝑎𝑑, 𝑌𝑢𝑒𝑛 𝐿𝑜𝑛𝑔, 𝑁𝑇

早晨行完山，回程時見路過一間新餐廳，下車走去試試看，進入餐廳所有待應對客人都好有禮貌，而且任選坐位，這個早餐是疫情下感覺坐得最舒服的餐廳，早餐雖然都只簡簡單單，但都算是用心做，好味👍👍👍👍不是一般茶餐廳求其做法，我叫了凍檸檬茶，來的大大杯，是我喜歡的茶色，好飲👍👍👍👍，整體唔錯，下次會再試其他款式！強調此店務員真的禮貌十足，有誠意！是現時香港食店很少見到！希望能維持不變，繼續努💪😁👍

第一次揀了元朗新開西餐食店，入門後職員安排入座，餐廳裝修不錯，樓底高沒有壓迫感，讓人感覺很舒服。職員介紹了廚師推介餐單，我們一行4人揀選了特別未試過的非洲雞和焗鱸魚和豬手。非洲雞很入味，而且有點椰香，更貼心下去骨處理，而豬手的皮很脆口，沒有油膩感。而鱸魚上檯時，覺得很特別，因用一個皮包住，還大鄉里問職員可否食落口，怎知原來是鹽皮不可吃的，未打開時還擔心會不會太咸，怎知反而不會，而且魚身很滑，果真值得推介。這食店除了食物好，價錢亦合理，期待再去光臨。

以前好少入元朗，疫情反而多左周圍走，真係愈黎愈多特色餐廳，今日做野經過比我見到呢間試業中嘅餐廳，Lunch Hour 真係排晒長龍 😂😂 見到裡里裝修幾靚，但原來價錢一啲都吾貴，一個西餐套餐包餐包、餐湯、飲品都係講緊$5X, 6X 🤩今次叫左：📍馬來西亞燒雞配洋蔥汁飯 $58唔知係個個都係咁定點，咁啱我地叫嘅燒雞係成隻髀咁上 🤩🤩 整體香口唔錯，係部分肉質有少少乾，配埋洋蔥汁就平衡番，發覺佢哋調嘅汁醬都OK，撈飯易入口🤭📍蕃咖喱🍛椰汁燴豬軟骨配意粉 $68份量足料，開頭以為係甜咖喱，但呢個係帶辣嘅，個汁好惹味，豬軟骨都易入口，啲骨比較硬，可以再”淋”啲就更加好🤤 📍課金Mode — 1. 特飲 粉紅知己 $252. Moon on Fire $25睇到Drink Menu 見到啲特飲名好特別，引起左我哋嘅好奇心😮 同朋友忍唔住一人課金左一杯🤑跟住黎到好有驚喜，啲顏色好岩打卡 🤣 主要係火龍果成份，有配梳打，所以兩杯都好fresh，啱夏天飲 🍹 🍚 飯後感Menu 睇落好多款式，特別係Drink Menu感覺幾吸引，有機會都想試埋其他。環境舒適，可以等試業後再黎試吓Dinner，應該幾好