Cova Ristorante & Caffe (又一城)

營業中

休息中

今日（10/4/2022）天氣熱，心情麻麻，同朋友走到九龍塘行吓，好耐無食蛋糕，便心思思，選了一會，都係買水菓芝士蛋糕最好。仍是以前味道，水菓好新鮮，好味，飯後一家人齊齊食。

Raspberry Dome🎂 ($258)Cova 由細個已經聽呢個名，最出名係海棉蛋糕，就揀咗呢款半磅裝嘅海綿蛋糕試吓，啱晒兩三個人share見到賣相幾靚，顏色鮮艷，海棉蛋糕質地鬆軟，口感好輕盈，而且同啲忌廉嘅層次分明，大概有三至四層到，而紅桑子忌廉有微微嘅紅桑子味但奶味比較偏重，而裏面都有啲果肉，增加口感，味道只可以話係中規中矩。📍 Cova Ristorante & Caffe (又一城) (九龍塘)九龍塘達之路80號又一城LG1層10-11號舖

朋友年頭已經送咗張免費afternoon tea 券比老公做生日禮物，點知一直都唔記得用，好在執嘢搵返出嚟，百忙都抽時間去用左佢！2:30-5:30 時段！4:30 來到大概等左10 分鐘都冇就有得食！唔係茶點架係box set packing!最有印象係和牛多士同檸檬魚子醬三文魚，新鮮入味！入口即溶👍其他甜點也不錯，大概因為這個品牌都不會失準！員工有介紹先吃咸點再吃甜點！服務態度有禮值得讚，對比海港城呢度服務質素更高級！怪不得臨走有位疑似經理都叫我哋做服務問卷調查，可能係因為好有信心我會比滿分吧🤣最後驚喜係我使用的優惠卷連加一都免！而且有正價收據！可以免費泊車！

今日到傳統典雅的cova 享用晚餐。cova 一向予人很寧靜的感覺，今次當然不例外。剛坐下，waitress 先端上一籃熱騰騰的麵包，然後耐心介紹今日的menu, 特別要讚下waitress 嘅細心態度，提醒我們先到cake corner 選好甜點，預留晚一點品嚐。點了二人套餐Signature Italian Antipasti platter - 有傳統parma ham, goat cheese，salmon ，再加上釀滿芝士的小波椒等，酸酸鹹鹹，胃口大增。極品龍蝦濃湯- 味道不及個名字咁‘濃’ ， 比較普通炭燒龍蝦海鮮拼盤 - 賣相吸引，但份量不算太多和牛肉醬千層麵 - 做法傳統簡單而好味，讚！藍梅芝士蛋糕 - cova 鎮店之寶，芝士控必食小小總結，去cova 意大利餐廳，識點菜一定點pasta、芝士、甜點，必定讓你滿意。

今日在九龍塘 Cova 店外賣左個藍莓芝士蛋糕番屋企嘆，加埋自己打既芝麻糊，嘆番下先😆呢個藍莓芝士蛋糕，誠惠$45，蛋糕面上有甜甜酸酸既藍莓醬，相對黎講比較水d，唔似其他既咁固身，而芝士蛋糕係比較滑既，餅底係甜既曲奇底，我都覺得唔錯，$45一件真係有點貴，試過一次就知道味道了。

放假無咩做就同屋企人黎cova high tea，下午茶時間黎就叫左個tea set 兩個人食下傾下計就甘過一個愉快嘅下午。個tea set夠晒精緻，見到每一枱都差唔多叫左一set😋😋打卡黎講真係一流。難怪每一枱既人都同佢地影一輪先開始食😍😍鵝肝三文治真係唔錯，推介👍🏻其他甜點同鹹點都係有質素，無記錯好似係五百零蚊，仲包埋兩杯野飲。睇落去好似好少野食甘，但傾下食下都真係足夠，有興趣可以一試。不過平日去都最好book位，因為都好full

行街行到攰攰地想搵達靚啲嘅地方坐低，所以我們決定試試這間的午餐。平時買生日蛋糕買開芒果味，今次既然有得一件一件咁order，所以就試吓這個紅莓味。這個豬有一定的厚度，但同時內心是熟的，薯蓉上面插着青蘋果，好像兔仔一樣。麵包幾有特色，有扭扭條和餅乾。

朋友都係要聚、大家真係各有各忙嘅、但都就倒時間、只有Afternoon tea嘅時間。當然要坐得舒服啲，食好啲，放鬆啲，傾吓計啦！這間非常好、超班滿足晒願望。我嘅Afternoon tea各款都好特色、精緻、甜度適中、我好喜歡😘。

又係嗰句啦，作為知慳識儉的我當然是有restaurant week的時候才去高級餐廳。咖啡是重點，服務是重點，就算不是酒店入面，只是商場入面，它的服務同高級酒店冇分別。

特别喜欢去九龍塘Cova,呢度職員好有礼貌，好明白顧客需要 ，比较專業，環境還可以，喜欢和朋友坐里面，坐得耐，傾解好地方。晚餐午飯都去过，午餐價格抵些。我一向会Encore沙律頭盤。巴拿馬火腿配密瓜及煙三文魚是至爱，故肯定encore.四月份去吃午餐冇喜欢的猪扒餐，只好選三文魚，味道一般。但仍会去。

之前因為試過買件裝意大利芝士蛋糕食，所以上星期訂咗個兩磅蛋糕慶祝爺爺生日， $880意大利芝士蛋糕價錢一啲都唔平，星期六取蛋糕，食完晚飯過後攞蛋糕出嚟切餅慶祝，食的時候個蛋糕個餅底有口又硬又凍，一啲新鮮感覺都冇，完全都不是新鮮做的，非常非常失望咁嘅價錢有這一個蛋糕。個人認為，新鮮的就放在堂食，訂貨的就買剩俾你，唔知有冇其他人同我有咁嘅感受，下次我訂LadyM好過，價錢又平啲，我真係唔好彩。冇下次，差差差

朋友生日，當然要搵個好地方，慶祝一吓！疫情下，餐廳環境好重要，枱與枱之間要有距離，又要衛生清潔，Cova係一個好選擇👍🏻午餐時間，有Set Lunch，好豐富！先來個沙律拼盤，以前係半自助形式自己出去攞，但因為疫情，現在係送餐形式送上。食完一碟後，侍應很有禮貌地問需唔需要再來一碟，很貼心！麵包種類很多，最欣賞芝士條，軟硬適中！龍蝦湯，有數件龍蝦肉，有口感。主菜，我和朋友share一齊食。三文魚，美味可口。龍蝦意粉，有隻蟹鉗，鮮味！甜品，當然唔少得啦！朱古力慕絲蛋糕芒果千層蛋糕最後還送上優惠劵，食晚餐或買蛋糕都可以用，真吸引啊😊

今朝搭緊地鐵，返緊工，黑雨。公司話唔使返住先，等黑雨完咗再返。我望下線路圖，喺黃大仙落咗，搭返去九龍塘，喺又一城行行企企，坐下 Starbucks ，睇下雨，打發咗一朝。到十一點零，冇黑雨嘞，公司就話下晝返。咪喺度食埋先囉。呢間 Cova ，出面睇就好奢華嘅，其實只係啲燈光黃啲啫。坐低都會問飲啲咩啊，要唔要啲果汁咁。我話水，又一時口快講咗 sparkling。其實暖水最好：黑雨天，冷氣係咁吹，我都打曬冷震，飲唔到幾啖，咁又搣多一百。麵包只係普通白麵包，入口成糊，黐曬牙。是日餐湯喺小雲吞牛肉清湯。佢哋嘅匙羹磨花咗少少。一轉頭，見到一位政治人物，都食緊嘢。龍蝦麵，有一隻鉗，計埋啲粒粒，應該擺咗半隻落去嘅。冇咩問題，幾好食。最後五百零幾。就係嗌多咗支水。食埋，就好去返工啦。

早餐order 左Eggs Benedict竟然有一隻蛋爆左黃🤦我冇expect過係Cova會食到爆左黃既Eggs Benedict我食Eggs Benedict就係為左佢個流心黃流岀黎嗰下🥲。。。Fair d 講，冇爆蛋黃嗰件ok個bacon 好食，脆而唔燶，半透明既fat，肉味係唔同layer 既肉係有分别，有層次感👍個sauce 都唔錯，偏淡既hollandaise sauce，同其他食材平衡到，份量亦啱啱好，唔會浸住個包，亦唔會唔夠個包用左Focaccini，穌脆得黎唔硬，亦都唔會痴牙，幾好個伴碟沙律新鮮，正常發揮飲品我order 左melange，熱朱加whipped cream,好飲👍服務態度好👍

今年媽咪生日，專登買咗個之前從來未試過嘅國際知名品牌COVA嘅生日蛋糕，同其他好出名嘅牌子一樣佢都有得揀半磅同一磅裝👍🏻今次試過意大利芝士蛋糕🍰Tiramisu cake 半磅裝 ($238)，成個蛋糕影相出嚟好靚，雖然舖頭係出名朱古力，但今次個芝士蛋糕同樣做得好出色😍個蛋糕分成三層，包括有面頭同埋中間好滑嘅意大利慕絲醬、兩層嘅香濃咖啡味道同好軟滑嘅蛋糕、同埋最底層嘅超級薄曲奇餅底，層次好夠令到成個蛋糕嘅好味道昇華，仲出奇地唔太甜添，下次真係可以試吓佢嘅其他味！店員嘅禮貌仲好好，俾我哋揀鍾意嘅絲帶顏色同不停地提點我哋要盡快擺落雪櫃啊