Croissant Taiyaki

營業中

休息中

店名：Croissant Taiyaki 地點：崇光百貨菜式：日式鯛魚燒，章魚燒原味正宗章魚燒8粒 $48呢個價錢有8粒，原味正宗章魚丸熱辣辣，外皮少少脆，入面大大粒章魚肉，好彈牙，入面好淋滑，面頭加上少少沙律醬同木魚花，味道口感唔錯，小心熱！醬汁可以再多d，沙律醬就唔太夠。總括而言，章魚燒好食過鯛魚燒。好多人排隊買章魚燒，有張小小既枱比你堂食，仲可以欣賞店員即刻製作章魚燒。下次再試試其他章魚燒口味先。

同朋友喺附近食完晚飯有少少口痕想食啲甜嘢但係又唔想坐定定去食糖水就落咗去SOGO地庫B2一早已經有聽過呢一間野～知道佢哋除咗日式鯛魚燒…明太子章魚燒都好出名不過今次我想嚟食啲甜嘢，所以就揀咗鯛魚燒買咗一盒6塊鯛魚燒總共有四隻味分別係紅豆吉士醬抹茶同埋朱古力我自己就最鍾意食吉士味同埋朱古力味會建議先食吉士醬再食朱古力醬因為朱古力味好濃，建議擺最後先食鯛魚燒個皮係由酥皮做個面仲有少少焦糖，甜甜脆脆始終酥皮呢啲嘢都係建議大家買咗之後盡快食

依個鯛魚燒嘅皮係酥皮做嘅，所以食起上嚟就有少少似係食緊牛角包，薄薄一塊，口感都幾酥脆，仲有少少焦糖嘅味道，幾香口！雖然有餡嘅地方口感稍微冇咁脆，不過整體都冇太大嘅影響。鍾意食牛角包嘅朋友應該都會鍾意依款鯛魚燒！朱古力味幾香的，不會過甜或太漏，吉士打餡嘅奶香味幾濃，紅豆餡個人就認為偏甜左少少，抹茶口味暫時未試過，但前三者入面，我個人比較鍾意朱古力味！依度冇提供任何枱或櫈，但都係建議大家買左之後盡快食，或者返屋企之後將鯛魚燒放入焗爐/氣炸鍋翻熱，因為鯛魚燒凍左嘅口感會冇咁好食。

店名：Croissant Taiyaki 地點：崇光百貨菜式：日式鯛魚燒，章魚燒芝士明太子章魚燒 $52呢個價錢有8粒，店員將芝士條同明太子醬加落章魚燒度， 仲有紫菜碎，中間多汁既章魚燒就無脆皮，邊邊位章魚燒就多脆皮。食落章魚燒熱辣辣，入面的確有大大粒煙韌章魚粒，d料都軟同濕潤，味道唔錯。個醬都唔錯，不過無想像中辣。醬汁可以再多d。總括而言，章魚燒好食過鯛魚燒。下次再試試普通味道章魚燒先，平$4。

鯛魚燒六尾禮盒裝 $110鯛魚燒六尾禮盒裝可以任選口味，我地四款口味都有選。個盒有隔隔開每條鯛魚燒。先食抹茶口味，抹茶鯛魚燒係綠色，個酥皮唔太酥，個抹茶餡較乾身，因為凍左，抹茶味都麻麻，失望。第二條食紅豆味，紅豆個酥皮較酥脆同甜少少，個餡一樣較乾，如果係暖暖地紅豆化開會好食好多，不過都比抹茶好。朱古力味我試左一啖，朱古力味都好香濃，我覺得朱古力味可能最好食。最後吉士打我就無試，有杏仁。總括而言，呢個質素黎講價錢非常貴，我返屋企整熱左一條紅豆味食就好d，不過個餡都係乾乾地，要拎返屋企整熱好麻煩。下次改食出爐蛋撻好過。

章魚燒係唔少人掃街既至愛，要食好味既葵芳旺角一定有得食，但去到銅鑼灣都竟然有章魚燒係覺得唔錯🤣話說同fd行sogo 行到肚餓，就落左超市個層搵野食。因就到晚飯時間，所以諗住輕食一下，點知就見到呢間舖好多人排隊啦😍呢度既章魚燒都係即叫即做，口感外脆內軟，燒得好鬆脆，而且章魚好大粒🫢入口時已經品嚐到彈牙章魚，配埋燒汁同沙律醬，熱辣辣食超正！唔知大家係咪同我一樣，食章魚燒都會為左食木魚碎🤣所以我叫師傅再額外落番d比我🤣

SOGO感謝祭經過超市見到做緊promotion$100/6 ，超級抵，見到就諗起日本好掛住去旅行🧳🥹，比較夜去到本來有四款口味去到只得返三款鯛魚燒🐟（$100/6）每個鯛魚燒都會有呢個牛角包酥皮係周圍包住，仲有焦糖，非常之酥脆🤩吉士🥛奶香味會比較重，夠香甜紅豆🫘係最傳統嘅口味，紅豆係用咗北海道嘅紅豆都好香濃軟滑抹茶🍵識落都幾特別，有抹茶味之餘仲大有少少回甘😬

好耐無食鯛魚燒，今日特登黎Sogo呢間Croissant Taiyaki買，上次食都仲係18蚊，而家加到20蚊一條。口味有4款，除咗朱古力，我每樣要左1條。服務員用紙包住每一條鯛魚燒，然後用個膠袋裝住比你，非常之唔美觀。抹茶鯛魚燒其實呢度用左法式牛角包酥皮黎整成鯛魚樣，入面包住唔同餡料。上手係唔暖，不過好彩係唔影響口感。鯛魚燒外部係非常之薄脆而酥化，非常香口。而中間部分咬落去就帶點煙韌，加埋餡料就夠特別。抹茶味雖然呈綠色，不過抹茶味唔太出，我鍾意呢個抹茶餡唔會太硬或乾。紅豆鯛魚燒就稍微同酥皮唔夠融為一體。吉士打鯛魚燒就最差，唔夠滑溜。食完都有油膩感，不過真心酥皮係好好食，又脆又香口中帶煙韌，呢個口感其他地方少食到。呢個價錢食到呢個口感都算係可以呀。

好耐冇食Croissant Taiyaki嘅鱆魚燒，今日喺崇光經過見到有新口味，仲要啱啱整好，即刻幫襯先。芝士明太子鱆魚燒 $52八粒芝士明太子鱆魚燒其實係原味鱆魚燒上面加上大量芝士同明太子醬，明太子醬唔辣，夠濕潤，加上大量芝士更邪惡，係拉絲架。等左一陣先食就好d，否則會太辣口。鱆魚燒仲有少少脆皮，入面好足料，真係食到有鱆魚粒，仲有葱花，質感濕潤，質素唔錯。包裝衛生，用膠袋入住，方便攞走。服務員附上竹簽，自己攞tissue。

之前已經試過一次呢間既鯛魚燒，印象中都唔錯所以經過就久違買左件返屋企食😋。🔅クロワッサンたい焼(ショコラ) ($20)Lunch time去到唔使等即刻有，不過就唔熱，但我都係返屋企氣炸先食所以唔緊要😂。一氣炸完已經聞到好香🤤。呢間既鯛魚燒最特別係酥皮黎🥰，同傳統既唔同，所以會更香，有少少酥脆既口感。不過朱古力味都唔算好濃，同埋鯛魚燒本身都偏薄，所以中間既餡就唔多。💬其實都唔知當佢係銀だこ定Croissant Taiyaki😂，舖位係一樣，不過openrice又搵到Croissant Taiyaki😳，總之都係under同一間母公司😝(旗下原來仲有銀咖哩同KARAYAMA)。幾間我都鍾意食😂，價錢唔算好貴，久唔久都會想轉下口味食返次😋。

辛苦翻工咗成日，嚟到sogo地庫嗰層買少少甜點獎勵下自己。地庫有好多食物選擇，最基本都有好幾間蛋糕店，仲有泡芙同鯛魚燒等等。蛋糕同泡芙成日都食，後尾揀咗croissant taiyaki嘅鯛魚燒，之前係晏晝新鮮出爐嘅時候買過，真係好脆好香內餡亦唔會太甜。今次就買咗朱古力味同吉士味，翻到屋企洗完手即刻咬一啖，四邊都係脆口但唔好食，內餡凍哂食到人口淡淡，吸引唔到口水分泌要拎去焗熱返就好食啲，不過最好食都係新鮮出爐嘅時候。

Sogo thankful week 做特價鯛魚燒$100有6個，個人比較鍾意green tea同red bean, 都幾抵食；不過最好趁熱食，凍咗會少少淋，翻熱食要用焗爐先會脆返！

收銀個妹妹本身態度都已經麻麻，叫我較光啲個mon dod 會員QR code 淨係就咁講「較光啲」，冇尾音既，買完多謝都冇句。買咗一件custard 吉士鯛魚燒返屋企先食，頂入面一滴custard 都冇！點解可以咁「那西」？啲食物冇quality control? 唔怪之得隔離間間都排長龍，得佢一間完全冇人排隊。最慘買咗返屋企先至發現，冇得退貨，$20 就咁買咗塊炸麵包。Never return and black listed.

因為崇光感謝祭所以去行咗一圈，上面放完血見仲有時間就去下面超市行吓，自從唔再喺銅鑼灣住，就已經好多年冇去崇光。個超級市場都變咗好多，唯一冇變嘅就係仲係好多特別嘅美食。今次見到呢間用酥皮整嘅鯛魚燒，單買$20一個，買五送一崇光感謝祭做緊$100 ，四種味道：紅豆，綠茶，朱古力，同埋吉士，見咁抵食，就買咗6個：三個朱古力，兩個綠茶，同一個紅豆，因為屋企冇人鍾意食吉士，所以冇試。可能我自己本身都好鍾意食酥皮，所以覺得呢個鯛魚燒超好食，冇餡嘅地方卜卜趣，有餡嘅地方雖然林身d但依然非常美味！比起平時似蛋糕質感嘅傳統鯛魚燒，呢個真係香口美味好多，而且凍食都唔覺得味道差咗，相反嗰啲啱啱焗起嘅傳統鯛魚燒，如果唔係即刻食，就會好易焗到發水，所以我覺得呢個酥皮鯛魚燒冇得輸！同一間舖頭都有章魚燒賣， $48/8粒，又係大大粒好好味！連成個食家咁款嘅大公主都話超好食，佢話無論你喺邊度買都好，呢隻章魚燒超好味🙄🤣

想記錄低呢個食上癮嘅 #鯛魚燒 🎏 某日食完個難食lunch 唔滿足 本身諗住買件🍰點知喺sogo兜完2個圈 最後走咗去試呢間從未試過嘅鯛魚燒🤣🎏抹茶鯛魚燒 $20食落去驚喜 拎到上office都仲脆卜卜😍甜甜地 入面係充滿抹茶醬😍😍食完成個人開心哂🥳早知買2個啦😋另外 佢亦有吉士 & 紅豆味 不過2樣都not my friend😂大家可以試一試